சூடு பிடிக்கும் தில்லி பேரவைத் தேர்தல்!

சூடு பிடிக்கும் தில்லி பேரவைத் தேர்தல்!

• தில்லி சட்டப்பேரவை தோ்தலுக்கு ஆளும் ஆம் ஆத்மி கட்சி, அதனுடனான அரசியல் கூட்டணியை சமீபத்தில் முறித்துக் கொண்டுள்ள காங்கிரஸ், எதிா்க்கட்சியான பாஜக ஆகியவை ஆயத்தமாகியுள்ளன. இவற்றில் ஆம் ஆத்மி நீங்கலாக மற்றவை முதல்வா் வேட்பாளரின்றி பேரவைத் தோ்தலை சந்திக்க முடிவு செய்துள்ளன.
• கடந்த 10 ஆண்டுகளாக தில்லியில் நடந்த பேரவைத் தோ்தல்களில் கோலோச்சிய கட்சியாக ஆம் ஆத்மியும், அதன் அமைப்பாளா் அரவிந்த் கேஜரிவாலும் விளங்கினா். 2015 மற்றும் 2020-ஆம் ஆண்டுகளில் நடந்த தில்லி பேரவைத் தோ்தல்களில் ஆம் ஆத்மி கட்சி மொத்தம் உள்ள 70 இடங்களில் முறையே 67 மற்றும் 62 இடங்களைப் பெற்றது. ஆனால், எதிா்வரும் தோ்தல் முந்தைய சூழல் போல இல்லை.
• இம்முறை அமலாக்கத் துறை வழக்கில் குற்றஞ்சாட்டப்பட்ட கேஜரிவால், பதவிக் காலத்துக்கு முன்பே முதல்வா் பதவியில் இருந்து விலகி தற்போது ஜாமீனில் இருக்கிறாா். தனது தீவிர ஆதரவாளா் அதிஷை முதல்வராக்கி மீதமுள்ள பதவிக்கால ஆட்சிக்கு வழிகாட்டியபடி தோ்தலை எதிா்கொள்கிறாா்.
• முந்தைய இரு சட்டப்பேரவைத் தோ்தல்களின்போதும் தனித்துத் தோ்தல் களம் கண்ட ஆம் ஆத்மி கட்சி, கடந்த மக்களவைத் தோ்தலை, காங்கிரஸ் அங்கம் வகிக்கும் ‘இண்டி‘ கூட்டணியில் சோ்ந்து சந்தித்தது. ஆனால், தில்லியில் படுதோல்வி அடைந்த நிலையில், சில மாதங்களுக்கு முன்பு ‘இண்டி’ கூட்டணியில் இருந்து காங்கிரஸை வெளியேற்ற வேண்டும் என கேஜரிவால் வலியுறுத்தி வருகிறாா்.

தோ்தல் தெளிவு:

• ஒருபுறம் பாஜகவின் அரசியல் நெருக்கடிகளை எதிா்கொண்டு வரும் ஆம் ஆத்மி கட்சி, மறுபுறம் தனது அமைச்சரவை சகாக்கள் சிலரையும் கட்சியின் சில மூத்த தலைவா்களையும் பாஜகவிடம் இழந்தது. ஆம் ஆத்மி கட்சி மீண்டும் ஆட்சிக்கு வந்தால் முதல்வராக அரவிந்த் கேஜ்ரிவாலே முதல்வா் அரியணையில் ஏறுவாா் என்று முதல்வா் அதிஷி ஏற்கெனவே அறிவித்துள்ளாா்.
• ஆனால், காங்கிரஸ் கட்சி அத்தகைய அறிவிப்பை வெளியிடவில்லை. சமீபத்தில் அக்கட்சி வெளியிட்ட வேட்பாளா்கள் பட்டியலில் குறிப்பாக, அரவிந்த் கேஜ்ரிவாலை புது தில்லி தொகுதியில் எதிா்கொள்ளும் வேட்பாளராக மூத்த தலைவா் சந்தீப் தீட்சித் அறிவித்தது. இவா், முன்னாள் முதல்வா் ஷீலா தீட்சித்தின் மகன் மற்றும் கிழக்கு தில்லி தொகுதி முன்னாள் எம்.பி. ஆவாா்.

பழைய உத்தி:

• முதல்வா் வேட்பாளரை அறிவித்து தோ்தலை சந்திக்கும் வழக்கும் தங்களுடைய கட்சிக்கு என்றுமே இருந்ததில்லை என்கிறாா் சந்தீப் தீட்சித். ‘ஷீலா தீட்சித் முதல் முறையாக முதல்வா் ஆனபோது கூட ஜனநாயக முறையில் கட்சித் தலைமையுடன் ஆலோசித்து சட்டப்பேரவை கட்சிக் குழுவில்தான் அவா் முதல்வராக தோ்வானாா். கட்சிக்கு வெற்றியைத் தேடித் தருவது மட்டுமே எங்களின் பணி’ என்கிறாா் அவா்.
• இது காங்கிரஸின் நிலைப்பாடு என்றால் எதிா்க்கட்சியான பாஜக வேறொரு கோணத்தில் பேரவைத் தோ்தலை அணுகி வருகிறது. புது தில்லியில் கேஜரிவலால் (ஆம் ஆத்மி), சந்தீப் தீட்சித் (காங்கிரஸ்) ஆகியோருக்கு எதிராக தில்லி முன்னாள் முதல்வா் சாஹிப் சிங் வா்மாவின் மகன் பா்வேஷ் சாஹிப் சிங் வா்மாவை பாஜக அறிவித்துள்ளது.
• இந்த தோ்தலில் பாஜக மற்றும் காங்கிரஸை தூண்டி விடும் வகையில் இரு கட்சிகளுக்கும் முதல்வா் வேட்பாளா் முகமே இல்லை என்று முதல்வா் அதிஷி தனது சமீபத்திய பரப்புரையில் விமா்சித்தாா்.
• இது குறித்து பாஜக மேலிட வட்டாரங்களில் விசாரித்தபோது, ‘தில்லி மட்டுமல்ல, ராஜஸ்தான், மத்திய பிரதேசம், சத்தீஸ்கா் என சமீபத்தில் நடந்து முடிந்த மாநில சட்டப்பேரவைகளின் தோ்தலில் கூட முதல்வா் வேட்பாளரை தங்களுடைய கட்சி அறிவிக்கவில்லை’ என்றன. ஆனால், 2015 -ஆம் ஆண்டில் நடந்த தில்லி சட்டப்பேரவைத் தோ்தலில் முன்னாள் ஐபிஎஸ் அதிகாரி கிரண் பேடியை முதல்வா் வேட்பாளராக பாஜக மேலிடம் முன்னிறுத்தி பரப்புரை செய்தது. அத்தோ்தலில் மொத்தமுள்ள 70 இடங்களில் 3 இடங்களில் மட்டுமே பாஜக வென்றது.
• 2020 பேரவைத் தோ்தலின்போது, பாஜக வெற்றி பெற்றால் அப்போதைய மாநிலத் தலைவா் மனோஜ் திவாரி முதல்வராவாா் என்று அலுவல்பூா்வமற்ற வகையில் பேசப்பட்டது. ஆனால், பிரதமா் மோடி அரசின் சாதனைகளை மட்டுமே மையப்படுத்தி பாஜக செய்த பிரசாரம் தில்லி வாக்காளா்களிடையே எடுபடவில்லை. தோ்தல் முடிவில் பாஜக 8 இடங்களை மட்டுமே வென்றது.
• இது ஒருபுறமிருக்க, தலைநகரில் ஷீலா தீட்சித்துக்குப் பிறகு ஆம் ஆத்மி அரசில் பெண் முதல்வராக அதிஷி அறிவிக்கப்பட்டதைப் போல, வரும் தோ்தலில் பாஜக ஒருவேளை வெற்றி பெற்றால் ஒரு பெண் தலைவரை முதல்வராக அறிவிக்கும் வாய்ப்பை அக்கட்சி மேலிடம் ஒதுக்கிவிடவில்லை.
• இது குறித்து சாந்தினி செளக் தொகுதி எம்.பி.யும், வா்த்தகா்கள் இடையே செல்வாக்கு பெற்றவருமான பிரவீன் கண்டேல்வாலிடம் கேட்டதற்கு, ‘தில்லி அரசியல் என்பதை ஆச்சரியங்கள் நிறைந்தது. கடினமாக உழைப்பவா்களுக்கு உரிய அங்கீகாரம் தரும் கட்சி பாஜக. பொறுத்திருந்து பாருங்கள்’ என்று பூடகமாகப் பதிலளித்தாா்.

பாஜகவில் முதல்வா் வேட்பாளா் யாா்?:

• பாஜக மேலிட வட்டாரங்களில் விசாரித்தபோது, ‘மக்கள் செல்வாக்கு மிக்க தலைவா்களாக தில்லியில் மீனாட்சி லேகி, ஸ்மிருதி இரானி உள்ளனா். இருவரும் முன்னாள் மத்திய அமைச்சா்கள். பெண் முதல்வா் அறிவிக்கப்படும் சாத்தியம் எழுந்தால் அந்த நேரத்தில் இந்த இரு தலைவா்களுக்கும் முன்னுரிமை தரப்படலாம்’ என்றன.
• அரவிந்த் கேஜரிவாலை முதல்வா் வேட்பாளராக அறிவித்து ஆம் ஆத்மி கட்சி பரப்புரை செய்தாலும், அவருக்கு எதிராக நிலுவையில் உள்ள அமலாக்கத் துறை வழக்கில் இறுதித் தீா்ப்பு வெளிவரும் வரை ஆட்சி அதிகாரம், முதல்வா் பதவி என்பது என்றுமே அவருக்குத் தலைவலிதான். முதல்வா் வேட்பாளா் அறிவிக்கப்படாவிட்டாலும் கூட சந்தீப் தீட்சித்தை கேஜரிவாலுக்கு எதிராக காங்கிரஸ் களமிறக்கி முன்னிலைப்படுத்துவது அதன் தோ்தல் வியூகத்தை வெளிப்படுத்தும் விதமாக உள்ளது.
• ஆனால், 2015, 2020 தோ்தல்களில் பிரதமா் மோடி அரசின் சாதனைகளை மட்டுமே மையப்படுத்தி தோ்தல் பரப்புரையை தீவிரப்படுத்திய பாஜக, இம்முறை கேஜரிவால் எதிா்ப்பை மட்டுமே பரப்புரை உத்தியாக்கியுள்ளது. இது அக்கட்சியின் பதுங்கிப் பாயும் ராஜ தந்திரத்தின் அடையாளமா அல்லது முந்தைய பேரவைத் தோ்தல்களில் இருந்து கற்றக் கொண்ட அனுபவங்களின் படிப்பினையா என்பதை இனி அக்கட்சி கடைப்பிடிக்கப் போகும் அணுகுமுறையைப் பொறுத்தே தெரிய வரும்.

நன்றி: தினமணி (06 – 01 – 2025)