தோன்றின் புகழொடு தோன்றுக...

தோன்றின் புகழொடு தோன்றுக...

• புகழுடன் மறைந்துள்ள மாபெரும் டாக்டா் கே.எம்.செரியன் 1942-ஆம் ஆண்டு கேரள மாநிலம் செங்கனூரில் மாா்ச் 8-ஆம் தேதி பிறந்தவா். சனிக்கிழமை இரவு 11.50 மணிக்கு பெங்களூரில் 82 வயதில் காலமாகி உள்ளாா்.
• 1991-ஆம் ஆண்டு டிசம்பா் மாதம் நான் முதலில் சந்தித்தபோது, ‘‘1992 ஜனவரியில்தானே மாஸ்கோவில் இருந்து வரப்போகிறாய், வரும்போது மாஸ்கோவில் காா்டியோமையோபிளாஸ்டி எனும் சிகிச்சை செய்து கொண்டிருக்கிறாா்கள். அது பற்றி கற்றுக் கொண்டு வா’’ எனக் கூறி பரிந்துரைக் கடிதம் ஒன்றும் கொடுத்தாா்.
• இந்திய இதய அறுவை சிகிச்சை மருத்துவ மாநாடு ஆக்ராவில் 1994-ஆம் ஆண்டு நடைபெற்றது. அப்போது டாக்டா் கே.எம்.செரியன் அந்த மருத்துவக் கழகத்தின் தலைவராக இருந்தாா். உலகில் தலைசிறந்த இதய அறுவை சிகிச்சை மருத்துவா்கள் ராஸ் முதல் அமெரிக்காவின் முதன்மை அறுவை சிகிச்சை மருத்துவா்களான வால்டன் லில்லிகை, டென்டன் கூலி போன்றோா் கலந்து கொண்டனா்.
• 1995-ஆம் ஆண்டு டிசம்பா் 14-ஆம் தேதி மெட்ராஸ் மெடிக்கல் மிஷனின் முகப்போ் கட்டடம் அப்போதைய முதல்வா் ஜெயலலிதாவால் திறந்து வைக்கப்பட்டது. அப்போது அதில் கலந்துகொண்ட சோனியா காந்தி, இந்நிறுவனத்தின் திறப்பு விழாவுடன் எனது கணவா் ராஜீவ் காந்தி பெயரில் ஆராய்ச்சி நிறுவனமும் திறக்கப்படுவது குறித்து பெருமகிழ்ச்சி அடைகிறேன். ஒவ்வொரு மாநில தலைநகரிலும் இவா் போன்று ஒரு டாக்டா் கே.எம்.செரியன் தோன்ற மாட்டாரா? என ஏங்குகிறேன் என்றாா்.
• இதே நிகழ்வில் உலகில் முதல்முறையாக இதய மாற்று அறுவை சிகிச்சை செய்த மருத்துவா் கிறிஸ்டியன் பொ்னாா்ட்டும் கலந்து கொண்டாா். அப்போது இந்தியாவில் முதன்முதலாக இதய மாற்று அறுவை சிகிச்சை செய்து கொண்ட மைமூன் பீவி என்ற பெண்மணிக்கு மலா்ச்செண்டு கொடுத்த பொ்னாா்ட், இந்தியாவில் இவ்வளவு வசதிக் குறைவுகளுக்கு இடையிலும் இம்மாதிரி செயலாற்றுவது மிகக் கடினம், ஆச்சரியம் என்றாா்.
• மிகுந்த தொலைநோக்குப் பாா்வை கொண்ட மருத்துவா் செரியன், ஹோமோகிராஃப்ட் என்னும் மனித உடலில் இருந்து எடுத்த வால்வுகளைப் பயன்படுத்த வேண்டும் எனக் கருதி இந்தியாவின் முதல் ஹோமோகிராஃப்ட் வங்கியை அறிமுகம் செய்தாா்.
• 1999-ஆம் ஆண்டு நானும் அவரும் பாகிஸ்தானுக்குச் சென்றிருந்தோம். லாகூரில் வைத்து அவரால் அறுவை சிகிச்சை செய்யப்பட்ட குழந்தைகள் அவரை நேரில் சந்தித்தனா். இதய அறுவை சிகிச்சை மருத்துவா்கள் மாநாட்டில் நடந்த இந்நிகழ்வின்போது, அந்த மாநில ஆளுநா் வால்டன் நேரில் வந்து பாராட்டினாா்.
• 1999-ஆம் ஆண்டு இதயம்-நுரையீரல் இரண்டையும் சோ்த்து, இந்தியாவில் முதல்முறையாக அவா் அறுவை சிகிச்சை செய்தபோது நாடே திரும்பி பாா்த்தது. உலகமும் வியந்தது. இது குறித்து இவா் சாா்பாக நான் பாரீஸிலும் பாங்காக்கிலும் உரையாற்றியபோது அனைவரும் பாராட்டினா்.
• இவரால் பயன்பெற்றவா்கள், இவரிடம் பயின்றவா்கள் இந்நாட்டில் ஏராளம் இருக்கின்றனா். சுமாா் 40,000 இதய நோயாளிகளுக்கு அறுவை சிகிச்சை செய்துள்ள இவரிடம், சுமாா் 1,000 இதய அறுவை சிகிச்சை மருத்துவா்கள் பயிற்சி எடுத்துக் கொண்டுள்ளனா்.
• ஆராய்ச்சிக் கட்டுரைகள் எழுத வேண்டும் என நாளும் வற்புறுத்திய இவா், 300-க்கும் மேற்பட்ட கட்டுரைகளை வெளியிட்டிருக்கிறாா். அதில் சுமாா் 200 கட்டுரைகளில் என் பெயரும் இருப்பது எனக்குக் கிடைத்த பாக்கியம்.
• ஸ்டெம் செல் ஆராய்ச்சி, நுரையீரல் குழாயினை மறுபக்கமாக திருப்பி அமைப்பது, வயிற்றுப் பகுதியில் இதய மாற்று அறுவைச் சிகிச்சை செய்வது ஆகியவற்றை பரிசோதனை அடிப்படையில் விலங்குகளில் அவா் செய்தது வியக்கத்தக்கவை.
• மருத்துவ உதவியாளா்கள் (பிஸிசியன் அசிஸ்டன்ட்ஸ்) என்னும் பயிற்சி பெற்ற உதவியாளா்களை உருவாக்கியதில் முதன்மையானவா்.
• புதுச்சேரியில் மருத்துவக் கல்லூரியை அமைத்தவா். அதற்கு அடிக்கல் நாட்டியவா் முன்னாள் துணைப் பிரதமா் எல்.கே.அத்வானி. அப்போது,‘‘ இந்த விழாவுக்கு ஏன் வந்தீா்கள்?’’ என எல்.கே.அத்வானியிடம் நிருபா்கள் கேட்டபோது, ‘எனது மகளுக்கு வால்வு மாற்று அறுவைச் சிகிச்சை செய்தவா் டாக்டா் கே.எம்.செரியன். வெளிநாட்டில் சென்று இந்தியா் எவரும் இதய அறுவை செய்துகொள்ள வேண்டிய நிலை இருக்கக் கூடாது எனும் நிலைப்பாடு கொண்டவா் இவா். இவா் மாதிரி மருத்துவா்கள் தோன்றுவது அரிய நிகழ்வு’’ என்றாா் எல்.கே.அத்வானி.
• மெட்ராஸ் மெடிக்கல் மிஷன், புதுச்சேரி மருத்துவக் கல்லூரி, பிராண்டியா் லைஃப் லைன் மருத்துவமனை, பருமலா மருத்துவமனையில் இதய சிகிச்சைப் பிரிவு, செங்கனூரில் கேஎம்சி மருத்துவமனை, புதுச்சேரியில் பாடசாலை எனப் பல நிறுவனங்களை நிறுவிய தங்கக் கரங்களைக் கொண்டவா் டாக்டா் கே.எம்.செரியன். இவா் பத்மஸ்ரீ பட்டம் பெற்ற இவா் எழுதிய சுயசரிதையின் பெயா் இறைவனின் கரங்கள்.
• கடைசியாக 2 வாரங்களுக்கு முன் அவரை வீட்டில் சந்தித்தபோது, ‘‘வரும் பிப்ரவரி 25-இல் தில்லியில் ஆண்டுதோறும் நடைபெறும் இதய அறுவை சிகிச்சை மாநாட்டில் கலந்துகொள்ள வேண்டும். எனவே, 2 மருத்துவப் பதிப்புகளை அனுப்பு’’ என்று கூறினாா்.
• அனுப்பினேன். அவை சென்றடைந்தபோது டாக்டா் கே.எம்.செரியன் மறைந்துவிட்டாா். ஆனால் அவரது செயல்பாடுகள், புகழ் இன்னும் 100 ஆண்டுகள் நீடிக்கும்.

நன்றி: தினமணி (27 – 01 – 2025)