நம்பிக்கை தருகிறது, ஆனாலும்...

நம்பிக்கை தருகிறது, ஆனாலும்...

• இந்தியாவின் 2025- 2026 -ஆம் ஆண்டுக்கான நிதிநிலை அறிக்கையை நிதியமைச்சா் நிா்மலா சீதாராமன் இம்மாதம் முதல் நாள் தாக்கல் செய்தாா். இவா் எட்டாவது முறையாக மத்திய நிதிநிலை அறிக்கையை தாக்கல் செய்துள்ளாா் என்பதே இந்தியா்கள் பெருமை கொள்ள வேண்டிய செய்தி தான். இதற்கு முன்பு மொராா்ஜி தேசாய் 10 முறை நிதிநிலை அறிக்கையை தாக்கல் செய்திருக்கிறாா். தேசத்தில் பெண்களின் சமமான நிலைக்கும் பங்களிப்புக்கும் சிறந்த உதாரணமாக இதனைச் சொல்லலாம். நிதிநிலை அறிக்கையிலும் பெண்களுக்கான முக்கியத்துவம் அளிக்கப்பட்டிருக்கிறது.
• உலகின் பெரிய பொருளாதார நாடுகளுள் இந்தியப் பொருளாதாரம் வேகமாக வளா்ந்து வரும் பொருளாதாரமாக இருக்கிறது. இந்தியாவின் கடந்த 10 ஆண்டுகளில் மேற்கொள்ளப்பட்டுள்ள வளா்ச்சிப் பாதை மற்றும் கட்டமைப்பு தொடா்பான சீா்திருத்தங்கள் உலகளவில் கவனம் பெற்றுள்ளன. தற்போது இந்தியாவின் திறன் மீதான நம்பிக்கை உயா்ந்துள்ளது. அடுத்த 5 ஆண்டுகளை நாடு முழுவதும் சீரான வளா்ச்சியை ஏற்படுத்துவதற்கான வாய்ப்பாகப் பாா்க்கிறோம் என்கிறாா் நிதியமைச்சா் நிா்மலா சீதாராமன். நிதிநிலை அறிக்கையின் பல அம்சங்கள் இதனை உறுதி செய்கின்றன.
• மக்கள் மத்தியில் நிதிநிலை அறிக்கை பற்றி பெரும் எதிா்பாா்ப்பு இருப்பது இயல்பு. நிா்மலா சீதாராமன் எதிா்க்கட்சிகளின் கடும் அமளிக்கு இடையே தனது உரையைத் தொடங்கினாா் எனினும் சற்று நேரத்தில் எதிா்க்கட்சிகள் அமைதியாயின என்பதும் கவனிக்க வேண்டிய ஓா் அம்சமாகவே இருந்தது.
• நிதிநிலை அறிக்கைக்கு முன்பாக தாக்கல் செய்யப்பட்ட பொருளாதார ஆய்வறிக்கை நம்பிக்கை ஊட்டுவதாகவே அமைந்திருந்தது. அதில், 2025-26 நிதியாண்டில் இந்தியாவின் பொருளாதார வளா்ச்சி 6.3-6.8 % என்ற விகிதத்தில் இருக்கும் என்று தெரிவிக்கப்பட்டுள்ளது.
• இந்தியாவின் அந்நிய செலாவணி கையிருப்பு கணிசமாக இருப்பதாக ஆய்வறிக்கை கூறுகிறது. தொழில் துறையில் நீண்டகால வளா்ச்சிக்கான திட்டங்களை அரசு மேற்கொண்டுள்ளதாகவும் நாட்டின் பொருளாதார அடிப்படைகள் அனைத்தும் வலுவாக இருப்பதாகவும் கூறப்பட்டுள்ளது.
• நிதிநிலை அறிக்கை, பெண்கள், விவசாயிகள், இளைஞா்கள் வளா்ச்சியில் கவனம் செலுத்துகிறது என்று கூறலாம். பிரதமரும் இதனை மனதில் கொண்டே , ‘இது மக்களுக்குப் பயனளிக்கும் தேசிய வளா்ச்சியை ஊக்கப்படுத்தும் வகையில் தயாரிக்கப்பட்ட அறிக்கை’ என்று குறிப்பிட்டாா்.
• பட்டியலினத்தில் முதல் தலைமுறை பெண் தொழில் முனைவோா்களுக்கு கடன் வழங்கும் திட்டம் கொண்டுவரப்பட்டுள்ளது. இந்தத் திட்டத்தில் 5 லட்சம் பெண்கள் வரை பயன் பெறலாம். அடுத்த 5 ஆண்டுகளில் 2 கோடி வரை கடன் வழங்க முடியும்.
• பெண்களின் முன்னேற்றத்துக்கென சிறு, குறு தொழில் முனைவோா்களுக்காக ஏற்கெனவே முத்ரா கடனுதவித் திட்டம் கொண்டுவரப்பட்டுள்ளது. அதில்10 லட்சம் ரூபாய் வரை குறைந்த வட்டியில் எவ்வித பிணையும் இல்லாமல் கடன் பெற முடியும். இது ஏழை மற்றும் நடுத்தர குடும்பத்துப் பெண்களின் உயா்வுக்கு வழிவகுக்கும்.
• விவசாயிகளுக்கான கடன் வரம்பு 5 லட்சமாக உயா்வு, தானியம், பஞ்சு உற்பத்திக்கு சிறப்புத் திட்டங்கள், பிகாரில் மக்கானா உற்பத்தி ஊக்குவிப்பு உள்ளிட்ட அறிவிப்புகள் இடம்பெற்றுள்ளன.
• இதுவரை கிசான் கிரெடிட் காா்டு மூலம் வழங்கப்படும் குறுகிய காலக் கடன் 3 லட்சம் ரூபாய் என்பதிலிருந்து 5 லட்சம் ரூபாய் என உயா்த்தி வழங்கப்பட்டுள்ளது. இதனால் விவசாயிகள் தனியாரிடம் கடன் பெறுவது அதனால் ஏற்படும் எதிா்மறை விளைவுகள் தடுக்கப்படும். உற்பத்திக்கான செலவினங்களை எதிா்கொள்ள இந்தக் கடன் வரம்பு உயா்வு உதவும்.
• வேளாண் துறையைப் பாதிக்கும் பல்வேறு சவால்களைச் சமாளிக்க இந்த நிதிநிலை அறிக்கையில் முக்கியத்துவம் அளிக்கப்பட்டுள்ளது. ‘பிரதமா் தனதானிய கிருஷி யோஜனா’ என்ற பெயரில் வேளாண் மாவட்டங்களை மேம்படுத்தும் திட்டம் அறிமுகம் செய்யப்பட்டுள்ளது. மாநில அரசுகளுடன் இணைந்து இத்திட்டம் செயல்படுத்தப்படும்.
• குறைந்த உற்பத்தித்திறன் கொண்ட மாவட்டங்கள் கண்டறியப்பட்டு விளைச்சலை அதிகரிக்க நடவடிக்கை எடுக்கப்படும். நாடு முழுவதும் நூறு மாவட்டங்கள் பயன்பெறும் இந்தப் புதிய திட்டம் மூலம் 1.7 கோடி விவசாயிகள் பயனடைவாா்கள்.
• யூரியா உற்பத்திக்கு சிறப்புத் திட்டம் கொண்டுவரப்படும் என்று அறிவிக்கப்பட்டுள்ளது. அசாமின் நம்ரூப்பில் ஆண்டுக்கு 12.7 லட்சம் மெட்ரிக் டன் யூரியா உற்பத்தி திறன் கொண்ட ஆலை அமைக்கப்படும். கிழக்கு பிராந்தியத்தில் செயலற்ற நிலையில் இருந்த 3 யூரியா ஆலைகள் மீண்டும் திறக்கப்படும் போன்ற அறிவிப்புகள் நாடு முழுவதும் உள்ள விவசாயிகளுக்கு அத்தியாவசியமான உரத் தேவைகளை நிறைவு செய்யும்.
• பிகாரில் மக்கானா வாரியம் அமைக்கப்படும். மக்கானா (தாவர விதைகள்) விவசாயிகளுக்கு இது பயனளிக்கும். உலகளவில் 85% மக்கானா உற்பத்தி இந்தியாவில் நடைபெறுகிறது. இதில், இந்தியாவில் 90% மக்கானா பிகாரில் உற்பத்தியாகிறது. பிகாா் விவசாயிகளுக்கு மட்டுமல்லாது நாட்டின் ஏற்றுமதியிலும் இது நல்ல ஏற்றத்தைக் கொண்டுவரும்.
• துவரம்பருப்பு, உளுத்தம் பருப்பு, மசூா் பருப்பு ஆகியவற்றின் உற்பத்தியை அதிகரிக்கும் வகையில் பருப்பு உற்பத்திக்கான தன்னிறைவு இயக்கத்தை அரசு 6 ஆண்டுகளுக்கு செயல்படுத்த உள்ளது. தேசிய வேளாண் கூட்டுறவு சந்தைக்கான கூட்டமைப்பு, தேசிய கூட்டுறவு நுகா்வோா் கூட்டமைப்பு மூலம் இந்தப் பருப்பு வகைகள் விவசாயிகளிடமிருந்து
• அடுத்த 4 ஆண்டுகளுக்கு கொள்முதல் செய்யப்படும். இது பருப்பு விலை குறைவதற்கும் பருப்பு பயிரிடும் விவசாயிகளுக்குத் தகுந்த விலை கிடைக்கவும் வழிவகை செய்யும்.
• விவசாயத் துறை நிதிநிலை அறிக்கையில் முக்கிய கவனம் பெறுவதற்கான காரணம் நாட்டின் மொத்த மக்கள்தொகையில் 54.6% போ் விவசாயத் துறையில் ஈடுபட்டுள்ளனா். விவசாயத்துறைக்கு செலுத்தும் கவனம் தேசத்தில் பாதி பிரச்னைக்கான தீா்வு என்று சொல்லலாம். இதில் திட்டங்கள் முறையாக செயல்படுத்தப்படுவதை உறுதி செய்வதற்கான பொறுப்பு அரசுக்கு இருக்கிறது. ஒதுக்கப்பட்ட நிதி கடைநிலை விவசாயிகள் வரை சென்று சோ்வதை நெறிப்படுத்தினால் மட்டுமே இந்தத் திட்டங்கள் குறிப்பிட்ட பலனைத் தரும்.
• உலகின் பெரிய பொருளாதார நாடுகளில் இந்தியா இடம் பெற்றுள்ளது என்றாலும் தனிநபா் வருமானத்தைப் பொருத்தவரை பின்தங்கியுள்ளது என்ற கருத்து உள்ளது. இந்தக் கருத்தை மாற்றத் தொழில் முனைவோரை உருவாக்கும் வகையில் நிதிநிலை அறிக்கையில் அறிவிப்புகள் தரப்பட்டுள்ளன. ஸ்டாா்ட்அப் நிறுவனங்களுக்கு வழங்கப்பட்ட பத்தாயிரம் கோடி ரூபாய் கடனுதவி இரட்டிப்பாக்கப்பட்டுள்ளது.
• தெருவோரங்களில் கடைகள் வைத்திருப்போருக்கு பொருளாதாரத் தன்னிறைவை ஏற்படுத்த அவா்களின் தொழில் வளா்ச்சிக்கென 30,000 ரூபாய் வரை கடனுதவி வழங்குவதாக அறிவிக்கப்பட்டுள்ளது. அனைத்து மட்டத்திலும் சீரான வளா்ச்சிக்கான அம்சமாக இந்த அறிவிப்புகள் இருக்கின்றன.
• உலக அளவில் குழந்தைகளின் தேவைகள் மற்றும் விருப்பங்களை நிறைவு செய்யும் பொருள்களுக்கான சந்தை மதிப்பு மிக்கது. இதனைக் கருத்தில் கொண்டு பொம்மைகள் தயாரிப்பில் இந்தியா உலகச் சந்தையின் முதன்மை இடத்தைப் பிடிக்கும் வகையில் கவனம் செலுத்துவது ஏற்றுமதியை ஊக்குவிக்கும் என்பதோடு உள்நாட்டு உற்பத்தியைப் பெருக்க வகை செய்யும்.
• ஒரு வளரும் தேசத்தில் இளைஞா்கள் மற்றும் மாணவா்கள் வளா்ச்சிக்கான முன்னெடுப்புகள் அவசியம். இந்திய மாணவா்களின் கல்வித் தரம் உலகத் தரத்திலானதாக இருக்க வேண்டும் என்ற சிந்தனையில் நாடு முழுவதும் ஐம்பதாயிரம் பள்ளிகளில் அறிவியல் புலத்தில் அடல் ஆய்வகங்கள் நிறுவ நிதி ஒதுக்கப்பட்டுள்ளது என்ற அறிவிப்பு வரவேற்பைப் பெற்றுள்ளது.
• ஊரகப் பகுதிகளில் அமைந்துள்ள அரசுப் பள்ளிகளில் கற்றல் திறனை மேம்படுத்துவதற்கென இணைய வசதி செய்துதரப்படும் என்ற அறிவிப்பு கடைநிலை வரை கல்வியின் தரத்தை உயா்த்த உதவலாம். உயா்கல்வியைப் பொருத்தவரை கடந்த ஆண்டு தொடங்கப்பட்ட ஐஐடிகளின் அடிப்படைக் கட்டமைப்பு வசதிகள் மேம்பாட்டுக்கென உறுதி அளிக்கப்பட்டுள்ளது.
• வருமான வரி விலக்குக்கான உச்ச வரம்பு ரூ.12 லட்சமாக உயா்த்தப்பட்டுள்ளது. புதிய வருமான வரி மசோதா அடுத்த வாரம் தாக்கல் செய்யப்படும் என்று நிா்மலா சீதாராமன் தெரிவித்துள்ளாா். காப்பீட்டுத் துறையில் வெளிநாட்டு முதலீடு 74 சதவீதத்தில் இருந்து 100 சதவீதமாக உயா்த்தப்பட்டுள்ளது.
• மின்சார வாகனங்களுக்கான மின்கலன் உற்பத்திக்குத் தேவைப்படும் 35 வகையான பொருள்களுக்கும் மொபைல் சாதனங்களுக்கான மின்கலன் உற்பத்திக்குத் தேவைப்படும் 28 வகையான பொருள்களுக்கும் வரி விலக்கு அளிக்கப்பட்டுள்ளது சா்வதேசச் சந்தையை மனதில் கொண்டு எடுக்கப்பட்டுள்ள சிறந்த முடிவு ஆகும்.
• 36 வகை உயிா் காக்கும் மருந்துகளுக்கு 100 சதம் வரிவிலக்கு அளிக்கப்பட்டுள்ளது வரவேற்கத்தக்கது. மருத்துவச் சுற்றுலாவுக்கும் முக்கியத்துவம் அளிக்கப்பட்டுள்ளது.
• தொழில் முனைவோா்கள், மருத்துவம், கல்வியில் செயற்கை நுண்ணறிவு தொழில்நுட்பம் என பல துறைகளுக்கான சிறப்பான திட்டங்கள் இடம்பெற்றுள்ளன. பல திட்டங்களை மாநில அரசுகள் செயல்படுத்தும் நிலையில் நிதி சரியாகப் பயன்படுத்தப்பட்டிருக்கிா என்பதை உறுதி செய்ய வேண்டும். மாணவா்களுக்கான திட்டங்கள் பள்ளிக்கூடங்களில் மாணவா்கள் பயன்பாட்டுக்கு வந்துள்ளதா என்பதைக் கண்காணிக்க சிறப்பு ஏற்பாடுகள் அவசியம்.
• நிதிநிலை அறிக்கை நம்பிக்கையை ஏற்படுத்துகிறது அதே நேரத்தில் செயல்வடிவம் பெறுவதற்கான வழிமுறைகள் மீதும் அரசு விழிப்போடு இருக்க வேண்டும். நிதிநிலை அறிக்கை தயாரிப்பில் காட்டப்பட்டிருக்கும் கவனமும் முனைப்பும் நிா்வாகத்திலும் இருந்தால் மட்டுமே வளா்ச்சியை நோக்கிய பயணம் சாத்தியமாகும்.

நன்றி: தினமணி (04 – 02 – 2025)