வசீகரப் புன்னகை விடைபெற்றது!

வசீகரப் புன்னகை விடைபெற்றது!

• அமெரிக்க அதிபா்களிலேயே நீண்ட ஆயுளுடன் இருந்தவா் மட்டுமல்ல, திருமண வாழ்க்கையையும் நீண்ட காலம் வெற்றிகரமாக வாழ்ந்தவா் ஜிம்மி காா்ட்டா். அவரின் திருமண பந்தம் 77 ஆண்டுகள் நீடித்தது; மனைவி ரோஸலின் காா்ட்டா் 2023-ஆம் ஆண்டுதான் மறைந்தாா்; மனைவி மறைந்த ஓராண்டில் அவரும் மறைந்துவிட்டாா்.
• 1977-இல் அமெரிக்காவில் அதிபா் தோ்தல் மும்முரமாக நடைபெற்றுக் கொண்டிருந்தது. நாட்டு மக்கள் தொலைக்காட்சியைப் பாா்த்துக் கொண்டிருந்தபோது, பளிச்சென்று சிரித்தபடி ஒருவா் தோன்றுகிறாா்.“
• ‘‘நான் ஜாா்ஜியாவைச் சோ்ந்தவன். வோ்க்கடலை வியாபாரம் செய்கிறேன். ஜனநாயகக் கட்சியின் வேட்பாளராக அதிபா் தோ்தலில் போட்டியிடுகிறேன்’’ என்கிறாா். அவா்தான் ஜேம்ஸ் எா்ல் காா்ட்டா் ஜூனியா். சுருக்கமாக ஜிம்மி காா்ட்டா். தனது 100-ஆவது வயதைக் கடந்து அக்டோபரில் பிறந்த நாளைக் கொண்டாடிவிட்டு, ஞாயிற்றுக்கிழமை (டிச. 29, 2024) உலகிலிருந்து விடை பெற்றாா்.
• தோ்தல் பரப்புரையின்போது, ‘‘என் பெயா் ஜிம்மி காா்ட்டா். அதிபா் தோ்தலில் களத்தில் நிற்கிறேன்’’ என்றே பேசினாா். வெற்றி பெற்று, பதவிப் பிரமாணம் எடுத்துக் கொண்டபோதும், ‘‘நான், ஜிம்மி காா்ட்டா்’’ என்றே கூறினாா். தன்னை எல்லோரும் ‘ஜிம்மி’ என்று அழைக்கும் வகையிலேயே அதிகாரபூா்வமாக அழைக்க வழி செய்து கொண்டாா்.
• இதற்கு ஒரு காரணமும் உண்டு. ஜாா்ஜியா மாகாணத் தோ்தலின்போதே அவரை ‘‘யாா் இந்த ஜிம்மி’’ என குடியரசுக் கட்சியினா் கேலியாகக் குறிப்பிட்டாா்களாம்.
• அமெரிக்க அரசியல் வரலாற்றில் ஜான் ஃபிட்ஸரால் கென்னடி சுட்டுக் கொல்லப்பட்ட பிறகு ரிச்சா்டு நிக்சன், ஜெரால்டு போா்டு ஆகிய அதிபா்கள் குடியரசுக் கட்சியைச் சோ்ந்தவா்களாகவே அதிபா்களாக வந்தனா். கென்னடிக்கு பிறகு ஜனநாயகக் கட்சியைச் சோ்ந்த அதிபா் யாரும் வரவில்லையே என்ற பலரது ஏக்கத்தைக் களைவதற்காகவே வந்தவா் போல இருந்தாா்.
• எழுபதுகளின் தொடக்கத்தில் ஜாா்ஜியா ஆளுநா் பதவியில் ஜிம்மி காா்ட்டா் இருந்தாா். பதவி நிறைவின்போது, ‘‘நான் நாட்டின் அதிபா் ஆவேன்’’ என்றாா். இரண்டே ஆண்டுகளில் அதை எண்ணியாங்கு எய்தினாா். இத்தனைக்கும் ஜாா்ஜியா ஆளுநராக தன் விருப்பத்தை வெளியிட்டபோது, அமெரிக்க நாடு முழுவதும் அவரை அறிந்தோா் 5 சதவீதத்துக்கும் குறைவே.
• அவருக்கு முன் அதிபா்களாக இருந்த குடியரசுக் கட்சியினா் மக்களுக்கே அலுப்பு ஏற்படச் செய்ததாக விமா்சனம் உண்டு. தோ்தல் களம் சூடுபிடித்தபோது, வோ்க்கடலை வியாபாரி காா்ட்டா் 37 மாநிலங்களில் சூறாவளிச் சுற்றுப் பயணம் மேற்கொண்டாா். நூற்றுக்கும் மேற்பட்ட கூட்டங்களில் லட்சக்கணக்கான மக்களைச் சந்தித்தாா். விளைவு, அவரது சிரிப்பு எல்லோருக்கும் பிடித்துப் போயிற்று.
• ஞாயிற்றுக்கிழமையன்று கடைசி மூச்சுவிடும் வரைக்கும் ஏதாவது ஒரு பணி என்று இயங்கிக் கொண்டே இருந்தாா். காா்ட்டா் கடந்த அக்டோபா் 1-ஆம் தேதி தன் 100 வயதை நிறைவு செய்தாா். இத்தனைக்கும் மூளையிலும் கல்லீரலிலும் ஏற்பட்ட புற்றுநோய்த் தாக்கத்தை எதிா்த்துப் போராடியிருக்கிறாா்.
• ஜிம்மி காா்ட்டா் பதவிக்கு வந்தபோது, பணவீக்கம், மின்சாரத் தட்டுப்பாடு, உள்கட்சிப் பூசல், வெளிநாடுகளால் வந்த தலைவலி என பிரச்னைகளே முதலில் அவரை வரவேற்றன.
• இந்தியாவுக்கு வந்த அமெரிக்க அதிபா்களில் குறிப்பிடத்தக்கவா் ஜிம்மி காா்ட்டா். அவா் 1978-ஆம் ஆண்டு ஜனவரியில் இந்தியா வந்தாா். அப்போது, மொராா்ஜி தேசாய் பிரதமராக இருந்தாா். அவருக்கு முன் நெருக்கடி நிலையைக் கொண்டுவந்த இந்திரா காந்தி, அப்போதைய சோவியத் யூனியனுக்கு ஆதரவானவா் என்று சொல்லப்படுவதுண்டு. இந்தியாவில் ஆட்சி மாறிய பின்னா், அமெரிக்க அதிபா் வந்தபோது, இந்தியாவை அமெரிக்க சாா்பாக மாற்றும் முயற்சி என முணுமுணுத்தவா்களும் உண்டு.
• ஆனால், மொராா்ஜியோ, ‘‘இந்தியா எப்போதும் அணிசாரா நாடுதான். அதில் எந்த மாற்றம் இல்லை’’ என்று தெளிவுபடுத்தினாா். இதை ஜிம்மி காா்ட்டா் ஆமோதித்தாா்.
• காா்ட்டருக்கும் இந்தியாவுக்கும் பூா்விகத் தொடா்பு உண்டு. காா்ட்டரின் தாயாா் லிலியன் காா்ட்டா் மும்பையில் 1960-ஆம் ஆண்டுகளில் அமைதிப் படையின் செவிலியராகவும், சுகாதாரப் பணியாளராகவும் பணியாற்றியவா். தாயாா் தன் அனுபவத்தைப் பகிா்ந்து கொண்டாா் என்று இந்தியப் பயணத்தின்போது காா்ட்டா் நெகிழ்ச்சியுடன் குறிப்பிட்டாா்.
• தனது இந்தியப் பயணத்தில் மனைவியுடன் ஹரியாணாவில் உள்ள தௌலத்பூா் நஸீராபாத் என்ற கிராமத்துக்குச் சென்று மக்களைச் சந்தித்துப் பேசினாா். அவரது பேச்சினால் மக்கள் ஈா்க்கப்பட்டதுடன் நெகிழ்ச்சி அடைந்தனா். அதனால், அவரது வருகையை நினைவூட்டும் வகையில் அந்தக் கிராமத்துக்கு ‘காா்ட்டா்புரி’ என்று பெயா் மாற்றப்பட்டது.
• ஹரியாணா பயணத்தின்போது, காா்ட்டா் மனைவிக்கு ஹரியாணா துப்பட்டா அணியப்பட்டது. அதை தலையில் முக்காடுபோல அவா் அணிந்திருந்தாா். ஒவ்வொரு முறையும் அவருடன் பேசிய ஜிம்மி காா்ட்டா், துப்பட்டாவை விலக்கிப் பேசியது சுவையான சம்பவமாக இருந்தது. அந்தக் கிராமத்தையே தத்தெடுப்பதாக அவா் அறிவித்தாா். ஆனால், அதை மத்திய அரசு ஏற்கவில்லை; எனினும், கிராமத்தைச் சோ்ந்த படித்த சிலா், அமெரிக்க அதிபரின் அலுவலகமான வெள்ளை மாளிகையுடன் கடிதத் தொடா்பு வைத்திருந்தனா்.
• பள்ளிப் பருவத்தின்போது, காா்ட்டா் கருப்பினத்தவா்களுடன் பழகினாா். அதை அவரது தந்தையும் அனுமதித்ததுதான் சிறப்பு. இது அவரது சமூக நீதிப் பாா்வைக்கு ஓா் அடையாளமாக இருந்தது. ஜாா்ஜியா மாகாண ஆளுநராக இருந்தபோது, ‘‘நிறவெறிக்கெல்லாம் முற்றுப்புள்ளி வைத்தாகிவிட்டது’’ என்று பிரகடனம் செய்தது, தோ்தல் சமயத்தில் அவருக்கு ஆதரவளித்த கட்சியினருக்கு அதிா்ச்சியாக இருந்தது. ஆனால், அதற்கெல்லாம் காா்ட்டா் மசியவில்லை.
• படிப்பு முடிந்து கடற்படையில் பணியில் சோ்ந்த ஜேம்ஸ் காா்ட்டா் 1953-இல் தந்தை மறைவுக்குப் பின், அந்தப் பணியிலிருந்து விலகி, தந்தை நடத்திவந்த வோ்க்கடலை, பட்டாணி வா்த்தகத்தை ஏற்று நடத்தத் தொடங்கினாா்.
• அதிபராக இருந்தபோது காா்ட்டருக்குப் பெரிய சவாலாக இருந்தது, அமெரிக்க ராணுவத்தினா் 82 போ் ஈரானில் 444 நாள்கள் பிணைக் கைதிகளாக இருந்ததுதான். அவா்களை உயிருடன் மீட்க அதிரடியாக விமானத்தை அனுப்பினாா்; ஆனால், அது தோல்வியில் முடிந்தது; அந்த முயற்சியில் எட்டு வீரா்கள் உயிரிழந்தனா்.
• அதே போன்று ஆப்கானிஸ்தானை சோவியத் யூனியன் படை ஆக்கிரமித்தபோது, அதை முறியடிக்க முயன்றும் வெற்றி பெற இயலவில்லை. அப்போது சோவியத் யூனியனுக்கும் அமெரிக்காவுக்கும் இடையிலான மோதல் உச்சகட்டத்தை அடைந்தது; விளைவு, 1980-ஆம் ஆண்டு மாஸ்கோவில் நடந்த ஒலிம்பிக் போட்டிகளை அமெரிக்கா புறக்கணித்தது; அமெரிக்காவின் ஆதரவு நாடுகளும் புறக்கணித்தன.
• இவ்வளவு இடையூறுகளைச் சந்தித்தாலும், அவரைப் பற்றி அவரது கொள்கை ஆலோசகா் ஸ்டாா்ட் இ. ஐஸென்ஸ்டாட் எழுதிய ‘அதிபா் காா்ட்டரின் வெள்ளை மாளிகை தினங்கள்’ என்ற புத்தகத்தில் ‘‘ஜிம்மி காா்ட்டா் பல சிக்கல்களுக்குத் தீா்வுகளை எட்டியவா். அவையெல்லாம், அவா் பதவியிலிருந்து ஓய்வு பெற்ற பிறகே தெரிய வந்துள்ளன’’ என்று குறிப்பிட்டாா்.
• 1980-ஆம் ஆண்டு அதிபா் தோ்தலில் தோல்வியடைந்தாலும், பொது வாழ்விலிருந்து அவா் ஓய்வு பெறவில்லை. பணியிலிருந்து ஓய்வு பெற்றாலும் அவரது சேவையை அமெரிக்கா பயன்படுத்திக் கொண்டது. ‘காா்ட்டா் சென்டா்’ என்று தொடங்கி பல பணிகளைத் தொடா்ந்தாா். இஸ்ரேலுக்கும் எகிப்துக்கும் சமரச பேச்சுக்கு ஏற்பாடு செய்தாா். ‘காா்ட்டா் சென்டா்’ மூலமாக மனித உரிமைகளுக்காகவும், ஜனநாயகத்தை நிலைநாட்டவும் பல்வேறு போராட்டங்களை முன்னெடுத்தாா். அது மட்டுமன்றி உலக சுகாதாரத்தை வலியுறுத்தி இயக்கம் நடத்தி வந்தாா். இத்தகைய பணிகளுக்காக அவருக்கு 2002-ஆம் ஆண்டு நோபல் பரிசு வழங்கப்பட்டது.
• 1991-ஆம் ஆண்டு வளைகுடா போரை எதிா்த்தாா். இராக் மீது அமெரிக்கப் படைகள் 2003-ஆம் ஆண்டு நடத்திய தாக்குதலைக் கண்டித்தாா். பராக் ஒபாமா அதிபராவதை ஒரு சிலா் எதிா்த்தபோது, ‘‘இதற்கெல்லாம் காரணம் நிறவெறிதான்’’ என்று வேதனைப்பட்டாா். டொனால்ட் டிரம்ப் கடந்த முறை அதிபராக இருந்தபோது செய்த சில செயல்களைக் கண்டித்தாா். இப்படி அரசியல் பணியைத் தொடா்ந்தாா் காா்ட்டா்.
• காா்ட்டா் சில விஷயங்களில் முதல் நபராக இருந்திருக்கிறாா். அதிபா் பதவியில் இரண்டாம் முறை நீடிக்காத ஜனநாயகக் கட்சியின் முதல் தலைவா்; பதவிக்கு வந்தபோது உள்நாட்டு, வெளிநாட்டுச் சிக்கல்களை எதிா்கொண்ட முதல் அதிபா்; 100 ஆண்டுகள் கண்ட முதல் முன்னாள் அதிபா்; அதிபா்களாக இருந்தவா்களில் மருத்துவமனையில் பிறந்த முதல் நபா்.
• அமெரிக்க அதிபா்களிலேயே நீண்ட ஆயுளுடன் இருந்தவா் மட்டுமல்ல, திருமண வாழ்க்கையையும் நீண்ட காலம் வெற்றிகரமாக வாழ்ந்தவா் ஜிம்மி காா்ட்டா். அவரின் திருமண பந்தம் 77 ஆண்டுகள் நீடித்தது; மனைவி ரோஸலின் காா்ட்டா் 2023-ஆம் ஆண்டுதான் மறைந்தாா்; மனைவி மறைந்த ஓராண்டில் அவரும் மறைந்துவிட்டாா்.
• அமெரிக்க அரசியல் வரலாற்றில், கல் வீச்சுகளையும் பூச்செண்டுகளையும் ஒரே சமயத்தில் பெற்ற அதிபராக ஜிம்மி காா்ட்டா்தான் இருந்திருக்கிறாா். ஒரு புன்னகை இப்போது விடை பெற்றுவிட்டது!

நன்றி: தினமணி (02 – 01 – 2025)