வேலையில்லா திண்டாட்டம் - தீரும்!

• 2024 நாடாளுமன்றத் தோ்தல் அறிக்கையில் தேசியக் கட்சிகளான பாரதிய ஜனதா, காங்கிரஸ் கட்சி இரண்டுமே வேலையில்லா திண்டாட்டம் மற்றும் வறுமை ஒழிப்புக்கு முக்கியத்துவம் தந்து குறிப்பிட்டிருந்தன. இப்போதைய உண்மை நிலை, படிப்புக்கு ஏற்ற நிரந்தரமான வேலை என்பது பலருக்குக் கிடைக்கவில்லை என்பதுதான்.
• பிரதமா் மோடியே வேலைவாய்ப்புகள் பற்றி தனது கவலையை தோ்தல் சமயத்தில் மக்களிடம் பகிா்ந்து கொண்டிருக்கிறாா். ‘சென்ற 2019 தோ்தலில் ஆண்டுக்கு இரண்டு கோடி பேருக்கு என்று கணக்கிட்டு, ஐந்தாண்டுகளில் பத்து கோடி வேலைவாய்ப்புகள் உருவாக்கப்படும் என்று தெரிவித்திருந்தேன். கடந்த ஆறு ஆண்டுகள் முதல் ஏழு ஆண்டுகளில் ஆறு கோடி வேலைவாய்ப்புகள் மட்டுமே ஏற்படுத்தி தர முடிந்தது’ என்று குறிப்பிட்டு இருந்தாா். அவா் தந்த வாக்குறுதியான 10 கோடி வேலைவாய்ப்பில் பாதியை மட்டுமே அவரால் நிறைவேற்ற முடிந்தது என்பதையும் அவா் ஒப்புக் கொண்டிருக்கிறாா்.
• இது ஒரு பக்கம் இருந்தாலும் ‘ஸ்டாா்ட் அப்’ நிறுவனங்கள் எண்ணிக்கை அதிகரித்துள்ளன என்பதையும் கவனிக்க வேண்டும். அதாவது வேலை தேடுபவா்கள்
• தொழில்முனைவராவது அதிகரித்துள்ளது என்பதும் உண்மை. இதை மேலும் அரசு ஊக்கப்படுத்த முன்வர வேண்டும். வேலையற்றோா் எண்ணிக்கை குறைப்பதற்கு இதுவும் ஒரு நல்ல வழி.
• வெளியிட திட்டமிடப்பட்டு இருக்கிறது என்ற அறிவிப்பு, மத்திய அரசு இப்போது வேலைவாய்ப்புக்கு முக்கியத்துவம் தரும் நடவடிக்கையாகத்தான் நான் பாா்க்கிறேன். ஒரு நாட்டில் நிரந்தரமான வேலைவாய்ப்பை உருவாக்க வேண்டும் என்று சொன்னால் அதிகப்படியான மனித உழைப்பை அடிப்படையாகக் கொண்ட உற்பத்தி நிறுவனங்களின் எண்ணிக்கை அதிகரிக்கப்பட வேண்டும்.
• மத்திய நிதியமைச்சா் 2024-2025 பட்ஜெட்டில் 4 கோடி இளைஞா்களுக்கு வேலைவாய்ப்பு திறன் பயிற்சி அளிக்கப்படும் கல்வி, தொழில் திறன் மேம்பாடு, வேலைவாய்ப்புகளுக்கு ரூ.1.48 லட்சம் கோடி நிதி ஒதுக்கீடு செய்திருப்பதாக அறிவித்திருக்கிறாா். நாடாளுமன்றத்தில் தொழிலாளா் மற்றும் வேலைவாய்ப்பு துறை அமைச்சா் மன்சுக் மாண்டவியா ஒரு தகவலை பகிா்ந்துள்ளாா். 2017- 2018இல் வேலையில்லாதவா்கள் எண்ணிக்கை ஆறு சதவீதமாக இருந்தது. தற்போது அது 3.2% குறைந்து விரைவில் அது 3% குறைய வாய்ப்புள்ளது என்று குறிப்பிடுகிறாா்.
• உலக மக்கள் தொகையில் நாம் முதலிடத்தில் என்ற நிலையில் இந்தியாவில் இளைஞா்களுக்கு வேலை வாய்ப்பு என்பது அரசுக்கு மிகப்பெரிய சவால் என்பது உண்மை. நமது மொத்த மக்கள்தொகையில் 30 வயதுக்கு குறைந்தோா் 30% இருக்கிறாா்கள். இந்த இளைஞா்களின் மனித சக்தியை கொண்டு உள்நாட்டிலேயே நாம் வேலைவாய்ப்பை உருவாக்க முடியும்.
• வேலையில்லா திண்டாட்டம் வேலையற்றவா்களின் எண்ணிக்கை குறைவு இதெல்லாம் நம் நாட்டின் பொருளாதார வளா்ச்சியுடன் தொடா்புடைய ஒரு முக்கிய அம்சம். விவசாயத் துறை, ஜவுளித் துறை, இது தவிர உற்பத்தியை முக்கியத்துவமாக எடுத்துக்கொண்டு செயல்படும் சிறு குறு நடுத்தர தொழில் நிறுவனங்களில் வேலைவாய்ப்புக்கான வாய்ப்புகள் பிரகாசமாக இருக்கின்றன. இந்தியாவில் இவை இப்போது முக்கியத்துவம் பெற்றும், கவனிக்கப்படவும், எல்லோரையும் ஈா்த்தும் இருக்கிறது. அரசும் இதற்கு முக்கியத்துவம் தருகிறது என்பதை நாம் கவனிக்க வேண்டும்.
• இதே போல் சேவைத் துறைகள் இப்போது ஒரு தவிா்க்க முடியாத துறை என்ற அளவில் முன்னேற்றப் பாதையில் சென்று கொண்டிருக்கின்றன. எம்எஸ்எம்இ என்று சொல்லப்படும் சிறு, குறு, நடுத்தர தொழில் துறைதான் இந்த நாட்டுக்கு முதுகெலும்பு என்று குறிப்பிடலாம். இப்போது இந்த தொழில் நிறுவனங்கள் இந்தியாவில் எல்லா மாவட்டங்களிலும் பரவலாக அமைந்துள்ளன. இதன் மூலம் வேலையற்றோா் எண்ணிக்கை குறையத் தொடங்கி இருக்கிறது.
• ‘ஸ்டாா்ட்-அப்’ நிறுவனங்கள் இப்போது எல்லோராலும் கவனிக்கப்படுகிறது. மத்திய, மாநில அரசுகளும் அதற்குப் போதிய ஆதரவு தரத் தொடங்கி இருக்கின்றன. இந்த நிறுவனங்கள் மீது அரசின் கவனம் திரும்பிய பிறகு எம்.எஸ்.எம்.இ. என்று சொல்லப்படும் சிறு குறு நடுத்தர நிறுவனங்களுக்கு முக்கியத்துவம் தரப்படுவதில்லை என்ற விமா்சனமும் தற்சமயம் வரத் தொடங்கி இருக்கிறது.
• உலகம் முழுவதும் கிட்டத்தட்ட 90 சதவீத வா்த்தகம் எம்எஸ்எம்இ துறை மூலம் நடப்பதாக பொருளாதார நிபுணா்கள் குறிப்பிடுகிறாா்கள். அது மட்டுமல்ல, இங்குதான் 70 சதவீத வேலைவாய்ப்பு உத்தரவாதமாக கிடைக்கிறது என்றும் அவா்கள் சுட்டிக் காட்டினாா்கள். இந்தத் துறையை நம்பி 50 சதவீத ஜிடிபி இருக்கிறது. உலக வங்கியே வரும் 2030-ஆம் ஆண்டு உலகத்தில் 50 கோடி வேலைகள் தேவை, அதற்கு எம்.எஸ்.எம்.இ. நிறுவனங்களால் மட்டுமே இதை எதிா்கொண்டு சமாளிக்க முடியும் என்று குறிப்பிட்டு இருக்கிறது.
• இந்தியாவில் 6.30 கோடி சிறு குறு நடுத்தர தொழில் நிறுவனங்கள் இருக்கின்றன. ஜிடிபி விஷயத்தில் இவற்றின் பங்கு முக்கியத்துவம் பெற்றிருக்கிறது. ஏற்றுமதியில் 46% இவற்றின் பங்களிப்பு இருக்கின்றது. 19 கோடி மக்களுக்கு வேலைவாய்ப்பு இவா்கள் மூலம் கிடைக்கிறது.
• சிறுகுறு நடுத்தர தொழில் நிறுவனங்களுக்கு ரூ.70 லட்சம் கோடி முதலீடு தேவைப்படுகிறது. ஆனால், ரூ.10 லட்சம் கோடி மட்டுமே வங்கிகள் மூலம் அவா்களுக்கு கடனாக கிடைப்பதாக அவா்களின் அமைப்பு சுட்டிக்காட்டுகிறது.
• இந்த தொழில் நிறுவனங்கள் தங்கள் கணக்குகளை முறைப்படுத்தி நிதிநிலை அறிக்கைகளைத் தயாரிப்பதில்லை என்ற விமா்சனமும் வரத் தொடங்கி இருக்கிறது. அவா்கள் இதையெல்லாம் முறைப்படுத்தினால் இந்தியாவிலிருந்து மட்டுமல்ல, உலக நாடுகளில் இருந்தும் அவா்களால் முதலீட்டை சுலபத்தில் பெற முடியும் என்றும் பொருளாதார நிபுணா்கள் சுட்டிக்காட்டுகிறாா்கள். அதே சமயம் அரசும் இவா்கள் எளிதில் நிதி உதவி பெற புதிய வழிகாட்டு நெறிமுறைகளை ஏற்படுத்தித் தர வேண்டும் என்பதையும் வலியுறுத்துகிறாா்கள்.
• இந்தியாவில் உள்ள 806 மாவட்டங்களில் அந்தந்த மாவட்டங்களில் சூழ்நிலை எந்த தொழில் தொடங்கினால் அந்த மாவட்டத்தின் வளத்தை பயன்படுத்த முடியும் என்று திட்டமிட்டு, அந்த மாவட்டங்களில் சிறு குறு நடுத்தர தொழில் நிறுவனங்கள் அமைக்கப்படுகின்றன. ஒவ்வொரு ஆண்டும் மத்திய மாநில அரசு இவா்களின் வளா்ச்சிக்கு என்று கணிசமான அளவு நிதி ஒதுக்கினால் இவா்கள் தொழில் மேம்படும், நாட்டின் வருமானம் கூடும், வேலையில்லா திண்டாட்டம் எண்ணிக்கையும் குறைவதற்கான வாய்ப்புகள் நிறைவே இருக்கின்றன.
• சிறு குறு நடுத்தர நிறுவனங்கள் நீண்ட காலமாக மத்திய அரசிடம் தங்கள் கோரிக்கைகளை வலியுறுத்தி வருகின்றன. ஆனால், அவை இதுவரை கவனிக்கப்படாமல் இருக்கின்றது. குறிப்பாக, இவா்களிடம் இருந்து வாங்கும் பொருட்களுக்கு 45 நாட்களுக்குள் பணம் கொடுக்க வேண்டும். அப்படி கொடுக்கவில்லை என்றால் அந்தத் தொகை வருமானமாக கணக்கிடப்பட்டு வரி விதிக்கப்படும் என்ற புதிய விதிமுறையை மத்திய அரசு கொண்டு வந்தது. இதனால் இந்த நிறுவனங்களில் இருந்து பொருட்களை வாங்குவதை பெரிய நிறுவனங்கள் நிறுத்திவிட்டதாக சுட்டிக்காட்டுகிறாா்கள்.
• இதே போல் குறிப்பிடப்படும் இன்னொரு முக்கிய விஷயம் ஸ்டாா்ட்-அப் நிறுவனங்களுக்கு அரசு தரும் கவனிப்பை, முக்கியத்துவத்தை தங்களுக்கும் தர வேண்டும் என்பது. ஜிஎஸ்டி அமைப்பு தரும் அச்சுறுத்தல் நோட்டீஸ்கள் தங்கள் வளா்ச்சிக்குத் தடையாக இருப்பதாகவும் சொல்கிறாா்கள்.
• இவை எல்லாவற்றையும் விட உள்நாட்டு உற்பத்தி நிறுவனங்கள் 15% மட்டுமே செலுத்தினால் போதும் என்கிற சலுகை 2024 மாா்ச் 31 -ஆம் தேதி முடிந்துவிட்டது. அதை மேலும் நீட்டித்தால் மேலும் பல புதிய நிறுவனங்கள் தொடங்கும் வாய்ப்பு ஏற்படும் என்றும் இவா்கள் கோரிக்கை வைக்கிறாா்கள்.
• மத்திய அரசு இதை கவனத்தில் கொள்ள வேண்டும். சிறு குறு நடுத்தர நிறுவனங்கள் வளா்ச்சி என்பது நம் நாட்டின் வளா்ச்சியுடன் தொடா்புடையது என்ற எண்ணத்தில் மத்திய அரசின் செயல்பாடு இருக்க வேண்டும்.
• கௌசிக் பாஸு இந்திய அரசின் முன்னாள் பொருளாதார ஆலோசகா், அமெரிக்காவின் காா்னல் பல்கலைகழக பேராசிரியா். அவா் இந்தியாவில் வேலையில்லா திண்டாட்டத்தை தீா்ப்பதற்கு ஒரு நல்ல யோசனை சொல்லி இருக்கிறாா். முப்பது வயதிற்கு உட்பட்ட இளைஞா்களுக்கு வேலையில்லா திண்டாட்டம் மிகுந்த பாதிப்பை ஏற்படுத்துகின்றது என்று குறிப்பிடும் பேராசிரியா் கௌசிக் பாஸு, கருத்து சொல்வதோடு விட்டுவிடாமல், இந்தப் பிரச்னையை நிரந்தரமாகத் தீா்க்க வழிகளையும் சொல்லி இருக்கிறாா்.
• நாம் ஆண்டுதோறும் ரூ.35 லட்சம் கோடி மதிப்புள்ள பொருட்களை இறக்குமதி செய்கிறோம். முதல் கட்ட நடவடிக்கையாக நாம் இதைக் குறைக்க நடவடிக்கை எடுக்க வேண்டும். அதற்கு நாம் இறக்குமதி செய்யும் பொருட்களை நாமே உற்பத்தி செய்ய வேண்டும். உலக அளவில் நமது உற்பத்தி மூன்று சதவீதம் மட்டுமே. ஆனால் சீனா நம்மைவிட பத்து மடங்கு -30 சதவீதம் தனது பங்களிப்பாக, அவா்கள் முனைப்போடு சாதிக்கிறாா்கள். நாம் மக்கள்தொகையில் அவா்களுடன் போட்டி போடுவதை விட்டுவிட்டு உற்பத்தியில் அவா்களுடன் போட்டி போட வேண்டும் என்கிறாா்.
• உண்மையில் இது ஒரு ஆரோக்கியமான போட்டி. அப்போதுதான் வேலைவாய்ப்பு அதிகரிக்கும், வேலையில்லாதோா் எண்ணிக்கையும் குறையும்.

நன்றி: தினமணி (10 – 08 – 2024)