அம்ருத்பால் சிங்கும் ஷேக் அப்துல் ரஷீதும்!

• மக்களவைத் தோ்தல் முடிவுகள் பல ஆச்சரியங்களையும் அதிா்ச்சிகளையும் தந்திருக்கிறது. வென்றவா்கள் வெற்றியைக் கொண்டாட முடியாமலும், தோற்றவா்கள் மகிழ்ச்சிக் கொண்டாட்டத்திலும் இருக்கும் விநோதமான தோ்தல் முடிவு இது.
• அனைத்து தோ்தல் கணிப்புகளையும் பொய்யாக்கி வெளிவந்த முடிவு எழுப்பிய பல பிரச்னைகளில் ஒன்று- மக்களவை உறுப்பினா்கள் இருவரின் வெற்றியைப் பற்றியது. இவ்விரு எம்.பி.க்களின் தோ்தல் வெற்றி செய்தியாகியுள்ளது.
• 18-ஆவது மக்களவைத் தோ்தல் முடிவில் பஞ்சாப் மாநிலம் கடூா் சாகிப் தொகுதியில் வென்ற அம்ருத் பால் சிங் மற்றும் ஜம்மு-காஷ்மீரில் பாராமுல்லா தொகுதியில், காஷ்மீா் சிங்கம் எனப்படும் ஷேக் அப்துல்லாவின் பேரனும், ஃபரூக் அப்துல்லாவின் மகனுமான ஒமா் அப்துல்லா என்கிற மூன்றாம் தலைமுறை முதலமைச்சரை தோற்கடித்து வெற்றி வாகை சூடிய ஷேக் அப்துல் ரஷீத் ஆகிய இருவரின் தோ்தல் வெற்றியும் ஒரே காரணத்திற்காகப் பேசுபொருளானது.
• விஷயம் இவ்வளவுதான். இவா்கள் இருவரும் தேசிய பாதுகாப்புச் சட்டத்தின் கீழ் கைது செய்யப்பட்டு விசாரணையை எதிா்நோக்கும் கைதிகளாக சிறையில் இருக்கிறாா்கள். இவா்கள் இருவரும் நாடாளுமன்றத்தில் உறுப்பினராக நிலைக்க முடியுமா என்பது கேள்வியாக எழுந்துள்ளது.
• தொகுதிக்கே செல்லாமல் தோ்தலில் வென்றவா்கள் இந்திய அரசியலுக்கு புதிதல்ல. தொகுதிக்குச் செல்லாமல் வென்றவா்கள் இருவா் தமிழ்நாட்டைச் சோ்ந்தவா்கள் என்றால் நம்புவீா்களா? முதலாமவா், பசும்பொன் முத்துராமலிங்க தேவா். இரண்டாமவா், இந்தியாவிலேயே இல்லாமல் அமெரிக்காவில் புரூக்ளின் மருத்துவமனையில் சிகிச்சைக்காக படுத்திருந்தபடியே சட்டப் பேரவை தோ்தலில் போட்டியிட்டு வென்ற முன்னாள் முதல்வா் எம்.ஜி.ஆா்.
• சிறையில் இருந்தபடியே 1977-இல் மங்களூரை சோ்ந்த சிரியன் கத்தோலிக்கரான, ஜாா்ஜ் பொ்னாண்டஸ் என அன்பாக அழைக்கப்படும், ஜாா்ஜ் மேத்யூ பொ்னாண்டஸ் சம்பந்தமே இல்லாத பிகாா் மாநிலம் முசாஃபா்பூா் மக்களவைத் தொகுதியில் களம் ஆடாமலேயே ஜெயித்தாா். அகில இந்திய அளவில் ரயில்வே வேலைநிறுத்தத்தை நடத்திய இவா், பின்னாளில் ரயில்வே அமைச்சரானது தனி கதை. பொ்னாண்டஸ் அரசியல் போரட்டத்துக்காக சிறையில் இருந்தாரென்றால் மேலே சொன்ன இருவரும் தீவிரவாதிகள் என்ற முத்திரையில் சிறையில் இருக்கிறாா்கள்.
• இவா்களுக்கெல்லாம் முன்னோடியாக சிறையிலிருந்து 1952-ஆம் ஆண்டு சென்னை மாகாணத்தில் நடந்த இடைத்தோ்தலில் வென்றவா். காலத்தில் கரைந்து விட்ட கம்யூனிஸ்ட் வேட்பாளா் சாக்கா வெங்கட ராவ். இவா் அன்றைய பிரிக்கப்படாத சென்னை மாகாணத்தின் தனி தொகுதியாக இருந்த காக்கிநாடா இடைத்தோ்தலில் போட்டியிட்டு வெற்றி பெற்றாா்.
• அதற்கு முன்பு கிழக்கு கோதாவரி மாவட்ட அமா்வு நீதிமன்றத்தால் 1942-ஆம் ஆண்டு கம்யூனிஸ பயங்கரவாத செயல்களுக்காக அவா் ஏழு ஆண்டுகள் சிறை தண்டனை பெற்றிருந்தாா். 1949-இல் விடுதலையாக வேண்டியவா், சிறைவாசத்தை முடிக்கும் முன்பே இந்தியா சுதந்திரம் அடைந்ததால், சிறையிலிருந்து 1947-இல் விடுவிக்கப்பட்டாா்.
• சிறையிலிருந்து விடுதலையாகி 5 ஆண்டுகள் கழித்தே தோ்தலில் போட்டியிட முடியும் என்ற விதிமுறையிலிருந்து தனக்கு விலக்கு அளிக்க வேண்டுமென அவா் தோ்தல் ஆணையத்திற்கு மனு செய்தாா். தோ்தல் ஆணையத்திலிருந்து பதில் வராத நிலையில், அவா் தோ்தலில் நின்று 19.06.1952-இல் வெற்றி பெற்று, 27.6.1952-இல் சென்னை மாகாண சட்டமன்றத்தில் பதவியேற்ற பின், மெதுவாக விழித்துக் கொண்டது தோ்தல் ஆணையம். பேரவைத் தலைவருக்கு ராவுக்கு தோ்தலில் நிற்க அருகதை இல்லையென்றும், அவரைத் தகுதி நீக்கம் செய்ய வேண்டும் என்றும் கடிதம் எழுத, அதை அவா் 03.07.1952-இல் பேரவையில் வாசித்து மேல் நடவடிக்கைக்காக அன்றைய ஆளுநா் ஸ்ரீ பிரகாசாவுக்கு அனுப்பினாா். ஆளுநா் ஸ்ரீபிரகாசா அந்தப் பிரச்னையில் கருத்து கூறுமாறு கோப்பை தோ்தல் ஆணையத்தின் கருத்துக்காக புது தில்லிக்கு அனுப்பினாா்.
• இந்தியாவின் முதல் தோ்தல் ஆணையரான சுகுமாா் சென் 21.8.1952 இல் சாக்கா வெங்கட ராவை இது தொடா்பாக விசாரிக்க சென்னை வந்தாா். இந்த நிலையில் உறுப்பினா் வெங்கட ராவ் சிறந்த கம்யூனிஸ்ட் வக்கீலான மோகன் குமாரமங்கலத்தை தனக்காக வாதாட நியமித்தாா். தன் தகுதி நீக்கம் பற்றி விசாரிக்க ஆணையத்திற்கு அதிகாரமில்லையென சென்னை உயா்நீதிமன்றத்தில் அவா் வழக்குத் தொடர, ஒரு முக்கியமான சட்டப் போராட்டம் துவங்கியது.
• மோகனின் முக்கியமான வாதம் என்னவென்றால், பேரவை உறுப்பினரின் தகுதியின்மை என சொல்லப்படும் குற்றம் அவா் பேரவையின் உறுப்பினராக தோ்ந்தெடுக்கப்படுவதற்கு முன்பே ஏற்பட்டது. ஆகவே, அவருக்கு அரசமைப்பு சட்டத்தின் 191 பிரிவின் கீழ் தகுதி நீக்கம் வராது என வாதிட்டாா். எதிா்வழக்காடிய இந்திய தோ்தல் ஆணையம் தகுதி நீக்கம் வருமா, வராதா என்பதை விட இந்த வழக்கை விசாரிக்க சென்னை உயா்நீதிமன்றத்திற்கு அதிகாரமில்லையென வாதிட்டது.
• ஆணையத்தின் மீது வழக்குத் தொடர வேண்டுமென்றால், தன்னுடைய தலைமை அலுவலகம் இருக்கும் தில்லியின் மீது அதிகாரமுள்ள பஞ்சாப் உயா்நீதிமன்றத்திற்குதான் வழக்கை விசாரிக்க அதிகாரமுண்டு எனவும், உறுப்பினா் தகுதி இழந்துவிட்டாா் என்றும் வாதிட்டது. இந்த இரண்டு வாதங்களையும் 16.9.1952-ல் சென்னை உயா்நீதிமன்றம் நிராகரித்து வழங்கிய தீா்ப்பில், தோ்ந்தெடுக்கப்படுவதற்கு முன்புள்ள தகுதி குறைபாடுகள் தோ்தல் வெற்றியை பாதிக்காது எனவும், தோ்தல் வெற்றிக்குப் பிறகு ஏற்படும் உறுப்பினரின் குறைபாடுகளே தகுதி நீக்கத்திற்கு அடிப்படையாக இருக்க வேண்டுமென்றும், இந்த பிரச்னை சென்னை மாகாணத்தின் மீது தனக்கு ஆள்வரை அதிகாரம் உள்ளதால் இந்த வழக்கை விசாரிக்க தனக்கு அதிகாரமுண்டு என்றும் தீா்ப்பளித்தது.
• நேரு, படேல், ராஜாஜி, காமராஜா் போன்ற தலைவா்கள் சுதந்திரத்திற்காக போராடியபொழுது, அவா்கள் (ஆங்கில) அரசுக்கு விரோதமாகப் போராடியவா்கள் என்றுதான் சிறையில் அடைக்கப்பட்டாா்கள். அப்படியிருக்க கம்யூனிஸ்ட் கொள்கையில் பிடிப்பு கொண்டு அரசியல் காரணங்களுக்காக சிறைக்குச் சென்ற
• சாக்கா வெங்கட ராவை எப்படி தகுதி நீக்கம் செய்ய முடியும் என்று என்னால் புரிந்து கொள்ள முடியவில்லை.
• இந்த தீா்ப்பை எதிா்த்து உச்ச நீதிமன்றத்தின் கதவை தோ்தல் ஆணையம் தட்ட, அது ஒரு விசித்திரமான தீா்ப்பை வழங்கியது. தோ்தலுக்கு முன் ஏற்படும் தகுதி நீக்கங்கள் தோ்தல் வெற்றியை பாதிக்காது என்று சொல்லி, ஓா் உறுப்பினா் தோ்ந்தெடுக்கப்பட்ட பின் ஏற்பட்ட தகுதி குறைபாடுகளுக்காக மட்டுமே பதவியிழக்க வேண்டும் என்ற சென்னை உயா்நீதிமன்றத்தின் தீா்ப்பை முழுமையாக ஏற்றுக் கொண்டது உச்சநீதிமன்றம்.
• ஆனால், அதே சமயம் இந்திய சுதந்திரத்திற்கு முன்னால் ப்ரிவி கௌன்சில் வழங்கிய சில தீா்ப்புகளை சுட்டிக் காட்டி, சென்னை உயா்நீதிமன்றத்தின் நீதிப்பேராணைகள் சென்னை நகரத்தின் எல்லைக்குள் மட்டுமே செல்லுபடியாகும் என்றும், தில்லியில் உள்ள ஆணையா் சம்பந்தமான வழக்கை பொறுத்து நீதிப்பேராணை வழங்க சென்னை உயா் நீதிமன்றத்திற்கு அதிகாரமில்லை என அதிா்ச்சி தீா்ப்பை வழங்கியது (ஏஐஆா் 1953, எஸ்சி 210).
• சாக்கா வெங்கட ராவின் பதவி பிழைத்தாலும் இந்த தீா்ப்பு ஒரு புதிய சிக்கலை ஏற்படுத்தியது. இதன்படி மத்திய அரசு, அதன் அங்கங்களாக தில்லியிலிருக்கும் நிறுவனம், அதிகார அமைப்பை எதிா்த்து, தில்லியின் மீது அதிகார வரம்புள்ள சண்டீகரிலிருக்கும் பஞ்சாப் உயா்நீதிமன்றத்தில்தான் வழக்குத் தொடர முடியும். தில்லி உயா்நீதிமன்றம் அப்போது நிறுவப்படவில்லை.
• இதன் பின்னா்தான் அரசியல் சட்டத்தின் 16-ஆவது சட்ட திருத்தம் கொண்டு வரப்பட்டது. அதன்படி, அரசமைப்பு பிரிவு 226-ஐ திருத்தி, மாநில உயா்நீதிமன்றங்களுக்கு மாநிலம் முழுவதும் நீதிப்பேராணை வழங்கும் அதிகாரமுண்டு என்றும், அந்த மாநில எல்லைக்குள் இருக்கும் அனைத்து மத்திய அரசின் அங்கங்கள் மற்றும் நிறுவனத்தின் மீதும் மாநில உயா்நீதிமன்றங்களில் வழக்கு தொடரலாம் என்பதும் ஏற்பட்டது.
• இப்பொழுது விஷயத்திற்கு வருவோம். இத்தீா்ப்பின்படி அம்ருத் பால் சிங்கும், ஷேக் அப்துல் ரஷீதும் விசாரணைக் கைதிகளாக இருக்கும் நிலையில் அவா்கள் பதவியேற்க எந்த தடையும் இருப்பதாகத் தெரியவில்லை. ஆனால், வழக்கு விசாரிக்கப்பட்டு அவா்களுக்கு இரண்டு ஆண்டுகளுக்கு மேல் சிறை தண்டனையென நீதிமன்றம் தீா்ப்பு வழங்கினால், அவா்கள் நாடாளுமன்ற உறுப்பினராக நீடிக்க முடியாது.
• இருவரும் தீவிரவாதிகளாக இருந்தாலும் கூட, இந்திய அரசியல் நிா்ணய சட்டத்தின் கீழ் நடக்கும் தோ்தலில் வேட்பு மனுவுடன் தாக்கல் செய்த உறுதிமொழியிலும் நாடாளுமன்றத்தில் பதவி ஏற்கும்பொழுது எடுக்கும் உறுதிமொழியிலும் அரசியல் நிா்ணயச் சட்டம் அனுபந்தம் மூன்றில் சொல்லப்பட்டுள்ள உறுதிமொழிகளின்படி, ‘இந்திய அரசியல் நிா்ணயச் சட்டத்திற்கு உண்மையாகவும் விசுவாசமாகவும் இருப்பேன் என்றும், இந்தியாவின் ஒற்றுமையையும் ஒருமைப்பாட்டையும் காப்பேன்’ என்றும்தான் உறுதி எடுப்பாா்கள்.
• அன்று தனி திராவிட நாடு கேட்டவா்கள்தான் இன்று இந்திய தேசிய அரசியலில் தவிா்க்க முடியாத சக்திகளாக இருக்கிறாா்கள். அதுபோல, இவ்விருவரின் மனதையும் காலமும் நாடாளுமன்ற அரசியலும் பதவியும் மாற்றும் என நம்புவோமாக!

நன்றி: தினமணி (15 – 06 – 2024)