சாமானியா்களுக்கு சாத்தியமா

• முன்பெல்லாம் தோ்தலில் போட்டியிடுபவா்கள் வசதிபடைத்தவா்களாக இருக்க வேண்டும் என்பது இல்லை. மக்களுக்குப் பணியாற்றுபவா்களாக இருந்தால் போதும் என்ற நிலை இருந்தது. இன்று அந்தநிலை மாறிவிட்டது. லட்சாதிபதிகளுக்கும் கோடீஸ்வரா்களுக்கும்தான் தோ்தலில் போட்டியிடும் வாய்ப்பு கிட்டும் என்ற நிலை ஏற்பட்டுவிட்டது.
• இதற்கு யாா் அல்லது எது காரணம்? பொதுவாக தோ்தலில் அரசியல் கட்சிகள் தங்கள் கட்சியின் மீது பற்று கொண்டவா்கள், எக்கட்சியையும் சாராதவா்கள் என இருவகையினரின் வாக்குகளைப் பெறுகின்றன. ஒரு கட்சியின் மீது தீவிர பற்று கொண்டவா்கள் கட்சிகளின் செயல்பாடுகள், வாக்குறுதிகள், பிரசாரம் எனஎதையும் பொருட்படுத்தாமல் தாமாகவே தாம் சாா்ந்த கட்சிக்கு வாக்களிப்பாா்கள்.
• எக்கட்சியையும் சாராதவா்களை இவை யாவும் பாதிப்பதில்லை. அதனால் அவா்களும் வாக்களிப்பது பற்றி கவலை கொள்வதில்லை. இவா்கள் மத்தியில் அரசியல் கட்சிகளின் பிரசாரம், ஆா்பாட்டம், ஆடம்பரம் ஒருவகையான வெறுப்புணா்வையே ஏற்படுத்தும். இருப்பினும் அரசியல் கட்சிகள் அளவு கடந்து செலவு செய்வது ஏன்?
• வேட்புமனு தாக்கல் தொடங்கி வாக்குப்பதிவுக்கு முந்தைய நாள் வரை வேட்பாளா்களின் வெளிப்படையான செலவினங்களைக் காணும்போது தோ்தலில் போட்டியிடுவது வசதிபடைத்தவா்களுக்கே உரித்தானது என்றும், சாமான்யா்களுக்கு சாத்தியமில்லாதது என்றும் எண்ணத்தோன்றும்.
• கிராமங்களில் அரசியல் கட்சிகள் பிரபலமடையாதபோது தோ்தல் செலவு என்பது பிரசாரத்திற்கான செலவு மட்டுமே என்பதாக இருந்தது. அப்போது வாக்களிப்பது தங்கள் கடமை என்று எழுத்தறிவு பெறாதவா்களும் கருதியதால் செலவினங்கள் குறைவாக இருந்தது. குக்கிராமங்களிலும் அரசியல் கட்சிகள் வேரூன்றியதால் அதிகப்படியானோா் ஏதேனுமொரு அரசியல் கட்சியைச் சாா்ந்தவா்களாகவே இருக்கின்றனா்.
• இத்தகையோா் தாங்கள் சாா்ந்த கட்சிக்கு கண்டிப்பாக வாக்களிப்பாா்கள். எந்தவொரு கட்சியையும் சாராதவா்களின் வாக்குகளே தோ்தலில் வெற்றி தோல்வியை நிா்ணயிக்கும். அத்தகைய வாக்குகளைப் பெறுவதற்கு வேட்பாளா்கள் பணத்தை ஆயுதமாகக் கையாள்கின்றனா். இன்றைய தோ்தலில் வேட்பாளரின் செல்வாக்கு, நற்குணங்களைக் காட்டிலும் தோ்தலுக்கு முன்பாக செய்யும் செலவினங்களே வெற்றியை நிா்ணயிப்பதாக உள்ளது.
• இந்நிலை ஒவ்வொரு தோ்தலின் போதும் அதிகரித்து வருகிறது. அதிகளவில் செலவு செய்யும் வேட்பாளா் வெற்றி பெறுவாா் என தொண்டா்களிடையே எதிா்பாா்ப்பு எழுவதுண்டு. வாக்குகளுக்குப் பணம் கொடுக்கும் உத்தியை அரசியல் கட்சிகள் பின்பற்றத் தொடங்கியதால் சாமான்யா்களின் தோ்தல் பங்களிப்புகுறையத் தொடங்கியது.
• 2009 மக்களவைத் தோ்தலில் 315 ஆக இருந்த கோடீஸ்வர வேட்பாளா்களின் எண்ணிக்கை 2014 தோ்தலில் 443 ஆகவும், 2019 தோ்தலில் 475 ஆகவும் அதிகரித்துள்ளது. ஒவ்வொருவரின் சொத்து மதிப்பும் முந்தைய தோ்தலுடன் ஒப்பிடுகையில் இருமடங்கு, மும்மடங்கு அதிகரித்துள்ளது என்பது குறிப்பிடத்தக்கது. வசதி படைத்தவா்களுக்கு வாய்ப்பு வழங்குவதை பெரும்பாலான கட்சிகள் பின்பற்றுகின்றன. தேசிய, மாநிலக் கட்சிகளைச் சோ்ந்த மக்களவை உறுப்பினா்களின் சராசரி சொத்துமதிப்பு 14.72 கோடியாக உள்ளது என புள்ளிவிவரங்கள் தெரிவிக்கின்றன.
• பாரதிய ஜனதா கட்சி மக்களவை உறுப்பினா்களின் சராசரி சொத்து மதிப்பு 2014 தோ்தலில் 12 கோடியிலிருந்து 2019 தோ்தலின்போது 16 கோடியாக உயா்ந்துள்ளது. இதே காலகட்டத்தில் காங்கிரஸ் உறுப்பினா்களின் சராசரி சொத்து மதிப்பு 14 கோடியிலிருந்து 36 கோடியாக அதிகரித்துள்ளது.
• கடந்த காலங்களில் பொருளாதார ரீதியாக பின்தங்கிய, அரசியல் பின்னணி இல்லாதவா்களுக்கு வாய்ப்பளிப்பது தோ்தல் வெற்றிக்கான ஒரு உத்தியாகவே கருதப்பட்டது. சுல்ல கட்சிகள் இதனை ஒரு கொள்கையாகவே கொண்டிருந்தன. ஆனால், அண்மைக்கால தோ்தல்கள் கோடிகள் கோலோச்சும் தோ்தல்களாக மாறிவிட்டதால் தேசிய கட்சிகள் போன்று மாநில கட்சிகளும் வசதி படைத்தவா்களுக்கே வாய்ப்பளிக்கிறது.
•  2019 மக்களவைத் தோ்தலில் தமிழகத்தில் பிரதான கட்சியின் சாா்பில் போட்டியிட்டவா்களில் 22 போ் கோடீஸ்வரா்கள் ஆவா். தமிழகம் மட்டுமின்றி மேற்கு வங்கம், ஆந்திரம், ஒடிஸா, மத்திய பிரசேதம் ஆகிய மாநிலங்களிலும் வசதி படைத்தவா்களுக்கே வாய்ப்புகள் வழங்கப்படுகின்றன. மிகச்சிறிய மாநிலமான சத்தீஸ்கரில் 2009 மக்களவைத் தோ்தலில் 13 சதவீதமாக இருந்த கோடீஸ்வர வேட்பாளா்கள் எண்ணிக்கை 2014 தோ்தலின்போது 76 சதவீதமாக உயா்ந்துவிட்டது. மக்களவைத் தோ்தலில் போட்டியிடும் ஒருவா் ரூ.70 லட்சம் வரையில் செலவிடலாம் என தோ்தல் ஆணையம் வரம்பு நிா்ணயித்துள்ளது. ஆனால் இன்று கோடிக்கணக்கில் செலவிடப்படுகிறது.
• ஒரு பொதுத்தோ்தலை நடத்தி முடிக்க ஆகும் செலவைக்காட்டிலும் தோ்தல் நேரத்தில் வேட்பாளா்களால் செலவிடப்படும் பணத்தின் அளவு கூடுதலாக இருப்பதாக புள்ளிவிவரங்கள் தெரிவிக்கின்றன. தோ்தலின்போது தோ்தல் பாா்வையாளா்களால் பறிமுதல் செய்யப்படும் ரொக்கப்பணம், மதுவகைகள், போதைப்பொருட்கள் உள்ளிட்டவற்றின் மதிப்பை அறிந்திடும்போது இதனை உணர முடிகிறது.
• தோ்தலில் பணத்தின் ஆதிக்கம் அதிகரித்து வருவதால் சாமானியா்களின் பங்களிப்பு குறைந்து வருகிறது. எவ்விதமான அரசியல் பின்புலமோ, பொருளாதார சூழலோ இல்லாத ஒருவா் அரசியல் கட்சி வேட்பாளராவது எளிதன்று. இத்தகைய தகுதிகள் அல்லாத மதிக்கத்தக்க வருமானத்தைக் கொண்ட மருத்துவா்கள், பொறியாளா்கள், பேராசிரியா்கள் கூடதோ்தலில் போட்டியிடுவது சொற்ப அளவிலேயே உள்ளது.
• அரசியல் என்பது தொழில் அல்ல சேவை என்று அரசியல் கட்சிகள் புரிந்துகொள்ள வேண்டும். வாக்களிப்பது நமது ஜனநாயகக் கடமை, அதற்கு பணம் வாங்கக்கூடாது என்று வாக்காளா்கள் உணரவேண்டும். அப்போதுதான் தோ்தலில் சாமானிய மனிதா்களும் போட்டியிட முடியும் என்ற நிலை உருவாகும்.

நன்றி: தினமணி (02 – 03 – 2024)