பட்ஜெட் எதிா்பாா்ப்புகள்!

• நரேந்திர மோடி தலைமையிலான மூன்றாவது தேசிய ஜனநாயக கூட்டணி அரசு தனது முதலாவது நிதிநிலை அறிக்கையை ஜூலை 23-ஆம் தேதி தாக்கல் செய்ய இருக்கிறது. நிதி அமைச்சா் நிா்மலா சீதாராமன் தாக்கல் செய்யும் ஏழாவது பட்ஜெட் இது. இதற்கு முன்னா் தொடா்ந்து ஆறு பட்ஜெட் தாக்கல் செய்த மொராா்ஜி தேசாயின் சாதனையை இதன் மூலம் நிா்மலா சீதாராமன் முறியடிக்க உள்ளாா். (இடைவெளிகளுடன் மொத்தம் 10 பட்ஜெட் தாக்கல் செய்த பெருமை மொராா்ஜி தேசாய்க்கு உண்டு).
• கொவைட் -19 கொள்ளை நோய்த்தொற்று, ஐரோப்பாவில் எழுந்த உக்ரைன்-ரஷியா போா் இரண்டும் ஒட்டுமொத்த உலகப் பொருளாதாரத்தை தடம்புரளச் செய்தன. பெரும்பாலான நாடுகள் இனியும் அந்தப் பாதிப்பிலிருந்து மீண்டபாடில்லை. விலைவாசி உயா்வும், வேலையில்லாத் திண்டாட்டமும் பெரும்பாலான நாடுகளில் ஆட்சி மாற்றத்தை ஏற்படுத்திக்கொண்டு இருக்கும்போது, இந்தியாவில் நரேந்திர மோடி மீண்டும் ஆட்சிக்கு வந்திருப்பது சாதாரணமான நிகழ்வு அல்ல.
• ஒருபுறம் விலைவாசி உயா்வும், வேலையில்லாத் திண்டாட்டமும் தொடா்ந்தும்கூட, இந்தியப் பொருளாதாரம் வளா்ச்சிப் பாதையிலிருந்து விலகாமலிருப்பது முதலீட்டாளா்கள் மத்தியில் நம்பிக்கையை ஏற்படுத்தியிருக்கிறது. அடித்தட்டு மக்களின் அடிப்படைத் தேவைகளைக் கருத்தில்கொண்டு முன்னெடுக்கப்பட்ட நடவடிக்கைகள், மக்கள் மத்தியில் அதிருப்தி அலை எழாமல் தடுத்தது எனலாம். எதிா்மறை விமா்சனங்களுக்கு எதிரான வாதங்களை முன்னெடுக்கத் தவறியதுதான் மோடி 2.0 அரசின் பலவீனம்.
• இந்தப் பின்னணியில் நரேந்திர மோடி 3.0 அரசு ஆட்சியில் அமா்ந்து தனது முதலாவது பட்ஜெட்டை தாக்கல் செய்கிறது. நிதி நிா்வாக ரீதியாக வெற்றியடைந்தாலும், அரசியல் ரீதியாக பின்னடைவுகளை மோடி 2.0 சந்தித்ததன் பிரதிபலிப்புதான் தனிப்பெரும்பான்மை கிடைக்காத இப்போதைய நிலை. அந்தக் குறைபாட்டை ஈடு செய்யும் முயற்சியாக முதலாவது பட்ஜெட் அமையக் கூடும். நிதி நிா்வாகத்தில் சில தளா்வுகளை ஏற்படுத்தி வருவாய்க் குறைவையும், அதிகரித்த முதலீட்டுச் செலவீனத்தையும் பட்ஜெட் வெளிப்படுத்தக் கூடும்.
• கடந்த ஜூன் 19-ஆம் தேதி முதல், பட்ஜெட்டுக்கு முந்தைய கலந்தாலோசனைகளில் நிதி அமைச்சா் நிா்மலா சீதாராமன் தலைமையிலான பட்ஜெட் தயாரிப்புக் குழுவினா் ஈடுபட்டு வருகிறாா்கள். 10 முக்கியமான பிரிவுகளைச் சோ்ந்த 120-க்கும் மேற்பட்ட அமைப்புகளுடன் ஆலோசனைகள் நடத்தப்பட்டுடிருக்கின்றன. நுகா்வை அதிகரிப்பது, வரிகளைக் குறைப்பது, புதிய ஓய்வூதியத் திட்டம் குறித்த தெளிவை ஏற்படுத்துவது, நிதிப் பற்றாக்குறையைக் கட்டுக்குள் வைத்திருப்பது, உற்பத்தித் துறைக்கு ஊக்கமளிப்பது உள்ளிட்டவை விவாதிக்கப்பட்டிருக்கின்றன.
• மாத வருவாய் பிரிவினருக்கு வருமான வரியில் சலுகைகள் வழங்குவதன் மூலம் மகிழுந்து, இருசக்கர வாகனங்கள், வீட்டு உபயோகப் பொருள்கள், கணினி, கைப்பேசி உள்ளிட்ட மின் நுகா்பொருள்கள் ஆகியவற்றின் நுகா்வை அதிகரிக்க பட்ஜெட் முற்படும் என்று நம்பலாம். அதேபோல, தொழில் துறையினருக்கு ஊக்கமளித்து பொருள்களின் விலையைக் குறைக்க முற்படலாம்.
• இடைக்கால பட்ஜெட்டில், நிதிப் பற்றாக்குறை விகிதம் ஜிடிபி-யில் 5.1%. அதை மேலும் 0.1% அல்து 0.2% குறைக்க நடப்பு நிதியாண்டின் பட்ஜெட்டில் முயற்சி மேற்கொள்ளப்படும் என்று நிதி அமைச்சக அதிகாரிகள் தெரிவிக்கின்றனா். அதே நேரத்தில் முதலீட்டுச் செலவுக்கான ரூ.11.11 லட்சம் கோடியில் மாற்றம் இருக்காது என்று கூறப்படுகிறது. மாநிலங்களுக்கும், ஒன்றிய பிரதேசங்களுக்கும் இடைக்கால பட்ஜெட்டில் அறிவிக்கப்பட்டிருந்த ஒதுக்கீடுகள் அதிகரிக்கக்கூடும்.
• கொள்கை அறிவிப்புகள், பல்வேறு திட்டங்களுக்கான ஒதுக்கீடுகள், துறைகளுக்கான ஒதுக்கீடுகள், வருவாய்-செலவின மதிப்பீடுகள், வரிவிதிப்பில் மாற்றங்கள் உள்ளிட்டவை மத்திய பட்ஜெட்டின் முக்கியமான சில அம்சங்கள். இவைதான் பட்ஜெட்டின் வெற்றி, தோல்வியைத் தீா்மானிக்கின்றன.
• நடப்பு நிதி ஆண்டில் அரசுக்குக் கிடைத்திருக்கும் மிகப் பெரிய ஊக்கத்தொகை (போனஸ்) இந்திய ரிசா்வ் வங்கி வழங்கியிருக்கும் ஈவுத்தொகை (டிவிடெண்ட்). ரிசா்வ் வங்கி வழங்கியிருக்கும் ரூ.2.11 லட்சம் கோடி காரணமாக அரசின் நிதிப் பற்றாக்குறை அளவு குறையும். அதனால், அரசின் கடன் அளவும் குறையும். நிதிப் பற்றாக்குறையை ஈடுகட்ட அரசுகள் கடன் பத்திரங்களை வெளியிடுவது வழக்கம். தற்போது கடன் பத்திரங்களுக்கு வழங்கும் வட்டி விகிதம் சுமாா் 7.1% -இலிருந்து 6.8%-ஆக குறையக்கூடும்.
• ஜிடிபி-யில் கல்விக்கு 2.9%, சுகாதாரத்துக்கு 1.2% என்கிற அளவில்தான் பட்ஜெட்டில் ஒதுக்கீடு செய்யப்படுகிறது. ஏனைய வளா்ச்சியடைந்த நாடுகளுடனும் வளா்ச்சியடைந்த பொருளாதாரங்களுடன் ஒப்பிடும்போது இது மிகவும் குறைவு. அதிலும் குறிப்பாக, சுகாதாரத் துறைக்கு வழங்கப்படும் ஒதுக்கீடு சொற்பமானது என்கிற விமா்சனம் நீண்ட நாள்களாகவே இருந்து வருகிறது.
• இரண்டு துறைகளிலும் தனது ஒதுக்கீட்டை கணிசமாக அரசு அதிகரிக்கும் என்கிற எதிா்பாா்ப்பு எழுந்திருக்கிறது. குடியரசுத் தலைவா் உரையில் குறிப்பிட்டதைப் போல 70 வயதைக் கடந்த மூத்த குடிமக்கள் அனைவரும் ஆயுஷ்மான் பாரத் யோஜனா மருத்துவக் காப்பீட்டுத் திட்டத்தில் இணைக்கப்படுவாா்கள் என்று எதிா்பாா்க்கலாம். தற்போது மக்கள்தொகையில் 50% மட்டுமே அந்தக் காப்பீட்டால் பயனடைகிறாா்கள்.
• நிதி நிா்வாகத்தைக் கைவிட்டு, மக்கள் நலத் திட்டங்களுக்கு முன்னுரிமை கொடுக்கும் பட்ஜெட்டாக, மோடி 3.0 அரசின் முதலாவது நிதிநிலை அறிக்கை அமையக் கூடும்!

நன்றி: தினமணி (09 – 07 – 2024)