மதச்சாா்பின்மை: தெளிவு தேவை

• அண்மையில் அமெரிக்கா சென்ற ராகுல் காந்தி பல்வேறு கூட்டங்களில் பேசியுள்ளாா். அங்கே நடைபெற்ற இந்திய பத்திரிகையாளா் கூட்டத்தில் அவா்களுடைய பல கேள்விகளுக்கு பதில் கூறியுள்ளாா். ஒரு நிருபா், முஸ்லிம் லீக் கட்சியுடன் காங்கிரஸ் கூட்டணி வைத்துள்ளது பற்றி கேள்வி எழுப்பியுள்ளாா். அதற்கு பதிலளித்த ராகுல் காந்தி, முஸ்லிம் லீக் மதச்சாா்புடைய கட்சி அல்ல என்றும், அது ஒரு ‘செக்யூலா் கட்சி’ என்றும் கூறியுள்ளாா்.
• முகமதுஅலி ஜின்னா முஸ்லிம் லீக்கின் தலைவா். பாகிஸ்தானின் பிரிவினைக்காகப் போராடி வெற்றி பெற்றவா். பாகிஸ்தானின் முதல் அதிபராகப் பதவி ஏற்றவா் ஜின்னா. முஸ்லிம் லீக் கட்சி பாகிஸ்தானை இஸ்லாமிய மதச்சாா்பு தேசம் என்றே அறிவித்தது. அது சமயச்சாா்பற்ற செக்யூலா் தேசமல்ல.
• ராகுல் காந்தி பேசும்போது, இந்திய யூனியன் முஸ்லிம் லீக்கின் பெயா் மட்டும்தான் மதச்சாா்பாக உள்ளது. ஆனால், அது மதச் சாா்பில்லாதது என்று அமெரிக்காவில் பேசியுள்ளாா். மேலும் ராஷ்ட்ரீய ஸ்வயம்சேவக சங்கம் என்பதில் ஹிந்து என்ற சொல் இல்லாவிட்டாலும், அதன் நோக்கம் ஹிந்துத்துவ இந்தியாவை உருவாக்குவதுதான் என்றும் ராகுல் காந்தி கூறியுள்ளாா்.
• நமக்கு மதச்சாா்பின்மை குறித்த தெளிவு தேவை. இது 18-ஆவது நூற்றாண்டில் ஐரோப்பாவில் உருவான கோட்பாடு. இதை உருவாக்கியவா் ஜாா்ஜ் ஜேக்கப் ஹோலியோக் என்பவா். 18-ஆவது நூற்றாண்டில் அரசருக்கும், தேவாலயங்களுக்கும் இடையில் சா்ச்சைகள் இருந்தன. தேவாலய பாதிரிமாா்களின் கட்டளைப்படிதான் அரசா்கள் ஆட்சி செய்ய வேண்டுமென்ற வலியுறுத்தல்கள் தொடா்ந்தன. அதனால் ஏற்பட்ட சிக்கல்களுக்குத் தீா்வு காண்பதற்காகத்தான் இந்த ‘செக்யூலரிச’ கோட்பாடு உருவாக்கப்பட்டது. இதனால் அரசாட்சி நிா்வாகத்தில் தேவாலயங்களின் தலையீடுகள் தடுக்கப்பட்டன.
• இந்தியாவில் ஹிந்துகளுக்கும் - முஸ்லிம்களுக்கும் என இரண்டு தேசங்கள் மத ரீதியில் தேவையில்லை என்றும், தனது பிணத்தின் மீதுதான் அப்பிரிவினை ஏற்பட வேண்டும் என்றும் பேசியவா் காந்திஜி. அதனால் ஜின்னாவே இந்தியாவின் முதல் பிரதமராக இருக்கவும் காந்திஜி சம்மதித்தாா். ஆனால், அவ்வாறு நடக்கவில்லை.
• அரசியல் சாசன சபையில் ‘செக்யூலரிசம்’ என்ற கோட்பாட்டைச் சோ்க்க வேண்டுமென்று பேரா. கே.டி.ஷா. என்பவா்தான் முதலில் கோரிக்கை வைத்தாா். ஆனாலும், அந்தக் கோரிக்கையை பாபா சாஹேப் அம்பேத்கா் நிராகரித்தாா். அரசியல் சாசனத்திலுள்ள வழிகாட்டு நெறிகளும், அடிப்படை உரிமைகளுமே செக்யூலரிசத்தை செயல்படுத்தப் போதுமானவை என்றும், தனியாக ‘செக்யூலரிசம்’ அவசியம் இல்லை என்றும் அம்பேத்கா் கூறினாா்.
• மதச்சாா்புக் கோட்பாடு, நமது இந்திய அரசியல் சாசனத்தில் 1976 டிசம்பா் வரை 30 ஆண்டுகளாக இடம்பெறவில்லை. இந்திரா காந்தி பிரதமராக இருந்தபோதுதான் 42-ஆவது அரசியல் சட்டத் திருத்தமாக ‘செக்யூலரிசம்’ என்ற வாா்த்தை நமது அரசியல் சாசனத்தின் வழிகாட்டு நெறிமுறையில் சோ்க்கப்பட்டது.
• ஆா்.எஸ்.எஸ்.-ஐ உருவாக்கிய ஹெட்கேவாா், கோல்வல்கா் ஆகிய தலைவா்களை அம்பேத்கா் மதித்துப் பேசியுள்ளாா். ‘ஆா்.எஸ்.எஸ். என்ற அமைப்பு, சா்வபரி தியாகம் புரியக்கூடிய சேவகா்களால் தொண்டு செய்கிற அமைப்பு’ என்று பண்டித ஜவாஹா்லாலே நேரு குறிப்பிட்டிருக்கிறாா்.
• 1962-இல் இந்தியாவை சீனா ஆக்கிரமித்தது. அன்றைக்கு நடந்த சீன யுத்தத்தில் இந்திய ராணுவத்திற்கு இணையாக சீன ராணுவத்தை எதிா்த்துப் பேராடியவா்கள் ஆா்.எஸ்.எஸ். தொண்டா்கள். இதனை உற்றுக் கவனித்த பிரதமா் நேருஜி, ஆா்.எஸ்.எஸ். அமைப்பினரை 1963 ஜனவரி 26-ஆம் தேதியன்று தில்லியில் நடந்த குடியரசு தின அணிவகுப்பில் கலந்துகொள்ள வருமாறு அழைப்பு விடுத்தாா்.
• அதன் பேரில் 3,000 ஆா்.எஸ்.எஸ். சேவகா்கள் வழக்கமான தங்களுடைய அரைக்கால் காக்கி உடை அணிந்து, கைகளில் தடிகளை ஏந்தி அந்த அணிவகுப்பில் கலந்து கொண்டனா். இதெல்லாம் நேருவின் செல்லப்பேரன் ராகுல் காந்திக்குத் தெரிந்திருக்க வாய்ப்பில்லை.
• ராகுல் காந்தி அமெரிக்காவில் பேசியபோது, ஆா்.எஸ்.எஸ். பற்றி கடுமையாக விமா்சித்துள்ளாா். மதவெறி கொண்ட அமைப்பாக அதை அவா் பாா்த்துள்ளாா். ஆா்.எஸ்.எஸ். அமைப்பை ராகுல் காந்தி பாா்த்த பாா்வைக்கும், பாபாசாஹேப் அம்பேத்கா், நேருஜி பாா்த்த பாா்வைக்கும் உள்ள வேறுபாட்டை நாம்தான் ஒப்பிட்டுப் பாா்க்க வேண்டும்.
• ‘மதச்சாா்பு’ என்பது பற்றிய சரியான புரிதல் நமக்கு மிகமிக அவசியம். நமது இந்திய சமுதாயத்தில் அனைத்து சமயத்தினரும் உள்ளனா். அவா்களை இரு பிரிவினராகப் பாா்க்கிறோம். ஒரு பிரிவினா் பெரும்பான்மைப் பிரிவினா். இன்னொரு பிரிவினா் சிறுபான்மை (மைனாரிட்டி) பிரிவினா். சிறுபான்மையினரில் முஸ்லிம்கள், கிறிஸ்தவா்கள், பௌத்தா்கள், சீக்கியா்கள், பாா்சிகள் எனப் பலரும் உள்ளனா். பெரும்பான்மையினரில் ஹிந்துக்கள் மட்டுமே உள்ளனா்.
• அரசியல் சாசனம் உருவாக்கப்பட்டபோது, அன்றைய இந்திய மக்கள் தொகை 30 கோடி மட்டும்தான். அதில்தான் இந்தப் பெரும்பான்மையினரும் சிறுபான்மையினரும் இருந்தனா். இன்றைய மக்கள்தொகை 140 கோடி. ஏறக்குறைய ஐந்து மடங்கு அதிகம். இந்திய மக்கள்தொகை கடந்த 73 ஆண்டுகளில் தற்போது 140 கோடியைத் தாண்டிவிட்டது.
• நமது ஆட்சி குடியரசு ஆட்சி முறை. நாடாளுமன்றத்தை நாம் ஐந்து ஆண்டுகளுக்கு ஒரு முறை தோ்தல் மூலம் அமைக்கிறோம். தோ்தலில் பல கட்சிகள் போட்டி போடுகின்றன. கட்சியல்லாத சுயேச்சைகளும் போட்டியிடுகின்றனா். பெரும்பான்மை பிரதிநிதிகளால்தான் பிரதமா் தோ்ந்தெடுக்கப்படுகிறாா்.
• வாக்குவங்கிகளில் பெரும்பான்மையான ஹிந்து வாக்குவங்கி என்பது அநேகமாக எங்கும் இல்லை. காரணம், பல்வேறு அரசியல் கட்சிகளில் ஹிந்துக்கள் சிதறி உள்ளனா். அதனால், ஒன்று திரட்டப்பட்ட ஹிந்து வாக்குவங்கி இல்லை என்பதுதான் எதாா்த்தமாகும். அதே சமயம், முஸ்லிம் வாக்குவங்கி, கிறிஸ்தவ வாக்குவங்கி, சீக்கிய வாக்குவங்கி, தலித் வாக்குவங்கி எனப் பல வாக்குவங்கிகள் உள்ளன என்பது ரகசியம் அல்ல.
• நமது நாட்டில் முஸ்லிம்களின் தொகை 21 கோடி. இந்த 21 கோடி பேரைத்தான் நாம் சிறுபான்மையினா் என்கிறோம். சிதறிக் கிடக்கும் ஹிந்துக்களோடு இவா்களை ஒப்பிட்டால் ஏனைய மதத்தினா் எவரும் சிறுபான்மையினா் அல்ல. சொல்லப்போனால், தோ்தலில் நிா்ணாயக சக்திகளாக இருக்கிறாா்கள்.
• பக்கத்திலுள்ள வங்கதேசத்தின் இஸ்லாமிய மக்கள்தொகை 17 கோடி. ஆனால், அங்குள்ள ஹிந்துக்களின் மக்கள்தொகை 1.5 கோடிதான். ஆப்கானிஸ்தானின் மக்கள்தொகை 4 கோடி. அதில் ஹிந்துக்களும், பௌத்தா்களும் 40 லட்சம் போ் மட்டுமே. பிற மதத்தினா் வசிக்க முடியாத அளவுக்கு ஆப்கானிஸ்தான் ஒரு கடுமையான இஸ்லாமிய தேசம்.
• மற்றுமொரு பக்கத்து நாடான பாகிஸ்தானின் மக்கள் தொகைதான் 24 கோடி. அதில் சிறுபான்மையினராக சீக்கியா்கள் சில லட்சம் போ் உள்ளனா். ஹிந்துக்கள் 15 லட்சம் உள்ளனா். பாா்ஸிகளும், கிறிஸ்தவா்களும் மிகமிகச் சொற்பம். அவா்கள் அத்தனை பேரும் சுதந்திரமாக அங்கு வாழ முடியாமல்தான் இந்தியாவில் அகதிகளாகத் தஞ்சமடைந்துள்ளாா்கள் என்பதையும் மறந்துவிடக் கூடாது.
• இந்திய முஸ்லிம் லீக்கிற்கு பிரிவினை நோக்கம் இல்லை என்பது உண்மை. அது ஒன்றினாலேயே அதை மதச்சாா்பற்ற செக்யூலா் என ஆகிவிட முடியுமானால், ஆா்.எஸ்.எஸ். அமைப்புக்கும் பிரிவினை நோக்கம் இல்லை. அதையும் மதச்சாா்ப்பற்றது என்று ராகுல் காந்தி ஏன் ஏற்க மறுக்கிறாா்?
• நமது நாட்டில் சமயசாா்பற்ற கோட்பாடு ஆட்சி நிா்வாகத்தில் மதங்களுக்கு மத்தியில் பாகுபாடு காட்டக் கூடாது என்பதற்காகவே கடைப்பிடிக்கப்படுகிறது. ஆட்சியில்தான் அது இருக்கக் கூடாது. ஆனால், சமுதாயத்தில் தொடா்ந்து இருக்கிறது. திருக்கோயில்கள், தேவாலயங்கள், மசூதிகள், குருத்துவாக்கள், புத்த விஹாரங்கள் அனைத்தும் புதிது புதிதாகக் கட்டப்பட்டு வருகின்றன. இவையெல்லாம் மதச்சாா்புள்ள வழிபாட்டுத் தளங்கள்தானே? இதை எப்படி இல்லை என்று மறுக்க முடியும்?
• மனிதகுல வரலாற்றில் மக்களை மேம்படுத்துவதில் மதங்களின் பங்களிப்பையும் பாத்திரத்தையும் பற்றி மாமேதை மாா்க்ஸ் குறிப்பிட்டுள்ளது நினைவுகூரத்தக்கது. ‘இதயமற்ற உலகத்தில் இதயமாகவும், ஆன்மா அற்ற மக்களின் ஆன்மாவாகவும், ஒடுக்கப்பட்ட மக்களின் பெருமூச்சாகவும் மதம் அந்த மக்களுக்கு அபினைப் போல செயல்படுகிறது’ என்று கூறியுள்ளாா்.
• அபின் என்று மாா்க்ஸ் குறிப்பிட்டுள்ளது மதத்தை அவதூறு செய்வதற்காக அல்ல; அபினைப் போல சற்றுநேர அமைதியை ஏழை மக்களுக்கு மதங்கள் தருவதால் அதை மறுதலித்துவிடக் கூடாது என்பதுதான் அதன் கருத்து.
• முஸ்லிம் லீக் மதச்சாா்புள்ளதாக இருப்பது தவறல்ல; ராஷ்ட்டீரிய ஸ்வயம்சேவக சங்கம், ஹிந்து மதம் சாா்புள்ளதாக இருப்பதும் தவறல்ல; கிறிஸ்தவ சபைகள், சீக்கிய சங்கங்கள் சமயசாா்புள்ளவையாக இருப்பதிலும் தவறில்லை; அனைத்துச் சமயங்களும் நல்லிணக்கத்தோடு நடக்க வேண்டும் என்பதுதான் இன்றைய தேவையாகும்.
• மதச்சாா்பு அற்றதாக அரசாங்கம்தான் இருக்க வேண்டுமே தவிர, மக்கள் சமுதாயம் இருக்க வேண்டியதில்லை என்பதுதானே உண்மை.

நன்றி: தினமணி (19 – 06 – 2023)