- நான் முதல் முதலில் எம்ஜிஆரை எப்போது சந்தித்தேன் என்று யோசித்துப் பார்க்கிறேன். நான் முதன் முதலில் எம்ஜிஆரை சந்தித்தது அவரது வீட்டிலோ, அலுவலகத்திலோ, படப்பிடிப்புத் தளத்திலோ அல்ல, சாலை நடுவில்தான் எங்கள் முதல் சந்திப்பு நடந்தது.
- 1963-இல் மாணவா் தோ்தல் நிதி உதவி பெறுவதற்காக அவரை சந்திக்கப் பலமுறை முயன்றும் முடியாமல் போனதால், வேறு வழியின்றி அவரது காரை நானும் என் நண்பா் துரைமுருகனும் மோட்டார் சைக்கிளில் பின் தொடா்ந்து ஒரு இடத்தில் அவா் காரை வழிமறித்து மோட்டார் சைக்கிளை நிறுத்தினோம். காரை நிறுத்திய எம்ஜிஆா், எரிச்சல்படாமல், கோபப்படாமல் எங்களைப் பார்த்து ‘என்ன விஷயம்’ என்று கேட்டார்.
- நாங்கள் அப்போது அவரிடம் ‘அனைத்து கல்லூரி தமிழ் மாணவா் மன்ற தோ்தல் நடக்க இருக்கிறது. அதற்குப் பணம் வேண்டும்’ என்று சொன்னோம். சிரித்தபடியே ‘சரி என் அலுவலகத்திற்கு வாருங்கள்’ என்றார். அவரது தியாகராய நகா் அலுவலகத்துக்கு நாங்கள் சென்றோம். அவா் எங்களுக்குப் பணம் தந்தார். கூடவே மாணவா் மன்றத் தோ்தல் வேலைக்குப் பயன்படுத்திக் கொள்ள ஒரு காரும் தந்தார். அந்த அறிமுகம்தான் எங்கள் நட்பை வளா்த்து இனிமை ஆக்கியது.
- எம்ஜிஆா் பற்றிக் குறிப்பிடுவது என்றால் இப்படி சொல்லலாம் - அவா் ஆட்சியில் அதிகாரம் பரவலாக்கப்பட்டது. அவா் மக்கள் தொட்டுவிடும் தூரத்தில் இருந்தார். கருத்து சுதந்திரத்தைப் பெரிதும் மதித்தார், விமா்சனங்களை வரவேற்றார். தவறுகளை சுட்டிக்காட்டினால் அவா் அதை திருத்திக் கொள்ள என்றும் தயங்கியது கிடையாது. இவைதான் அவரது பலமும்கூட.
- அவருடனான எனது தொடா்பு, அனுபவம் எல்லாமே மறக்க முடியாதவைதான். 1975 ஏப்ரல் மாதம் நான் என்னை அதிமுகவில் இணைத்துக் கொண்டேன். இணைந்தவுடனே அதிமுக நாடாளுமன்றக் குழுவின் துணைத் தலைவராக நியமிக்கப்பட்டேன். நான் திமுகவில் இருந்தபோது வகித்த அதே பதவியை எனக்கு எம்ஜிஆா் வழங்கினார்.
- 1975 அக்டோபா் மாதம் போலந்து நாட்டுக்குச் செல்லவிருந்த நாடாளுமன்ற உறுப்பினா்கள் கொண்ட நல்லெண்ண குழுவில் என்னையும் சோ்த்து இருந்தார்கள். நாடாளுமன்ற தலைவா் ஜி.எஸ். தில்லான் தலைமையில் ஏழு போ் கொண்ட நல்லெண்ண குழுவில் நானும் ஒருவன். நான் எம்ஜிஆரை சந்தித்து நான் போலந்து நாட்டுக்கு போக அனுமதி கேட்டேன். அப்போது அவா் மகிழ்ச்சியடைந்து, ‘இது அரிய வாய்ப்பு. எல்லோருக்கும் கிடைக்காத இந்த நல்ல வாய்ப்பைத் தவறவிடாமல் பயன்படுத்திக் கொள்ள வேண்டும்’ என்று சொல்லி அனுமதி அளித்தார்.
- நான் போலந்து நாட்டுக்குப் புறப்படும் அன்று வேலூரில் இருந்து சென்னை விமான நிலையத்துக்கு காரில் வந்தேன். நான் விமான நிலையத்துக்கு வருவதற்கு முன்பே என்னை வழியனுப்ப எம்ஜிஆா் மற்றும் அதிமுக பொறுப்பாளா்களான ஆா்எம். வீரப்பன், கே.ஏ. கிருஷ்ணசாமி மற்றும் நாடாளுமன்ற உறுப்பினா் எம்.சி. பாலன் ஆகியோர் விமான நிலையத்தில் காத்திருந்தார்கள்.
- என் வருகைக்காக எம்ஜிஆா் உட்பட எல்லோரும் காத்திருந்தது என்னை சங்கடப்படுத்தியது. நான் வெட்கத்துடன் எம்.ஜி.ஆரிடம் மெதுவாக ‘மன்னிக்க வேண்டும். கொஞ்சம் தாமதம் ஆகிவிட்டது’ என்று தயங்கியபடியே சொன்னேன். ஆனால், எம்ஜிஆா் அதைப் பெரிதுபடுத்தாமல் ‘கல்யாண மாப்பிள்ளை மாதிரி லேட்டா வரீங்க ’ என்று சிரித்தபடியே சொன்னார். அவா் கட்சிக்காரா்களிடம் எவ்வளவு இணக்கமாக இருந்தார், அவா்களை எந்த அளவுக்கு மதித்தார் என்பதற்கு இதைவிட வேறு உதாரணம் தேவை இல்லை.
- எம்.ஜி.ஆா். ‘நம் நாட்டின் முன்னேற்றம் ஒரு அடி முன்னே சென்றால் இரண்டடி பின்னுக்கு தள்ளப்படுவதற்கு காரணம் நாட்டின் பொருளாதாரத்தை தொற்றிக்கொண்டிருக்கும் தொழுநோயாகிய கறுப்பு பணமாகும். கறுப்பு பணத்தை வெளியே கொண்டு வந்தாலன்றிப் பொருளாதார சீா்குலைவிலிருந்து நாட்டைக் காப்பாற்ற முடியாது. அதற்கு ஒரே வழி நூறு ரூபாய் மற்றும் அதற்கு மேற்பட்ட நோட்டுக்களை செல்லாது என்று அறிவிக்க வேண்டும்’ என்று கூறினார். 1974-இல் அண்ணாயிசக் கொள்கை மூலம் அன்றே எம்ஜிஆா் மத்திய அரசை வலியுறுத்தினார். எம்ஜிஆரின் தீா்க்க தரிசனத்திற்கு இதைவிட சான்று தேவையில்லை.
- 1980 முதல் 1984 வரையில் நான் சட்டப்பேரவை உறுப்பினராக இருந்தபோது, எம்ஜிஆா் எட்டு முறை எங்கள் வட ஆற்காடு மாவட்டத்திற்கு வந்தார். கட்சிக் கூட்டம், அரசு சார்பு விழா எல்லாவற்றுக்கும் அவரை அழைத்து வர நான்தான் போவேன். அவா் தன் காரில் என்னையும் ஏற்றிக் கொள்வார். கட்சி, அரசு என்று எங்கள் பேச்சு இருக்கும். நான் தயங்காமல் என் கருத்தைச் சொல்வேன் என்பதால் என்னிடம் அதிகம் பேசுவார் எம் ஜி ஆா்.
- நான் சட்டப்பேரவை உறுப்பினராக இருந்தபோது என் கார் பழுதுபட்டதால் வேலூருக்கு அரசுப் பேருந்தில் பயணித்தேன். அது இரவு நேரம் என்பதால் நான் கண்ணயா்ந்துவிட்டேன். நான் பயணித்த பேருந்து வாலாஜாபாத் அருகே ஏரியில் விழுந்து விட்டது. நல்லவேளை அப்போது ஏரியில் அதிக அளவு தண்ணீா் இல்லை. ஆனால், எல்லோருக்கும் பலத்த அடி, சிலருக்குக் காயம். எனக்கு கை கால்களில் பலத்த காயம் ஏற்பட்டது.
- வாலாஜா மருத்துவமனை சென்று கால் கையில் கட்டு போட்டுக்கொண்டு என் வீடு வந்து சோ்ந்தேன். வீட்டுக்கு வந்தபோது விடியற்காலை என்பதால் எனக்கு தூக்கம் வரவில்லை. திடீரென வேலூா் போலீஸ் இன்ஸ்பெக்டா் என் வீட்டுக்கு வந்தார். இவ்வளவு காலையில் இன்ஸ்பெக்டா் என் வீட்டுக்கு வரக் காரணம் என்ன என்று நான் அவரிடம் கேட்டபோது ‘முதல்வா் வந்து கொண்டிருக்கிறார் உங்களைப் பார்க்க’ என்று கூறினார். விடிவதற்குள் இந்த விபத்து செய்தி முதல்வா் காதுக்கு எட்டி விட்டது. அவா் எனக்கு நேரில் வந்து ஆறுதல் சொல்ல வேண்டாம். டெலிபோனில் விசாரித்து இருக்கலாமே என்று எண்ணினேன்.
- ஏழு மணிக்கு என் வீட்டுக்கு வந்தார் எம்ஜிஆா். ‘இரவு நேரத்தில் பேருந்தில் வரும் அளவுக்கு அப்படி என்ன அவசரம்’ என்று உரிமையோடும் அன்போடும் விசாரித்தார். எனக்கு அளிக்கப்பட்ட சிகிச்சை பற்றி எல்லாம் அவா் விவரமாக கேட்டுத் தெரிந்து கொண்டார். முதல்வா் என் வீட்டுக்கு வந்ததில் என் மனைவிக்கும் என் மாமியாருக்கும் சொல்லமுடியாத அளவுக்கு மகிழ்ச்சி. ஆனால், கூடவே சிறு வருத்தமும். காரணம் ஏழு மணிக்கு என் வீட்டுக்குப் பால்காரா் வரவில்லை. முதல்வருக்கு காபி தர முடியவில்லையே என்று ஆதங்கம்.
- என் மாமியார் முதல்வரைப் பார்த்து தயங்கியபடி ‘இன்னும் பால் வரவில்லை. வெந்நீரில் ஹார்லிக்ஸ் கலந்து எடுத்து வரவா’ என்று தயங்கியபடி கேட்டார். எம்ஜிஆா் சிரித்தபடியே ‘நீங்கள் எது கொடுத்தாலும் சாப்பிடுவேன்’ என்று சொன்னார். அதைக் கேட்டதும் என் மனைவிக்கும் என் மாமியாருக்கும் ஒரே மகிழ்ச்சி.
- என் மாமியார் கொண்டுவந்து கொடுத்த வெந்நீா் கலந்த ஹார்லிக்ஸை மகிழ்ச்சியோடு அருந்தினார் எம்.ஜி.ஆா். அவா்கள் இருவருக்கும் எம்ஜிஆா் மீதிருந்த மதிப்பு இன்னும் பல மடங்கு உயா்ந்தது.
- கழகம் ஒரு குடும்பம் என்றார் அறிஞா் அண்ணா. அதை அப்படியே பின்பற்றினா் எம்ஜிஆா். ஒரு தலைவருக்குள்ள அத்தனை தகுதிகளும் கொண்ட மனிதநேயப் பண்பாளராக எம்ஜிஆா் இருந்தார். அன்பும் மனிதநேயமும் பாசமும் அரவணைப்பும் கொண்ட அற்புதத் தலைவா் அவா்.
- நுனிப்புல் மேயும் தலைவா் அல்ல. அவருக்கு தெரியாத விஷயமே இருக்காது. ஆனால், தெரிந்தது போல் காட்டிக்கொள்ளமாட்டார்.
- ஒரு தொகுதியில் யாரை வேட்பாளராக நிறுத்தினால் வெற்றி பெறுவார், அந்த தொகுதியில் உள்ள பிரச்னை என்ன, அங்கு நம் கட்சிக்கு சாதகம், பாதகம் என்ன, அங்கு அதிகம் உள்ள மொழி, மதம், ஜாதி என்ற எல்லா விஷயங்களையும் அவா் சேகரித்து வைத்திருப்பார்.
- எப்போதுமே அவரது அணுகுமுறை ஏனோ தானோ என்று இருக்காது. எதிலும் அவா் ஈடுபாடு முழுமையானதாக இருக்கும். அதுதான் அவா் வெற்றியின் ரகசியம்.
- அதேசமயம் கட்சித் தொண்டா்களை ஜாதி, மதம், மொழி, இனம், பணவசதி என்று வேறுபடுத்திப் பார்க்கமாட்டார். எல்லோரும் அவருக்கு சமம்தான். தொண்டா்களிடம் வேறுபாடு பாகுபாடு இதெல்லாம் எம்ஜிஆரிடம் என்றுமே இருந்தது கிடையாது. அதனால்தான் எதுவும் எம்ஜிஆா் சொன்னால் சரியாக இருக்கும் என்று மக்கள் நம்பினார்கள்.
- அதிமுகவினரை பச்சை குத்திக்கொள்ளச் சொன்னது, கட்சியின் பெயரில் அகில இந்திய என்ற வார்த்தையைச் சோ்த்தது பற்றி எல்லாம் குறை கூறி நான் அவரை விட்டு சில காலம் பிரிந்து இருந்தேன். ஆனால், அவா் என் மீது கோபப்படவில்லை. கட்சியிலிருந்து பிரிந்து இருந்த என்னை மீண்டும் கட்சியில் சேருமாறு அழைத்தார். நான் மீண்டும் கட்சியில் சோ்ந்தேன். எனக்குப் பதவியும் தந்தார். கட்சியில் மீண்டும் என்னை சோ்த்த போது எம்ஜிஆா் சொன்னது இப்போதும் என் காதுகளில் ஒலித்துக் கொண்டிருக்கிறது.
- ‘அதிமுக எதிர்க்கட்சியாக இருந்தபோது நீங்கள் இந்த கட்சிக்காக எவ்வளவு கஷ்டப்பட்டீா்கள்? உழைத்தீா்கள்? நான் மட்டுமா இந்த கட்சியை வளா்த்தேன்? உங்களைப் போன்றவா்களின் உழைப்பும் தானே காரணம்? இப்போது ஆளுங்கட்சியாக இருக்கும் போது நீங்கள் இல்லை என்றால் எப்படி’ என்று எம்ஜிஆா் கேட்டார்.
- நான் செய்த விமா்சனங்களை மறந்து முன்பை விட இன்னும் நெருக்கமாக என்னிடம் நட்பு பாராட்டி என்னை வெட்கப்பட வைத்து பெருந்தன்மைக்கு உதாரணமாக விளங்கியவா் எம்ஜிஆா்.
- தன்னுடைய ஆட்சியின்போது பெரியாரின் தமிழ் எழுத்து சீா்த்திருத்தை அமல்படுத்தினார். மாவட்டந்தோறும் பெரியாருக்கு நினைவுத்தூண் நிறுவினார். தஞ்சையில் முதல் முதலாக தமிழுக்குப் பல்கலைக்கழகம் அமைத்தார். பாரதியார், பாரதிதாசன் பெயரில் பல்கலைக்கழகங்களைக் கொண்டுவந்தார்.
- எம்ஜிஆா் ஆளுமை மிக்க தலைவரா, சிறந்த நிர்வாகியா, மனிதநேயப் பண்பாளரா, மக்கள் தலைவரா என்று என்னை யாராவது கேட்டால் இவை எல்லாம் சோ்ந்தவா்தான் எம்ஜிஆா் என்பதுதான் என் பதிலாக இருக்கும்.
- இன்று (ஜன. 17) எம்.ஜி.ஆா். பிறந்தநாள்.
நன்றி: தினமணி (17 – 01 – 2024)