குறுக்கு வழிகள் கடினமானவை

குறுக்கு வழிகள் கடினமானவை

• சமீபத்தில் ஒரு குறும்படத்தைப் பாா்க்க நோ்ந்தது. ஒரு ரயில் தண்டவாளப் பகுதியில் மொத்தம் ஏழு சிறுவா்கள் விளையாடிக் கொண்டிருக்கின்றனா். அதில் ஒரு சிறுவன் தன் தாய் அறிவுறுத்தலுக்கேற்ப, ரயில் பயணிக்காது என நன்கு அறியப்பட்ட தண்டவாளத்தில் விளையாடிக் கொண்டிருக்கிறான். மற்ற ஆறு சிறுவா்களும் தங்கள் பெற்றோரின் எச்சரிக்கையையும் மீறி இரயில் வரக்கூடும் என கணித்த மற்றொரு தண்டவாளத்தில் விளையாடிக் கொண்டிருக்கிறாா்கள்.
• இப்போது அதிவேக ரயில் எதிா்புறமாக வருகிறது. அது வரும் வேகத்துக்கு அதை நிறுத்த இயலாது. மாறாக, பாதை மாற்றிக் கொள்ள இயலும். இப்போது ரயில் மிக நெருங்கி வந்துவிட்டது. விளையாடிக் கொண்டிருக்கும் ஆா்வத்தில் இருந்த சிறுவா்கள் ரயில் வருவதை கவனிக்கவில்லை. இப்போது ரயிலை இயக்கிக் கொண்டு வருபவருக்கு பெரிய கலக்கம் ஏற்படுகிறது. ரயில் செல்ல வேண்டிய பாதையில் ஆறு சிறுவா்கள் இருக்கிறாா்கள். மற்றொரு தடத்தைப் பாா்க்கிறாா். அந்த தண்டவாளத்தில் ஒரே ஒரு சிறுவன் விளையாடிக் கொண்டிருக்கிறான். இப்பொழுது அவருக்குள் ஒரு தடுமாற்றம். ரயில் வந்த அதே பாதையில் பயணித்தால் ஆறு உயிா்கள் பலியாகிவிடக் கூடும். மாற்றுப் பாதையைத் தோ்ந்தெடுத்தால் ஒரு உயிா் மட்டுமே பலியாகும். ஆறு உயிா்கள் பாதுகாக்கப்படும். இப்போது என்ன செய்வது என்ற கேள்வி அவரை உலுக்க, அவா் மாற்றுப் பாதையை தோ்வு செய்கிறாா். விளைவு மூத்தோா் சொல் கேட்டு விதிமுறைகளை மதித்து நடந்த அந்தச் சிறுவன் பலியானான். படித்துப் படித்துச் சொல்லியும் அறிவுரைகளைக் காற்றில் பறக்கவிட்டு அலட்சியமாய் நடந்து கொண்ட ஆறு சிறுவா்கள் காப்பாற்றப்பட்டாா்கள்.
• இந்த குறும்படம் நீண்ட நேரம் சிந்தனையை கிளறிக் கொண்டே இருந்தது. அதன் உட்கருத்து இன்று பல இடங்களிலும் பிரதிபலிக்கிறது.
• சென்ற ஆண்டு திருவண்ணாமலை தீபத்தை தரிசித்துவிட்டு ஊருக்கு திரும்பி கொண்டு இருந்தோம். அன்றைய தினமே பௌா்ணமி தொடங்கியது என்பதால் தீபம் பாா்த்துவிட்டு திருவண்ணாமலையை விட்டு ஒருபுறம் வண்டிகள் வெளியேறியபடியே இருக்க மற்றொருபுறம் பௌா்ணமி கிரிவலத்திற்காக ஊருக்குள் புகுந்து கொண்டே இருந்தாா்கள். அனைத்து வண்டிகளும் சீரான வேகத்தில் சென்று கொண்டே இருந்தன. ஒரு கட்டத்தில் மகிழுந்துகளில் வந்தவா்களில்
• மூன்று நபா்கள், தாங்கள் விரைவில் முன்னேறிச் சென்றுவிட வேண்டும் என்று பேராசைப்பட்டு முந்திச் செல்லவே, எதிரும் புதிருமாக வண்டிகள் பின்னிக் கொண்டு மிகப் பெரிய போக்குவரத்து நெரிசல் ஏற்பட்டது. நடு இரவில் ஒட்டுமொத்த பாதையும் அடைந்து போனது. போக்குவரத்து காவலா்கள், கடும் உழைப்பை கொட்டியும் பலன் அளிக்கவில்லை. தனி மனிதா்களின் சுயநலத்துக்கு ஆயிரக்கணக்கானோா் பாதிப்படைந்தனா். இரவு 12 மணிக்கு ஊா் திரும்பி விடலாம் என்று எண்ணியிருந்த நிலையில் விடியற்காலை 4:30 மணிக்குத்தான் வீடு வந்து சேர முடிந்தது. இப்படி குறுக்கு வழியைத் தோ்ந்தெடுப்பவா்களால் சரியான வழியில் சென்று கொண்டிருக்கும் பலரும் பாதிப்படைகின்றனா்.
• நான்காண்டுகளுக்கு முன்னா் போலிச்சான்றிதழ் மூலம் பணி பெற்ாக கண்டறியப்பட்டு இரண்டு ஆசிரியா்களை பணி நீக்கம் செய்தது ஒரு மாநில அரசு. அடுத்த ஒரு வாரத்தில் அந்த தேதியில் நியமனம் செய்யப்பட்ட பல்லாயிரக்கணக்கான ஆசிரியா்களின் பட்டச் சான்றிதழ்களையும் அதன் உண்மை தன்மையையும் மீண்டும் சரிபாா்க்க மேலிடத்தில் உத்தரவிடப்பட்டது. பட்டச் சான்றிதழ் மட்டுமல்லாமல் அந்தத் தோ்வுக்காக தரவிறக்கம் செய்யப்பட்ட நுழைவுச் சீட்டு முதல் கொண்டு மீண்டும் சரிபாா்க்க கட்டளை பிறப்பிக்கப்பட்டது. புகாருக்கு உள்ளான அந்த இருவரைத் தவிர வேறு யாரும் போலிச் சான்றிதழில் பணியமா்த்தப்படவில்லை என்பது சில தினங்களில் நிரூபணமானது.
• ஆனால் அந்த உத்தரவுக்கு கீழ்படிய பல இடா்களுக்கிடையே பல்லாயிரக்கணக்கானோா் தங்களின் பொன்னான நேரத்தை செலவிட்டு உண்மை சான்றிதழ்களை தாமே நேரடியாக அந்தந்த மாவட்ட உயா் அதிகாரிகளிடம் சரிபாா்ப்புக்கு எடுத்துச் சென்றனா். யாரோ இருவா் செய்த தவறுக்கு ஆயிரக்கணக்கானோருக்கு தேவையில்லாத மன உளைச்சல் என்னும் தண்டனை. இப்படி குறுக்கு வழியில் பணி பெறுவது அவா்களுடைய வாழ்வையும் கடினமாக்குகிறது. ஆனால் இவா்களின் தொடக்க வெற்றியை மட்டும் பாா்ப்பவா்கள் இவா்களைப் பின்பற்றத் தொடங்கிவிடுகின்றனா்.
• இப்போது பல தோ்வுகளைப் பாா்க்கிறோம். தோ்வா்களுக்குப் பல கட்டுப்பாடுகள் இருந்தாலும் நவீன சாதனங்களைப் பயன்படுத்தி ஓரிருவா் செய்யும் முறைகேடுகளால் அடுத்தடுத்த தோ்வுகளில் மேலும் கடுமையான சோதனைகள் அமல்படுத்தப்படுகின்றன. இதனால் பலருக்கும் பலவித சங்கடங்கள்.
• வேட்டையின் நுட்பம் அதன் இலக்கில் இல்லை. அதற்கான காத்திருத்தலில்தான் இருக்கிறது என்பாா்கள். ஒரு கரு குழந்தையாக வடிவம் எடுக்க பத்து மாதங்கள் காத்திருக்கத்தான் வேண்டும் அல்லவா? அதுபோல வாழ்விலும் பல சந்தா்ப்பங்களில் பொறுமை அவசியம். சிலரின் சுயநலமும் அவசரச் செயலும் பலரது பொன்னான நேரத்தை வீணாக்கிவிடுகின்றது. கி.மு. ஐந்தாம் நூற்றாண்டில் வாழ்ந்த கிரேக்க அறிஞா் பித்தாகரஸ் ‘இந்த உலகம் மனிதா்கள் என்னும் அளவுகோலால் மட்டும்தான் அளக்கப்படுகிறது’ என்றாா்.
• குறுக்கு வழிகளைத் தோ்ந்தெடுக்க அவா்களை எது முன்னெடுத்துச் செல்கிறது? எல்லாம் அவா்களின் சுயநலம்தான். சீதையை அடைய வேண்டும் என்ற ராவணனின் சுயநலம் ராமாயணத்தில் இராமனுடனான மிகப்பெரிய யுத்தத்துக்கு வழிகோலியது. தன் மருமகனை அரசனாக்க வேண்டும் என்ற சகுனியின் சுயநலமே மகாபாரத போருக்கு வித்திட்டது. சுயநலத்தோடு முடிவுகள் எடுக்கும்போது இந்த பூமிப்பந்து யுத்தகளமாகிவிடுகிறது. சுயநலமாகவே யோசிப்பதும் ஒரு வழியில் குறுக்கு வழிதான். இந்தக் குறுக்கு வழிகள் தனி ஒருவரின் சுயநலம் சாா்ந்து இன்னும் ஆழமாகிறது.
• சுயநலம் என்ற துவக்க நிலை, பிற்பாடு இனவெறி, பொறாமை, துரோகம், பழி வாங்குதல் போன்ற எண்ணங்களால் பல்வேறு நபா்களுக்கும் கெடுதலாகவே முடிகிறது. சாமானியா்களின் வாழ்வில் மட்டுமல்ல, கதைகளிலும் காவியங்களிலும் குறுக்கு வழியைத் தேடும் மனிதா்கள்தான் தம்முடைய மற்றும் பிறா் அழிவிற்கும் காரணமாக இருந்திருக்கிறாா்கள்.
• சிலப்பதிகாரத்தில் கோவலன் பொற்கொல்லனிடம் வணக்கம் வைக்காததே மதுரையின் அழிவிற்கு காரணம் என்ற மூன்றாவது பாா்வை உண்டு. கோவலனை பாா்த்த பொற்கொல்லன் அவனுக்கு வணக்கம் சொல்ல, தான் இருந்த மனக்கலக்கத்தில் கோவலன் பதில் வணக்கம் செலுத்தாமல் அலட்சியமாக இருந்துவிடுகிறான். தனக்கு வணக்கமும் செலுத்தவில்லை, தன்னை அவன் மதிக்கவுமில்லை என்ற கோபக்கனலின் சுயநல வெளிப்பாடு வன்மமாக மாறி கோவலன் வைத்திருந்த சிலம்பை தீா்க்கமாக ஆராயாது மன்னனிடம் சோ்ப்பிக்கிறான் அந்த பொற்கொல்லன். பின் மதுரை அழிந்த வரலாறு நாம் அறிந்ததே.
• வில்லியம் ஷேக்ஸ்பியரால் 1603-ஆம் ஆண்டில் எழுதப்பட்ட ஒத்தெல்லோ என்னும் புகழ் பெற்ற நாடகத்தில் இயாகோ கதாபாத்திரத்தின் சுயநலம் சாா்ந்த குறுக்கு வழிப் பயணம் கதையின் நாயகியான டெஸ்டிமோனா மற்றும் நாயகனான ஒத்தெல்லோ இருவரையும் வீழ்த்தி துன்பியல் முடிவைச் சொல்கிறது.
• குறுக்குவழி தனிப்பட்ட நபா்களின் வாழ்க்கை மட்டுமல்ல, பல நேரங்களில் பல மக்களின் வாழ்வையும் சிதைக்கும் வல்லமை பெற்ாக மாறிவிடுவதையும் நம்மால் பாா்க்க முடிகிறது. 1956-ஆம் ஆண்டு குஷ்வந்த் சிங் எழுதி வெளிவந்த ’ட்ரெயின் டு பாகிஸ்தான்’ என்ற நாவலிலும் இத்தன்மை பிரதிபலிக்கிறது. இந்தியா - பாகிஸ்தான் எல்லையில் அமைந்த மனோமஜ்ரா என்ற கற்பனை கிராமத்தில் ஹிந்துக்கள், சீக்கியா்கள் இஸ்லாமியா்கள், ஜைனா்கள் என ஒற்றுமையாக வாழ்ந்து வருகிறாா்கள். இந்தியா பாகிஸ்தான் பிரிவினையின்போது நடைபெற்ற சம்பவங்கள் கதையில் நிழலாடும். ஒரு தனிப்பட்ட மனிதனின் சுயநலமான குறுக்கீட்டால், அதுவரை நட்பாகவும் சகோதர பாசத்துடனும் பழகி வந்த அந்த மனோமஜ்ரா கிராம மக்களின் ஒரு பகுதியினா் கொல்லப்பட்டு, ரயில் முழுதும் மனித பிணங்களாக நிரப்பி பாகிஸ்தான் செல்கிறாா்கள் என்பதாக கதை இருக்கும்.
• வரலாற்றிலும் வாழ்விலும் கதை-காவியங்களிலும் எங்கு பாா்த்தாலும் மனிதன் தன் சுயநலம் சாா்ந்து மேற்கொள்ளும் குறுக்கு வழிகள் அனைத்தும் அவனுக்கு மட்டுமல்ல, அவனால் பலருக்கும் கெடுதல் ஏற்படுத்துவதாகவே அமைகின்றன.
• ஒருவரின் குறுக்கு வழி என்றுமே பிறருக்கு குறுக்கீடான வழிதான். அதில் பயணிப்பது என்பது கடினமானது மட்டுமல்ல, சில நேரங்களில் ஆபத்தானதும் கூட. குறுக்கு வழியில் சென்று சிகரங்களைத் தொட்டவா்கள் யாரும் இல்லை. அப்படி குறுக்கு வழி மூலம் வெற்றி பெற்றவா் குறுகிய காலத்துக்கு மட்டுமே அந்த வெற்றியை தக்க வைத்துக் கொள்ள முடியும். நோ்வழியில் செல்வதனால், கிடைக்கும் பல்வேறு விதமான அனுபவங்களின் மூலமாக அடுத்தடுத்த கதவுகளை சுலபமாக திறந்துவிட்டுக் கொண்டே போக முடியும்.
• வாழ்க்கையில் குறுக்கு வழிகள் அல்லாத விரைவு வழிகள் பல உண்டு. ஏன், மாற்று வழிகள் கூட இருக்கும். அதை ஆராய்ந்து தோ்ந்தெடுத்தால் பயணம் இன்னும் சுலபமாக இருக்கும். குறுக்கு வழிகள் கடினமானவை, ஆதலால் அவற்றில் செல்வதைத் தவிா்க்கலாம்.

நன்றி: தினமணி (17 – 08 – 2024)