தாகம் தீர்க்கும் தர்பூசணி

• தர்பூசணியின் தாயம் ஆப்பிரிக்கா.
• தர்பூசணி பெர்ரி வகையைச் சேர்ந்தது. இது வெள்ளரி, பூசணி போன்ற கொடி வகை தாவரங்களின் உறவு.
• தர்பூசணியில் சுமார் 6% சர்க்கரையும் 92% நீரும் உள்ளன. தர்பூசணியில் இருக்கும் நீர்ச்சத்து கோடைக்காலத்தில் தாகத்தைத் தணிக்கக்கூடியதாக இருக்கிறது. சருமத்தைப் புத்துணர்ச்சியுடன் வைத்திருக்க உதவுகிறது.
• உலக அளவில் தர்பூசணி உற்பத்தியில் முதலிடம் வகிக்கிறது சீனா.
• பல்வேறு எடை, வடிவம், அளவுகளில் தர்பூசணிகள் காணப்படுகின்றன.
• சிவப்பு, ஆரஞ்சு, மஞ்சள், வெள்ளை நிறங்களில் 1200 க்கும் மேற்பட்ட தர்பூசணி வகைகள் உள்ளன.
• ஜப்பானில் உள்ள விவசாயிகள் சதுர வடிவ தர்பூசணிகளை, கண்ணாடிப் பெட்டிகளில் விளைவிக்கிறார்கள்.
• அமெரிக்காவைச் சேர்ந்த லாயிட் பிரைட் என்பவர் 121.93 கிலோ தர்பூசணியை விளைவித்து, கின்னஸ் சாதனையில் இடம்பெற்றார்.
• தர்பூசணி உலகில் மிகவும் பரவலாக விரும்பப்படும் பழங்களில் ஒன்று. இன்று இனிப்பாக இருக்கக்கூடிய தர்பூசணி, ஆரம்பக் காலத்தில் அப்படி இல்லை. மஞ்சளும் வெள்ளையுமாக இருந்த அந்தத் தர்பூசணி, சுவையாக இல்லை. காலப்போக்கில் மனிதர்கள் இந்தப் பழத்தை இனிப்பாக மாற்றிவிட்டனர்.
• 4 ஆயிரம் ஆண்டுகளுக்கு முன்பே லிபியாவில் தர்பூசணி இருந்தது கண்டுபிடிக்கப்பட்டது. தர்பூசணி 7ஆம் நூற்றாண்டில் இந்தியாவுக்கும், 10ஆம் நூற்றாண்டில் சீனாவுக்கும் வந்தது. 17 ஆம் நூற்றாண்டில்தான் ஐரோப்பாவில் பரவலாகப் பயிரிடப்பட்டது.
• தர்பூசணியின் சிறப்பே முழுப் பழத்தையும் சாப்பிட இயலும் என்பதுதான். தர்பூசணியின் தோலை ஊறுகாய் போடுகிறார்கள். சாலட்களில் சேர்க்கிறார்கள்.
• தர்பூசணியில் பல்வேறு சத்துகள் இருக்கின்றன.

நன்றி: தி இந்து (05 – 05 – 2023)