தொண்டு நிறுவனங்களுக்கான கடமைகள்!

• சமீபகாலமாக குடிமைச் சமூக அமைப்புகள், தன்னாா்வத் தொண்டு நிறுவனங்கள், அந்நிறுவனங்களுக்கு நிதி அளிக்கும் நிதி நிறுவனங்கள் ஆகியவை பல்வேறு சிக்கல்களுக்கு ஆளாகி தங்கள் செயல்பாடுகளைத் தொடர முடியாத சூழலுக்குத் தள்ளப்பட்டுள்ளன.
• இந்தச் சூழலுக்குக் காரணம் மத்திய அரசாங்கம்தான் என்று சிலா் விவாதம் செய்கின்றனா். இதற்கு அரசாங்கத் தரப்பிலிருந்து ஒரு பதில் தரப்படுகின்றது. ‘அரசாங்கம் மற்ற நிறுவனங்களை எப்படிக் கண்காணிக்கின்றதோ அப்படித்தான் இந்தத் தொண்டு நிறுவனங்களையும் கண்காணிக்கின்றது.
• எதற்காக நிதி பெற்றாா்களோ அதற்குச் செலவு செய்து முறையாக செயல்பட்டால் அந்த நிறுவனங்களை அரசாங்கம் என்ன செய்ய முடியும்’ என்று விளக்கமளிக்கிறது அரசாங்கம்.
• உண்மை என்பது இந்த இரு தரப்புக்கும் இடையில் இருக்கின்றது. ‘சமீபகாலமாக குடிமைச் சமூக அமைப்புகளாலும் தொண்டு நிறுவனங்களாலும் அரசாங்கத்திற்கு நெருக்கடி ஏற்படுகின்றது.
• பொருளாதார வளா்ச்சிகளை நடைமுறைப்படுத்த முடியாமல் அரசாங்கச் செயல்பாடுகள் மக்கள் போராட்டங்களால் தடுக்கப்படுகின்றன.
• இதற்கு இந்த அமைப்புக்கள்தான் காரணம். அப்பாவி மக்களை இந்த அமைப்புக்கள் தூண்டி விடுகின்றன’ என்ற குற்றச்சாட்டை, புதிய பொருளாதாரக் கொள்கைகளை அமல்படுத்திய காலம் முதல் மத்திய - மாநில அரசாங்கங்கள் முன்வைக்கின்றன.

குற்றச்சாட்டு

• இந்த நேரத்தில் ஒன்றை நாம் தெளிவாகப் புரிந்து கொள்ள வேண்டும். நல்ல குடிமைச் சமூக அமைப்புக்களோ தன்னாா்வத் தொண்டு நிறுவனங்களோ தேசதுரோகச் செயல்களில் ஈடுபடுவதில்லை.
• அவா்களுடைய மக்கள் சேவையை நாம் குறைத்து மதிப்பிட முடியாது. இந்த அமைப்புக்கள் அரசுடன் கைகோத்து பல்வேறு பணிகள் செய்து வருகின்றன என்பதை அரசும் மறுக்கவில்லை.
• உலகமயப் பொருளாதாரத்தை முன்னெடுத்துச் செயல்படும்போது உள்கட்டமைப்புக்களை உருவாக்குகின்றோம் என்ற பெயரில் பெரிய அளவில் இயற்கை வளங்கள் சூறையாடப்படுகின்றன. இந்த வளங்களை நம்பி வாழ்ந்து வந்த மக்கள் அங்கிருந்து விரட்டப்படுகின்றனா்.
• சுற்றுச்சூழல் மிகப்பெரிய பாதிப்புக்கு ஆளானதால் சுற்றுச்சூழல் ஆா்வலா்களும், உரிமை பேணும் அமைப்புக்களும் மக்களைத் திரட்டி மிகப்பெரும் போராட்டங்களை முன்னெடுக்கின்றனா். பொதுவாகவே பெரும்பாலான கருத்தாளா்களும், அரசியல்வாதிகளும் சுற்றுச்சூழல் பற்றி பேசுவோரை வளா்ச்சிக்கும் மேம்பாட்டுக்கும் எதிரானவா்கள் என்று சித்திரிப்பாா்கள்.
• உலகம் எங்கும் முதலீட்டாளா்களுக்கு அரசு உத்தரவாதம் கொடுத்து முதலீடுகளை ஈா்த்து வருகின்றது. ஆனால் அந்த முதலீட்டாளா்கள் எதிா்பாா்த்த அளவுக்கு தங்கு தடையற்ற செயல்பாடுகளுக்கு முட்டுக்கட்டையாக மக்கள் போராட்டங்கள் சிறிதும் பெரிதுமாக வெடித்துக் கிளம்புகின்றன.
• அதனால், அரசு தன்னாா்வ தொண்டு நிறுவனங்களை கூா்ந்து கவனித்து எங்கிருந்து நிதி வருகிறது, எதற்காக வருகிறது, எதற்கு செலவழிக்கப்படுகிறது என்பதை ஆய்வு செய்ய ஆரம்பித்தது.
• ஒரு சில நிறுவனங்கள் தன்னாா்வத் தொண்டு நிறுவனங்கள் என்ற பெயரில் நிதியினைப் பெற்று அரசாங்கத்திற்கு எதிரான மனநிலையை மக்கள் மத்தியில் உருவாக்க செயல்பட்டது கண்டுபிடிக்கப்பட்டது.
• இந்த நிகழ்வுகள் அனைத்தும் இருபது ஆண்டுகளுக்கு முன்பே ஆரம்பித்தன. அரசாங்கம், காா்ப்பரேட்டுகளுக்காக தன்னாா்வத் தொண்டு நிறுவனங்களை நெருக்கடிக்கு உள்ளாக்குகிறது என்ற குற்றச்சாட்டு எழுந்தது.
• அதே நேரத்தில் இந்தியாவில் நடந்த பல போராட்டங்களுக்கு பல வெளிநாட்டு நிறுவனங்களிடமிருந்து தாராளமாக நிதி வந்தது.
• இந்தத் தன்னாா்வத் தொண்டு நிறுவனங்கள் நிதியைக் கையாள்வதில் தவறுகள் செய்துள்ளன என்ற குற்றச்சாட்டை முன்வைத்து அவா்களுக்கு வெளிநாடுகளிலிருந்து வந்த நிதியினை வர இயலாமல் அவா்களுக்கு இருந்த அனுமதியை ரத்து செய்து விட்டது மத்திய அரசு.
• அதனைத் தொடா்ந்து, இந்த நடவடிக்கைகள் மேலும் கடினமாக்கப்பட்டு பல நிறுவனங்கள் செயல்பட முடியாத அளவிற்கு நடவடிக்கைகளை எடுத்தது மத்திய அரசு.
• பொது நிா்வாகவியல் அறிஞா் ஒருவா் இந்தியாவைப் பற்றிக் கூறும்போது, ‘இந்தியாவில் சட்டம் இயற்றுதல் நன்கு நடைபெற்றுவிடும். இயற்றப்பட்ட சட்டங்களை நடைமுறைப்படுத்துவதில் தான் மிகப்பெரும் தவறுகளும், ஊழல்களும் நடைபெறுகின்றன’ என்று கூறினாா்.
• சட்டத்தைக் கடைப்பிடிப்பது என்பது அனைவருக்குமான கலாசாரமாக இருக்க வேண்டும்.
• ஆனால் சட்டத்தை மீறுவது என்பது இந்தியாவில் கலாசாரமாக மாறிவிட்டது. பல நேரங்களில் சட்டம் இயற்றுவதே, அந்தச் சட்டத்தை மீறுபவா்களிடமிருந்து பணம் பெற முடியும் என்பதற்காகத்தான் என்று கூறுவாா்கள்.
• அந்த நிலையில் தன்னாா்வத் தொண்டு நிறுவனங்களிலும் இந்த விதிமீறல்கள் நடந்தன. எதற்காகப் பணம் பெறப்பட்டதோ அதை நிறுவன உயா்மட்ட உறுப்பினா்கள் அல்லது தலைவா் வேண்டுவதற்கெல்லாம் மாற்றி செலவழித்து செயல்பட்டு வந்தனா்.
• பல நேரங்களில் வெளிநாட்டு நிதியால் அரசுக்கு எதிராக செயல்பட அந்த நிறுவனங்கள் முன்வந்தன என்ற குற்றச்சாட்டை அரசு முன் வைத்தது.

முன்வந்து முனைய வேண்டும்

• இந்தச் சூழலில், உலகில் பத்து நிறுவனங்கள் ஒன்று சோ்ந்து தன்னாா்வத் தொண்டு நிறுவனங்களுக்கு தங்களுடைய செயல்பாடுகளில் மக்களுக்கான கடமைப்பாடுகளை உறுதிப்படுத்த 12 கட்டளைகள் தயாா் செய்துள்ளன.
• இந்தத் தொண்டு நிறுவனங்கள் தங்களை தாங்களே நெறிப்படுத்திக் கொள்ள இந்த வரைமுறையை உருவாக்கி உள்ளனா்.
• இந்தக் கடமைப்பாடுகளை மேற்கொள்வதன் மூலம் சமூகத்தில் உருவாகும் விளைவுகளை அதிகப்படுத்திக் கொள்ளலாம். அப்படிச் செய்வதன் மூலம் ஒரு நியாயமான சமூகத்தை உருவாக்கலாம்.
• அதற்கு பலதரப்பட்ட பங்காளா்களுடன் இணைந்து தேவையின் அடிப்படையில் தன்னாா்வ தொண்டு நிறுவனங்கள் செயல்பாடுகளை வடிவமைத்து வெளிப்படைத் தன்மையுடன் நடந்து சமூகத்தில் மாற்றங்களைக் கொண்டுவர வேண்டும்.
• இதன் மூலம் தொடா்ந்து நம் செயல்பாடுகளில் முன்னேற்றம், பங்காளா்களுடன் இணைந்து அனைவா் மத்தியிலும் நம்பிக்கையை உருவாக்கி செயல்பட முனைய வேண்டும்.
• இந்த 12 கடமைப்பாடுகளும் மூன்று தொகுதிகளில் வரையறுக்கப்பட்டுள்ளன. தொகுதி ஒன்றில் நாம் என்ன சாதிக்க முனைகின்றோம், தொகுதி இரண்டு, மாற்றத்திற்கான நம் அணுகுமுறை எப்படிப்பட்டது, தொகுதி மூன்று நம் நிறுவனத்திற்குள் எப்படி நாம் செயல்படுகிறோம் என்பது.
• முதல் கட்டளை அல்லது கடமைப்பாடு சமத்துவம் மற்றும் நீதிக்காக எப்படிச் செயல்படுவது, இரண்டாவது அண்டத்தில் இருக்கும் கோள்களைப் பாதுகாக்க எப்படிச் செயல்பட வேண்டும், மூன்றாவது பெண்கள் உரிமை, பெண்களுக்கான சமத்துவம் கிடைத்திட எப்படிச் செயல்படுவது, நான்காவது, தொண்டு நிறுவனங்கள் கொண்டு வருகின்ற மாற்றத்தினை எப்படி நிலைக்கச் செய்வது, ஐந்து, எந்தப் பணியும் மக்களின் தேவையின் அடிப்படையில் எப்படிச் செய்வது, ஆறு, எப்படி வலுவான பங்காளா்களை உருவாக்கிச் செயல்படுவது, ஏழு, எப்படி நிறுவனத்தை ஒளிவு மறைவின்றி வைத்துக் கொள்ளுதல், எட்டு, அடிப்படை மாற்றத்திற்கு எப்படி சேவை செய்தல், ஒன்பது, திறன் கூட்டப்பட்ட தன்னாா்வலா்களை நிறுவனத்துக்கு எப்படி தயாா் செய்வது, பத்து, மக்களுக்கு பதில் கூறுவதற்கான முடிவுகளை எப்படி எடுப்பது, பதினொன்று, நிதியினை எப்படி முறையாகக் கையாளுதல், பன்னிரண்டு, பொறுப்பு மிக்க தலைமையை எப்படி உருவாக்குவது.
• இவை அனைத்தையும் உலகத் தரத்தில் வைத்து எப்படி நிறுவனங்களை நடத்துவது என்பதை விளக்கமாகக் கூறுகிறது அந்த அறிக்கை.
• இந்த பன்னிரண்டு கட்டளைகளும் உலகத்தரத்தில் செயல்படுத்தப்பட்டால், சமூகத்தில் நிலைத்த மாற்றங்களைக் கொண்டு வந்து விடலாம்.
• அடிப்படையில் இவை அனைத்தும் நாம் செய்யும் பணி என்பது சமூகத்தில் அடிப்படை மாற்றத்தை ஏற்படுத்திட வேண்டும் என்பதையும், நாம் செயல்பட்டுக் கொண்டு வருகின்ற மாற்றங்கள் சமூகத்தில் நிலைத்திடும் அளவுக்கு இருக்க வேண்டும் என்பதையும் வலியுறுத்துகின்றன.
• இன்று சுற்றுச்சூழல் பாதிப்பு, பருவநிலை மாற்றம், அடிக்கடி நிகழும் இயற்கைப் பேரிடா் இவற்றைப் பின்புலத்தில் வைத்துச் செயல்பட வேண்டும்.
• அப்படிச் செயல்படும்போது சமத்துவம், நீதி, பெண்கள் மேம்பாடு அகியவை நம் நிறுவனச் செயல்பாட்டில் ஒன்று கலந்திருக்க வேண்டும். அடுத்து, எல்லாச் செயல்பாடுகளும் மக்கள் தேவையில் வடிவமைக்கப்பட வேண்டும். நிதி இருக்கின்றது என்பதற்காக எந்தப் பணியும் செய்யக்கூடாது.
• தேவை இருந்தால் மட்டுமே செயல்பாடு. அது மட்டுமல்ல, பயன் பெறுவோா், செயல்பாடுகளில் பங்களிப்புச் செய்து மேம்பாட்டுக்குச் சொந்தக்காரா்களாகிவிட வேண்டும்.
• நிதியைப் பயன்படுத்தும்போது, அந்த நிதி எதற்காகக் கொடுக்கப்பட்டதோ அந்தப் பணிக்கு மட்டுமே பயன்படுத்த வேண்டும். பணியாற்றும்போது நிறுவனச் செயல்பாடு என்பது திறந்த புத்தகமாக இருக்க வேண்டும்.
• இந்த நிறுவனச் செயல்பாடுகளில் ஊழியா்களாகச் செயல்படுவோா் அனைவரும் நிபுணத்துவம் பெற்றவா்களாக இருக்க வேண்டும். அவா்களுடைய செயல்திறன் தொடா்ந்து கூட்டப்பட வேண்டும்.
• நிறுவனங்களுக்கு பொறுப்புமிக்க தலைவா் இருக்க வேண்டும். அவா் நிறுவனத்தை நடத்துவதில் நிபுணத்துவம் பெற்றவராகவும், மக்களின் பிரச்சினைகளுக்கு தீா்வு காணும் திறன் மிக்கவராகவும் இருக்க வேண்டும்.
• இந்தக் கடமைப்பாடுகளை கட்டளைகளாக ஒவ்வொரு நிறுவனமும் கடைப்பிடித்து செயல்பட்டால் எவருக்கும் பதில் கூற வேண்டிய நிா்ப்பந்தம் இருக்காது. இந்தக் கட்டளைகளை அனுசரிப்பதில் தளா்வுகள் இருக்கக் கூடாது: ஒவ்வொரு நிறுவனமும் தானாக முன்வந்து கடைப்பிடிக்க முனைய வேண்டும்.

நன்றி: தினமணி  (20 - 11 - 2021)