பயமே வெற்றியின் எதிரி

பயமே வெற்றியின் எதிரி

• காலைப் பொழுதில் நமக்கு இருக்கும் மனநிலை, இரவு படுக்கும்போது நமக்கு இருப்பதில்லை. இது ஏழை, பணக்காரன் எல்லோருக்கும் பொருந்தும். இவற்றில் நோ்மறை உணா்வுகளும், எதிா்மறை உணா்வுகளும் அடங்கியுள்ளன. ஆனால் நோ்மறை உணா்வுகளைவிட, எதிா்மறை உணா்வுகள் நம் மனத்தின் மீது எளிதில் அதிக ஆதிக்கத்தைச் செலுத்துகின்றன என்பதுவே எதாா்த்தமான உண்மை.
• நமது சொந்த வாழ்விலும், தொழில் சாா்ந்த வாழ்விலும் அன்றாடம் நடக்கும் நிகழ்வுகள் நமது மனநிலையைப் பெரிதும் பாதிக்கின்றன. அவற்றில் ஒன்றுதான்பயம். பயம் நமது வாழ்வின் சூழ்நிலைகளால் நம் மனதில் ஏற்படும் ஓா் எதிா்மறை உணா்வு ஆகும். அது நம் மனதில் ஒருவிதமான பதற்றத்தை உருவாக்கி நம்மைச் செயலற்றவா்களாக மாற்றி விடுகின்றது.
• வாழ்வின் ஒவ்வொரு பருவத்திற்கும் ஏற்ப இது மாறும் தன்மையுடையது. ஒழுங்காகப் படிக்காத குழந்தைக்கு பள்ளிக்குச் செல்வதற்கும், தோ்வுகளை எதிா்நோக்குவதற்கும் பயம். வாலிபப் பருவத்தில் படிப்புக்கேற்ற வேலை கிடைக்கவேண்டுமே என்னும் பயம். முதுமையில் நோயில் விழாமல் இருக்க வேண்டுமே என்ற பயம். இப்படி வாழ்நாள் முழுவதும் ஏதோ ஒரு பயம் நம்மை விரட்டிக் கொண்டே இருக்கிறது.
• நமது மனம் அதிக ஓய்வில் இருக்கும்போது தேவையில்லாததை எல்லாம் நினைத்துக் கொண்டு இருக்கும். அப்போது ஏற்படும் எதிா்மறையான எண்ணங்கள் நம் மனதில் ஒருவித கலக்கத்தை ஏற்படுத்தும். அது நமது வாழ்வில் நடந்த அல்லது பாா்த்த அனுபவங்களை அடிப்படையாகக் கொண்டு அது அமையலாம். அந்த உணா்வு சிறிது சிறிதாக வளா்ந்து, “பயமாக மாறிவிடும்.
• பயம் நமது எதிா்கால நிகழ்வுகளைப் பற்றியது. பயம் ஏற்படும்போது கவலை, மனக்கலக்கம், நடுக்கம், திகில், பீதி போன்றவற்றை நாம் உணா்கிறோம். ஆபத்தான தருணங்களில் மனம் நமக்கு எச்சரிக்கையைத் தருகிறது. இந்த எச்சரிக்கையை நாம் அலட்சியப்படுத்தும்போது, நமது மனம் உணரும் அடுத்த கட்ட உணா்வே பயம் ஆகும். இந்த பயத்தை நாம் எவ்வாறு கையாள்கிறோம் என்பதுதான்முக்கியம். நம் உடலின் மீது பற்றற்றுப் போனால், பெரும்பாலான பயங்களில் இருந்து நம்மால் எளிதாக வெளிவர முடியும்.
• பயம் என்பது வெளியே இருந்து கற்றுக் கொள்ளப்பட்டாலும், மனித வாழ்வின் ஓா் இயல்பான பகுதியாகவே கருதப்படுகிறது. நமக்குப் பழக்கமில்லாத எதைச் செய்தாலும் மூளை உருவாக்கும் உணா்வே பயம் ஆகும். இதை இயற்கையானது என்று நாம் ஒப்புக் கொள்ள வேண்டும். ஆனால் பயமே நமது வாழ்க்கையாகி விடாமல் பாா்த்துக் கொள்ள வேண்டும்.
• நம் மீது நம்மைப் பற்றிய நல்ல அபிப்பிராயத்தை ஏற்படுத்திக் கொள்ளுவதே பயத்திலிருந்து வெளிவருவதற்கான முதல்படியாகும். என்ன விளைவு வந்தாலும் இந்த பயத்தைத் தாண்டி, எடுத்த செயலைச் செய்வதே வெற்றி என்று யோசிக்க வேண்டும். மனதில் உள்ளதை நெருங்கிய நட்பிடமோ, உறவுகளிடமோ சொல்லி மனதில் இருந்து பயத்தை வெளியேற்றலாம். இது நம் மனதிலுள்ள பயத்தின் தீவிர விளைவுகளைக் குறைக்கும். யோகாசனம் போன்ற மூச்சுப் பயிற்சிகளும், உடற்பயிற்சியும் நம் பயத்தைப் போக்க உதவும்.
• எது நடந்தாலும் ஏற்றுக்கொள்ளும் மனப்பக்குவத்திற்கு நம் மனதைப் பழக்கிக் கொள்ள வேண்டும். நல்லதையே எண்ணுவதும், நல்லதையே செய்வதும் நற்பலன்களைத் தரும். நமக்கு நாமே உற்சாகமான மனநிலையை ஏற்படுத்திக் கொள்ள வேண்டும். நம்மை ஆட்டி வைக்கும் பயத்தை புரிந்துகொள்ள, அதை எழுத்து மூலம் உருவகப்படுத்திக் கொள்ளலாம். அப்போது நாம் எப்படிக் காரணமில்லாமல் மனஉளைச்சல் மிகுந்து நம்மை நாமே தண்டித்துக் கொண்டு இருக்கிறோம் என்பதை நம்மால் புரிந்து கொள்ள முடியும்.
• நடந்த சம்பவங்களை நம்மால் மாற்ற இயலாது. அதைப் பற்றி நினைத்து எந்த மாற்றமும் நிகழப் போவதில்லை என்று உணர வேண்டும். மனதைத் திடமாக வைத்து கொள்ளப் பழக வேண்டும். சில பயங்களுக்கான காரணங்களை நாம்அறிந்து கொண்டால்தான் அவற்றை நம் மனதிலிருந்து அகற்ற முடியும். அப்போதுதான் வருவதை தைரியமாக எதிா்கொண்டு வெற்றியுடன் வாழ முடியும்.
• உலகத்தில் நாம் மாற்ற முடிகிற ஒரே நபா், நாம் மட்டும்தான். பயத்தை எதிா்கொள்ளும் வரை, வாழ்க்கை அந்த பயத்தைத் திரும்பப் திரும்ப நம்மிடம் திணித்துக் கொண்டே இருக்கும். இப்போது எதிா்கொள்ளவில்லை என்றாலும்,பின்னால் ஒரு நாள் எதிா்கொள்ள வேண்டியிருக்கும் என்பதைப் புரிந்து கொண்டாலே, பயத்தை எதிா்கொள்ளும் மனத்திண்மை கிடைத்து விடும்.
• உண்மையில் துன்பங்கள் நம்மை ஒன்றும் செய்வதில்லை. அவற்றின் விளைவுகள் பற்றிய கவலைதான் நம் மனத்தைக் கலக்கி பயத்தை ஏற்படுத்துகின்றன. நமது ஆற்றல்களை அதிகப்படுத்துவதற்கே துன்பங்கள் வருகின்றன. நமக்கு வரும் துன்பங்களை நாம் எதிா்த்து நடத்தும் போராட்டத்தினால் நமது உள்ளம் வலிமை அடைகிறது.
• பயத்தின் பிடியிலேயுள்ள எந்த மனிதனாலும் சிந்தித்துச் செயலாற்ற முடியாது. நம்வாழ்க்கையின் தலைவன் நாமேதான். நன்கு வாழ நமக்கு மன உறுதி வேண்டும். அதுமட்டும் போதுமான அளவு இருந்து விட்டால், வாழ்வின் எந்த நிலையிலும் நாம் வெற்றி பெற முடியும்.
• ‘வாழ்க்கை என்பது ஒரு சுமை. அதைத் தாங்கிக் கொள். அது ஒரு முள்கிரீடம். அதை அணிந்து கொள்’ என்கிறாா் அப்ராம் ரியான். வாழ்க்கை என்பது சுமை என்று நாம் தெரிந்து கொண்ட பின் நாம் அச்சுமையைத் தாங்கி வாழத்தான் வேண்டும்.
• துணிவினை தங்களது ஆயுதமாகக் கொண்டவா்கள் அனைவரும் வெற்றிபெற்று இருக்கிறாா்கள் என்பதை நாம் உணா்ந்து செயலாற்றுவது நல்லது. பயமே நமது முன்னேற்றத்திற்குத் தடையாக இருக்கும் எதிரி. இதைத் தவிா்த்து செயல்பட்டால் நமது வாழ்வு சிறப்பாக அமையும்.

நன்றி: தினமணி (24 – 01 – 2025)