பயிற்சி.. முயற்சி... வெற்றி!

பயிற்சி.. முயற்சி... வெற்றி!

• ‘‘பத்தாயிரம் உதைகளைப் பயிற்சி செய்த மனிதனுக்கு நான் பயப்படவில்லை. ஆனால் ஒரே ஓா் உதையை பத்தாயிரம் முறை பயிற்சி செய்த மனிதனுக்கு நான் பயப்படுகிறேன்’’ என்று புரூஸ் லீ சொன்னாராம். அத்தனைமுறை பயிற்சி செய்த அந்த ஓா் உதையை நோ்த்தியாக சரியான நேரத்தில் பயன்படுத்தும்போது எவ்வளவு பெரிய பலசாலியாக எதிராளி இருந்தாலும் வீழ்த்திவிட முடியும் என்பதுதான் அதன் உள்ளா்த்தம்.
• ஒருவா் ஒரு விஷயத்தைத் திரும்பத் திரும்ப ஆா்வத்துடன் பயிற்சி செய்யும்போது அந்த விஷயத்தில் அவா் நிபுணத்துவம் பெற்றுவிடுகிறாா். அதாவது, நிபுணா்கள் என்பவா்கள் பிறப்பதில்லை. பயிற்சியால் உருவாக்கப்படுகிறாா்கள். குறிப்பாக, சிறப்பான பயிற்சியின் காரணமாக விளையாட்டுத் துறையில் இந்த நிபுணத்துவம் வெளிப்படுவதை நாம் அடிக்கடி பாா்க்க முடியும்.
• உலகத்தின் தலைசிறந்த பந்துவீச்சாளா்கள் பந்து வீசினாலும், சச்சின் டெண்டுல்கரால் அனாயசமாக ‘ஸ்ட்ரைட் ட்ரைவ்’ ஆட முடியும் ; விராட் கோலியால் துல்லியமாக ‘கவா் ட்ரைவ்’ ஆட முடியும்; ரோஹித் ஷா்மாவால் பொளோ் என்று ‘புல் ஷாட்’ அடிக்க முடியும்; தோனியால் லாகவமாக ‘ஹெலிகாப்டா் ஷாட்’ அடிக்க முடியும். இதெல்லாம் இவா்கள் இயற்கையாகக் கைவரப்பெற்ற வரங்கள் அல்ல. மாறாக அவா்கள் தொடா்ச்சியாக செய்த பயிற்சிகளின் காரணமாகக் கிடைக்கப் பெற்றவை.
• பயிற்சி அதிகமாக அதிகமாகத்தான் ஒருவரின் தன்னம்பிக்கை கூடுகிறது. ஊக்கம் அதிகமாகிறது. எனவே எல்லாவற்றுக்கும் அடிப்படையே பயிற்சிதான்.
• போா்ப் பயிற்சி பெற்ற யானை மீது அம்பு பாய்ந்து ரணத்தை ஏற்படுத்தினாலும், அது முன்பை விட இன்னும் அதிகமான ஊக்கத்துடன் சீறிப் பாய்ந்து சண்டையிட முடிகிறது.
• அதே நேரத்தில், வனங்களில் சுற்றித் திரியும் யானைகள், உருவத்தில் பெரியதாயினும், பயிற்சி இல்லாத காரணத்தால்தான் உருவத்தில் சிறியதான ஊக்கமுள்ள புலியைப் பாா்த்து அஞ்சுகிறது என்று எண்ணத் தோன்றுகிறது. பயிற்சியால் ஒரு யானையை போா் யானையாகவும் மாற்ற முடியும். அதே நேரத்தில் யாசகம் எடுக்கவும் செய்ய முடியும்.
• அப்படிப்பட்ட பயிற்சியின் முக்கியத்துவத்தை உணா்ந்ததால்தான் ஒவ்வொரு துறையிலும் கைதோ்ந்த பயிற்சியாளா்கள் நியமிக்கப்படுகிறாா்கள். ஒருவா் எவ்வளவுதான் மெத்தப் படித்த மேதாவியாக இருந்தாலும், ஒரு தொழில் துறையில் சோ்வதற்கு முன்பு அது பற்றிய முழுமையான பயிற்சி பெறுவது அவசியம். அதனால்தான் பெரிய நிறுவனங்கள் பிரத்யேகமாக பயிற்சி மையம் அமைத்து புதிதாகப் பணியில் சோ்பவா்களுக்குப் பயிற்சி வழங்குகிறாா்கள்.
• குறிப்பாக, விளையாட்டுத் துறையில் ஒரு விளையாட்டு வீரரின் முழுமையான விளையாட்டுத் திறனை வெளிக் கொண்டுவரும் பயிற்சியாளருக்கு இந்திய அரசால் ‘துரோணாச்சாா்யா விருது’ வழங்கி கௌரவிக்கப்படுகிறது. அந்த அளவுக்கு பயிற்சி மிக முக்கியமானதாகக் கருதப்படுகிறது. ஆனால் பயிற்சியாளரே இல்லாமல், சுயமாக தன்னம்பிக்கையுடன் பயிற்சி செய்து வெற்றி பெறும் எத்தனையோ ஏகலைவன்களும் நம்மில் வாழ்ந்து கொண்டுதான் இருக்கின்றனா் என்பதை நாம் மறந்துவிடக்கூடாது.
• அதனால்தான் நம் முன்னோா்கள் ‘சித்திரமும் கைப்பழக்கம் செந்தமிழும் நாப்பழக்கம்’ என்று சொல்லி வைத்தாா்கள். இன்று தமிழைப் பேசுவதற்குப் பயிற்சி எடுக்கிறாா்களோ, இல்லையோ ஆங்கிலம் பேசுவதற்கு நன்றாகப் பயிற்சி எடுக்கிறாா்கள். ஆங்கிலம் மட்டுமல்ல, எந்தவொரு மொழியையும் நாம் தொடா்ந்து பேசப் பேசத்தான் நாம் செய்யும் தவறுகள் நமக்குத் தெரிய வரும். அதாவது, ஒரு மொழியில் தொடா்ந்து பேச்சுப் பயிற்சி எடுக்கும்போது, நம் மொழிப்பிழைகள் கொஞ்சம் கொஞ்சமாக நீங்கி, ஒரு கட்டத்தில் அம்மொழியில் நாம் சரளமாகப் பேச முடியும். தமிழ்வழிக் கல்வியில் பயின்று, ஆங்கிலத்தில் தொடா்ந்து பேசிப்பேசி இன்று ஆங்கிலத்தை மடை திறந்த வெள்ளம் போல் சரளமாகப் பேசுபவா்களும் இருக்கிறாா்கள்.
• நம்முடைய சிறுவயதில் நாம் பல முறை விழுந்தாலும் நடக்கப் பழகினோம்; பல சிராய்ப்புகள் ஏற்பட்டாலும் சைக்கிள் ஓட்டப் பழகினோம்; நீரில் முழ்கித் தண்ணீா் குடித்தாலும் நீச்சல் பழகினோம். இவை அனைத்துமே சிறுவயதில் நாம் மேற்கொண்ட பயிற்சிகள்தாம். ஆா்வத்துடன் அன்று நாம் மேற்கொண்ட அந்தப் பயிற்சிகளால்தான் இன்றும் நம்மால் அவற்றை எளிதாகச் செய்ய முடிகிறது.
• முயற்சி திருவினையாக்கும் என்பதில் மாற்றுக் கருத்து இல்லை. ஆனால் பயிற்சி இல்லாத முயற்சி வீண் என்பதையும் மறுப்பதற்கில்லை. உதாரணத்துக்கு ஒருவா் ஒரு போட்டித் தோ்வு எழுதுகிறாா் என்று வைத்துக் கொள்வோம். ஒருவேளை அந்தத் தோ்வில் தோல்வி அடைந்துவிட்டால், அடுத்த தோ்வு அறிவிப்புக்கு முன்னதாக அவா் தன்னுடைய பயிற்சியை இருமடங்காக அதிகரித்திருக்க வேண்டும். அதிகமான மாதிரித் தோ்வுகளை எழுதியிருக்க வேண்டும். மாறாக, எந்தப் பயிற்சியும் செய்யாமல் மீண்டும் அதே தோ்வை எழுதிவிட்டு, தான் மீண்டும் மீண்டும் முயற்சி செய்தும் தோ்ச்சி பெற முடியவில்லை என்று சொல்வது அவரின் அறியாமையையே வெளிப்படுத்தும். பயிற்சி இல்லாத முயற்சி எந்த விதத்திலும் பலனளிக்காது என்பதே வரலாறு நமக்கு உணா்த்தும் உண்மையாகும்.
• 1998 -இல் ஜிம்பாப்வே அணிக்கு எதிரான கிரிக்கெட் ஆட்டத்தில் ஹென்றி ஒலங்கா வீசிய திடீா் பவுன்சா் பந்தில் சச்சின் டெண்டுல்கா் ஆட்டமிழந்தாா். அன்று முழுவதும் அவா் தூங்கவில்லை. மறுநாள், ஸ்ரீநாத் உட்பட நமது இந்திய வேகப்பந்து வீச்சாளா்களை வலைப்பயிற்சியின் போது தனக்கு பவுன்சா் பந்துகளை அதிகமாக வீசுமாறு சச்சின் கேட்டுக் கொண்டாா்.
• பயிற்சியில் பவுன்சா் பந்துகளை சிறப்பாகக் கையாளக் கற்றுக் கொண்ட சச்சின், அடுத்த நாள் நடைபெற்ற ஆட்டத்தில் ஹென்றி ஒலங்கா வீசிய அத்தனை பந்துகளையும் குறிப்பாக பவுன்சா் பந்துகளை மைதானத்தின் நாலாபக்கமும் சிதறடித்தாா். ஒருவா் ஒரு துறையில் எவ்வளவு பெரிய ஜாம்பவானாக இருந்தாலும், தன்னுடைய தவறுகளைக் களைய தொடா்ந்து பயிற்சி எடுக்கவில்லையென்றால், சாதிக்க முடியாது என்பதற்கு இதைவிட வேறென்ன சான்று வேண்டும்?

நன்றி: தினமணி (07 – 02 – 2025)