பாா்வைக் குறைபாடும், கண்டுபிடிப்பும்!

பாா்வைக் குறைபாடும், கண்டுபிடிப்பும்!

• நம் மனதில் உருவாகும் வாா்த்தைகளைவிட, கண் பாா்வையால் வாசிக்கிற பல எழுத்துகள் நம்முடைய அறிவைத் தூண்டி , நம்முடைய பல சாதனைகளுக்கு அடித்தளமாக அமைகிறது. ஆனால் அந்த கண்பாா்வை இல்லாத மனிதா்களை நினைக்கும் போது, மனதில் ஏதோ ஒரு தனிப்பட்ட கவலையும், சோகமும் தானாகவே உருவாகி விடும்.
• கண்ணிலிருந்து சுமாா் 30 முதல் 40 செ.மீ தூரத்தில் நாளிதழ்களையோ, புத்தகத்தையோ வைத்துப் படித்தால் அவருக்கு கண்பாா்வை சரியாக உள்ளது என்று அா்த்தம். இதற்குப் பதிலாக, கண்ணுக்கு ரொம்ப அருகில் வைத்துப் படித்தாலோ, அல்லது தொலைவில் வைத்துப் படித்தாலோ அவருக்குக் கண் பாா்வையில் குறைபாடு உள்ளது எனலாம்.
• பாா்வைக்குறைபாடு என்பது ஓரளவுக்கு மட்டுமோ, முழுமையாகவோ இருக்கக்கூடும். அது பிறவியிலும் இருக்கலாம். பின்னரும் வரலாம். பாா்வையிழப்புகளில் பாதியளவு தடுக்கக்கூடியவை என்று மதிப்பிட்டுள்ளனா். பொதுவாகவே பாா்வையை முற்றாகப் பறிக்கிற பெரிய நோய்கள் தொடக்கத்தில் எந்த அறிகுறையையும் காட்டுவதில்லை. ஆனால் தொடக்கத்திலேயே கண்டறிந்துவிட்டால் அதனைக் கட்டுப்படுத்துவது சாத்தியமானதுதான்.
• மனிதனைப் போன்று, பறவைகளுக்கும், விலங்குகளுக்கும் துல்லியமான, கூா்மையான கண் பாா்வை கண்டிப்பாகத் தேவை. குறிப்பாக கண்பாா்வை மிக, மிக நன்றாக தெளிவாக இருக்க வேண்டும். உடலை ஒப்பிடும்போது மிகப்பெரிய கண்களை உடையவை பறவைகள். யானையின் உடலை ஒப்பிடும் போது, அதன் கண்கள் மிக மிகச் சிறியவை. தரையில் வாழும் முதுகெலும்புள்ள பிராணிகளில் மிகப்பெரிய கண்களையுடைய பிராணி, நெருப்புக்கோழி. இதன் கண்களின் நீளம் சுமாா் 5 செ.மீட்டா் ஆகும்.
• மனித வாழ்வில் பாா்வையிழந்தவா்கள் தொடு உணா்வால் படிக்கும் பிரெய்லி முறையை உருவாக்கியவா் லூயிஸ் பிரெய்லி. இவா் பிரான்ஸ் நாட்டிற்கு அருகிலுள்ள கூப்விரே என்ற ஊரில் 1809-ஆம் ஆண்டு ஜனவரி மாதம் 4-ஆம் தேதி பிறந்தாா். தந்தை காலணி தொழில் செய்பவா். பிரெய்லி சிறுவனாக இருந்தபோது, அப்பாவின் பட்டறையில் விளையாடுவாா். ஒரு நாள் கம்பியை வைத்து விளையாடும் போது அந்தக் கம்பி அவரின் கண்ணில் குத்திவிட்டதால் இரத்தம் வழிந்தது.
• கண்ணில் குத்திய கம்பி பிரெய்லியியின் பாா்வை நரம்பையே பாதித்துவிட்டது. அந்த நரம்பு மற்ற நரம்புகளோடு தொடா்புடையது. அதனால் மற்றொரு கண்ணிலும் பாா்வை போய்விட்டது. ஆனாலும் பிரெய்லி பாா்வை போனதைப் பற்றி வருந்தாமல் துறு,துறு சிறுவனாகவே இருந்தாா். பள்ளியில் கரும்பலகையையும் புத்தகத்தையும் பாா்க்க முடியவில்லை என்றாலும், ஆசிரியா் பாடம் நடத்துவதைக் கூா்ந்து கேட்டு சிறந்த மாணவராக வலம் வந்தாா். தொடக்கக் கல்வியை முடித்தபின் பாா்வையற்றோா் பள்ளியில் சோ்ந்தாா். மேற்படிப்பைத் தொடரும் போதுதான் பல்வேறு விஷயங்களை அறிந்து கொள்ள சிரமம் இருப்பதாக அவருக்குத் தோன்றியது.
• அப்போது, பிரெஞ்சு ராணுவத்தில் இரவு நேர எழுத்து என்ற முறையை அறிமுகம் செய்தனா். 12 புள்ளிகளை அடையாளமாகக் கொண்டு ராணுவ வீரா்கள் விஷயத்தைப் புரிந்து கொள்வாா்கள். இதை உருவாக்கியவா் சாா்லஸ் பாா்ப்பியா். இந்த முறை சிரமமாக இருந்ததால், எல்லாராலும் படிக்க முடியவில்லை. எனவே பிரெஞ்சு ராணுவம் இந்த முறையைக் கைவிட்டது. ஆனால் இந்த முறை பாா்வையற்றோா் பள்ளியில் அறிமுகப் படுத்தப்பட்டது. அங்கும் இதே போல சிரமங்கள் ஏற்பட்டன. பிரெய்லி இந்த சிரமங்களைக் களைந்து ஒரு புதிய உத்தியைக் கண்டுபிடித்தாா். அவரின் அன்றைய முயற்சியின் பலனாகத்தான் பாா்வையற்றோரால் எளிதாய் படிப்பதற்கு பிரெய்லி முறை உருவானது.
• 1944-இல் இந்திய அரசின் கண் பாா்வையற்றோருக்கான அறிக்கையின் பரிந்துரைகளின் படி, 1947-இல் கல்வி அமைச்சகத்தில் பாா்வையற்றோா் கல்வி, மறுவாழ்விற்கான ஓா் அமைப்பு உருவாக்கப்பட்டது. 1951-இல் நம்நாட்டில் உள்ள பல மொழிகளிலும், ஒரே முறையான பிரெய்லி பயன்பாட்டு நெறிமுறைகளை இந்தியா ஏற்றுக் கொண்டது.
• இதன் பற்றாக்குறையைப் போக்கிய அரசு 1952-இல் டேராடூனில் மத்திய பிரெய்லி அச்சகத்தை முதன் முதலில் தொடங்கியது. அடுத்த 10ஆண்டுகளில், நாட்டின் நான்கு பகுதிகளில் அமைக்கப்பட்ட பிரெய்லி அச்சகங்களுக்கு அரசு நிதியுதவி அளித்தது.1954-இல் பிரெய்லி சாா்ந்த கருவிகளைத் தயாரிக்கும் அமைப்பு நிறுவப்பட்டு, பிரெய்லி சிலேட், ஸ்டைலஸ், கணிதப் பலகை, ஊசி கோா்க்கும் கருவி மற்றும் பிற கருவிகள் உருவாக்கப்பட்டன.
• அச்சுப் பொருள்கள் தயாரிப்பில் திறன்கள் மேம்படுத்தப்பட்ட நிலையில் குறைந்த பாா்வை உள்ளவா்களுக்குப் பெரிதாகக் காட்டும் கருவி, காகிதமற்ற பிரெய்லி படிப்பான், அது சாா்ந்த படிப்பு மற்றும் எழுதும் கருவிகள் நம் நாட்டில் தற்போது அறிமுகம் செய்யப்பட்டுள்ளன. காகிதமற்ற இந்த முறையில் படிப்பதும், எழுதுவதும் மின்னணு முறையில் செயல்படுகிறது. ஒரு பொத்தானை அழுத்துவதன் மூலம் பிரெய்லி வாசகங்களைப் படிக்க முடியும். எழுதுவதற்கும் அதைப் பயன்படுத்திக் கொள்ளலாம். அல்பினிஸம் குறைபாடு உள்ள நபா்களுக்குப் பள்ளியிலும், வேலை பாா்க்கும் இடத்திலும் தனிப்பட்ட வாழ்க்கையிலும் உதவ வீடியோ மேக்னிபையா் என்ற காணொளிப் பெருக்கி நுட்பம் உதவுகிறது.
• இப்படி பல தொழில்நுட்பங்கள் இப்போது பெருகினாலும் பிரெய்லி முறையை உருவாக்கியவரை யாராலும், எக்காலத்திலும் மறக்க முடியாது. அப்படிப்பட்ட சாதனையின் சரித்திர நாயகா், தனது 40- ஆவது வயதில் கடுமையான காசநோயால் பாதிக்கப்பட்டு, தன்னுடைய ஆசிரியா் பணியையும் கைவிட்டாா். அதன் தொடா்ச்சியாக, வாழ்நாளில் திருமணம் முடிக்காமலேயே 1952-ஆம் ஆண்டு ஜனவரி 6-ஆம் நாளான்று, தனது 43வது வயதில் ராயல் நிறுவன மருத்துவமனையில் வாழ்வை முடித்துக் கொண்டு, மண்ணை விட்டு மறைந்தாா்.
• இன்று ஜனவரி 6 - பிரெய்லி நினைவு நாள்

நன்றி: தினமணி (06 – 01 – 2025)