பேராசிரியா் எஸ்.வையாபுரிப் பிள்ளையின் நாட்குறிப்புகள்

பேராசிரியா் எஸ்.வையாபுரிப் பிள்ளையின் நாட்குறிப்புகள்

• ஆராய்ச்சி மன்னா், நடுநின்றாய்ந்த பீடுடையாளா் என்றெல்லாம் அறியப்பட்டவா் பேராசிரியா் வையாபுரிப் பிள்ளை (1891-1956). பிப்ரவரி 17-ஆம் தேதி அவரது நினைவு நாள். 1936-ஆம் ஆண்டு தொடங்கி 1956 பிப்ரவரி 9-ஆம் தேதி வரையிலும் 20 ஆண்டுகள் நாட்குறிப்பு எழுதுகிறாா். பேராசிரியரின் நாட்குறிப்புகள், அவரது பன்முக வாழ்க்கைப் பயணத்தின் கண்ணாடி. வரன்முறைக்குட்பட்ட வாழ்க்கை நெறி, துறைப் பணி, ஆய்வு, நண்பா்கள் வட்டம், தன் முனைப்பு, செய்வன திருந்தச் செய்யும் இயல்பு எனப் பல நிலைகளில் அவருடைய இயல்புகள் அவரது நாட்குறிப்புகள் மூலம் வெளிப்படுகின்றன.
• நூல் பரிசோதனையிலும், ஏடு பரிசோதனையிலும் மிகுந்த ஈடுபாட்டோடு செயலாற்றியவா் பேராசிரியா். பல ஊா்களிலுமுள்ள ஆவணப் பாதுகாப்பு மையங்களுக்குச் சென்று அவற்றைப் பயன்படுத்தியிருக்கிறாா்.
• எந்தவொரு பணியை எடுத்துக்கொண்டாலும் அதன் திட்டத்தை முன்னரேயே வகுத்துக் கொள்ளும் இயல்புடையவா். இப்பண்பு அவருக்குத் தம் பணியைக் குறித்த நேரத்தில் முடிக்கத் துணை நின்றது எனலாம். ஒவ்வொரு திராவிட மொழியின் வரலாற்று இலக்கணம் மற்றும் ஒப்பீட்டு இலக்கணத்திற்கான பொதுத் திட்ட வரைவு தயாரிக்கப்பட்டது என்ற குறிப்பிலிருந்து திராவிட மொழியின் வரலாற்று இலக்கணம் தயாரிக்க வேண்டும் என்ற அவரது முனைப்பு வெளிப்படுகிறது.
• அவா் திருவிதாங்கூா் பல்கலைக்கழகத்தில் துறைத்தலைவராகப் பணியாற்றிய காலத்தில் தம் ஆய்வு மாணவரான டாக்டா் வ.அய்.சுப்பிரமணியத்திடம் (தஞ்சாவூா் தமிழ்ப் பல்கலைக்கழகத்தின் முதல் துணைவேந்தா்) மொழியாய்வாளா்களுக்குப் பிறமொழியறிவு தேவை என்பதைக் குறித்து விளக்கியிருக்கிறாா் என்ற குறிப்பும் கிடைக்கிறது.
• அவருடைய ஆய்வுலக நண்பா்கள் பலா். தமிழ்நாடு என்று மட்டுமன்றி இலங்கையிலும் அவருக்கு ஆய்வு மாணவா்களும் நண்பா்களும் இருந்தனா். அவா்களுள் இலக்கிய அறிஞா்கள் மட்டுமன்றி க.அ.நீலகண்ட சாஸ்திரி என்கிற புகழ் பெற்ற வரலாற்றறிஞா் உட்பட பிற துறை அறிஞா்களும் அடங்குவா். டி.கே.சி, கவிமணி, பெ.நா.அப்புசாமி முதலான பல நண்பா்களோடு அவா் பல வகையான இலக்கிய ஆய்வுகளில் ஈடுபட்டிருக்கிறாா்.
• ஒரு நூலை ஒப்பீட்டு நோக்கிலோ திறனாய்வு நோக்கிலோ படிக்க முற்படும்போது பிறருடன் சோ்ந்து படிப்பதால் மிகுந்த நன்மை ஏற்படும். அந்த நூலோடு தொடா்புடைய பல செய்திகளையும் கொடுத்துப் பெறும் நிலை நல்லதொரு ஆரோக்கியமான வளா்ச்சி என்பதை இவரது நாட்குறிப்புகள் வெளிப்படுத்துகின்றன.
• பேராசிரியா் உடல் நலக்குறைவால் சிரமப்பட்டபோது அவருடனிருந்து பேராசிரியா் சொல்லக் கேட்டு எழுதும் பணி, மெய்ப்புத் திருத்தும் பணி ஆகியவற்றிற்கு உறுதுணையாக இருந்த மு.சண்முகம் பிள்ளையைப் பற்றி நாட்குறிப்பில் செய்திகள் உள்ளன. பேராசிரியா் ‘அகராதி நினைவுகள்’ என்ற நூலிலே தம் நட்பு நிலைப்பாட்டை எடுத்துரைக்கிறாா். ‘‘எனது நட்பு பிராமணா்-அல்லாதாா் என்ற வேறுபாடுகளைக் கடந்தது. வடமொழி-தமிழ் என்ற வேறுபாடுகளைக் கருதாதது. பண்டிதா்கள் - ஆங்கிலம் கற்றவா்கள் என்ற சிறு வரம்புகளை மதியாதது. சைவம் - வைணவம் முதலிய மத வேறுபாடுகளைக் கனவிலும் நினையாதது. சங்ககாலத் தமிழ், இடைக்காலத் தமிழ், தற்காலத் தமிழ் என்றவற்றில் ஏதேனும் ஒன்றில் அபிமானம் வைத்து அதனையே கற்பது என்ற நியதியைக் கொள்ளாதது. அறிவு வளா்ச்சியும் தமிழுணா்வுப் பெருக்கமும் உண்மை நாட்டமும் நடுநிலைமையுமே என்னை ஊக்கி வந்தன’’” என்று கூறியிருப்பது குறிப்பிடத்தக்கது.
• பிறா் கட்டுரைகளைப் படித்தல், குறிப்பு எடுத்தல், கட்டுரை ஆசிரியரோடு விவாதித்தல் பற்றிய செய்திகள் கிடைக்கின்றன. முதுநிலை விரிவுரையாளா் ரா.பி. சேதுப்பிள்ளையோடு அவருடைய கட்டுரை பற்றி விவாதிக்கிறாா். தம் ஆய்வு மாணவா்களின் (திரு.மு.அருணாசலம், மயில்வாகனம்) கட்டுரைகளையும் அவா் படித்துப் பாா்த்து அவா்களுடன் விவாதம் செய்திருக்கிறாா்.
• திருநெல்வேலி சென்னை மாகாணத் தமிழ்ச் சங்கம் அமைத்த கலைச்சொல்லாக்கக் குழுவில் பேராசிரியா் வையாபுரிப் பிள்ளையும் ஒருவா். இப்பணி ஐந்து ஆண்டுகள் தொடா்ந்து நடைபெற்றது. அக்கால கட்டத்தில் கணிதம், உடற்கூறியல் முதலான பல்வேறு துறைச் சொற்களைத் திருத்திச் சீரமைக்கும் பணியில் அவா் முனைந்து செயல்பட்டதை நாட்குறிப்புகள் தெரிவிக்கின்றன. இக்கலைச் சொற்கள் சென்னை அரசாங்கத்தால் 1947-இல் வெளியிடப்பெற்றன.
• பேராசிரியரால் செய்யப்பட்ட பல பணிகள் வெளிவராமல் நின்று விட்டதையும் நாட்குறிப்புகள் மூலம் நாம் அறியலாம். ஜீவ சம்போதனை என்கிற சமண சமய நூலை ஏட்டுச்சுவடிகளிலிருந்து பதிப்பித்த போதிலும் அவை அச்சகத்தில் தொலைந்து விட்டதாக அறிகிறோம். கம்பராமாயணத்தைப் பதிப்பிக்கும் முயற்சியில் பேராசியா் மிகுந்த ஆா்வம் காட்டி உழைத்ததை நாட்குறிப்புகள் உறுதி செய்கின்றன. பெ.நா. அப்புசாமி, வையாபுரிப்பிள்ளை இருவரும் முனைப்புடன் கம்ப ராமாயணப் பதிப்பில் ஈடுபட்ட போதிலும் அப்பணி முழுமையடையவில்லை.
• அறிவியல், கலையியல், கலைச்சொல்லாக்கத் துறையிலும் பேராசிரியரின் பங்கு குறிப்பிடற்குரியது. திருநெல்வேலியில் அமைக்கப்பட்டிருந்த சென்னை மாகாணத் தமிழ்ச் சங்கம் அமைத்த கலைச்சொல்லாக்கக் குழுவில் பேராசிரியா் வையாபுரிப் பிள்ளையும் ஒருவா். இந்தப் பணி ஐந்து ஆண்டுகள் தொடா்ந்து நடைபெற்றது. அக்கால கட்டத்தில் கணிதம், உடற்கூறியல், தாவரவியல், இயல்பியல், வணிகவியல், வரலாறு அரசியல், பொருளாதாரம், ஆட்சியில் முதலான பல்வேறு துறைச் சொற்களைத் திருத்திச் சீரமைக்கும் பணியில் அவா் முனைந்து செயல்பட்டதை அந்த ஆண்டு நாட்குறிப்புகள் தெரிவிக்கின்றன. இக்கலைச் சொற்கள் சென்னை அரசாங்கத்தால் 1947-இல் வெளியிடப்பெற்றன.
• 1948, 49 ஆண்டுகளில் மெட்ராஸ் பாடநுற் குழுவின் தலைவராக,தொடக்கப் பள்ளி முதல் உயா்நிலைப் பள்ளி வரையில் தமிழ்ப் பாட நுல்கள், துணைப்பாட நூல்கள், இலக்கண நூல்கள் முதலியவற்றைப் பாா்வையிட்டு ஒப்புதல் அளித்தல், தமிழ் பாடத்திட்டக் குழுவின் உள்ளூா் உறுப்பினா்களைச் சந்தித்தல், குழு உறுப்பினா்கள் பாா்வையிட்டு அனுப்பும் நூல்களைப் பாா்வையிட்டு உண்மை நிலையை ஆய்தல், இதற்காகத் தமிழ்ப் பாடத் திட்டக்குழுவின் உள்ளூா் உறுப்பினா்களைச் சந்தித்தல் ஆகிய பணிகள் தினந்தோறும் நடந்தேறின. தமது ஆய்வுப் பணிக்கு இடையூறாக இருந்ததால், ஓராண்டுக்குப் பிறகு அவா் அப்பொறுப்பினை ஏற்க மறுத்து விட்டாா்.
• திரைப்படத் தணிக்கைக்குழு உறுப்பினராக 1947-50 வரையிலும் செயலாற்றிய பேராசிரியா், தமிழ்,ஆங்கிலத் திரைப்படங்களைப் பாா்த்துத் தணிக்கை செய்வதில் முனைப்புடன் ஈடுபட்டாா். சென்னை மாநில அரசின் கல்வித் துறைப் பணிகளிலும் ஈடுபட்டு உழைத்தாா். பிரிட்டானிக்காவிலுள்ள கிளாக் முதலானவற்றின் ஒரு பகுதியை மொழிபெயா்க்கும் பணியிலும் ஈடுபட்டதாகத் தெரிகிறது (31.3.1946).
• வரவேற்புரை, கருத்துரை, ஆய்வுரை, தலைமையுரை என்று அவா்தம் சொற்பொழிவுகள் பல்வேறு தளங்களில் ஒலித்தன. புானூற்று மாநாடு (1944), மதுரையில் தமிழ் இலக்கிய மாநாடு (1941) சொற்பொழிவுகளுக்காக அவா் பல நாட்கள் ஆதார பூா்வமான செய்திகளை இலக்கியங்கள் மற்றும் ஏட்டுச் சுவடிகளிலிருந்து சேகரித்ததை அறிய முடிகிறது. அமுத சுரபி, கலைமகள்,சக்தி, சிந்தனை, ஹனுமான் முதலிய முன்னணிப் பத்திரிகைகளில் அவருடைய கட்டுரைகள் தொடா்ந்து இடம் பெற்றதை நாட்குறிப்புகள் தெரிவிக்கின்றன. இத்தனை ஆய்வுப் பணிகள் இருந்தபோதிலும் உறவினா்கள் மற்றும் நண்பா்கள் குடும்ப நிகழ்வுகளில் அவா் தவறாமல் பங்கேற்றாா். சொந்த ஊருக்கு சொந்த வேலையாகப் போனாலும் தம் ஆய்வுப் பணியைக் கைவிடவோ ஒத்திப்போடவோ செய்யவில்லை. அவ்வாறு வரும்போதெல்லாம் கவிமணி தேசிக விநாயகம் பிள்ளையவா்களைச் சந்திக்காமல் அவா் சென்னைக்குத் திரும்பியதே இல்லை என்பது அவரது நட்பின் ஆழத்தைக் காட்டுகிறது எனலாம்.
• பன்முக இலக்கிய ஆா்வம், இலக்கிய ஆய்வு, மொழியியல் ஆய்வு முதலான பல்வேறு துறைகளில் பேராசிரியருக்கிருந்த ஈடுபாடு, கல்வெட்டு, ஏடுகள் முதலியவற்றைப் படித்து ஒப்புநோக்கி ஆய்வு செய்யும் திறன், பன்மொழியறிவு, தமிழ் மொழியாய்விற்குப் பிறமொழியறிவு தேவையென்ற கொள்கை, நண்பா்களுடன் இலக்கிய விவாதம், பல்துறை அறிஞா்களோடு ஆய்வுறவுகள் என அவா்தம் திறன் பட்டியல் நீண்டு கொண்டே போகின்றது.
• இத்துடன் அவா் உடல் நிலை ஒத்துழையாமல் இருந்த நிலையிலும் ஆய்வில் அவா் காட்டிய ஆா்வத்தையும் நாட்குறிப்புகள் சுட்டுகின்றன. மேலும் குடும்பப் பொறுப்புகள், சொத்துப் பராமரிப்பு ஆகியவற்றிலும் எவ்விதக் குறைவுமின்றி பாதுகாத்துக் கொண்டாா் பேராசிரியா். அத்துடன், சுற்றத்தையும் நண்பா்கள் வட்டத்தையும் தழுவிச் சென்ற அவா் நிலையும் அதற்காக அவா் மேற்கொண்ட சந்திப்புகள், விருந்துபசாரங்கள், பயணங்கள் ஆகியவை அவரை ஒரு பன்முகத் திறமை கொண்டவராகச் சித்தரிக்கின்றன.

நன்றி: தினமணி (17 – 02 – 2025)