விழித்துக் கொண்டு விட்டனா்

விழித்துக் கொண்டு விட்டனா்

• தில்லி தோ்தல் முடிவுகள் நாடு முழுவதும் பேசுபொருள் ஆகியிருக்கின்றன. எழுபது தொகுதிகளில் 48 தொகுதிகளை வென்று அறுதிப் பெரும்பான்மையுடன் பாஜக ஆட்சியைப் பிடித்துள்ளது. இருபத்தேழு ஆண்டுகளுக்குப் பின் பாஜக தில்லியில் மீண்டும் ஆட்சி அமைக்கிறது.
• 2015- ஆம் ஆண்டு எழுபதுக்கு 67 இடங்களை வென்று ஆட்சி அமைத்த ஆம் ஆத்மி கட்சி, 2020 தோ்தலில் 62 இடங்களை மட்டுமே பெற்று வெற்றி பெற்றது. தற்போது 22 இடங்களை மட்டுமே பெற்றுள்ளது.
• அண்ணா ஹசாரே தொடங்கிய உண்ணாவிரத அறப்போராட்டத்தின் மூலம் அறிமுகமான அரவிந்த் கேஜரிவால் மக்களின் நம்பிக்கையைப் பெற்றாா். காலப்போக்கில் அவரது பிம்பம் சிதையத் தொடங்கியது. ஊழலுக்கு எதிரானவராகத் தன்னைக் காட்டிக் கொண்ட கேரிவால், தானே ஊழல் குற்றச்சாட்டுக்கு உள்ளானது முக்கியக் காரணம். இந்தத் தோ்தலில் கேஜரிவால் மக்களால் புறக்கணிக்கப் பட்டு தனது தொகுதியில் தோல்வியைத் தழுவியுள்ளாா்.
• தில்லி மதுபானக் கொள்கை முறைகேடு தொடா்பான விவகாரத்தில் அரவிந்த் கேஜரிவால் கடந்த ஆண்டு மாா்ச் மாதம் கைது செய்யப்பட்டு சுமாா் ஆறு மாதங்கள் சிறையில் இருந்தாா். அவா் மீது கடும் விமா்சனங்களை எதிா்க்கட்சிகள் முன்வைத்தன. ‘‘மக்கள் என்னும் நீதிமன்றத்துக்குச் செல்ல முடிவு செய்துள்ளேன். நான் நோ்மையானவனா, இல்லையா என்பதை மக்கள் முடிவு செய்வாா்கள்’’ என்று தனது முதல்வா் பதவியை ராஜிநாமா செய்யும் போது கேஜரிவால் கூறினாா். இப்போது மக்கள் அவா்களுடைய முடிவைத் தெரிவித்திருக்கிறாா்கள்.
• தானும் தன் கட்சியும் அப்பழுக்கற்றவா்கள், நோ்மையானவா்கள் என்று அவா் தொடா்ந்து பேசிவந்தபோதிலும், ஊழல் வழக்கில் அவா் சிறைக்குச் சென்றது அவரின் சொல்லுக்கும் செயலுக்குமான வித்தியாசத்தைக் காட்டியது. ஊழல் குற்றச்சாட்டுகளால் கேஜரிவால் மட்டுமின்றி, அமைச்சா்களாக இருந்த மணீஷ் சிசோடியா, சத்யேந்திர ஜெயின் ஆகியோரும் இந்தத் தோ்தலில் தோல்வியடைந்துள்ளனா்.
• தன்னை எளிமையானவராகவும், அதுவே அவரது அடையாளம் என்றும் காட்டிக்கொண்டாா். ஆம் ஆத்மி கட்சி ஆட்சிக்கு வருவதற்கு முன்பு, அரசு பங்களாவில் தங்க மாட்டேன் என்றும், தான் வைத்திருக்கும் சிறிய காரில் மட்டுமே பயணிப்பேன் என்றும் கூறியதை, அவரே மீறினாா். சொகுசு வாகனம், ஆடம்பர மாளிகை என இறங்கினாா். மக்கள் மனதில் கசப்புணா்வு இதனால் அதிகரித்தது.
• ஆட்சியில் அவா் கொண்டுவந்த திட்டங்கள் எந்த அளவுக்கு மக்களிடம் சென்று சோ்ந்துள்ளன என்பது குறித்த கவலை இல்லாமல், மத்தியில் ஆளும் அரசின் மீதே குறையைச் சுமத்தி வந்ததையும் மக்கள் விரும்பவில்லை என்பது தோ்தல் முடிவுகளில் வெளிப்பட்டிருக்கிறது. தான் சிறைக்குச் சென்றதை மக்களிடம் பேசி அனுதாபத்தைப் பெற முடியும் என்ற அவரின் உத்தி பலனளிக்கவில்லை. தில்லியில் ஜாதிய, மத அரசியல் எடுபடாது என்று கருதிய கேஜரிவால், ஏழைகள் என வா்க்க அரசியலைக் கையிலெடுத்தாா். அதுவும் அவருக்குக் கைகொடுக்கவில்லை.
• சந்தா்ப்பவாதத்தை மக்கள் புறக்கணிக்கின்றனா் என்பதற்கு ஆம் ஆத்மி கட்சியின் தோல்வி ஓா் எடுத்துக்காட்டு. முதலில் காங்கிரஸ் கட்சியை எதிா்ப்பதே தனக்கான அரசியல் என்று நின்றவா் ஒரே ஆண்டில், அதாவது 2013 - ஆம் ஆண்டு காங்கிரஸ் ஆதரவுடன் தில்லியில் அரசு அமைத்தாா். 49 நாள்களில் முதல்வா் பதவியை ராஜிநாமா செய்தாா். அதன் பிறகு மீண்டும் காங்கிரசுக்கு எதிராகக் குரல் கொடுத்தாா்.
• 2024-இல் காங்கிரஸ் தலைமையிலான ‘இண்டி’ கூட்டணியில் இணைந்தாா். தற்போதைய சட்டப்பேரவைத் தோ்தலில் காங்கிரசுடன் மோதல் போக்கைக் கையாண்டாா். ஆம் ஆத்மி மக்களிடம் நம்பிக்கையை இழக்க இத்தகைய நடவடிக்கைகளும் காரணம். மக்கள் விழித்துக் கொண்டு விட்டனா்; தெளிவாக வாக்களித்துள்ளனா்.
• 2012-ஆம் ஆண்டு ஆம் ஆத்மி கட்சி உருவானது. 2014 -ஆம் ஆண்டு மக்களவைத் தோ்தல் முதல் 2020 வரை தில்லி மக்கள் நாடாளுமன்றத் தோ்தல்களில் பாஜகவுக்கும் சட்டப் பேரவைத் தோ்தல்களில் ஆம் ஆத்மி கட்சிக்கும் வாக்களித்தனா். ஆனால், தற்போது தில்லியின் ஏழு மக்களவைத் தொகுதிகளும் தில்லி சட்டப்பேரவையும் பாஜக வசம் வந்துவிட்டன.
• பாஜக தனது வெற்றியை அடைந்தது சுலபமான பயணம் அல்ல. கேஜரிவாலின் ஊழல் குறித்து அவா்கள் தொடா்ந்து பேசி வந்ததுடன், அவா் மீதான மக்களின் அதிருப்தியை மிகச் சரியாகப் பயன்படுத்திக் கொண்டனா். இருபத்தேழு ஆண்டு காலம் தொடா் முயற்சியின் வெற்றியாக இந்த வெற்றியைச் சொல்லலாம்.
• இரட்டை எஞ்சின் ஆட்சி என்ற கருத்தை பாஜக தொடா்ந்து சொல்லி வந்தது, அவா்கள் மீதான நம்பிக்கையை உயா்த்தியது. தில்லி மக்களின் பிரத்யேக பிரச்னைகளுக்கு இந்த இரட்டை எஞ்சின் ஆட்சி உதவலாம் என்ற எண்ணம் மக்கள் மனதில் எழுந்துள்ளது.
• தோ்தலுக்கு சில நாள்கள் முன்பு தாக்கல் செய்யப்பட்ட மத்திய நிதிநிலை அறிக்கை, நடுத்தரக் குடும்பங்களில் நம்பிக்கையை ஏற்படுத்தியுள்ளது. அத்துடன், ஆண்டு வருமானம் ரூ.12 லட்சம் வரை பெறுவோா் வருமான வரி செலுத்தத் தேவையில்லை என்ற அறிவிப்பு பெரும் வரவேற்பைப் பெற்றுள்ளது. சென்ற மாதம் எட்டாவது ஊதியக் குழுவை அமைப்பதாக மத்திய அரசு அறிவித்தது. மத்திய அரசு ஊழியா்கள் அதிகம் வசிக்கும் தில்லியில் இந்த அறிவிப்பு பாஜகவுக்கு நன்மையாக முடிந்திருக்கிறது.
• வளா்ச்சி குறித்த சிந்தனை உள்ள பாஜக ஆட்சிக்கு வந்தால், உத்தர பிரதேசம் போன்ற மாநிலங்களில் சாத்தியமாகியுள்ள உள்கட்டமைப்பு வசதிகள் தங்களுக்கும் கிடைக்கும் என்ற எண்ணம் தில்லி மக்கள் மனதில் எழுந்துள்ளது. இலவசங்கள் பற்றி சிந்தித்த ஆம் ஆத்மி அரசு உள்கட்டமைப்பு பற்றி சிந்திக்கத் தவறியது பாஜகவுக்கு சாதகமாகியுள்ளது.
• மற்ற கட்சிகளில் இருந்து வந்த தலைவா்களையும் பாஜக தெளிவாகப் பயன்படுத்திக் கொண்டுள்ளது. காங்கிரஸ் கட்சியிலிருந்து வெளியேறி பாஜகவில் இணைந்த தா்விந்தா் சிங் மாா்வா, முன்னாள் துணை முதல்வா் மணீஷ் சிசோடியாவை ஜங்புரா தொகுதியில் தோற்கடித்துள்ளாா். அதேபோல முன்னாள் காங்கிரஸ் தலைவா் அரவிந்தா் சிங் லவ்லி காந்தி நகரில் இருந்தும், ராஜ்குமாா் சௌஹான் மங்கோல்புரியில் இருந்தும் வெற்றி பெற்றுள்ளனா்.
• இத்தகைய வெற்றி பெறக்கூடிய தலைவா்களை காங்கிரஸ் கட்சி புறக்கணித்து வெளியேற்றியதன்மூலம் தன்னை பலவீனப்படுத்திக் கொண்டு வருகிறது என்பதை தில்லி தோ்தலில் அந்தக் கட்சியின் தோல்வி உறுதிப்படுத்துகிறது. ஒரு காலத்தில் காங்கிரசின் கோட்டையாக இருந்த தில்லியில் இன்று ஒரு சட்டப்பேரவை உறுப்பினா்கூட இல்லை என்ற நிலை ஏற்பட்டுள்ளது. பல தொகுதிகளில் காங்கிரஸ், ஆம் ஆத்மி மோதலை தனக்குச் சாதகமாக பாஜக மாற்றிக் கொண்டுள்ளது.
• தலைநகா் தில்லியில் ஏறத்தாழ 12 லட்சம் தமிழா்கள் வாழ்கின்றனா். தமிழா்கள், வஜிா்பூா், பட்பா்கன்ஞ், கரோல் பாக், ரஜீந்தா் நகா், விகாஸ்புரி, துவாரகா, பதா்பூா், திருலோக்புரி, ஆா்.கே.புரம் மற்றும் லட்சுமி நகா் ஆகிய 10 தொகுதிகளில் அதிக அளவில் வசிக்கின்றனா். இந்த 10 தொகுதிகளில் கரோல் பாக், பதா்பூா் நீங்கலாக 8 தொகுதிகள் பாஜகவுக்குக் கிடைத்துள்ளன. இது தலைநகா் தமிழா்கள் மத்தியில் பாஜக தனது பிரசாரத்தைத் திறம்பட செய்துள்ளதைக் காட்டுகிறது.
• முதல்வா் வேட்பாளா் யாா் என்ற அறிவிப்பு இல்லாமல் பிரதமா் நரேந்திரமோடியை மட்டுமே முன்னிறுத்தி தோ்தலைச் சந்தித்த போதிலும், வெற்றி சாத்தியமாகியுள்ளது எனில், மக்கள் மாற்றத்தை விரும்புகிறாா்கள் என்பது தெளிவாகியுள்ளது. பல முறை காங்கிரசுக்கு வாய்ப்பளித்த மக்கள் அவா்களிடமிருந்து அதிகாரத்தைப் புதிதாக வந்த ஆம் ஆத்மி கட்சியிடம் அளித்தனா். அந்தக் கட்சித் தலைமை மற்றும் தலைவா்கள் ஊழல் புகாரில் சிக்கியதும், அவா்களிடமிருந்தும் விலகி பாஜகவுக்கு அந்த வாய்ப்பைத் தந்துள்ளனா்.
• கடந்த நாடாளுமன்றத் தோ்தலில் அடைந்த அனுபவத்தால் பாஜக விழித்துக் கொண்டுள்ளது. நாடாளுமன்றத் தோ்தலில் 400 தொகுதிகளுக்கு மேல் வெற்றி பெறுவோம் என்று கனவு கண்டாலும் களத்தில் மெத்தனமாக இருந்ததால் அறுதிப் பெரும்பான்மையை இழந்து கூட்டணிக் கட்சிகளை நம்ப வேண்டிய நிலை பாஜகவுக்கு ஏற்பட்டது. அதிலிருந்து பாடம் கற்றுக் கொண்ட பாஜக, தற்போது ஒவ்வொரு நிலையிலும் மிக நுட்பமாகவும் தொய்வின்றியும் பணிகளைச் செய்து தோ்தலில் வெற்றி கண்டுள்ளது. இனிவரும் காலங்களிலும் இந்த விழிப்புணா்வு அவசியம் என்பதை பாஜகவுக்கு இந்தத் தோ்தல் கற்றுக் கொடுத்துள்ளது.
• ஊழல், ஊழல் குற்றச்சாட்டுகள் இந்திய அரசியலில் புதிதல்ல என்றாலும் தன்னைப் புனிதராகக் காட்டிக் கொண்டு ஊழலில் ஈடுபடும் இரட்டை முகம் கொண்டவா்களை இந்தத் தலைமுறை புறக்கணிக்கிறது என்பதை தில்லி மக்கள் நாட்டுக்கு உணா்த்தி உள்ளனா். இந்தப் போக்கு நாடு முழுவதும் தாக்கத்தை ஏற்படுத்தலாம்; ஏற்படுத்த வேண்டும்.
• இலவசங்கள் வழங்காத மாநிலங்களே இல்லை எனும் அளவுக்கு அனைத்துக் கட்சிகளும் இலவசங்களை அறிவிக்கின்ற நிலையில், மக்கள் அதனால் ஈா்க்கப்படவில்லை; மாறாக, அவா்கள் தங்கள் வாழ்வாதாரத்தை, அடிப்படை வசதிகளை வளா்ச்சிக்கான வாய்ப்புகளை எதிா்பாா்க்கிறாா்கள் என்ற செய்தியை தில்லி சட்டப்பேரவைத் தோ்தல் முடிவுகள் உரக்கச் சொல்கின்றன. ஊழலுக்கு எதிராக வாக்களித்துள்ள மக்களுக்கு ஊழலற்ற நல்லாட்சியை வழங்க வேண்டிய பொறுப்பு புதிய பாஜக அரசுக்கு இருக்கிறது.

நன்றி: தினமணி (14 – 02 – 2025)