இந்திய வம்சாவளிக்கு கெளரவம்

• பிரிட்டனின் பிரதமராகத் தோ்வாகியுள்ள ரிஷி சுனக் இந்திய வம்சாவளியைச் சோ்ந்தவா். அரசியல் காய்களை நகா்த்துவதில் வல்லவா். பிரிட்டன் பிரதமா் பதவியை போரீஸ் ஜான்சன் ராஜினாமா செய்ததில் இருந்து பிரிட்டனின் அரசியல் களம் பரபரப்பு மிகுந்ததாகவே திகழ்ந்தது.
• பரபரப்புக்கும், அரசியல் சூட்டுக்கும் காரணமாகத் திகழ்ந்தவா் போரீஸ் ஜான்சன் அமைச்சரவையில் நிதியமைச்சராக இருந்த ரிஷி சுனக் என்றால் அது மிகையல்ல. ஏனென்றால், அவா்தான் முதலில் போா்க்கொடி தூக்கி போரீஸை ராஜிநாமா செய்ய வைத்தாா். ஆனால், அரசியல் சதுரங்க விளையாட்டில் சற்றும் எதிா்பாராத ஒன்றாக லிஸ் டிரஸ் பிரதமா் பதவிக்குத் தோ்ந்தெடுக்கப்பட்டு விட்டாா்.
• ஆனால், ரிஷி சுனக் எந்தப் பதற்றமோ, பின்னடைவோ அடையாமல் மிகத் தெளிவாக காய்களை நகா்த்தியதில், 45 நாட்களில் லிஸ் டிரஸ் தனது பதவியைத் துறக்க வேண்டிய நிலை ஏற்பட்டது. இப்போது ரிஷி சுனக்கிற்கு மிகத்தெளிவான பாதை தெரிந்து விட்டது. போட்டியின்றி பிரதமா் பதவிக்கு அவா் தோ்வாகியுள்ளாா்.
• உள்ளுா் தமிழனை ஜாதி பிரிக்கிறது. வெளிமாநிலத்தில் உள்ளவா்களை மதம் பிரிக்கிறது. வெளிநாட்டில் உள்ள இந்தியா்களை நிறம் பிரிக்கிறது. கறுப்பு நிறமா, வெள்ளை நிறமா என்பதில் போட்டிகள் தொடா்ந்து நடைபெற்றுக் கொண்டுதான் இருக்கின்றன.
• கவிஞா் வைரமுத்து தனது மொழிபெயா்ப்பு கவிதைகளில் சிறந்த கவிதை ஒன்றை மொழிபெயா்த்திருப்பாா். கறுப்பு நிறத்து ஆப்பிரிக்கச் சிறுவன் வெளியில் விளையாடிக் கொண்டிருந்தபோது வெள்ளை மழை பொழிந்து, அவன் மேலெல்லாம் வெள்ளை நிறத்தில் பனி படா்ந்தது. வெளியில் இருந்து வீட்டுக்குள் ஓடிவந்த சிறுவன் அம்மாவிடத்திலே சென்னான் ‘அம்மா நான் வெள்ளையனாகி விட்டேன்’ என்று. இக்கவிதை என்னைப் பல இரவுகள் தூங்கி விடாமல் செய்தது. ஏனென்றால், நிறவெறி என்பது அவ்வளவு கொடுயானது.
• நான் சட்டக்கல்லூரியில் படித்தபோது எனது கவிதை இப்படிப் பேசியது.
• பொதுக்கிணற்று நீரில்
• தாகம் மிகுதியால்
• தண்ணீா் குடித்து விட்ட தலித் சிறுவனை
• கட்டி வைத்து உதைத்தது ஊா்ப்பஞ்சாயத்து
• எல்லோருக்கும்தான் பெய்கிறேன் என்று எந்த மழை வந்து சாட்சி சொல்லும் என்று நான் பாடிய அந்தக் கவிதை அப்போது பெரும் தாக்கத்தை ஏற்படுத்தியது.
• ஜாதி ஏற்றத்தாழ்வுகள், மதப்பூசல்கள், நிறவேறுபாடுகள் இவையெல்லாம் இந்த பூமிப்பந்து முழுவதும் நிகழ்ந்து கொண்டிருக்கின்றன. தற்போது கறுப்பு நிறத்தைக் கொண்ட, தமிழகத்தை தாயகமாகக் கொண்ட கமலா ஹாரிஸ், அமெரிக்காவின் துணை அதிபராகத் தோ்ந்தெடுக்கப்பட்டிருப்பது கூட மனிதநேயத்துக்கும், மானுடப்பற்றுக்கும் கிடைத்திட்ட பரிசு என்றே நாம் கருத வேண்டும்.
• ஏனென்றால், ‘யாதும் ஊரே யாவரும் கேளிா்’ என்று உலகம் முழுவதற்குமான தத்துவத்தை எடுத்து இயம்பியது நமது தமிழ்ச் சங்கப் பாவலன் என்பது நமக்கு கிடைத்திட்ட பெரும் பெருமையாகும். ‘முனிவின் இன்னா தென்றலும் இலமே’ என்று கூறுகிறாா் கணியன் பூங்குன்றனாா். ஒருவனுக்கு துன்பம் மட்டுமே என்றும் உடன் இருந்ததில்லை. துன்பம் மட்டுமே என் வாழ்க்கையாக இருக்கிறது என்று எண்ணி எவரும் வாழ்க்கையை வெறுத்து விடக்கூடாது என்று நமக்கு நம்பிக்கையூட்டுகிறாா் சங்கப் புலவா்.
• கணியன் பூங்குன்றனின் இந்த வரிகளை முழுமையாகப் புரிந்து கொண்டது மோகன்தாஸ் கரம்சந்த் காந்தி ஒருவா்தான். அவா் தன் வாழ்வின் இறுதிவரை எல்லா மதமும் தன் மதம், எல்லா ஊரும் தன் ஊா் என்பதில் தெளிவாக இருந்தாா்.
• உலகத்திற்கே சமத்துவத்தை விதைத்துச் சென்ற சங்கப் பாவலனின் தத்துவத்தைத் தந்தவா்கள் நாம்தான் என்கிற பெருமிதம் நமக்கு எப்போதும் உண்டு. அந்த வகையில், இவா் உள்ளுா்காரா், இவா் வெளியூா்காரா், நமது வாக்கு இந்த சமுதாயத்திற்கே, இந்த ஜாதிக்கே, இந்த மதம் எனக்குப் பிடிக்காது என்கிற போக்கை விட்டொழித்தவா்களெலலாம் ரிஷி சுனக்கைப் பாராட்டலாம்.
• ரிஷி சுனக்கை நாம் பாராட்டித்தான் ஆக வேண்டும். இரண்டு தலைமுறைகளுக்கு முன்பு அவரது குடும்பம் பிரிட்டனுக்கு குடிபெயா்ந்தது. அவரது தாத்தா, பாட்டி பஞ்சாபை பூா்விகமாகக் கொண்டவா்கள்.
• 1960-களில் கிழக்கு ஆப்பிரிக்காவில் இருந்து பிரிட்டனுக்குக் குடிபெயா்ந்தனா். இங்கிலாந்தின் சவுத்தாம்ப்டன் நகரில்தான் ரிஷி சுனக் பிறந்தாா். ஆகவே, அவா் பிறப்பிலேயே பிரிட்டன் குடிமகன் ஆனாா். அவருடைய தந்தை மருத்துவராகப் பணிபுரிந்தாா். அவருடைய தாயாா் மருந்துக்கடை ஒன்றை நடத்தி வந்தாா்.
• ரிஷி சுனக், பிரிட்டனில் பிறந்தாலும் ஆங்கில மொழி மட்டுமின்றி, ஹிந்தி மற்றும் பஞ்சாபி மொழிகளும் கற்பிக்கப்பட்டு, தாய்மொழி உணா்வோடு வளா்க்கப்பட்டாா். மொழிகள் மட்டுமல்ல, இந்திய கலாசாரத்தின் பெருமைகளையும் ஊட்டி அவா் வளா்க்கப்பட்டாா். அவா் தன்னை ஒரு பெருமைமிக்க ஹிந்து என்று குறிப்பிட்டுக்கொண்டாா்.
• பிரிட்டன் நாடாளுமன்றத்துக்குத் தோ்ந்தெடுக்கப்பட்ட போது ஹிந்துக்களின் புனித நூலான ‘பகவத்கீதை’ மீது பதவி பிரமாணம் செய்துகொண்டாா். அது அவரது ஆழ்ந்த மத உணா்வின் வெளிப்பாட்டையே காட்டுகிறது. இருந்த போதிலும் அவா் ஒருபோதும் ஏனைய மதங்களின் மீது வெறுப்பை வெளிப்படுத்தியதில்லை.
• ஆக்ஸ்போா்டு பல்கலைக்கழகத்தில் தத்துவம் பயின்ற ரிஷி சுனக், சான்போா்டு பல்கலைக்கழகத்தில் எம்.பி.ஏ. படிப்பை முடித்தாா். பின் தன்னுடன் பயின்ற மாணவியான அக்ஷதா மீது காதல் வயப்பட்டு, பெற்றோா்கள் சம்மதத்துடன் பெங்களுரில் 2009-ஆம் ஆண்டு அவரைத் திருமணம் செய்துகொண்டாா்.
• அவா் மனைவி அக்ஷதா இந்தியாவின் புகழ் பெற்ற தொழிலதிபரான இன்போசிஸ் நாராயணமூா்த்தியின் மகள் என்பது குறிப்பிடத்தக்கது. அவா்களுக்கு இரண்டு பெண் குழந்தைகள் உள்ளனா். தன் குடும்பத்தின் மீதான ஈடுபாட்டை எப்போதும் வாஞ்சையோடு நினைவுகூரும் மனிதராகத் திகழ்கிறாா் ரிஷி சுனக்.
• பெரும் தொழிலதிபரின் மருமகனான ரிஷி சுனக், ஒரு தொழில் சாம்ராஜ்யத்தைத் தொடங்குவாா் என்று பலரும் எதிா்பாா்த்த நிலையில், அரசியல் ஆசை அவரை விடவில்லை. ஆகவே, கன்சா்வேட்டிவ் கட்சியில் தன்னை இணைத்துக் கொண்டு தீவிரமாகப் பணியாற்றினாா். அதன் விளைவாக வடக்கு யாா்க்ஷையா் ரிச்மாண்டு நாடாளுமன்றத் தொகுதியில் போட்டியிட்டு வெற்றி பெற்றாா். சில ஆண்டுகள் நாடாளுமன்ற உறுப்பினராகப் பணியாற்றிய ரிஷி சுனக், தொடா்ந்து வீட்டுவசதி, உள்ளாட்சி ஆகிய துறைகளில் இணையமைச்சராகப் பணியாற்றினாா்.
• காலநிலை மாற்ற விவகாரத்தில் தெரசா மே பதவி விலக பிரிட்டனின் பிரதமரானாா் போரீஸ் ஜான்சன். அப்போது நடந்த அமைச்சரவை மாற்றத்தில் நிதித்துறை அமைச்சா் பொறுப்பிற்கு நிகரான கருவூலத்துறை செயலாளரானாா் ரிஷி சுனக். 2019-இல் மீண்டும் ரிஷி சுனக்கிற்கு வெற்றி கிட்ட எதிா்பாராத விதமாக பிரிட்டனின் நிதியமைச்சரானாா் அவா்.
• கரோனா தீநுண்மி காலகட்டத்தில் நிதியமைச்சரான அவரின் தடுமாற்றம் நிறைந்த பயணம் அவரைப் பின்னடைவுக்கு உள்ளாக்கியது. அவா் கொண்டுவந்த வரிகளை சுமையாகப் பாா்த்து பொதுமக்கள் தங்கள் கொந்தளிப்பை வெளிப்படுத்தினாா்கள். நிதிச்சுமைக்கு இடையில் தனது நிதிநிலை அறிக்கையில் எந்த ஒரு புதிய திட்டத்தையும் அறிமுகம் செய்யவில்லை என்கிற குற்றச்சாட்டுக்கும் ஆளானாா்.
• இன்போசிஸ் நிறுவனத்தில் 480 மில்லியன் டாலா் மதிப்புள்ள பங்குகளைக் கொண்டு 7,500 கோடி சொத்து மதிப்பு கொண்டுள்ள அக்ஷதா, இந்தப் பங்குகளில் இருந்து ஆண்டுக்கு 11.5 பில்லியன் பவுண்டு லாபமாகப் பெறுகிறாா். இதனால் குடியுரிமை இல்லாத தகுதியைப் பயன்படுத்தி, வரிவிலக்கு பெற்றிருக்கிறாா்கள் என்கிற குற்றச்சாட்டும் அக்ஷதா மீது எழுந்தது. நிதியமைச்சரின் மனைவி என்ற முறையில் பாா்த்தால் அவா் செய்தது தாா்மிக ரீதியில் சரியில்லை என்ற விவாதம் கிளம்பியது.
• உக்ரைன் மீதான படையெடுப்பைக் கண்டித்து ரஷியாவில் செயல்பட்டு வந்த பிரிட்டிஷ் அரசின் வணிகங்களை நிறுத்தினாா் ரிஷி சுனக். அதே நேரம் அக்ஷதாவின் குடும்ப வணிகத் தொடா்புகளுக்காக ரிஷி சுனக் அவதூறுகளை எதிா்கொள்ள நோ்ந்தது. பின்னா் இன்போசிஸ் நிறுவனம் தனது ரஷிய அலுவலகத்தை இடைக்காலமாக மூடியது.
• அமெரிக்க குடியுரிமை அட்டையை ரிஷி வைத்திருந்தாா் என்கிற புகைச்சலும் கிளம்பியது. அமெரிக்காவின் ஸ்டான்போா்டு பல்கலைக்கழகத்தில் படித்த ரிஷி சுனக், பிரிட்டனின் அரசியலில் ஈடுபட்டு அமைச்சரான பின்பும் தனது கிரீன் காா்டை வைத்திருந்திருக்கிறாா்.
• அமெரிக்காவிற்கு கடந்த முறை அரசுமுறைப் பயணம் மேற்கொள்வதற்கு முன்பே இந்த கிரீன் காா்டு அந்தஸ்தை ரத்து செய்தாா் என்று எதிா்க்கட்சிகள் புதிய குற்றச்சாட்டுகளை முன் வைத்து அவரது பிரதமா் பதவியை முதல் சுற்றிலேயே காலி செய்தனா். ஆனால், அத்தனை எதிா்ப்புகளையும் மீறி, தடைகளைத் தகா்த்தெறிந்து பிரதமா் ஆகியுள்ளாா் ரிஷி சுனக். இந்தியாவை ஆண்ட பிரிட்டனின் பிரதமராக ஒரு இந்திய வம்சாவளியைச் சோ்ந்தவா் இருப்பது வரலாற்றில் முத்திரை பதித்த நிகழ்வாகும்.
• ‘நான் கடன்பட்டிருக்கும் நாட்டிற்கு சேவை செய்வது மிகப்பெரும் பாக்கியம்’ என்று தனது உரையில் குறிப்பிட்டிருக்கிறாா் பிரிட்டனின் பிரதமா் ரிஷி சுனக். அவா் மேலும், ‘கன்சா்வேட்டிவ் மற்றும் யூனியனிஸ்ட் கட்சியின் தலைவராகத் தோ்ந்தெடுக்கப்பட்டதைப் பெருமையாகக் கருதுகிறேன். இந்த வாய்ப்பின் மூலம் நான் நேசிக்கும் கட்சிக்கும், நான் கடன்பட்டிருக்கும் நாட்டிற்கும் பிரதமராக சேவை செய்ய முடிவது எனது மிகப்பெரும் பாக்கியம்’ என்றும் குறிப்பிடுகிறாா்.
• இந்தியாவை இருநூறு ஆண்டுகள் ஆண்ட பிரிட்டனின் பிரதமராகியிருக்கிறாா் இந்திய வம்சாவளியைச் சோ்ந்த ரிஷி சுனக். இதுவும் கணியன் பூங்குன்றனாரின் கனவுதானே?

நன்றி: தினமணி (28 – 10 – 2022)