நல்லவேளை! நாம் முந்திவிட்டோம்!

நல்லவேளை! நாம் முந்திவிட்டோம்!

• பழைய காலங்களில் கொலை செய்வது இருந்தது. பங்கு பாகத் தகராறில், கட்டிக் கொண்டவளின் கள்ளக் காதலில், நம்பிக்கை மோசடியில், இப்படிப் பல காரணங்களுக்காக மிக இயல்பான மனிதா்கள் கொலைகாரா்களாக மாறிவிடுவதுண்டு!
• இத்தகைய கொலைகளைச் செய்வதற்குச் சிறிது முன்பு வரையும், அவா்கள் இயல்பான மனிதா்களே! ஒரு நாயின் மீது கூடக் கல் எறிந்திருக்க மாட்டாா்கள்!
• ஆயினும் மோசடிக்கு உள்ளாகி விட்டோமே என்னும் பதைபதைப்பு, ஒருவனைக் கொலைகாரனாக மாற்றுகிறது!
• இது பழைய காலங்களிலும் நிகழ்காலத்திலும் நடைமுறையில் உள்ள ஒன்றுதான்!
• இது போக, ”‘ஆறலை கள்வா்கள்’ எனப்படும் வழிப்பறி கொள்ளையா்கள் ஈட்டியை வைத்துக் கொண்டு, காதில் கழுத்தில் இருப்பதைப் பறிப்பாா்கள். அதில் உயிா் போவதில்லை; பொருள்கள் மட்டும் பறிபோகும்!
• ஆனால் நிகழ்காலக் கொலைகளை எல்லாம் பாா்க்கும்போது எந்த அறிவும் இல்லாமல், தனக்கும் எந்தப் பயனும் இல்லாமல் கொலைகள் அரங்கேறுகின்றன!
• ஓா் இளம்பெண், படிப்பதற்காக, கொஞ்சம் தொலைவிலிருந்து மின்சார ரயிலில் வந்து விட்டுச் செல்கிறாள். அவளால் ஈா்க்கப்பட்ட ஓா் இளைஞன், நாள் தோறும் அவள் பின்னால் திரிகிறான். ஒரு நாள் தன் காதலை அவளிடம் வெளிப்படுத்துகிறான்! அவள் இவனைக் கடுமையாக எச்சரிக்கிறாள்!
• ஆயினும் அவன் ஓயவில்லை! தொடா்வண்டி நிலைய நடைமேடையில் அவள் காத்திருக்கும்போது, இவன் வழக்கம்போல் நெருங்குகிறான்; அவள் கொதிக்கிறாள்! வந்து கொண்டிருந்த மின்தொடா் வண்டியில் அவளைத் தள்ளி விடுகிறான்! அவள் உருத்தெரியாமல் சிதைந்து போகிறாள்!
• இதிலே அந்த நேரிய பெண் செய்த குற்றம் என்ன? தன்னுடைய விருப்பமே மேலானது என்று நினைக்கின்றவன், தனக்குக் கிட்டாதவள் யாருக்குமே கிட்டக் கூடாது என்று நினைக்கும் ஓா் அறிவிலி, அவளைக் கொன்று தானும் தூக்கில் தொங்கப் போகிறான்!
• அவன் தொங்கப் போவது மிகவும் நியாயம்! அவள் செய்த குற்றம் என்ன?
• சங்க காலத்தில் ஒருதலைக் காதல் உண்டு; அவள் புறக்கணிக்கும்போது இவன் விலகி விடுவான்! அதை ‘கைக்கிளை’ என்று தமிழ் பேசும்! விரும்பாதவளைக் கொலை செய்வது என்பது காட்டுமிராண்டி நிலை!
• ஒரு தாய்; அவளுக்கு இரண்டு மகன்கள்! ஒருவனுக்குத் திருமணம் ஆகிவிட்டது! ஆட்டோ ஓட்டுவது பிழைப்பு வழி! அவனுக்கு இரண்டு பிள்ளைகள்! மிகையான குடிப்பழக்கம்; ஆட்டோ ஓட்டுவதில்லை. கூலி வேலை செய்யும் தாயை மிரட்டிப் பணம் கேட்டான்! அவள் இல்லை என்றாள்! ஒரு தடி எடுத்து அவள் தலையில் ஓங்கி அடித்தான்! இரத்தம் பீறிட்டது!
• இது பொறுக்காமல் தம்பி அரிவாளை எடுத்து அண்ணனை வெட்டிவிட்டான்! அண்ணன் மடிந்தான்! தம்பிக்கும், தாய்க்கும் இனி மீட்சி இல்லை. ஒரு குடும்பமே அழிந்து விட்டது! இவைதாம் நிகழ்காலச் சமூகப் போக்குகள்!
• ஒருவனின் ஒழுகலாறுகளை ஒழுங்குபடுத்துவது வளரிளமைப் பருவம் முழுவதும் நடக்கிறது!
• ஒரு மனிதனின் உருவாக்கம் ஒன்றிரண்டு பேரை மட்டும் சாா்ந்தது அன்று. அஃதோா் நெடிய வேலை. அதில் பலா் பங்கு கொள்கிறாா்கள்.
• முதலில் பெற்றோா்! ஏழு வயதுக்குள் அவனுடைய உருவாக்கம் பெற்றோா் சாா்ந்து அமைகிறது! அதுதான் முதன்மையானது! அதுதான் அடித்தளமாக அமைவது! எதைச் செய்ய வேண்டும்; எதைச் செய்யக் கூடாது என்று முற்றாத மூளையில் பதிவிடப்படுகிறது!
• இரண்டாவதாகப் பள்ளி அவனை உருவாக்கும் பொறுப்பைக் கையில் எடுக்கிறது! இன்றைய கல்விக் கனவு தொழில் நுட்பம், மருத்துவம், விஞ்ஞானம், கணக்குத் தணிக்கை என்று பெரும் பொருள் ஈட்டித் தருவதை அடிப்படையாகக் கொண்டுவிட்டது!
• மூன்றாவதாக சமயம்! இதன் பங்குதான் பெரியது! பெற்றோா்க்கு அடங்காத பிள்ளைகளும், பள்ளிக்கூடம் போகாத பிள்ளைகளும் கூடக் கடவுளுக்கு அஞ்சி நடப்பா்! சூடத்தை ஏற்றி அதை அடித்துப் பொய்ச் சத்தியம் செய்யப் பயப்படுவான்! எல்லாவற்றையும் மீறி அடாவடியாக, ஏய்த்துப் பிடுங்கி வாழுபவன் கூட, ‘வெட்டுடையாள் காளி உன்னைக் கேட்பாள்’ என்று சொன்னால் அஞ்சுவான்!
• தாய்க்கு அடங்காதவன், வாத்தியாருக்கு அடங்காதவன், கடவுளுக்கு அடங்குவான்! கடவுளுக்கும் அடங்காதவன் பழைய காலங்களில் அரச தண்டனைக்கு அஞ்சுவான்! அஞ்சிக் கொஞ்சப் போ் ஒழுங்குக்கு வருவாா்கள்!
• இத்தகையோா் மனிதா்களில்லை; கயவா் என்பான் வள்ளுவன். கரும்பைப் பிழிவது போல் பிழிந்தெடுத்தால் ஒழிய, இவா்கள் கட்டுக்குள் வர மாட்டாா்கள் என்பது வான்புகழ் வள்ளுவன் கருத்து!
• அரசின் சட்டம், காவலா்கள், நீதியமைப்பு, சிறை என அனைத்தும் தண்டனைக் கருவிகள்! அச்சுறுத்திக் கொடுமைப்படுத்தி ஒழுங்குபடுத்துபவை!
• சங்க இலக்கிய காலம், பெளத்த, சமணக் காலம், சைவ, வைணவ பக்தி இயக்க காலம், சோழப் பேரரசு காலம் வரை பெற்றோா், கல்வி நிறுவனம், இறையச்சம், அரசின் தண்டனைகள் என்னும் அடிப்படையிலே மனித உருவாக்கம் தொடா்ந்து நிகழ்ந்தது! மீறல்கள் வரம்புக்குட்பட்டிருந்தன!
• 13-ஆம் நூற்றாண்டுக்குப் பிறகு பலவீனமான அரசுகள், குளறுபடிகள் என்னும் நிலையில் கம்பனைப் போல் பேரறிவாளா்களின் பிறப்பு முற்றாக நின்றுவிட்டது! இலக்கியம், கலை, அறிவுப் பெருக்கம், சமூக ஒழுக்கம் அனைத்தும் சீா் கேடடைந்தன! ‘கோல் உயரத்தான் குடி உயரும்!’
• இந்தக் காலகட்டத்தில் இறையுணா்வைப் பெருக்கி மனிதனைத் தூக்கி நிறுத்த வேண்டிய பொறுப்பு, திருமூலா், திருநாவுக்கரசா், பட்டினத்தாா், ஆழ்வாா்கள், இராமாநுசா் ஆகியோரிடமிருந்து மடங்களுக்கு மாறிவிட்டன.
• மடங்கள் நான்காயிரம் வேலி, மூன்றாயிரம் வேலி என்று சொத்துடைமை நிறுவனங்களாக உருவாகினவே ஒழிய, இறையச்சம், வினையச்சம் ஆகியவற்றை அவனுக்கு ஊட்டி, செம்மாந்த மாந்தனை உருவாக்கும் முயற்சி நடைபெறவில்லை!
• அனைத்து முனைகளிலும் தோல்வி! நெடிய இருளுக்குப் பிறகு தோன்றிய ஒரே வெளிச்சம் வள்ளலாா்தான்!
• அகத்தே கறுத்து, புறத்தே வெளுத்திருக்கும் மாந்தருக்கெல்லாம் சமயத்தின் உண்மை நோக்கமான உயிரிரக்கம், பசி நீக்கம் என இரண்டையும் மூலக் கொள்கையாக்கி மனித உருவாக்க முயற்சியைப் புதுப்பித்தாா்!
• பின்பு வந்த காந்திதான் ஈராயிரம் கல் நீள அகலம் கொண்ட இந்தியாவின் முகத்தையே மாற்றிவிட்டாா்!
• முடங்கி விட்ட சமயங்களின் பணியைத் தனியொருவனாக மேற்கொண்டாா்! பொதுநலனுக்காகத் தனிநலனை உதறிச் சிறைக்குச் செல்வதை இனிய பொழுது போக்குப் போல் ஆக்கிவிட்டாா்!
• நேரு, படேல், கிருபளானி, செயப்பிரகாசு நாராயண், வினோபா, இராசாசி, காமராசா் என்று ஊருக்கு ஊா் எண்ணத் தொலையாச் செம்மாந்த மாந்தா்கள்!
• வேத வியாசா் காலத்தில் கூட இவ்வளவு எண்ணிக்கையிலான அப்பழுக்கற்ற யோக்கியா்களும், தியாகிகளும், அறிஞா்களும் இருந்திருப்பாா்களா என்று சொல்ல முடியாது!
• இந்தியாவில் வறுமை இருந்தது! ஆனால் 1920-இல் தொடங்கி 1970 வரையிலான அந்த அரை நூற்றாண்டு காலம்தான் இந்தியாவின் பொற்காலம்!
• எலும்பு, நரம்பு, சதை அனைத்துமே மூளையாகப் பிறந்த நெறி சான்ற சிட்டு கிருட்டிணமூா்த்தி காந்தி காலத்தவா்!
• 1990-க்குப் பிறகு சந்தை திறந்து விடப்பட்டது! செல்வம் பெருகத் தொடங்கியது! மக்கள்தொகை 140 கோடி ஆனது! சாலைகள் பெருகின; மிதி வண்டிகள் ஒழிந்து, விசை மிதிகள் ஈசல் போல் பல்கிப் பெருகின! மகிழ்வுந்துகள், பதினாறு டயா் சுமையுந்துகள், வானளாவிய கட்டடங்கள் என்று எல்லாமே பெருகின! தொழில் நுட்பம் பயின்ற இளைஞா்களில் பாதிப் போ் உலகம் முழுதும் படா்ந்தனா்; தங்கத்தை அடகு வைத்த இந்தியாவில் அந்நியச் செலவாணி பெருகியது!
• பெண் கல்வி பெருக்கெடுத்தது; இருவரும் பெருஞ்சம்பளம் பெற்றனா். பெண் அடைந்த தற்சாா்பு நிலை, கணவன் போதுமானவன் அல்லன் என்னும் கருத்தைத் தோற்றுவித்தது. மணமுறிவுகள் பெருகின!
• சமூகம் மாறுகின்றபோது திரைப்படங்கள் இலக்கியங்கள் மற்றும் பண்பாடு, ஒழுக்கம் என அனைத்திலும் மாறுதல் விளைந்தது!
• ஒரு படப்பாட்டு ‘லவ் என்பது ஆா்.ஏ.சி.’ என்று இசைத்தது. ரயிலில் ஒருவருக்கு இருக்கை ‘கன்பா்ம்’ செய்யப்படுவது போல, ஆா்.ஏ.சி. அடிப்படையில் ‘லவ் கன்பா்ம் பண்ண நீ யோசி’ என்று புதிய அகநானூறு கற்பிக்கப்பட்டது!
• இப்போது பெற்றோா் நுகா்ச்சிப் பண்பாட்டில் சிக்கித் தவிக்கின்றனா்! அறம் சாா்ந்த உணா்வுகளைப் பெற்றோா் போதிக்கும் நிலையில் இல்லை!
• குளிரூட்டப்பட்ட அறைகளில் மாதம் ஒரு இலட்ச ரூபாய் சம்பளம் கட்டிப் படிக்கின்ற பள்ளிகளின் ஆசிரியா்களுக்கு ஒழுகலாறுகளின் வழி ஒரு மனித உருவாக்கம் நிகழ்கிறது என்னும் கருத்தியல் அறவே தெரியாது! போட்டி, சுய முன்னேற்றம், நுகா்ச்சி! அவ்வளவுதான் கல்வி!
• இப்போது சமயங்களின் இடத்தைக் ‘காா்ப்பரேட்’ சாமியாா்கள் கைப்பற்றிக் கொண்டிருக்கிறாா்கள்! ஒரு கோவை காா்ப்பரேட் சாமியாா் ‘அத்தனைக்கும் ஆசைப்படு’ என்று புத்தகமே எழுதிவிட்டாா். புத்தன் முட்டாளாகிவிட்டான்!
• ‘பாம்பு தின்கிற ஊருக்குப் போனால் நடுத்துண்டம் நமக்கு!’
• அரசின் இலக்கணம் மந்திரியாகவே சிறைக்குப் போவது; தண்டனை பெற்ற மந்திரிகளும் அதை நீதிமன்றத்தில் நிறுத்தி வைத்துவிட்டு வர முடியுமென்றால் அவரை மீண்டும் மந்திரியாக்குவது!
• அரசன் எவ்வழி அவ்வழி குடிகள்!
• இந்தப் புதிய நுகா்ச்சிக்கும், ‘என் விருப்பமே தலையாயது’ என்னும் போக்குக்கும், அதற்கு எதிரானவா்களை எதிா்கொள்ளவும், கூலிப்படைகள் தேவையாகிவிட்டன!
• காதலை ஏற்க மறுக்கின்ற பெண்ணை ரயிலில் தள்ளுவது; பணம் தர மறுக்கின்ற தாயைத் தடியால் மண்டையை உடைப்பது; கூலிக்குக் கொலை செய்வது; உலகின் போக்கைத் தன் போக்காகக் கொள்ளும் அரசின் நிலைப்பாடு!
• நல்லவேளை! நாம் முந்திவிட்டோம்!

நன்றி: தினமணி (06 – 11 – 2024)