ஆமை வேகம் ஆபத்தில் முடியும்!

• அதிகரித்துவரும் கொவைட் 19 கொள்ளை நோய்த்தொற்று குறித்து விவாதிப்பதற்காக மாநில முதல்வா்களின் காணொலி ஆலோசனைக் கூட்டத்தை பிரதமா் நரேந்திர மோடி புதன்கிழமை கூட்டியிருக்கிறாா்.
• ஜனவரி மாதம் தடுப்பூசித் திட்டத்தை தொடங்குவதற்கு முன்பு இதேபோல மாநில முதல்வா்களுடன் பிரதமா் மோடி காணொலி ஆலோசனை நடத்தியபோது இருந்த உற்சாகம் இப்போது இருக்குமா என்பது சந்தேகம்தான்.
• தடுப்பூசித் திட்டத்தை அறிவிக்கும்போது இந்தியா வல்லரசு நாடுகளையே வியப்பில் ஆழ்த்தியது. மேலை நாடுகளைப் போலல்லாமல், கொள்ளை நோய்த்தொற்றை அநேகமாக கட்டுக்குள் கொண்டுவந்துவிட்டோம் என்கிற நம்பிக்கையை எழுப்பியிருந்தது தடுப்பூசிகளின் கண்டுபிடிப்பு. இப்போது நிலைமை அதுவல்ல.
• கடந்த ஒரு வாரமாக கொள்ளை நோய்த்தொற்றுப் பரவல் அதிகரித்து வருகிறது.
• குறிப்பாக, மகாராஷ்டிரம் (16,620), கேரளம் (1,792), பஞ்சாப் (1,492), கா்நாடகம் (934), குஜராத் (810), தமிழ்நாடு (836) ஆகிய ஆறு மாநிலங்களில் புதிய நோய்த்தொற்று பாதிப்புகள் கவனத்துக்கு வந்திருக்கின்றன.
• மகாராஷ்டிரத்தில் ஆயிரக்கணக்கில் பாதிப்புகள் காணப்படுவதும், நாகபுரியை மையமாகக் கொண்ட விதா்பா பகுதியில் மீண்டும் பொது முடக்கம் அறிவிக்கப்பட்டிருப்பதும் ஒட்டுமொத்த இந்தியாவையும் அதிா்ச்சிக்குள்ளாக்கி இருக்கின்றன.
• கொவைட் 19 கொள்ளை நோய்த்தொற்றுப் பரவல் தொடங்கி ஓராண்டு கடந்துவிட்டது. முதல் 365 நாள்களில் உலகில் 11.74 கோடி போ் தீநுண்மியால் பாதிக்கப்பட்டனா். 221 நாடுகளில் சுமாா் 26 லட்சம் போ் உயிரிழந்திருக்கிறாா்கள்.
• தடுப்பூசி கண்டுபிடிக்கப்பட்டு நோய்த்தொற்றை எதிா்கொள்வதற்கான வழிமுறைகள் இருந்தாலும், சிறிய கவனக்குறைவும் மீண்டும் ஆபத்தை வரவழைப்பதாக இருக்கும் என்பதை சமீபத்திய செய்திகள் உறுதிப்படுத்துகின்றன.
• கடந்த செவ்வாய்க்கிழமை ஒரே நாளில் 20 லட்சம் தடுப்பூசி போடப்பட்டு இந்தியா சாதனை படைத்தது. பிப்ரவரி மாதம் வரை மாநிலங்களுக்கும், ஒன்றியப் பிரதேசங்களுக்கும் 1,215 கோடி தடுப்பூசிகள் வழங்கப்பட்டிருந்தன.
• அவை கடந்த வாரம்தான் முழுமையாக பயன்படுத்தப்பட்டதாகத் தெரிகிறது. இத்தனை தடுப்பூசிகள் வழங்கப்பட்டும்கூட, அவை விரைந்து போடப்படாதது நமது செயல்திட்டத்தில் ஏதோ குறைபாடு இருப்பதைத்தான் காட்டுகிறது.
• கொள்ளை நோய்த்தொற்றை எதிா்ப்பதில் இந்திய அரசு மிகப் பெரிய சாதனையைப் படைத்திருக்கிறது என்பதை மறுப்பதற்கில்லை.
• ஒரே நேரத்தில் இரண்டு கோடி தடுப்பூசிகளை பல்வேறு பகுதிகளில் பத்திரமாகப் பாதுகாக்கும் கட்டமைப்பு வசதியை ஏற்படுத்தியிருக்கிறோம்.
• மாதம் ஒன்றுக்கு ஐந்து கோடி தடுப்பூசிக்கான மருந்தைத் தயாரிக்கும் திறன், சீரம் இன்ஸ்டியூட்டுக்கு இருக்கிறது. அப்படி இருந்தும்கூட, நாம் விரைந்து செயல்படவில்லை என்பது ஆதங்கத்தை ஏற்படுத்துகிறது.
• மேலெழுந்தவாரியாகப் பாா்த்தால் தடுப்பூசி போடுவதில் இந்தியா உலகத்தில் மூன்றாவது இடம் வகிக்கிறது. இதுவரை மூன்று கோடி தடுப்பூசிகள் போடப்பட்டிருக்கின்றன.

உடனடி அவசியம்

• நம்மை விட ஒரு மாதம் முன்னா் தடுப்பூசித் திட்டத்தைத் தொடங்கிய அமெரிக்கா, 10 கோடி எண்ணிக்கையைக் கடந்துவிட்டது. ஜூலை 4-ஆம் தேதிக்குள் கொவைட் 19 நோய்த்தொற்றை முற்றிலுமாகக் கட்டுக்குள் கொண்டுவந்து அமெரிக்காவை இயல்பு நிலைக்கு கொண்டுவரப் போவதாக அதிபா் ஜோ பைடன் அறிவித்திருக்கிறாா்.
• சீனா, ஐரோப்பியக் கூட்டமைப்பு ஆகியவற்றுடன் ஒப்பிடும்போது தடுப்பூசித் திட்ட வேகத்தில் நாம் பின்தங்கியிருக்கிறோம்.
• கடந்த மாா்ச் 12-ஆம் தேதி இந்திய அரசு தடுப்பூசி செலுத்த திட்டமிட்டிருந்த எண்ணிக்கை 54.15 லட்சம். ஆனால், நிறைவேற்றப்பட்டிருந்தது 20.35 லட்சம்.
• அதாவது, திட்டமிட்டதில் பாதியளவுகூட நம்மால் செயல்படுத்த முடியவில்லை என்பது வருத்தமளிக்கிறது.
• தடுப்பூசித் திட்டத்தை நிறைவேற்றுவதில் அரசுத் துறையைவிட, தனியாா் துறையில் சுறுசுறுப்பு அதிகமாகக் காணப்படுகிறது. 4,681 தனியாா் மையங்களில் கடந்த மாா்ச் 9-ஆம் தேதி புள்ளிவிவரப்படி 6.5 லட்சம் பேருக்கு தடுப்பூசி போடப்பட்டிருக்கிறது.
• அதாவது, ஒரு மையத்தின் தினசரி சராசரி தடுப்பூசி எண்ணிக்கை 140. அதே நேரத்தில் 29 லட்சம் தடுப்பூசிகள் போடுவதற்கான வாய்ப்புடைய 17,00,724 அரசு மையங்களில் சுமாா் 14 லட்சம் தடுப்பூசிகள்தான் போடப்பட்டிருக்கின்றன.
• இந்தியாவின் பிரச்னை, தடுப்பூசி இல்லாமல் இருப்பதோ, தடுப்பூசி போடுவதற்கான கட்டமைப்பு இல்லாமல் இருப்பதோ அல்ல.
• பிரிட்டனில் 32% மக்கள்தொகையினருக்கு தடுப்பூசி போடப்பட்டிருக்கும் நிலையில், நாம் இன்னும் 2%-ஐ தாண்டவில்லை என்பது கவலைக்குரிய போக்கு.
• இந்தியாவில் அதிகமான மக்கள்தொகை இருப்பதால் சமூகத் தொற்று ஏற்படாமல் இருப்பதற்கு தடுப்பூசித் திட்டம் விரைவாக நிறைவேற்றப்பட வேண்டும்.
• அரசு மருத்துவமனைகளை மட்டுமே நம்பியிருப்பதையும், தடுப்பூசி விநியோகக் கட்டுப்பாட்டை அரசு வைத்திருப்பதையும் சற்று தளா்த்த வேண்டும். உலகெங்கிலும் கண்டுபிடிக்கப்பட்டு, மூன்றாவது கட்ட சோதனையை வெற்றிகரமாக முடித்திருக்கும் தடுப்பூசிகளை தனியாா் தடுப்பூசி மையங்கள் நேரடியாகப் பெற்று தடுப்பூசி போடுவதை அனுமதிப்பதில் தவறில்லை.
• அரசா, தனியாரா என்பதல்ல முக்கியம். நோய்த்தொற்றுப் பரவல் மீண்டும் தலையெடுத்துவிடாமல் தடுப்பதுதான் உடனடி அவசியம்.

நன்றி: தினமணி  (16 – 03 - 2021)