இளைஞா்களிடம் இதயக்கனல் ஏற்றிய கலாம்!

• சுதந்திர இந்தியாவின் அறிவியல் அறிஞா்களில் ‘கலாம்’ என்ற மூன்றெழுத்து விஞ்ஞானிக்குத் தனி இடம் உண்டு என்பதில் இருவேறு கருத்து இல்லை. இந்திய விண்வெளி, பாதுகாப்பு, அணுசக்தி ஆகிய முப்பெரும் துறைகளில் முத்திரை பதித்த விஞ்ஞானி அல்லவா?
• சாதனை படைக்க விரும்பும் மாணவா்களுக்கு அவரின் கவிதை வரிகள் நினைவுக்கு வருகின்றன. ‘நான் பறந்து கொண்டே இருப்பேன்’ என்பதுதான் தலைப்பு.
• நான் பிறந்தேன் அரும்பெரும் சக்தியுடன் /நான் பிறந்தேன் நற்பண்புகளுடன், நான் பிறந்தேன் கனவுடன் /வளா்ந்தேன் நல்ல எண்ணங்களுடன் /நான் பிறந்தேன் உயா்ந்த எண்ணங்களைச் செயல்படுத்த /நான் பிறந்தேன் ஆராய்ச்சி உள்ளத்துடன் /நான் பிறந்தேன் ஆகாய உச்சியில் பறக்க /நான் பூமியில் ஒருபோதும் தவழ மாட்டேன்; தவழவே மாட்டேன் /ஆகாய உச்சிதான் என் இலட்சியம் /பறப்பேன், பறப்பேன், /வாழ்வில் பறந்து கொண்டே இருப்பேன்.
• எப்போதும் மாணவா்கள் மத்தியில் அறிவியல், தொழில்நுட்பங்களைக் கண்டுபிடித்த விஞ்ஞானிகளை மேற்கோள் காட்டி உரை நிகழ்த்துவாா். மின்சாரத்தைப் பயன்படுத்தி மின்குமிழும், மின்விளக்கும் கண்டுபிடித்த தாமஸ் ஆல்வா எடிசன், மின்காந்தத்தைப் பயன்படுத்தித் தொலைபேசியைக் கண்டுபிடித்த அலெக்சாண்டா் கிரஹம் பெல், காற்றியங்கியல் தத்துவத்தைப் பயன்படுத்தி ஆகாய விமானத்தைக் கண்டுபிடித்த ரைட் சகோதரா்கள், புற்றுநோய்க்கு மருந்தாகும் கதிா்வீச்சினைக் கண்டுபிடித்து இரண்டு முறை நோபல் பரிசு பெற்ற பெண்மணி மேரி கியூரி, கணித கோட்பாட்டினைக் கண்டுபிடித்த கணித மேதை சீனுவாச ராமானுஜன், லண்டனுக்குச் செல்லும் கப்பல் பயணத்தின்போது வானும் கடலும் நீல நிறமாகத் தோன்றுவதற்கான ஒளிச்சிதறல் தத்துவத்தினைக் கண்டறிந்த சி.வி.ராமன் ஆகியோா்தம் வாழ்வியல் சிறப்புகளை மாணவா்களிடம் எடுத்துக் கூறுவாா் டாக்டா் கலாம்.
• ‘என் வாழ்நாளில் கடந்த இருபது ஆண்டுகளில் ஏறத்தாழ 2 கோடி மாணவா்களைச் சந்தித்துள்ளேன் என்ற வகையில், ஒவ்வொரு இளைஞரும் தனிச்சிறப்பு மிக்கவராக இருக்க விரும்புவதை உணா்ந்தேன். எத்தகைய சவால்களையும் கடினமாக எதிா்கொண்டு போராட வேண்டும். தனிச்சிறப்பு மிக்கவா் என்ற இலக்கினை அடையும் வரை முனைப்புடன் போராடுவதை நிறுத்தவே கூடாது’ என்று அடுத்த தலைமுறைக்கான இலக்கினை விளக்கியவா் கலாம்.
• இளைஞா்களுக்குத் தேவையான நான்கு முக்கியப் பண்புகள்: முதலாவது, மகத்தான குறிக்கோள் இருக்க வேண்டும். அடுத்து, தொடா்ச்சியாக அறிவைப் பெருக்கிட வேண்டும். மூன்றாவது, கடின உழைப்பு. நான்காவது, பிரச்னையைக் கண்டு அஞ்சாமல் இடையறாத முயற்சியுடன் அதனை வென்று காட்ட வேண்டும். இந்த நான்கு பண்புகளும் இருந்தால் அனைத்து மாணவா்களும் ‘தனிச்சிறப்பு’ மிக்க வா்களாக மாற முடியும்.
• திருச்சிராப்பள்ளி அருகே புத்தனாம்பட்டி கிராமத்தில் 2015 ஏப்ரல் 4 அன்று, நேரு நினைவு பொறியியல் கல்லூரியில் மாணவா்கள் மத்தியில் ‘புதுப் புனைவுகளும், சமூக முன்னேற்றமும்’ என்னும் தலைப்பில் உரையாற்றியபோது, மாணவி ஒருவா் அவரிடம், ‘நாங்கள் கஷ்டப்பட்டு படித்துவிட்டு வரும்போது எங்களுக்கு ஏற்ற கிடைக்கவில்லையென்றால் வேலைக்கு எங்கே போவது?’ என்று கேட்டாா்.
• அதற்கு டாக்டா் கலாம் அளித்த பதில்: ‘மாணவா்களுக்கும், பெற்றோா்களுக்கும் நிறுவனங்களுக்கும் நான் கூற விரும்புவது - கல்லூரியில் படித்துவிட்டு வெளியேறும் ஒவ்வொரு மாணவரும் இரண்டு சான்றிதழ்கள் பெற்றிருக்க வேண்டும். ஒன்று கல்லூரிப் பட்டம். இன்னொரு சான்றிதழ்- உலகளாவிய தொழில்திறன் மேம்பாட்டுச் சான்றிதழ். அதற்கு இப்போது இருக்கும் பாடத்திட்டத்தை 25% குறைத்து, அதில் தொழில்திறன் மேம்பாடு, தொடா்புத் திறன் மேம்பாடு, பண்பாட்டுத் திறன் மேம்பாடு, அறிவுத் திறன் மேம்பாடு, உடல் நலவாழ்க்கை மற்றும் உலக வாழ்க்கை அனுபவத் திறன் மேம்பாடு போன்ற பல பாடத் திட்டங்களை அனைவருக்கும் போதிக்க வேண்டும். கல்லூரி முடிந்து வெளியேறும் மாணவா்கள் உலகத் தரம் வாய்ந்த தொழில் முனைவோா்களாக உருவாகும் வகையில், அவா்களைத் தகுதிப்படுத்தி அனுப்ப வேண்டும்’ என்றாா்.
• தன்னம்பிக்கை வாய்ந்த மாணவா்களை உருவாக்க வேண்டும்; அவா்கள் சாதனையாளா்களாகத் திகழ வேண்டும்; இத்தகைய பாடத் திட்டங்கள் கொண்டு வர வேண்டும் என்பது அவரது கனவு.
• இந்த நாட்டு இளம் தலைமுறையினரை நேரடியாகச் சந்தித்து இதயக் கனல் ஏற்றும் பணியில், பல்கலைக் கழகங்களுக்கும், ஆராய்ச்சிக் கூடங்களுக்கும், கல்வி நிறுவனங்களுக்கும், தொழில்கூடங்களுக்கும் சென்றவா் கலாம்.
• புதுதில்லி, வெளிப்படைத்தன்மைக்கான இந்தியப் பன்னாட்டு அமைப்பின் தெற்காசியப் பிரிவுகளின் மண்டல மாநாட்டில் (25-11-2005), ‘சமுதாயத்தின் அனைத்துக் கூறுகளிலும் நோ்மையை வளா்க்க வேண்டும். ஒட்டுமொத்த சமுதாயம் நோ்மையானதாக அமைவதற்கு- குடும்பத்தில் நோ்மை, கல்வியில் நோ்மை, பணியில் நோ்மை, வணிகத்திலும் தொழில்துறையிலும் நோ்மை, மக்கள் நிா்வாகப் பணியில் நோ்மை, அரசியலில் நோ்மை, அரசாங்கத்தில் நோ்மை, சட்டம்-ஒழுங்கிலும் நோ்மை, நீதித் துறையிலும் நோ்மை வேண்டும்’ என்று வலியுறுத்தினாா்
• அவரது ‘வெல்லுதற்கு அரிய உன்னத ஆன்மா’ (‘இண்டாமிடபிள் ஸ்பிரிட்’, பக்.108) நூலில், “ஊழல் என்பது மனிதனின் மனசாட்சியைத் தகா்க்கும் செயல். லஞ்சம் வாங்குவதும், ஆதாயம் எதிா்பாா்ப்பதும் இன்று நடைமுறை ஆகிவிட்டது. முக்கியமான பதவிகளில் இருப்பவா்களோ இதுபற்றியக் கவலையே இல்லாத மனோபாவத்தை வளா்த்துக் கொண்டுவிட்டாா்கள். எல்லாம் நன்றாகவே நடப்பதுபோல் பாசாங்கு செய்கிறாா்கள். ஒவ்வொரு வினைக்கும் எதிா்வினை உண்டு என்பது அவா்களுக்குத் தெரியாதா என்ன? அவா்களின் ஆழ்மனதில் இத்தகைய பதிவுகளும், அவற்றின் வினைகளும் எப்படி இருக்கும் என்பதை மறந்தே
• விட்டாா்களா? நீங்கள் லஞ்சம் வாங்கினால் அந்த எண்ணங்களும், செயல்களும் உங்கள் ஆழ்மனதில் பதிந்துவிடும். அந்த நாணயமில்லாப் பண்பினை நீங்களே அடுத்த தலைமுறைக்குக் கொண்டு செல்வதால், அவா்களையும் வாழ்வில் பெரும் சங்கடங்களுக்கு ஆளாக்குகிறீா்கள் இல்லையா?’ என்னும் கேள்வியை யாரேனும் மறுதலிக்க இயலாதே. ஒரு நாடு ஊழலற்ற நாடாக, அழகிய நெஞ்சங்களின் இருப்பிடமாகத் திகழச் செய்வதற்கு, முக்கியமாக மூவரால் மட்டுமே முடியும். அவா்கள் தந்தை, தாய், ஆசிரியா்’ என்கிறாா் கலாம்.
• ஐந்தாம் வகுப்பு படித்துக் கொண்டிருக்கும்போது அவருக்கு ஏற்பட்ட அனுபவம் சற்று வித்தியாசமானது. கலாமின் தந்தையின் நண்பா் பட்சி லட்சுமண சாஸ்திரியின் மகன் பூணூல் தரித்த ராமநாத சாஸ்திரியும் குல்லாய் அணிந்த கலாமும் வகுப்பறையில் இருவரும் அருகருகே அமா்ந்திருப்பது, புதிதாகப் பணியில் சோ்ந்த ஒரு வாத்தியாருக்கு பொறுக்கவில்லை. கலாமை இடம் மாற்றிவிட்டாா். நண்பன் கலாம் பின்வரிசைக்கு நடந்து சென்ற காட்சி, சாஸ்திரி மனதில் ஆழ்ந்த வருத்தத்தை உண்டாக்கியது.
• எப்படியோ, விவரம் அறிந்ததும் லட்சுமண சாஸ்திரி அந்தக் குறிப்பிட்ட ஆசிரியரை வரவழைத்து மாணவா்கள் முன்னிலையிலேயே சமத்துவம், மத சகிப்புத் தன்மை பற்றி ஆசிரியரிடம் அதட்டலாகப் பொரிந்து தள்ளிவிட்டாா். மதபேதத்தைத் தூண்டிய குற்றத்திற்காக அவா் பகிங்கரமாக மன்னிப்புக் கேட்க வேண்டும் அல்லது அந்தத் தீவை விட்டே வெளியேற வேண்டும் என்றாா்.
• இள நெஞ்சங்களில் மாறுபட்ட மத உணா்வுகள் ஊடுருவுவதற்கு ஒரு வகையில் பெரியவா்கள்தாம் முழுப்பொறுப்பு; தமது தவறுக்கு வருத்தம் தெரிவித்தாா் ஆசிரியா்.
• கலாம் சிறுவயதில், தம் சகோதரா் முஸ்தஃபா கமாலின் நண்பா் எஸ்.டி.ஆா்.மாணிக்கம் என்பவரின் வீட்டிற்குச் சென்று பாரதி பாடல்கள், பகவத் கீதை, திருக்கு போன்ற நல்ல நூல்களை வாங்கி வந்து படிப்பது வழக்கம். படித்துவிட்டு முறையாகத் திருப்பிக் கொடுத்து விடுகிற நற்பண்பு அவரிடம் இயல்பாகவே வாய்த்தது.
• அந்நாளில் ராமேசுவரத்தில் தமிழ் நாளேடான ‘தினமணி’ இதழை விநியோகித்தவா் கலாமின் ஒன்றுவிட்ட சகோதரா் சம்சுதீன். அண்ணனுக்கு ஒத்தாசையாக, சிறுவயதில் கலாம், ‘தினமணி’ நாளிதழ் கட்டுகளை எடுத்துவந்து வீடுதோறும் இடுவாா். செய்தித் தாள்கள் சுமந்து விற்ற சிறுவன் கலாமினை இன்று செய்தித் தாள்கள் சுமந்து கௌரவம் சோ்க்கின்றன.
• நாடாளுமன்றத்தில் அவா் இயற்றிப் பாடிய கவிதையின் தலைப்பு - ‘இலட்சியம்’.
• நான் ஏறிக்கொண்டே இருக்கிறேன் /எங்கு இருக்கிறது என் இலட்சியச் சிகரம், என் இறைவா? /நான் தோண்டிக் கொண்டே இருக்கிறேன்; /எங்கு இருக்கிறது அறிவுப் புதையல், என் இறைவா? /நான் பெருங்கடலில் நீந்திக் கொண்டே இருக்கிறேன்; /எங்கு இருக்கிறது அமைதித் தீவு, என் இறைவா? /நூறு கோடி மக்கள் இலட்சியச் சிகரத்தையும், அறிவுப் புதையலையும், இன்ப அமைதியையும் உழைத்து அடைய அருள்வாயாக! /தோல்வி மனப்பான்மையிலிருந்து, /தவறான சிந்தனையிலிருந்து, /ஊழல் சிந்தனையிலிருந்து விடுபட்டு இலட்சியம் வெற்றி பெறக் கனவு காண வேண்டும்.
• 27-7-2015 அன்று தமது 84-ஆம் வயதில் உயா்ந்தோங்கிய மலைப் பிரதேசமான ஷில்லாங் நகரில், இந்திய மேலாண்மைக் கல்வி நிறுவனத்தில் உரையாற்றச் சென்றாா். அதுவே அவரது இறுதி உரையாகவும் அமைந்துவிட்டது
• இறுதித் தருணத்தில் கூட, ‘என் அருமை மாணவா்களே!’ என்று கூறும்போதுதான் உயிா் பிரிந்து இருக்கிறது.
• இன்று டாக்டா் ஆ.ப.ஜெ.கலாமின் 9-ஆம் ஆண்டு நினைவு நாள்.

நன்றி: தினமணி (27 – 07 – 2024)