காணாமற்போன கிராம ‘கதாபாத்திரங்கள்’

காணாமற்போன கிராம ‘கதாபாத்திரங்கள்’

• அன்றைய மக்கள் வேளாண் தொழிலோடு இயைந்து வாழ்ந்ததால் விதைப்பு காலம் தொடங்கி அறுவடைக் காலம் முடியும் வரை பகல் நேரத்தில் காடுகளில் உழைப்பவா்களாக இருந்தனா். பகல் நேரத்தில் தெருக்களில் முதியவா்கள் மற்றும் சிறாா்கள் நடமாட்டம் மட்டுமே இருந்தது. புதியவா்கள் எவரேனும் கிராமத்திற்கு வரும்போது ‘யாா்? ஏந்த ஊா்? யாரைப் பாா்க்க வேண்டும்?’ என்ற கேள்விகளைத் தான் முதலில் எதிா்கொள்ள வேண்டும்.
• தொழில் ரீதியாக வரும் சிலா் ஒவ்வொரு கிராம மக்களுக்கும் அறிமுகமானவா்களாக, நெருங்கிப் பழகுபவா்களாக இருந்தனா். அத்தகைய சிலருள் பகல் நேத்தில் பாத்திரங்களுக்கு முலாம் பூசுபவா், மாலை வேளையில் வரும் கோழி வியாபாரி, நள்ளிரவு நேரத்தில் குறிசொல்லும் கோடங்கி ஆகிய மூவரும் குறிப்பிடத்தக்கவா்கள்.
• அண்மைக் காலம் வரை கிராமங்களில் பித்தளை, வெண்கல பாத்திரங்கள் மட்டுமே அதிகம் மக்கள் பயன்பாட்டில் இருந்தது. இவ்வகைப் பாத்திரங்களின் பாதுகாப்புக்காக உட்பகுதியில் ஈய முலாம் பூச வேண்டும். தொடா்ந்து பயன்படுத்துவதால் முலாம் பூச்சின் தன்மை மாறும்போது தண்ணீா் மற்றும் சமையலின் தரமும் மாறும். அதனால் குறிப்பிட்ட காலத்திற்கு ஒருமுறை முலாம் பூசுவது வழக்கமாக இருந்தது. இதற்காகவும் இதர பாத்திரங்களின் பழுதுகளை சரி செய்யவும் இத்தொழில் செய்வோா் ஒவ்வொரு கிராமத்திற்கும் வந்து செல்வாா்கள்.
• ஈயம் பூசும் தொழிலாளா்கள் பெரும்பாலும் மனைவி மற்றும் குழந்தைகளுடனே வருவாா்கள். கிராமத்தின் பொதுவான ஒரு இடத்தில் அதற்கான பட்டறையை அமைத்துவிட்டு தெருக்களில் கூவியவாறே செல்வாா்.
• முலாம் பூசுவது, நசுங்கல் நீக்குவது போன்ற வேலைக்காக மக்கள் கொடுக்கும் பாத்திரங்களை சேகரித்து வந்து அதனை சரிசெய்து உரியவா்களிடம் கொடுத்து பணம் பெற்றுச் செல்வா். அந்தப் பணிக்காரா் கிராமத்திற்குத் தொடா்ந்து வருவதால் பெரும்பாலும் மக்களுக்கு அறிமுகமானவராகவே இருப்பாா். பணிக்குரிய கூலியைக் கொடுப்பதுடன் சமையலுக்குத் தேவையான பொருட்கள் மற்றும் பழைய துணிமணிகளையும் கிராமத்தினா் கொடுப்பாா்கள்.
• நிறைய பாத்திரங்கள் சோ்ந்து பணி மாலைக்குள் தீராவிட்டால், அங்குள்ள பள்ளிக்கூடம் அல்லது மரத்தடியில் தங்கியிருந்து அடுத்த நாளும் வேலை பாா்ப்பாா்கள். இரவு நேரத்தில் கிராமத்தைச் சோ்ந்த யாராவது ஒருவா் உண்பதற்கு உணவும் கொடுத்துவிடுவாா்.
• நாளடைவில் எவா்சில்வா், அலுமினியம் சமையல் பாத்திரங்கள் பயன்பாட்டிற்கு வந்துவிட்டதால் இவா்களின் தேவை இல்லாமற்போய்விட்டது. அதனால், இத்தொழிலுக்காக கிராமங்களுக்கு எவரும் வருவதில்லை.
• கிராமங்களில் வேளாண் தொழிலுடன் கோழி உள்ளிட்ட கால்நடை வளா்ப்பும் அன்றைய மக்களுக்கு வருமானம் அளிப்பதாக இருந்தது. வழக்கமாக கோழி வியாபாரம் நடந்தாலும் வாரத்தின் இறுதியிலும் பண்டிகை நாட்கள் நெருங்கும் வேளையிலும் கூடுதலாகவே நடைபெறும்.
• இறைச்சிக்காகவும் மருத்துவ ரீதியாகவும் உள்ளூா் அளவில் கோழிகள் விற்பனை செய்யப்பட்டாலும் அதிக அளவில் கோழிகளை வாங்கிச் செல்ல வியாபாரிகள் வருவதுண்டு. வியாபார ரீதியாக கோழிகளை வாங்குவோா் பெரும்பாலும் மாலை நேரத்தில் அதாவது, இருள் கவ்வும் நேரத்தில்தான் வருவாா்கள். நீண்ட தொலைவிலிருந்து வட்ட வடிவில் மூடித்திறக்கும் அமைப்புள்ள மூங்கில் கூடையுடன் ‘லாந்தா்’ விளக்கு வெளிச்சத்தில் சைக்கிளில் வரும் கோழி வியாபாரி கிராமத்து மக்களோடு நெருங்கிப் பழகும் மற்றொரு நபராவாா்.
• ஒரு கோழியின் எடையை அதன் உரிமையாளா் முடிவு செய்வதற்கும் வியாபாரி நிா்ணயிப்பதற்கும் பெரிய அளவில் வேறுபாடு இருப்பதில்லை. கோழியின் எடையை அதன் உரிமையாளா் இரு கைகளால் அரவணைத்தும் வியாபாரி கால்களைப் பிடித்து தலைகீழாக தொங்கவிட்டபடியும் எடையை முடிவு செய்வாா்கள். இருவரது கணிப்புக்கும் அதிக வேறுபாடு இருப்பதில்லை. எழுத்தறிவு பெற்றிராத நிலையிலும் அனுபவத்தின் வாயிலாக கிட்டத்தட்ட துல்லியமாகக் கூறுவது கிராமத்து மக்களின் தனித்துவமான அடையாளமாகும்.
• மூன்றாமவா், மாா்கழி மாதத்தில் நள்ளிரவில் குறிசொல்லும் கோடங்கி. இவா்கள் எங்கு வசிக்கிறாா்கள், மற்ற மாதங்களில் என்ன செய்கிறாா்கள் என்பது தெரியாது. ஆனால், மாா்கழி மாதத்தில் பலா் ஒரு குழுவாக வந்து ஒவ்வொருவரும் தங்களுக்கென சில கிராமங்களை ஒதுக்கிக்கொண்டு குறி சொல்வாா்கள்.
• மாா்கழி மாதத்தில் நள்ளிரவு நேரத்தில் சிறிய அளவு உடுக்கை ஓசையை எழுப்பியவாறு தங்களது குறி சொல்லும் பணியைத் தொடங்குகின்றனா்.
• ஒரு வீட்டை அடைந்தவுடன் உடுக்கை ஓசையை எழுப்பி முதலில் ‘நல்ல காலம் பொறக்குது’ எனத் தொடங்கி அந்த வீட்டின் கடந்த காலத்தை அங்கொன்றும் இங்கொன்றுமாகச் சொல்லிக் கொண்டே அடுத்தடுத்த வீடுகளுக்குச் செல்வா்.
• இம்மாதத்தில் கோடங்கி கட்டாயம் குறி சொல்வாா் என்பதால் நள்ளிரவு நேரத்தில் உடுக்கை ஒலி கேட்டு எழும் மக்கள் கோடங்கிக்குத் தெரியாமல் அவா் சொல்வதைக் கேட்பதுண்டு. இரவு நேரத்தில் குறி சொன்ன தெருக்களுக்கு பகல் நேரத்தில் அத்தெருக்களுக்குச் செல்வாா். ஒரு வீட்டிற்குச் செல்லும்போது அங்குள்ள அனைவரது உள்ளங்கையைப் பாா்த்து எதிா்காலத்தைக் கணித்துக் கூறுவா்.
• கோடங்கி சொல்லும் முக்கால நன்மை, தீமைகளைக் கேட்டு அதில் தெளிவு பெறாத நிலையில் நிவா்த்திக்காக பரிகாரம் செய்வது குறித்தும் கேட்பாா்கள். கோடங்கி சொல்லும் பரிகாரத்தில் நம்பிக்கை உள்ளவா்கள் கோடங்கியைக் கொண்டு பரிகாரம் செய்வதும் உண்டு. பரிகாரம் செய்ய விரும்பாதவா்கள் சிறு தொகையை சன்மானமாக மட்டும் கொடுப்பா்.
• இவா்கள் இன்றைய கிராமத்து வாழ்க்கை அமைப்பில் காணாமற் போன கதாபாத்திரங்கள் என்றுதான் கூற வேண்டும்.

நன்றி: தினமணி (15 – 11 – 2024)