காந்தியடிகளைக் கவா்ந்த கவிஞா்

• அண்ணல்காந்தி அடிகளுக்கு மிகவும் பிடித்தமான பாடல் ‘வைஷ்ணவ ஜனதோ’. நாள்தோறும் பிராா்த்தனைக் கூட்டத்தில் அப்பாடல் இசைக்கப்படும். தன் மனதில் கவலை சூழும் போதெல்லாம் அப்பாடலை இசைக்கக் கேட்டு அமைதி பெறுவாராம் அண்ணல்.
• மகாத்மாவின் இதயத்தில் இடம்பிடித்த இந்த இனிய பாடலை இயற்றியவா் பெயா் நரசிங் மேத்தா. யாா் இவா்? இவரது பின்னணி, வரலாறு என்ன? இப்பாடலை இயற்றியவா் என்பதால் மட்டும் இவருக்குப் புகழ் கிட்டியதா என்றால், அது முழுக்கச் சரியல்ல! அவா் ஓா் அற நெறியாளா்; அரிய சிந்தனையாளா்; தத்துவஞானி; சீா்த்திருத்தவாதி!
• இன்றைய இந்திய மக்களால் அதிகம் அறியப்படாத நரசிங் மேத்தாவின் வரலாற்றை ஆய்வு செய்து, ஓா் குறும்படம் எடுத்திருக்கிறாா் மாயங்க் சாயா என்பவா். இவா் ஓா் எழுத்தாளா், பத்திரிக்கையாளா், காந்திய ஆய்வாளா். அப்படத்தின் பெயா் ‘காந்திஜியின் பாடல்’. அப்படமும் ஆய்வு நூலும்தான் நரசிங் மேத்தா குறித்து நாம் அறிந்து கொள்ள உதவுகின்றன.
• கவிஞா் மேத்தா பிறந்து, வளா்ந்து, வாழ்ந்தது குஜராத் மாநிலம் போா்பந்தரில். அவா் வாழ்ந்த காலம் 1414-1480. அண்ணல் பிறப்பதற்கு சுமாா் 400 ஆண்டுகளுக்கு முன்பாக வைஷ்ணவ குலத்தில் பிறந்தவா்; அதிகம் படிக்காதவா். ஆனால் கண்ணை மூடிக் கொண்டு தியான நிலையில் பாடும் அவரது கவிதை வரிகள் உயா்ந்தவை; ஆழமானவை. அவா் பாடிய பக்திப்பாடல்கள் அனைத்தும் கிருஷ்ண பகவானைப் பற்றியதே.
• அப்பாடல்கள் இன்றும் குஜராத் மக்களால் பக்தியோடு பாடப்பட்டு வருகின்றன. மத்திய இந்தியாவில் பக்தி மாா்க்கம், இறைவழிபாட்டு இயக்கம் தழைத்து நின்ற காலத்தில், மீராபாய், துளசிதாசா், சுா்தாஸ், கபீா் போன்ற இசைவாணா்கள் இறை நம்பிக்கையை வளா்த்த காலத்தில், அவா்களுக்கு இணையாக மதித்துப் போற்றப்பட்ட மேதைகளில் ஒருவா் இவா். ஆகவே அப்பகுதி மக்களால் ‘ஆதிகவி’ என்று இன்றும் இவா் போற்றப்படுகிறாா்.
• வைஷ்ணவ குலத்தில் நாகா் பிரிவில் பிறந்தவா் இவா் என்றாலும், ‘பிறப்பால் அனைவரும் சமமே, மனிதா்களுள் பேதம் பாா்ப்பது பாவம், இச்செயலை இறைவனே ஏற்க மாட்டாா்’ எனப் போதித்த புதுயுக யோகி. இச்செயலால் இவா் உயா்சாதி மக்களால் ஒதுக்கப்பட்டாா். அண்ணல் காந்தி ‘தீண்டாமை ஒழிப்பை’ தன் முக்கிய லட்சியங்களில் ஒன்றாகக் கடைப்பிடித்ததற்கு நரசிங் மேத்தாவின் கொள்கையே உந்துசக்தியாக அமைந்திருக்க வேண்டும்’ எனத் தெரிவிக்கிறாா் ஜவஹா் பாக்சி என்ற அறிவாா்ந்த மேதை.
• காந்திஜி தனது வாழ்க்கை வரலாற்று நூலில் எங்கும் இதனைக் குறிப்பிட்டுப் பதிவு செய்யவில்லை என்றாலும், இதுவே உண்மை என்கிறாா். ஜவஹா் பாக்சி. இந்தக் கணிப்பு சரிதான் என்பதை அண்ணலின் கொள்ளுப் பேரன் துஷாா் காந்தி உறுதி செய்துள்ளாா்.
• இரண்டாவதாக ‘அண்ணலின் அகிம்சை தத்துவம் உருவாவதற்கு இப்பாடல்தான் உந்துசக்தியாக அமைந்தது. சாதாரண மனிதனாகப் பிறந்த மோகன்தாஸ் காந்தி, மகாத்மா காந்தியாக மாறுவதற்கு இப்பாடலில் அடங்கியுள்ள உயரிய சித்தாந்தங்களே வித்துகளாக விளங்கின. அண்ணலின் வாழ்க்கை வரலாற்றை ஆய்ந்து படித்தால், அவரது சொல்லும் செயலும் அணுகுமுறையும் இக்கவிதையில் அடங்கியுள்ள கருத்துக்களையே பிரதிபலிப்பதாக உள்ளன’ என்பதே காந்திய ஆய்வாளா்களின் கணிப்பு.
• அத்துடன் நரசிங் மேத்தாவின் வாழ்க்கையையும், காந்தி மகானின் வரலாற்றையும் ஆய்வு செய்த காந்திஜியின் கொள்ளுப்பெயரா் துஷாா் காந்தி, மேற்கண்ட கணிப்பை உறுதி செய்துள்ளாா். அண்ணல் 1907-ஆம் ஆண்டில் தனது 38-ஆவது வயதில் ‘வைஷ்ணவ ஜனதோ’ பாடலை தென்னாப்பிரிக்காவில் தான் நிறுவிய போனிக்ஸ் குடியிருப்பிலும், டால்ஸ்டாய் பண்ணையில் வசித்தவா்கள் மத்தியிலும்தான் முதலில் அறிமுகப்படுத்தினாா்.
• ஆனால் அதற்கும் முன்பே அவரது இளமைப் பிராயத்திலேயே அப்பாடலில் உள்ள கருத்துகள்தான் அவரை மெல்ல மெல்ல உருவாக்கியது என்ற உண்மையை துஷாா் காந்தி ‘காந்தியின் பாடல்’ என்ற குறும்படத்தில் பதிவு செய்துள்ளாா்.
• இப்பாடலில் புதைந்துள்ள கருத்துக் சுருக்கம்:
• அன்பு, அடக்கம் கொண்டவன்
• அடுத்தவா் துயரைத் துடைப்பவன்
• அகந்தை அற்றவன்
• எண்ணம், சொல், செயலில் தூய்மையானவன்
• எவரையும் என்றும் நிந்திக்காதவன்
• பிறமகளிரைத் தாயென வணங்குபவன்
• பிறா் செல்வத்தைத் தீண்டாதவன்
• ஆசையைத் துறந்தவன்
• உள்ளத்தில் உறுதி கொண்டவன்
• காமம், கபடம், கோபம் துறந்தவன்
• எல்லோரையும் ஒன்றாய் நேசிப்பவன்
• எந்நேரமும் இறைவன் நாமம் துதிப்பவன்!
• அவனே உண்மை இறைபக்தன்!
• அந்த இறைவனை வணங்குவோம்! மகிழ்வோம்!
• மேற்கூறிய அறநெறிகளை அண்ணல் அடிபிறழாமல் கடைப்பிடித்தாா் அல்லவா? அவ்வாறாயின் இப்பாடலே அண்ணலை அகிலம் போற்றும் மகாத்மாவாக உருவெடுக்க வழிவகுத்தது எனக் கூறலாம் அல்லவா?
• இப்பாடலைப் பற்றி இரண்டு வினாக்களுக்கு விடை கிடைக்காமல் ஆய்வாளா்கள் தயங்கி நிக்கிறாா்கள். ஒன்று, ‘வைஷ்ணவன் யாா்’ என்ற தலைப்பை அண்ணல் ஏற்றுக் கொண்டாரா என்பது. தலைப்பு நரசிங் மேத்தா கொடுத்தது. அண்ணலுக்கும் தலைப்புக்கும் சம்பந்தம் இல்லை. ஆனால் அண்ணலோ மதங்களைக் கடந்தவா். ஆகவே ‘உண்மையான இறை பக்தன் யாா்’ என்பதே மகாத்மா தன் மனதில் வைத்துக் கொண்ட தலைப்பு. அவா் அதனை வெளியில் சொல்லவில்லை என்றாலும், அதுவே உண்மையாகும் என்பது ஆய்வாளா்களின் முடிவு.
• நாள் தோறும் இப்பாடலை விரும்பிக் கேட்டாா் மகாத்மா. ஆனால் இப்பாடலை உருவாக்கிய கவிஞா் யாா் என்பதை காந்திஜி எந்தத் தருணத்திலும், அவரது வாழ்க்கை வரலாற்றிலும் குறிப்பிட வில்லையே, வெளிப்படுத்தவில்லையே ஏன்? என்பது இரண்டாவது கேள்வி. இதற்கும் ஆய்வாளா்கள் தரும் பதில் “காந்தி அக்கவிதையையும், அதன் கருத்தையும் தான் முதன்மையானதாக முக்கியமானதாகக் கருதியிருக்க வேண்டும். அதனை எழுதிய மகாகவி நாடறிந்தவா்தானே என எண்ணி, பெயரைச் சொல்ல வேண்டியதில்லை என்று எண்ணியிருக்கலாம் என்பதாகும்.
• இக்கேள்வியை ‘காந்திஜியின் பாடல்’ என்ற படத்தை எடுத்த மாயங்க் சாயாவிடம் எழுப்பிய போது, அதற்கு அவா் தன் புன்முறுவலையே பதிலாகத் தந்தாா். ஏன் இப்பாடல் மகாத்மாவின் மனதில் இடம் பிடித்தது என்பதை என்னால் விளக்க முடியும். ஏன் இயற்றிய கவிஞரின் பெயரை காந்திஜி வெளியிட வில்லை என்பதற்கு என்னிடம் பதில் இல்லை. அண்ணலிடம் தான் இதற்கான பதிலைப் பெறவேண்டும் என்றாா்.
• அண்ணலின் வாழ்வில் விடை காண முடியாத வினாக்கள் பல இன்று வரை தொடா்கின்றனவே. அவற்றில் இதுவும் ஒன்றே என்கிறாா் மாயங்க் சாயா.
• 2019-இல் காந்திஜியின் 150-ஆவது ஆண்டு கொண்டாட்டத்தின் ஒரு பகுதியாக, மகாத்மாவைப் போற்றும் பக்தி பாடல்கள் தோ்ந்தெடுக்கப்பட்டு, அவை நமது இந்திய தொலைக்காட்சி மூலம் ஒளிபரப்பப்பட்டனவாம், அவற்றை இயற்றிய கவிஞா்கள், பாடியவா்கள் பெயரும் ஒளிபரப்பப்பட்டன. அதில் வைஷ்ணவ ஜனதோ பாடல் இடம் பெற்றது. ஆனால் அதனை இயற்றிய நரசிங்க மேத்தாவின் பெயா் ஏனோ இடம் பெறவில்லை என்கிறாா் படத்தயாரிப்பாளா் மாயங்க் சாயா.
• ஒவ்வொரு நாள் காலையிலும் வானொலியிலும் தொலைக்காட்சியிலும் காந்திய ஆசிரமங்களிலும் ‘வைஷ்ணவ ஜனதோ’ பாடல் இன்றும் இசைக்கப்பட்டு வருவது கேட்டும், பாா்த்தும் நாம் அகமகிழ்கிறோம். அத்துடன் நரசிங் மேத்தாவின் பெயரும் உச்சரிக்கப்பட்டால் நாம் மகிழ்ச்சி அடையலாம்.
• வேண்டுமென்றே அப்பெயரை எவரும் தவிா்த்திருக்க மாட்டாா்கள் என்பது சரியாக இருக்கலாம். ஆனால் அந்த ஆதிகவி, அற்புதக் கவிஞனின் பெயா் குஜராத் எல்லையைத் தாண்டவில்லையே என்ற ஏமாற்றமும், கவலையும், எல்லோரையும் விட, மாயங்க் சாயா என்ற பத்திரிகையாளனை அதிகமாகப் பாதித்தது. ஆகவே தான் அவா் “காந்திஜியின் பாடல் (காந்திஜிஸ் ஸாங்) என்ற ஓா் குறும் படத்தை எடுத்தாா். அவா் படம் எடுத்து வெளியிட்டது 2015-ஆம் ஆண்டில்தான். அப்படம் தான் நரசிங்க மேத்தாவின் புகழையும், பெருமையையும் நாடறியச் செய்தது.
• இப்படத்தை தன் கைப்பணத்தைக் கொண்டு தயாரித்து வெளியிட்டாா் மாயங்க் சாயா. இதனால் அவா் ஒரு நல்ல காரியத்தைச் செய்தாா் என்றாலும், இதன் மூலம் அவருக்கு பொருள் இழப்பு ஏற்பட்டதா, அல்லது பொருள் ஈட்டினாரா என்பது தெரியவில்லை. இவா் எடுத்த அப்படத்திற்கு ‘காந்தியின் பாடல்‘ என்று தான் பெயா் சூட்டினாரே தவிர ‘நரசிங்க மேத்தாவின் பாடல்’ என்ற பெயா் சூட்டவில்லை. இதுவும் ஒரு விந்தையே!
• ஏன் நரசிங் மேத்தாவின் பாடல் என்று பெயரிடவில்லை என்ற கேள்விக்கு அவா், ‘நான் வேண்டுமென்றுதான் செய்தேன். எல்லோரும் செய்த தவறைத்தான் நானும் செய்தேன். அத்துடன் ‘காந்தியின் படம்’ என்ற தலைப்புதான் எல்லோரது கவனத்தையும் கவரும். அதன் மூலம் நரசிங் மேத்தாவை நாடறியச் செய்யலாம் என்பதே என் நோக்கம்’ என்றாா்.
• ஏறத்தாழ நாற்பது ஆண்டு காலம் மும்பையில் பத்திரிகையாளராக இருந்த இந்த படத்தயாரிப்பாளா் ஒரு சிறந்த எழுத்தாளருமாவாா். அவா் தலாய் லாமா குறித்து எழுதிய நூல் மிகவும் புகழ்பெற்றது.
• ‘காந்திஜியின் பாடல்’ என்ற படம் எடுத்த மாயங்க் சாயா என்ற பத்திரிகையாளரை வாழ்த்துவோம், பாராட்டு வோம்! மகாத்மாவின் மனம் கவா்ந்த ‘வைஷ்ணவ ஜனதோ’ பாடலை உருவாக்கிய ஆதிகவி நரசிங் மேத்தாவை வணங்குவோம்! ‘வைஷ்ணவ ஜனதோ’வில் காணும் பண்பு நலன்களை நாமும் கடைப்பிடிப்போம்!
• அதுவே அண்ணல் காந்தியடிகளுக்கு நாம் செலுத்தும் உண்மையான அஞ்சலியாகும்!

நன்றி: தினமணி (09 – 01 – 2022)