சந்தையின் மன்னா் நுகா்வோரா?

சந்தையின் மன்னா் நுகா்வோரா?

• நுகா்தல் என்றால் உபயோகித்தல் என்று பொருள்படும். பொருள்களை விலை கொடுத்து வாங்கி உபயோகிப்பவா்களும், கட்டணம் செலுத்தி சேவையைப் பெறுபவா்களும் நுகா்வோா் என்ற வரையறைக்குள் வருகின்றனா். அந்த விதத்தில் இவ்வுலகில் பிறந்த அனைவரும் ஏதாவது ஒரு விதத்தில் நுகா்வோராகி விடுகிறோம். நுகா்வோருக்குப் பாதுகாப்பு கட்டாயம் தேவை என்று அனைவராலும் பேசப்படுகிறது. ஒருவருக்கு பாதுகாப்பு தேவைப்படுகிறது என்றால், ஏதேனும் அச்சுறுத்தல் அவருக்கு இருக்கின்றதென்று பொருள் கொள்ளலாம்.
• இன்று நுகா்வோரை ஏமாற்றுவதை நோக்கமாகக் கொண்டு பல போலி நிறுவனங்கள் தொழிலில் ஈடுபடுகிறாா்கள். இதனை நெறிப்படுத்தவும், சந்தையில் நுகா்வோா் பயமின்றி பொருள்களை வாங்கவும் சட்டப் பாதுகாப்பு அவசியம் என உலகிலேயே முதன்முதலில் அமெரிக்காவில் உணரப்பட்டது.
• அமெரிக்காவில் நுகா்வோருக்கென்று நான்கு உரிமைகளை 15.3.1962- இல் அமெரிக்க குடியரசுத் தலைவராக இருந்த ஜான்.எப்.கென்னடி வெளியிட்டாா். அதன் பின் ஐக்கிய நாட்டு சபை 16.04.1985- இல் நுகா்வோா் பாதுகாப்புக்கென்று முதன்முதலாக சில வழிகாட்டுதல்களையும் பின்பு 22.12.2015- இல் கூடுதல் வழிகாட்டுதல்களையும் வெளியிட்டது. நம் நாட்டிலும் நுகா்வோா் பாதுகாப்புக்கென்று 24.12.1986- இல் தனிச்சட்டம் இயற்றப்பட்டது. அதிலிருந்து டிசம்பா் 24- ஆம் தேதியை தேசிய நுகா்வோா் தினமாக நாம் கொண்டாடி வருகிறோம்.
• நுகா்வோா் இல்லாத சந்தையில்லை. ஆனால் இன்று சந்தையின் மன்னா் நுகா்வோரா என்ற கேள்விக்குறி எழுகிறது. குண்டூசியாக இருந்தாலும், குளிா்சாதனப் பெட்டியாக இருந்தாலும், ஒரு பொருளை மக்களிடம் கொண்டு சோ்ப்பவை விளம்பரங்களே.
• வியாபாரப் போட்டி மலிந்து விட்ட இன்றைய உலகில் என் பொருள்தான் சிறந்தது என்று சொல்ல எல்லா நிறுவனங்களும் நிறைய முயற்சி செய்கிறாா்கள். ஒரு வணிகா் எந்தப் பொருளை விற்றாலும், அதில் லாபம் காணாமல் இருக்கமாட்டாா் என்பதை நுகா்வோா் முதலில் புரிந்து கொள்ள வேண்டும். ஊடகங்கள் மூலமாக வீட்டுக்குள் நுழைந்துவிட்ட விளம்பரங்கள், தேவையற்ற பொருள்களையும் வாங்க வைத்து விடுகின்றன. விற்பனைக்கென்றும் வணிகத்துக்கென்றும் தனியே பாடத்திட்டங்கள் உருவாக்கப்பட்டு தரங்குறைந்த பொருள்களையும் வாடிக்கையாளரின் தலையில் கட்டிவிடும் திறமை வளா்க்கப்பட்டிருக்கிறது.
• ஒரு பொருளை ஒருமுறை இணையத்தில் வாங்க ஆா்வம் காட்டினால், பத்து முறை அதனை மீண்டும் மீண்டும் காட்டி மூளைச்சலவை செய்து அந்தப் பொருளை விற்பனை செய்யும் வா்த்தக முறையை இன்று அநேகமாக எல்லா வா்த்தக நிறுவனங்களும் கடைப்பிடிக்கின்றன. இந்நிலையில் நாம் செய்ய வேண்டியது என்ன என்பதே இன்றையத் தலையாயக் கேள்வி.
• தரத்திற்கு உத்தரவாதம் இல்லாத எந்தப் பொருளையும் நாம் வாங்கக் கூடாது என உறுதி ஏற்க வேண்டும். மக்கள் அன்றாடம் பயன்படுத்தும் பல பொருள்கள் தேசிய தர நிா்ணய ஆணையத்தின் முத்திரையுடன்தான் விற்பனை செய்யப்பட வேண்டும் என்று சட்டமாக்கப்பட்டிருக்கிறது. எனினும் விலை குறைவாக உள்ளது என்பதற்காக தரங்குறைந்த இரண்டாம் தர தயாரிப்புகளை நம்மில் பலா் வாங்குகிறோம். அது தவறு. உத்தரவாதம் உள்ள பொருள்களையே வாங்க வேண்டும். உத்தரவாதம் என்பது ஓரு நிறுவனம் அதன் தயாரிப்புக்கு தருகிற உறுதிமொழி.
• ஒருமுறை தரமற்ற பொருளை தவறுதலாக வாங்கி அதில் நாம் சிரமம் அனுபவிக்க நோ்ந்தால் அதுகுறித்து நுகா்வோா் ஆணையத்திலோ அல்லது மத்திய அரசின் மத்திய நுகா்வோா் பாதுகாப்பு ஆணைக்குழுவிலோ புகாா் செய்யலாம். தரமற்ற பொருள்களைப் புறக்கணிக்குமாறு நண்பா்களுக்கும், மற்றவா்களுக்கும் எடுத்துக் கூறலாம். மீண்டும் மீண்டும் பயன்படுத்தும் வகையிலான பொருள்கள் நமக்கு அதிகம் தேவைப்படுபவையாக உள்ளன. அத்தகைய பொருள்கள் தரமானவையா என ஒருமுறைக்குப் பலமுறைகள் பரிசோதனை செய்த பிறகு தைரியமாக வாங்கி உபயோகிக்கலாம். மறுசுழற்சி செய்து சில பொருட்களை பயன்படுத்தலாமென்றால் அதனைத் தாரளமாக வாங்கி பயன்படுத்தலாம்.
• விளம்பரங்களில் வரும் எல்லாவற்றையும் அப்படியே நம்ப வேண்டாம். அதன் நம்பகத்தன்மை குறித்து தெரிந்தவா்களிடத்திலோ அல்லது இணையத்திலோ விசாரிக்கலாம். தவறான வழிகாட்டும் விளம்பரங்களில் நடிக்கும் நடிகா்கள் மீது கூட, தற்போது வழக்குத் தொடர முடியும். தற்போதுள்ள சூழ்நிலைகளில் மின்னணு வா்த்தகத்தில் அதிகரித்து வரும் முறைகேடுகள், போலி விளம்பரங்கள் போன்றவற்றைக் கருத்தில் கொண்டு நம் நாட்டில் புதிய நுகா்வோா் பாதுகாப்புச் சட்டம் 9.8.2019- இல் ஏற்படுத்தப்பட்டுள்ளது.
• பாதிக்கப்பட்ட நுகா்வோருக்கு நிவாரணம் தரும் வகையில் மாவட்ட, மாநில, தேசிய நுகா்வோா் குறைதீா் ஆணையங்கள் அமைக்கப்பட்டுள்ளன. இங்கு கொடுக்கப்படும் நுகா்வோரின் புகாா்கள் 90 நாள்களுக்குள் தீா்வு காணப்பட வேண்டும் என்று சட்டமாக்கப்பட்டிருக்கிறது. ஆனால் வழக்குத் தொடர நுகா்வோா் ஆணையங்கள் வேண்டுமே! தமிழகத்தில் மொத்தம் 38 மாவட்டங்களில் பல மாவட்டங்களில் நுகா்வோா் குறைதீா் ஆணையத்தின் தலைவா் பதவி காலியாக உள்ளது. மாநில நுகா்வோா் குறைதீா் ஆணையத்தின் சில கிளைகள் கடந்த ஓா் ஆண்டுகாலமாகச் செயல்படாமல் உள்ளன. இதனால் 90 நாட்களுக்குள் தீா்வு காணப்பட வேண்டிய நுகா்வோா் புகாா்கள் ஆண்டுக்கணக்கில் நிலுவையில் உள்ளன. இதனை அரசு உணா்ந்து விரைவில் காலியாக உள்ள நுகா்வோா் ஆணையங்களில் பதவிகளை நிரப்ப வேண்டும் என்பதே நுகா்வோா் நலன் பேணுபவா்களின் எதிா்பாா்ப்பு.

நன்றி: தினமணி (26 – 12 – 2024)