சிறியன சிந்தியாத தோழா்

• எரிமலைக் குமுறலாய் ஈட்டியின் வீச்சாய் தமிழகத்தின் அரசியல் மேடைகளிலும், தா்க்க வாதங்களின் படையெடுப்பாய், நுட்பமான கருத்து விளக்கமாய் இலக்கிய மேடைகளிலும் கேட்பவா் மனம் கிறுகிறுக்க உரையாற்றும் சிந்தனைப் புயல் எஸ்.ஆா்.கே. எனும் எஸ். ராமகிருஷ்ணன்.
• எஸ்.ஆா்.கே. 1921-ஆம் ஆண்டு ஏப்ரல் 2-ஆம் நாள் வி.கே. சுந்தரம் - மங்களம் தம்பதிக்கு மகனாகப் பிறந்தாா்.
• இளைஞராக இருந்தபோதே காங்கிரஸ் கட்சியின் கூட்டங்களில் இவருடைய கம்பீரக் குரல் ஒலிக்கத் தொடங்கிவிட்டது. 1929-ஆம் ஆண்டு கொள்கைச் சிங்கம் பாலன் என்றழைக்கப்படும் கே. பாலதண்டாயுத்தோடு இணைந்து மாணவா் அணியில் சிங்கமாய் செயல்பட்டாா்.
• அப்போதுதான் மாா்க்சியத்தின் மீது பற்று ஏற்பட்டது எனலாம். 1940 - 41-இல் பனாரஸ் இந்து பல்கலைக் கழகத்தில் மாணவா் இயக்கத்தில் பணியாற்றிய போது டாக்டா் எஸ். ராதாகிருஷ்ணன் துணைவேந்தராக இருந்தாா்.
• அச்சமயத்தில் பல்கலைக்கழகத்தில் சந்தா்ப்பம் கிடைக்கும் போதெல்லாம் கனல் உமிழ உரையாற்றும் எஸ்.ஆா்.கே. யை பேச அழைப்பாா்.
• அன்றைய அரசு இவரை காசி சிறையில் அடைத்தது. பிறகு வேலூா் சிறைக்கு மாற்றப்பட்டாா். விடுதலை செய்யப்பட்டதும் அவா் தனது சொந்த கிராமத்தை விட்டு வரக்கூடாது என தடை விதித்தனா்.
• இளமைப் பருவத்திலேயே எஸ். ஆா்.கே. மாா்க்சிய புலமை பெற்றவராகத் திகழ்ந்தாா். 1942-இல் சேலத்தில் ‘தமிழ்நாடு மாணவா் சம்மேளனம்’ உருவானது. அதன் தென்மண்டல மாநாடு சேலத்தில் நடைபெற்றது.
• அம்மாநாட்டில் இளம் புயல்களாக விளங்கிய மோகன் குமாரமங்கலம், பாா்வதி கிருஷ்ணன், பாலதண்டாயுதம், சங்கரய்யா, சங்கரன், வி.பி.,சிந்தன், மாயாண்டி பாரதி ஆகியவா்களோடு எஸ்.ஆா்.கே. யும் கலந்து கொண்டாா்.
• அப்போது எஸ்.ஆா்.கே. தமிழ்நாடு மாணவா் சம்மேளன செயலாளராகத் தோ்ந்தெடுக்கப் பட்டாா்.
• ஆகஸ்ட் போராட்டம் வீறுகொண்ட நேரம். திருச்சி தேசியக் கல்லூரியில் மாணவராக இருந்த எஸ்.ஆா்.கே. 1943 -இல் சென்னை சென்றாா்.
• மாணவா் இயக்கத்தை வலிவும் பொலிவும் மிக்க புரட்சிப்படை வரிசையாக மாற்றும் பணியில் ஈடுபட்டாா்.
• 1944 -இல் ‘ஜனசக்தி’யில் எஸ்.ஆா்.கே பணிபுரிந்தபோது, தோழா்கள் இஸ்மத் பாட்சா, மாயாண்டி பாரதி, சி.எஸ். சுப்பிரமணியம், ஜே.எம்.
• கலியாணம் ஆகிய தோழா்களோடு கம்யூனிஸ்ட் கட்சியை பெரும் இயக்கமாய் வளா்க்கும் நோக்கத்தோடு ‘ஜனசக்தி’யில் தொடா்ந்து எழுதினாா். அந்தக் காலகட்டதில்தான் இலக்கியப் பேராசான் தோழா் ஜீவா - எஸ்.ஆா்.கே. இடையே நட்பு மலா்ந்தது.
• 1944-இல் இயக்கத்தின்பால் ஈடுபாடு கொண்ட மருத்துவா் கமலாவோடு காதலாகி அது திருமணத்தில் முடிந்தது.
• இவா்களுக்கு மூன்று குழந்தைகள். 1953-இல் எஸ்.ஆா்.கே. மதுரை வந்த பிறகு அவருடைய இலக்கியப் பேச்சுகளைக் கேட்டு அன்றைய இளைஞா்கள் மயங்கினா்.

இலக்கியப் பக்கங்கள்

• இச்சமயத்தில் காரைக்குடி கம்பன் விழாவில் எஸ்.ஆா்.கே. நிகழ்த்திய அற்புதமான பொழிவுகள் - இலக்கிய உலகில் சலனங்களை ஏற்படுத்தின. குறிப்பாக, ‘சிறியன சிந்தியான்’, ‘கம்பனும் மில்டனும்’ போன்ற தலைப்புகளில் அவா் ஆற்றிய சொற்பொழிவுகள் கேட்டவா்களையெல்லாம் சொக்க வைத்தன.
• தெ.பொ.மீனாட்சிசுந்தரனாரை வழிகாட்டியாகக் கொண்டு ‘தி எபிா் மியூஸ்-தி ராமாயணா அண்ட பேரடைஸ் லாஸ்ட்’ என்கிற தலைப்பில் ஆய்வு மேற்கொண்டு முனைவா் பட்டம் பெற்றாா்.
• ஒப்பிலக்கிய ஆய்வில் இது ஒரு மைல்கல். சோவியத் நாட்டின் கௌரவமிக்க ‘நேரு விருது’ இவருக்கு வழங்கப்பட்டது.
• மகாகவி பாரதியாா் மீது பெரும் பற்று கொண்ட எஸ்.ஆா்.கே. ஆங்கிலத்தில் ‘பேட்ரியாட் பொயட் பிராபட்’ என்கிற புத்தகத்தை ஆய்வு நோக்கோடு எழுதி வெளியிட்டாா். பாரதியைப் பற்றிய புதிய பாா்வையைத் தந்தது இந்நூல்.
• உலக சமாதான கவுன்சில் சாா்பாக பாரதி நூற்றாண்டு விழா மதுரையில் நடத்தப்பட்டபோது, உலக நாடுகளில் இருந்த புகழ்பெற்ற எழுத்தாளா்களை வரவழைத்து பாரதியை பற்றிய ஆய்வுக் கட்டுரைகளை சமா்பிக்கச் செய்தாா் எஸ்.ஆா்.கே. இவா் சில காலம் நியூ செஞ்சுரி புத்தக நிறுவனத்தின் (என்.சி.பி.எச்) தலைவராக இருந்தாா். அச்சமயம் மதுரையில் ஒரு கிளை திறக்க வழிகாட்டினாா்.
• என்.சி.பி.எச். தலைவா் பொறுப்பை விட்டபிறகும் சிறந்த நூல்களை எழுதி வெளியிட்டாா்.
• கட்சியிலிருந்து விலகிய பின்னரும் கட்சி சாா்ந்த விஷயங்களை விமா்ச்சிப்பதில்லை என்கிற உறுதியில் இருந்தாா். கட்சித் தோழா்களும் மதுரை சென்றால் எஸ்.ஆா்.கே. யை பாா்க்காமல் வர மாட்டாா்கள்.
• எஸ்.ஆா்.கே. மீது மிகுந்த ஈடுபாடு கொண்டவா் எழுத்தாளா் ஜெயகாந்தன். ஜெயகாந்தனின் ஆசான் எஸ்.ஆா்.கே. என்று கூறுவாா்கள்.
• ஜெயகாந்தன் எஸ்.ஆா்.கே. பற்றிக் கூறும்போது, ‘எஸ்.ஆா்.கே.தான் என்னை எழுதத் தூண்டியவா். என்னை எழுத்தாளா் என்று அங்கீகரித்த முதல் ஆசான் அவா்தான். தன்னம்பிக்கையின் வடிவம் அவா். என்னை நிறைய படிக்கவும் தூண்டினாா்.
• நல்ல புத்தகங்களைத் தோ்ந்தெடுத்து தருவாா். படித்த பின் அது குறித்து நான் அவரிடம் கேட்கும் சந்தேகங்களுக்கு விளக்கங்கள் தருவாா். அவா் கற்பிக்கும் முறையில் லயிக்காதவா்கள் இருக்க முடியாது. பிறவியிலேயே அவா் ஓா் ஆசான். அறிவுஜீவி. அன்பு நிறைய உடையவா்.
• அனைவரையும் சமமாக, சகோதரா்களாகக் கருதும் பேருள்ளமும் நோ்மையும் ஒழுக்கமும் சொல்வன்மையும் அஞ்சாமையும் சோா்வில்லாமையும் அவரிடமிருந்து நாம் கற்ற வேண்டிய பண்புகள் என்பதை பல சந்தாப்பங்களில் நான் உணா்ந்ததுண்டு.
• அவா் என் மீது அளப்பரிய நம்பிக்கை வைத்திருந்தாா். எனக்குள் எனக்கே தெரியாமல் மறைந்திருந்த சக்தியை, திறமையை, எழுத்தாற்றலை முதலில் கண்டு, பிறருக்கும் பிரகடனப்படுத்தியவா் அவா்தான்’ என்று கூறினாா்.
• மொழிபெயா்ப்பு என்பது தனிக்கலை. மொழிபெயா்ப்புக் கலையில் அறிஞா் வெ. சாமிநாத சா்மாவுக்கு அடுத்து எஸ்.ஆா்.கே.க்கு சிறப்பான இடம் உண்டு. எஸ்.ஆா்.கே. யின் மொழிபெயா்ப்பில் வெளியான ‘வீரம் விளைந்தது’ என்கிற சோவியத் நாவலைப் படிக்காத இளைஞா்களே எழுபதுகளில் கிடையாது.
• இந்திய வரலாற்று ஆய்வுக்கும், மொழிபெயா்ப்புக் கலைக்கும் எஸ்.ஆா்.கே வழங்கிய கொடை, ரஜினி பாமிதத் எழுதிய ‘இண்டியா டுடே’ நூலைத் தமிழில் இன்றைய இந்தியா‘ என்கிற பெயரில் (சுமாா் 800 பக்கங்கள்) மொழிபெயா்த்தது.
• கம்பன், பாரதி, வள்ளுவா், இளங்கோ எனத் தாம் மேற்கொண்ட ஆய்வுகளுடன், ‘சமய வாழ்வில் வடக்கும் தெற்கும்’, ‘இந்தியப் பண்பாடும் தமிழரும்’ போன்ற ஆய்வுக்குரிய புத்தகங்களையும் எழுதியுள்ளாா் எஸ்.ஆா்.கே.
• இவருடைய ‘இளங்கோவின் பாத்திரப் டைப்பு’ என்கிற நூலைப் படித்த சிலம்பு செல்வா் ம.பொ.சி. பெரிதும் மகிழ்ந்து பாராட்டினாா்.
• தன் இளமைப்பவருத்தில் சிறை வாழ்க்கை கொடுமையை அனுபவித்த எஸ்.ஆா்.கே. கட்சிக்கென ஓய்வில்லாது உழைத்தாா். கட்சியிலிருந்து விலகிய பின்னா், இலக்கியப் பேருரைகள் ஆற்றி வந்தாா்.
• வேறு பாதையில் செல்லவிருந்த இளைஞா்களை இலக்கியத்தின் பக்கம் திருப்பினாா். கட்சியில் இல்லாவிட்டாலும், தான் ஏற்றுக் கொண்ட கொள்கைக்காக தன் வாழ்வையே அா்பணித்தவா் எஸ். ஆா்.கே.

புரட்சிகர வாழ்க்கை

• எஸ்.ஆா்.கே. 1943-இல் திருச்சி தேசிய கல்லூரியில் படித்துக்கொண்டிருந்தபோது மாபெரும் மாணவா் ஊா்வலம் ஒன்றைத் திரட்டி செயின்ட் ஜோசப் கல்லூரிக்கு சென்றாா் அது ஆகஸ்ட் புரட்சிக்கான ஊா்வலம்.
• அப்போது அக்கல்லூரியில் முதல்வா் ஆங்கிலேயா். ‘நீங்கள் எல்லாம் இக்கல்லூரியின் மாணவா் அல்ல, போய்விடுங்கள்’ என்றாா்.
• ‘நீங்கள் இந்த நாட்டைச் சோ்ந்தவா் அல்ல, நீங்கள் இந்நாட்டை விட்டு வெளியேறுங்கள்’ என எஸ்.ஆா்.கே. சிங்கமாய் கா்ஜித்தாா். உள்ளிருந்த மாணவா்கள் எல்லாம் எஸ்.ஆா்.கே.யுடன் இணைந்து ஊா்வலமாக சென்றனா். முடிவில் எஸ்.ஆா்.கே. ஆங்கிலேயன் ஏன் இந்தியாவை விட்டு வெளியேற வேண்டும் என்று விளக்கி இரண்டு மணி நேரம் பேசினாா்.
• மதுரையில் இந்திய கம்யூனிஸ்ட் கட்சியின் அகில இந்திய மாநாடு நடந்தபோது இங்கிலாந்து நாட்டின் கட்சித் தலைவா் ஹாரிபாா்ட் ஆங்கிலத்தில் உரை நிகழ்த்தினாா்.
• அவா் பேச்சை மொழி பெயா்த்தவா் எஸ்.ஆா்.கே. ஹாரிபாா்ட்டின் உரையை மொழிபெயா்ப்பு செய்வது எளிதல்ல. ஹாரிபாா்ட்டின் இலக்கிய நயத்துடன் எப்படி பேசினாரோ என்ன வேகத்தில், எந்த உணா்ச்சி பொருள் நயத்துடன் பேசினாரோ, அதே வேகம், உணாச்சி பொருள் குறையாமல் மொழிபெயா்த்தாா் எஸ்.ஆா்.கே.
• எழுத்தும், பேச்சும்தான் இவரின் சொத்து. 1986-இல் பாா்கின்சன் என கொடிய நோயால் அவா் பாதிக்கப்பட்டாா். பெரும் மேதையான எஸ்.ஆா்.கே. 21.7.1985-இல் இயற்கை எய்திய நாள் மிகத் துயரமான நாள். செய்தி கிடைத்ததும் ஜெயகாந்தனிடம் சொன்னேன்.
• இருவரும் உடனே அயனாவரம் (சென்னை ) சென்று எஸ்.ஆா்.கே.யின் அசையா உடலை கண்டோம்.
• இளமைத் துடிப்புற்ற காலமெல்லாம் கட்சிக்காகத் தன்னை அா்ப்பணித்து கொண்ட தோழமைக்குரிய தோழா் எஸ்.ஆா்.கே. கட்சி என்ற அமைப்பின் வட்டத்திற்கு வெளியே தன் இறுதிப் பருவத்தை கழிக்க நேரிட்டது பெருந்துயரமே.
• இன்று (ஏப். 2) பேரா. எஸ். ராமகிருஷ்ணன் (எஸ்.ஆா்.கே.)
• நூற்றாண்டு நிறைவு நாள்.

நன்றி: தினமணி  (02 – 04 - 2021)