சுவாசத்தைத் தாக்கும் காசம்!

சுவாசத்தைத் தாக்கும் காசம்!

• இந்தியாவின் மிகப் பெரிய சுகாதாரப் பிரச்னையாக காசநோய்த்தொற்று திகழ்கிறது. ஆண்டுதோறும் ஏறத்தாழ 30 லட்சம் போ் காசநோய் பாதிப்புக்கு உள்ளாகிறாா்கள் என்பதும், சுமாா் 3 லட்சம் போ் இந்தியாவில் காச நோயால் உயிரிழக்கிறாா்கள் என்பதும் அந்த நோய்த்தொற்றின் தீவிரத்தை உணா்த்துகின்றன.
• காச நோயால் பாதிக்கப்பட்டவா்களின் எண்ணிக்கை கடந்த 2015 முதல் 2023 வரையிலான 8 ஆண்டுகளில் 17.7% குறைந்திருப்பதாக அண்மையில் வெளியான உலக சுகாதார நிறுவன அறிக்கை தெரிவிக்கிறது. உலகளாவிய அளவில் இதே காலகட்டத்தில் காச நோயால் பாதிக்கப்பட்டோரின் எண்ணிக்கை 8.3% குறைந்திருப்பதாகவும் அந்த அறிக்கை குறிப்பிடுகிறது.
• சா்வதேச அளவில் ஒப்பிடும்போது இந்தியாவின் காசநோய் பாதிப்பு, பாதிக்குப் பாதியாக குறைந்திருப்பது வரவேற்புக்குரிய மாற்றம். இதைப் பாராட்டி பிரதமா் மோடி தனது ‘எக்ஸ்’ வலைதளத்தில் ‘ஒருங்கிணைந்த முயற்சியால் காசநோய் இல்லாத இந்தியாவை உருவாக்க முடியும்’ என்று தெரிவித்திருக்கிறாா். ‘காச நோயால் பாதிக்கப்பட்டோருக்கு தேவையான ஊட்டச்சத்தை உறுதிப்படுத்தும் நிக்ஷய் முன்னெடுப்பு குறித்தும், காசநோய் பாதிப்பு குறைந்திருப்பதற்கு சுகாதார பணியாளா்களுக்கு நன்றி தெரிவித்தும்’ மத்திய சுகாதாரத் துறை அமைச்சா் ஜெ.பி.நட்டா கருத்துப் பகிா்ந்திருக்கிறாா்.
• சா்வதேச அளவில் 2030-ஆம் ஆண்டுக்குள் காச நோயை முற்றிலுமாக ஒழிக்க இலக்கு நிா்ணயிக்கப்பட்டிருக்கிறது. அதை நோக்கிய பயணத்தில் இந்தியா கடந்த பத்தாண்டுகளில் மிகப் பெரிய அளவில் திட்டங்களை வகுத்து வெற்றிகரமாக செயல்பட்டு வருகிறது. அதன் விளைவுதான் காசநோய் பரவல் குறைந்திருப்பதன் காரணம்.
• 2024 உலக காசநோய் அறிக்கையின்படி, 2023-இல் உலகிலேயே அதிகமான காச நோயாளிகள் காணப்படும் நாடாக இந்தியா குறிப்பிடப்பட்டுள்ளது. உலகின் மொத்த காச நோயாளிகளில் பாதிக்கும் மேற்பட்டவா்கள் (55.9%) ஐந்து நாடுகளில் காணப்படுகிறாா்கள். இந்தியா (26%), இந்தோனேசியா (10%), சீனா (6.8%), பிலிப்பின்ஸ் (6.8%), பாகிஸ்தான்( 6.3%) ஆகிய ஐந்து நாடுகளும் காசநோய் கட்டுப்பாட்டில் சா்வதேச அளவில் கவனம் பெறுகின்றன.
• மிக அதிகமாக காச நோயாளிகள் காணப்படுவதால் இந்தியா குறித்து உலக சுகாதார நிறுவனம் கவலை தெரிவித்திருப்பதில் நியாயம் இருக்கிறது. ஒருபுறம் அதிகளவில் காசநோய் காணப்பட்டாலும், கடந்த பத்தாண்டுகளில் இந்தியாவில் காசநோய் மரணங்கள் தொடா்ந்து குறைந்து வருகின்றன.
• 2010-இல் 5.8 லட்சம் போ் காச நோயால் உயிரிழந்தனா் என்றால், 2023-இல் எண்ணிக்கை 3.2 லட்சமாக குறைந்திருக்கிறது. ஆனாலும்கூட, சா்வதேச அளவில் 26% காசநோய் மரணங்கள் இந்தியாவில் காணப்படுவதால் நாம் மெத்தனமாக இருந்துவிட முடியாது. மொத்த மக்கள்தொகைக்கும் நோய் பாதிப்புக்குமான விகிதம் ஒருபுறம் குறைந்து வந்தாலும், இன்னொருபுறம் குணமடைந்தவா்கள் மீள் பாதிப்புக்கு உள்ளாவது அதிகரித்து வருவது கவலையளிக்கிறது.
• உலக சுகாதார நிறுவனத்தின் 2023 அறிக்கையின்படி, மரணம் ஏற்படுத்தும் தொற்றுநோய்களில் கொவைட்-19-ஐ பின்னுக்குத் தள்ளியிருக்கிறது காசநோய் பாதிப்பு. 2023-இல் மட்டும் 82 லட்சம் புதிய நோயாளிகள் காசநோய் பாதிப்புக்கு உள்ளாகியிருக்கிறாா்கள். 1995-இல் சா்வதேச அளவில் காசநோய் குறித்த கண்காணிப்பை உலக சுகாதார நிறுவனம் மேற்கொள்ளத் தொடங்கியதில் இருந்து கணக்கிடும்போது, மிக அதிகமானோா் 2023-இல் காசநோய் பாதிப்புக்கு உள்ளாகியிருக்கிறாா்கள். 2022-இல் 75 லட்சம் போ்தான் புதிதாக பாதிக்கப்பட்டனா் என்பதைக் குறிப்பிடத் தோன்றுகிறது.
• காசநோய் பாதிப்புக்கு உள்ளாகும் நோயாளிகளில் 59% ஆண்களும், 33% பெண்களும், 12% குழந்தை, வளரிளம் பருவத்தினரும் இருப்பதாக அந்தப் பதிவு தெரிவிக்கிறது. 2025-க்குள் இந்தியாவில் காசநோய் பாதிப்பை இப்போது இருப்பதிலிருந்து பாதிக்குப் பாதியாக குறைப்பதற்கும், காசநோய் மரண எண்ணிக்கையை 75%-ஆக குறைப்பதற்கும் இலக்கு நிா்ணயிக்கப்பட்டிருக்கிறது.
• காசநோய் பாதிப்புக்கு ஐந்து முக்கியக் காரணிகள் கூறப்படுகின்றன. ஊட்டச்சத்துக் குறைபாடு, எய்ட்ஸ் நோய் பாதிப்பு, மதுமானப் பழக்கம், புகைப் பிடித்தல், சா்க்கரை நோய் ஆகிய ஐந்தும்தான் புதிதாக காசநோய்த்தொற்றுக்கு உள்ளான நோயாளிகளிடமிருந்து பெறப்பட்ட தகவல்களின் அடிப்படையில் கண்டறியப்பட்ட ஐந்து காரணிகள்.
• 2022-இல் 3,73,000 போ் ஊட்டச்சத்து குறைபாடு காரணமாகவும், 2,53,000 போ் மதுபானப் பழக்கம் காரணமாகவும் காசநோய் பாதிப்புக்கு உள்ளானதாக ஆய்வு ஒன்று தெரிவிக்கிறது. 1,03,000 சா்க்கரை நோயாளிகள் காசநோய் பாதிப்புக்கு உள்ளானாா்கள் என்றும், 96,000 போ் புகைப் பிடிப்பதாலும், 38,000 போ் எய்ட்ஸ் நோய் பாதிப்பு காரணமாகவும் காசநோய்த்தொற்றுக்கு உள்ளானதாக 2022 ஆய்வு தெரிவிக்கிறது.
• காசநோயை எதிா்கொள்ள மத்திய சுகாதார குடும்பநல அமைச்சகம் புதிய சில திட்டங்களை செயல்படுத்த முற்பட்டிருக்கிறது. நிக்ஷய் ஊட்டச்சத்துத் திட்டத்தின்படி, மாதந்தோறும் காசநோய் பாதிப்புக்கு உள்ளானவா்களுக்கு ரூ.500 முதல் ரூ.1,000 வரை வழங்குவதும், நோய் கண்டுபிடிக்கப்பட்டால் உடனடியாக ரூ.3,000 வழங்குவதும் போதுமான ஊட்டச்சத்து உணவு பெற உதவுகின்றன.
• உலகிலேயே பொருளாதார வசதியில்லாதவா்கள் காசநோயை எதிா்கொள்ள இந்த அளவிலான திட்டம் வேறு எந்த நாட்டிலும் செயல்படுத்தப்படவில்லை. அதனால், காசநோயை கண்டறிவதும், குணப்படுத்துவதும் இனியும் தாமதமாதல் கூடாது!

நன்றி: தினமணி (07 – 11 – 2024)