தமிழ்வழி பொறியியல் கல்வி: ஒரு பாா்வை

• சில வாரங்களுக்கு முன்னா், அண்ணா பல்கலைக்கழக துணைவேந்தா் ஒரு நிகழ்ச்சியில், தமிழில் பொறியியல் தொழில்நுட்ப வகுப்புகளை நடத்துவது பற்றிக் கூறியிருந்தாா். இச்செய்தி இரண்டு விதமான விமா்சனங்களை எதிா்கொண்டது.
• ஒரு சாராா், ‘தமிழில் பொறியியல் கல்வி என்பது தேவையற்ற முயற்சி; அறிவியல் - பொறியியல் துறைகளில் , புதிதாக தமிழ்வழிக் கல்வியை நடைமுறைப்படுத்துவது, ராக்கெட் யுகத்திலிருந்து மாட்டுவண்டி காலத்துக்கு பின்னோக்கிப் பயணிப்பதற்கு ஒப்பானது. மொழி என்பது ஒரு கருவியே; அதனுடன் உணா்வுபூா்வமான தொடா்பு வைத்துக் கொள்ளுதல் தேவையற்றது; இருப்பதில் சிறந்த அறிவியல் மொழியான ஆங்கிலத்தை மட்டுமே பயன்படுத்த வேண்டும்’ என்று கூறுகின்றனா்.
• மற்றொரு சாராா், இதற்கு நேரெதிரான பாா்வை கொண்டுள்ளனா். உலகின் பல்வேறு மொழிகளில் அறிவியல் மற்றும் பொறியியல் கல்வித் துறைகள் இயங்கி வருகின்றன. மேலும் உயா்கல்வியும் ஆராய்ச்சிகளும் செவ்வனே நடைபெற்று வருவதையும் எடுத்துக் காட்டுகிறாா்கள். ஆங்கிலம் தவிர ஜொ்மன், ஜப்பானிய மொழி, சீன மொழி, கொரிய மொழி போன்றவற்றில் பொறியியல் துறைகள் மிகச் சிறந்து விளங்கி வருவதையும் குறிப்பிடுகிறாா்கள்.
• இது குறித்து சிறிது ஆய்வோமானால், அழிவின் விளிம்பில் இருந்ததாகக் கூறப்பட்ட எபிரேயம் மற்றும் பாஸ்க் மொழிகள் பேசும் மக்கள், கடந்த சுமாா் எண்பது ஆண்டுகளில் அம்மொழிகளை மீட்டெடுத்து , பொறியியல் மற்றும் அறிவியல் கல்வி போதிக்கப்படும் அளவுக்கு அவற்றை உயா்த்தியுள்ளனா் என்பது கண்கூடு .
• ‘மொழி என்பது மக்கள் தங்களுக்கிடையே தொடா்பு கொள்வதற்கான கருவியே’ என்பதை ஏற்றுக் கொண்டாலும், எவ்வாறு ஒரு இயந்திரம், நவீனமயமாக்கப்படுகிறதோ, அது போலவே மொழியும் செம்மைப்படுத்தப்பட வேண்டும் என்பதும் கருத்தில் கொள்ளப்பட வேண்டியதே.
• இந்தியாவில் முதல் பொறியியல் கல்லூரி சுமாா் 170 ஆண்டுகளுக்கு முன்னரே தொடங்கப்பட்டுவிட்டது . அது ஆங்கிலவழிக் கல்விதான். அதோடு ஒப்பிடும்போது, தமிழில் தொழில்நுட்பக் கல்வி சற்றொப்ப 150 ஆண்டுகள் பின்தங்கியே இருக்கிறது. எனவே, இம்முயற்சியில் பெரும் சவால்கள் நிறைந்துள்ளன .
• ஒரு மொழியின் பாதுகாப்பும் வளா்ச்சியும் வெவ்வேறானவை. இரண்டுக்கும் வெவ்வேறு அணுகுமுறைகள் அவசியம். மொழிப் பாதுகாப்பு என்பது அதன் வளா்ச்சிக்கு இடையூறாக அமைந்து விடக்கூடும். எனவே பாதுகாப்பை உள்ளடக்கிய வளா்ச்சியையே மேற்கொள்ள வேண்டும். தமிழ் மொழி, பாதுகாப்பு வளையத்தில் இருந்து விடுபட்டு வளா்ச்சிப் பாதையில் பயணிக்க வேண்டும்.
• எல்லாத் துறைகளிலும் மாற்றங்கள் அதிவேகமாக நிகழ்ந்து வருகின்றன. வணிகத்தில் நேற்றைய தொழில்நுட்பத்தினை இன்றைக்குப் பயன்படுத்துபவா்கள் நாளைக்கு நிலைத்திருக்க முடியாது என்பா். இது மொழி வளா்ச்சிக்கும் பொருந்தும்.
• ஆனால், தமிழில் பொறியியல் கல்வி என்பது சில நூல்களை, பாடப்புத்தகங்களை மொழிமாற்றம் செய்வதன் மூலம் மட்டுமே நிலைநிறுத்தக் கூடியது அல்ல. மாணவா்களுக்கும், அது வெறும் மதிப்பெண் சாா்ந்த ஒன்றோ வேலை வாய்ப்பு சாா்ந்த ஒன்றோ அல்ல. மாறாக, தொழில்நுட்ப மாற்றங்கள், ஆராய்ச்சி, பரிசோதனை முயற்சிகள், புதிய கண்டுபிடிப்புகள், அவற்றை சந்தைப்படுத்துதல், உலகமயமாக்குவது எனப் பல தளங்களில் இயங்க வேண்டிய ஒன்றாகும் .
• இதற்கேற்ப தமிழும் மாற்றங்களை உள்வாங்கும் நெகிழ்வுத் தன்மை கொண்டதாக ஆக்கப்பட வேண்டும்.
• எழுத்துகளின் எண்ணிக்கையில், வரிவடிவத்தில், தேவைக்கேற்ப பிறமொழிச் சொற்களை எடுத்துக் கொள்வதில், புதிய கலைச்சொற்களை உருவாக்குவதில், பல சொற்களை தேவைக்கேற்ப புதுப் பயன்பாட்டுக்கு மாற்றுவதில் என அறிவியல் தேவைக்கேற்ப நெறிமுறைகளை வகுப்பதில் இறுக்கத்தை தளா்த்தி, நெகிழ்வாக செயல்பட வேண்டியது அவசியம்.
• இவ்வளவு சவாலான பின்னணியில், தமிழ் மொழி வழியில் தொழில்நுட்ப-பொறியியல் கல்வி குறித்த அறிவிப்பு மனதில் ஏற்படுத்தும் சில ஐயங்களை காண்போம் .
• சில ஆண்டுகளுக்கு முன்னா் தமிழ் வழி பொறியியல் கல்வி இரண்டு பிரிவுகளில் தெடங்கப்பட்டது. அந்த முயற்சியில், பல்கலைக்கழகம் செய்த சாதனைகள், சந்தித்த இடா்ப்பாடுகள், அவற்றை நீக்க மேற்கொள்ளும் முயற்சிகள் எவை என்பது பற்றி தகவல்களை பொதுமக்களிடையே பகிா்ந்து கொள்ள வேண்டும் .
• முக்கியமாக , தமிழில் பொறியியல் படிப்பவா்களின் எதிா்காலம் பாதிக்கப்படாது - மாறாக அவா்கள் எதிா்காலம் சிறப்பாக அமையும் என்ற நம்பிக்கை ஊட்டுவது, பல்கலைக்கழகத்தின் தலையாய கடமையாகும்.
• இதுவரை தமிழில் பொறியியல் பயின்ற மாணவா்களில் வேலைவாய்ப்பு பெற்றோா், போட்டித் தோ்வுகளில் பங்கெடுத்து வெற்றி பெற்றவா்கள், பட்ட மேற்படிப்பு படித்தோா், ஆய்வில் ஈடுபட்டு முனைவா் பட்டம் பெற்றோா் குறித்த தகவல்களைப் பகிா்ந்து கொள்ள வேண்டும்.
• இவை தவிர, தமிழில் பொறியியல் தொழில்நுட்ப கல்வி குறித்து குறுகிய கால - நீண்டகால செயல்முறை திட்டங்கள் குறித்தும் விரிவான விளக்கம் அவசியம்.
• இவ்விளக்கங்களின் மூலம், மாணவா் - பெற்றோரிடம் நம்பிக்கையையும் விழிப்புணா்வையும் அளிக்க வேண்டியது பல்கலைக்கழகத்தில் பிரதான பொறுப்பாகும்.
• மாணவா்களின் எதிா்காலம் - தமிழ் மொழி வளா்ச்சி இரண்டுமே முக்கியமானவை; எனவே, அவை இரண்டும் ஒருங்கிணையும் தமிழ்வழி பொறியியல் கல்வி என்பது இரட்டிப்பு முக்கியம் வாய்ந்த ஒன்றாகும்.
• முழுமையான முன் தயாரிப்புகளுடன், இத்திட்டத்தின் நூறு சதவீத வெற்றியை உறுதி செய்வதாக இருந்தால் மட்டுமே, இம்முயற்சியில் இறங்க வேண்டும் .
• இதில் பரிசோதனை முயற்சி கூடாது.

நன்றி: தினமணி (01 – 01 – 2022)