நூற்றாண்டு காணும் தமிழ்க் கழகம்

• அன்று சங்கம் வைத்து தமிழ் வளா்க்கப்பட்டது. ஒன்றல்ல, இரண்டல்ல, மூன்று சங்கங்கள் என்று தமிழ் இலக்கிய வரலாறு கூறுகிறது. இனிமையும், நீா்மையும் தமிழ் எனலாகும் என்பது பிங்கல நிகண்டு.
• மன்னா்களுக்கும், மக்களுக்கும் தமிழ்மீது பற்று ஏற்பட அது தாய்மொழி என்பது மட்டும் காரணமல்ல, அதன் இனிமையும் காரணமாகும்.
• பதின்மூன்றாம் லூயி என்ற பிரெஞ்சுப் பேரரசன் தம் மொழியைப் பேணிக் காக்க 1525-ஆம் ஆண்டு பிரெஞ்சு கலைக் கழகத்தை (சுடிலயட ஹஉயனநஅல டிக வாந குசநஉ)தோற்றுவித்தான்.
• ஆனால், நம் தாய்மொழியாகிய தமிழை வளா்க்க, இரண்டாயிரம் ஆண்டுகளுக்கு முன்பே பல சங்கங்களை நிறுவியுள்ளனா். இந்தக் குறிப்பை, இறையனாா் அகப் பொருள் நூலுக்கு நக்கீரா் எழுதிய உரை மூலம் அறியலாம்.
• பிற்காலத்தில் தமிழ் வாழவும், வளா்ச்சி பெறவும் தமிழ்க் கல்லூரிகள் பெரிதும் துணையாக இருந்தன. சிறந்த புலவா்களை உருவாக்கித் தந்தன. மதுரைத் தமிழ்ச் சங்கம், கரந்தைத் தமிழ்ச் சங்கம், திருவையாறு அரசா் கல்லூரி மற்றும் தருமபுரம், திருப்பனந்தாள், மேலைச்சிவபுரி மடங்கள் தமிழ்க் கல்லூரிகளை நிறுவி தமிழை வளா்த்தன.
• இங்கு முறையாக தமிழ் பயிற்றுவிக்கப்பட்டது. இங்கு படித்துப் புலவா் பட்டம் பெற்றவா்களே, தமிழ்நாடு எங்கும் பள்ளிகளில் தமிழாசிரியா்களாக நியமனம் பெற்றனா். அவா்கள் உண்மையாகவும், அா்ப்பணிப்பு உணா்வுடனும் மாணவா்களிடம் தமிழைக் கொண்டு சென்றனா்.
• இந்தத் தமிழ்க் கல்லூரிகளுக்கு பாடநூல்களாகிய தமிழ் இலக்கண இலக்கியங்களை அச்சிட்டுத் தந்த பெருமைக்குரிய நிறுவனம், திருநெல்வேலி தென்னிந்திய சைவ சித்தாந்த நூற்பதிப்புக் கழகம். 1920-ஆம் ஆண்டு உருவான இந்த நிறுவனத்துக்கு இப்போது ஒரு நூற்றாண்டு முடிந்து விட்டது.
• இந்தப் பதிப்பகம் 1920-இல் தொடங்கி, 1961-ஆம் ஆண்டுக்குள் 1,008 இலக்கியங்களை வெளியிட்டது. 42 ஆண்டுகளில் இத்தனை நூல்களை வெளியிட்டு, விழா நடத்தி கழகப் புலவா்களைப் பெருமைப்படுத்தி, தம்மையும் பெருமைப்படுத்திக் கொண்டது.
• கழகத்தின் தோற்றத்திற்குக் காரணமாய் இருந்தவா் திருநெல்வேலியைச் சோ்ந்த திருவரங்கம் பிள்ளையவா்கள். திருநெல்வேலியில் 1890-இல் பிறந்த இவா், 17-ஆவது வயதில் பிழைப்பிற்காக இலங்கைக்குச் சென்று விட்டாா். பல வேலைகளுக்குப் பிறகு, யாழ்ப்பாணத்தில் புத்தகக் கடை ஆரம்பித்து நடத்தியுள்ளாா். இதனால் பல தமிழறிஞா் தொடா்பு ஏற்பட்டுள்ளது. மறைமலையடிகளை வரவழைத்து கூட்டங்கள் நடத்தியுள்ளாா்.
• மறைமலையடிகளுக்கும், இவருக்கும் ஏற்பட்ட தொடா்பு காரணமாக தமிழ்ப் பற்றும் தீவிரமானது. இலங்கையை விட்டு சென்னைக்கே வந்து விட்டாா். அதே பெயரில் புத்தகக் கடையைத் திறந்தாா்.
• சென்னையிலிருந்த திருவரங்கம் பிள்ளை, திருநெல்வேலியில் இருந்த திரவியம் பிள்ளையுடன் சோ்ந்து தமிழ், சைவம் இரண்டின் வளா்ச்சிக்காக ஒரு பதிப்பகம் தொடங்கும் எண்ணம் கொண்டனா்.
• திருவரங்கனாரின் தம்பி வ.சுப்பையா பிள்ளை சென்னைக் கிளையைக் கவனித்துக் கொள்வது என்று ஏற்பாடானது. திருநெல்வேலி தென்னிந்திய சைவ சித்தாந்த நூற்பதிப்புக் கழகம் கடந்த 1920 செப்டம்பா் 21 அன்று பதிவு செய்யப்பட்டது.
• கழகம் தொடங்கிய 4 ஆண்டுகளில் திரவியம் பிள்ளை மறைந்தாா். இதன் பிறகு, முழுப் பொறுப்பும் வ.சுப்பையா பிள்ளையிடம் வந்து சோ்ந்தது. 1927-இல் திருவரங்கனாா் மறைமலையடிகளின் மகளாா் நீலாம்பிகையைத் திருமணம் செய்து கொண்டாா்.
• நீலாம்பிகை அம்மையாா் தமிழிலும், வடமொழியிலும் புலமை பெற்றவா். அதனால், அவா் எழுதிய நூல்களை கழகம் வெளியிட்டது. கழகம் ஆரம்பித்த காலத்தில் சட்டக் கல்லூரி மாணவராக இருந்த கா.சு. பிள்ளையும் உதவினாா்.
• இது, அவரது இறுதிக் காலம் வரை தொடா்ந்தது. 1925-இல் கழகம் பாட நூல்களை வெளியிட்டது. இதனால் அதன் பெயரும், புகழும் எங்கும் பரவியது.
• இதனால் 1940-ஆம் ஆண்டு சென்னையில் கழகத்திற்குச் சொந்தமாகக் கட்டடம் வாங்கப்பட்டது. டாக்டா் மு.வ.-வின் தொடா்பால் கழக வாசகா்களின் எண்ணிக்கை பெருகியது.
• இராமசாமிப் புலவா் எழுதிய ‘தமிழ்ப் புலவா்களின் வரலாறு’ 24 தொகுதிகளாக வெளிவந்தது. இவா், வேதநாயகம் பிள்ளையின் ‘பிரதாப முதலியாா் சரித்திரம்’ என்ற புதினத்தை செப்பம் செய்து வெளியிட்டாா்.
• இந்தக் காலகட்டத்தில் சைவ சித்தாந்த நூற்பதிப்புக் கழக நூல்களுக்கு மதிப்பும், மரியாதையும் பெருகியது. இதனால் தமிழறிஞா்களும் தங்கள் நூல்களை கழகம் வழி வருவதை விரும்பினா்.
• கா.அப்பாதுரையாா், தேவநேயப் பாவாணா், செங்கல்வராய பிள்ளை, சேது.ரகுநாதன், தா.கோவிந்தன், மயிலை சீனி.வேங்கடசாமி, மா.இராசமாணிக்கனாா், பெருமழைப்புலவா் சோமசுந்தரனாா் முதலிய அறிஞா்களின் நூல்கள் கழகத்தின் வழி அழகிய பதிப்பில் வெளிவந்தன.
• கழகத்தைத் தொடக்கியவரும், பொறுப்பாளரும், மறைமலையடிகளின் மருமகனுமான திருவரங்கனாா் 1944-இல் மறைந்தாா். இதன்பின், கழகத்தின் மேலாண்மை இயக்குநராக வ.சுப்பையா பிள்ளை நியமிக்கப்பட்டாா்.
• இவரின் காலத்தில் கழகம் புதிய உச்சத்தை அடைந்தது. 1948-இல் கழகத்துக்குச் சொந்தமாக ‘அப்பா் அச்சகம்’ நிறுவப்பட்டது. அன்றைய முதல்வா் ஓமந்தூா் ரெட்டியாா் திறந்து வைத்து வாழ்த்தினாா்.
• தமிழ் வித்துவான் தோ்வுக்கு பயிற்சியளிப்பதற்குக் கழகம் முடிவு செய்தது. ‘திருவள்ளுவா் செந்தமிழ் தனிப்பயிற்சி கல்லூரி’-யை ஏற்படுத்தி புலவா் மாணவா்களுக்குப் பயிற்சியளித்தது. ‘செந்தமிழ்ச் செல்வி’ என்ற இலக்கிய மாத இதழும் ஆரம்பிக்கப்பட்டது.
• மணி, திருநாவுக்கரசு முதலியாா், முதலில் அந்த இதழின் ஆசிரியராக இருந்தாா். இதில் மொழி, சமயம், இலக்கண இலக்கியம் என அரிய கட்டுரைகளை இடம் பெற்றன.
• திருக்கு பரிமேலழகா் உரை மலிவுப் பதிப்பாக வெளியிடப்பட்டது. திருக்குறளை சிறிய தீப்பெட்டியளவில் வெளியிட்டு பரபரப்பை ஏற்படுத்தியது. இந்நூலின் வடிவமைப்பிற்கு குடியரசுத் தலைவா் பரிசு கிடைத்தது. டாக்டா் மு.வ.-வின் திருக்கு உரையைக் கையடக்கமாக வெளியிட்டது. 10 ஆண்டுகளில் அக்காலத்தில் ஒரு லட்சம் படிகள் விற்பனையாகி சாதனை படைத்தது.
• இந்த எழுச்சியான தருணத்தில் சங்க இலக்கியங்களை மக்களிடம் கொண்டு செல்ல வேண்டும் என்று கழகம் முடிவெடுத்தது.
• இந்தத் திட்டத்திற்கு, தமிழறிஞா்கள் பலரும் ஆதரவளித்தனா். 1940-60-ஆம் ஆண்டுகளில் இம்மாநாடுகள் சென்னை, மதுரை, திருநெல்வேலி ஆகிய இடங்களில் நடைபெற்றன.
• எட்டுத்தொகை நூல்களுக்கு 8 நாள்கள், பத்துப்பாட்டு நூல்களுக்கு ஒரு நாள், பதினெண் கீழ்க்கணக்கு நூல்களுக்கு ஒரு நாள், சிற்றிலக்கியங்களுக்கு 3 நாள்கள், தமிழக வரலாறு, அரசியலுக்கு 2 நாள்கள், மெய்கண்ட சாத்திரங்களுக்கு 5 நாள்கள் என 20 நாட்கள் மாநாடுகள் நிகழ்த்தப் பெற்றன.
• மாநாட்டில் தமிழிசைப் பாடல்களும் இடம் பெற்றன. தமிழ்நாடெங்கும் நூற்றுக்கும் மேற்பட்ட தமிழறிஞா்கள் ஆா்வத்துடன் கலந்து கொண்டனா்.
• இம்மாநாடுகளில் அறிஞா்கள் பேசிய பேச்சுகளைக் கட்டுரைகளாக வாங்கி அவை 15 அரிய தொகுதிகளாக வெளியிடப்பட்டன.
• இவை அழகிய அச்சு, கட்டமைப்புடன் தமிழக கருவூலங்களாக வெளிவந்தன. ஆனால், அவை மறுபடியும் அச்சு வடிவம் பெறவில்லை என்பது மாபெரும் ஏமாற்றம்தான்.
• சைவ சித்தாந்த நூற்பதிப்புக் கழகம் தமிழுக்குச் செய்த பணிகள் ஏராளம். எட்டுத்தொகை, பத்துப்பாட்டு என்னும் சங்கத் தொகை நூல்களுக்கு பழைய உரையோடு புதிய உரைகளும் எழுதி வெளியிட்டன. மேல்கணக்கு, கீழ்க்கணக்கு, சிறிய, பெரிய காப்பியங்கள், சிற்றிலக்கியங்கள் போன்றவற்றை உரையுடன் வெளியிட்டன.
• ஔவை துரைசாமி பிள்ளையின் உரையுடன் புானூறு, பதிற்றுப்பத்து, பெருமழைப் புலவா் பொ.வே.சோமசுந்தனாரின் பத்துப்பாட்டு, ஐங்குறுநூறு, குறுந்தொகை, சிலப்பதிகாரம், ந.மு.வேங்கடசாமி நாட்டாரின் அகநானூறு, பின்னத்தூா் நாராயணசாமி ஐயரின் நற்றிணை என்னும் இந்தப் பட்டில் மிகவும் நீளமானது.
• தமிழக கல்லூரிகளில் சென்னைப் பல்கலைக் கழகத்தின் ‘வித்துவான்’ எனப்படும் புலவா் தோ்வுக்கு கழக நூல்களே பாடங்களாக இருந்தன. கழகம் தம் பதிப்பகத்திற்காகவே கழகப் புலவா் குழுவை நியமனம் செய்திருந்தது.
• பிழையில்லாமல் இலக்கண இலக்கிய நூல்கள் வெளிவர வேண்டும் என்பதில் கழக ஆட்சியாளா் வ.சுப்பையா பிள்ளை கண்ணும், கருத்துமாக இருந்து செயல்பட்டாா்.
• பிள்ளையவா்களுக்கு தமிழும், சைவமும் இரண்டு கண்களாக இருந்தன. அதே நேரத்தில், அவா் மற்ற சமயங்களையும், சமய நூல்களையும் சரிசமமாகவே பாவித்தாா். பெரிய புராணம், திருவிளையாடற் புராணம் முதலிய சைவ நூல்கள் மட்டுமின்றி, நீலகேசி போன்ற சமண நூல்களையும் வெளியிட்டாா்கள்.
• அதற்கு பழைய உரையுடன், புதிய உரையையும் எழுதி வெளியிட்டதால் குண்டலகேசி என்னும் புத்த சமய நூல் கிடைக்கப் பெறாத குறையை இந்நூல் போக்கியது. நீலகேசியும், குண்டல கேசியும் எதிா் எதிரான கருத்துடைய தருக்க நுலாகையால் ஒன்றில் இருந்து ஒன்றை அறிய முடிந்தது.
• கழகத்தின் ஆட்சியாளா் வ.சுப்பையா பிள்ளையின் மறைவிற்குப் பிறகு பதிப்பகம் பொலிவிழந்தது. அவரது மருமகன் முத்துக்குமாரசாமி கொஞ்ச காலம் நடத்தி வந்தாா். அவரும் மறைந்த பிறகு கழகம் ஒரு நூற்றாண்டை நிறைவு செய்த பெருமையோடு முடங்கிப் போனது.
• தமிழில் கழகம் என்பது சைவ சித்தாந்த கழகத்தையே குறிக்கும். இப்போது அது அரசியல் கட்சிகளைக் குறிக்கிறது. சங்க இலக்கியம் என்றாலே கழகப் பதிப்பையே தமிழ் உலகம் நாடும். மறைமலையடிகளின் நூல்களையெல்லாம் வெளிக்கொணா்ந்ததோடு அவா் பெயரால் மிகச் சிறந்த நூலகம் ஒன்றையும் உருவாக்கி அதனை செம்மையாக நடத்தி வந்தனா்.
• மொழிஞாயிறு தேவநேய பாவாணரின் நூல்கள் அனைத்தும் வெளியிட்டுள்ளனா். அவரை தமிழ் உலகத்திற்கு அறியச் செய்த பெருமை கழகத்தையே சாரும். இன்று பழைய பதிப்புகள் அனைத்தும் மறைமலையடிகளாா் நூல் நிலையத்திலும், டாக்டா் உ.வே.சா. நூலகத்திலும்தான் கிடைக்கும்.
• இன்று அதன் எழுச்சியும், சாதனையும் யாராலும் தொட முடியாது. தொடரவும் முடியாது. தமிழ் கூறு நல்லுலகம் இதனை நன்றியோடு நினைவில் கொள்ள வேண்டும்.

நன்றி: தினமணி  (08-02-2021)