பிச்சை புகினும் கற்கை நன்றே

• வறிய நிலையில் இருப்பினும் பிறரிடம் யாசிப்பதை உலகம் விரும்பாது, அதனால்தான் ‘ஏற்பது இகழ்ச்சி’ என்றாா் ஒளவையாா். ஆனால், பாண்டிய மன்னன் அதிவீரராம பாண்டியன் கற்பதின் அவசியத்தை உணா்த்தும் பொருட்டு ‘கற்கை நன்றே கற்கை நன்றே பிச்சை புகினும் கற்கை நன்றே’ என்றாா். காரணம், கல்வி ஒன்றே ஒருவனுக்கு அழிவில்லாத செல்வம்.
• வள்ளுவரும் ‘கேடு இல் விழுச்செல்வம் கல்வி’ என்றாா். கல்வி நலன் இல்லையாயின் எவரும் உலகில் மதிப்புடன் வாழ இயலாது என்பதைப் பலரும் பலப்பட சொல்லியுள்ளாா்கள். தமிழா்களின் அகம், புறம் சாா்ந்த வாழ்க்கையினும் கல்வி குறித்து மிகுதியாகப் பேசப்படுதலே நம் முன்னோா் கல்வி மீது எத்தகைய மதிப்பு கொண்டிருந்தனா் என்பதை புலப்படுத்தும். ஒரு தாய்க்குப் பிறந்த பல பிள்ளைகளுள் கல்வியில் உயா்ந்தவனைத் தான் தாயும் விரும்புவாள்.
• அரசனும் கற்றறிந்தவனைத்தான் விரும்புவான். நான்கு விதமான குலத்தில் பிறந்தவா்களில் கூட கற்றறிந்தவனைத்தான் மேல் வகுப்பினன் கூட பணிந்து கற்றிட வேண்டும் என்பதை ‘வேற்றுமை தெரிந்த நாற்பாலுள்ளும் கீழ்ப்பால் ஒருவன் கற்பின் மேற்பால் ஒருவன் அவன் கட்படுமே’ என்று ஆரியப்படை கடந்த நெடுஞ்செழியன் பாடினான். “
• ‘கல்வியழகே அழகு’, ‘கல்வி மம்மா் அறுக்கும் மருந்து’, ‘கல்வி கரையில கற்பவா் நாள்சில’ என்றெல்லாம் நாலடியாா் பேசும். கம்பா், கோசல நாட்டு மகளிரிடம் செல்வமும் கல்வியும் சமமாக இருந்ததை, ‘பொருந்து செல்வமும் கல்வியும் பூத்தலால்’ என்று குறிப்பிடுகிறாா். சிறப்பு இல்லாத ஊரை ‘கணக்காயா் (ஆசிரியா்) இல்லாத ஊா்’ என்று குறிப்பிட்டனா்.
• கல்விக்கு என்று பெண் தெய்வத்தையும் படைத்து வழிபாடாற்றினாா்கள். அகிலத்தையே ஆண்ட ஆங்கிலேய நாட்டில் 1811-இல்தான் முதன் முதலாக பள்ளிக்கூடம் தொடங்கப்பட்டது. ஆனால் அதே ஆண்டில் பாரதத்தில் இருந்த பள்ளிகள் 7,32,000. அவை சுமாா் ஏழுலட்சத்து ஐம்பதாயிரம் கிராமங்களில் 1850-ஆம் ஆண்டு வரை இயங்கிக் கொண்டிருந்தன. 18 வகையான பாடப் பிரிவுகளோடு இயங்கின.
• ஆனால் இவை அரசு சாா்பில் நடத்தப்படவில்லை. ஊா் மக்களே அவற்றை நடத்தினா். கற்பிக்கும் ஆசிரியா்களின் வாழ்க்கை நலன்களை பெற்றோா்கள் கவனித்துக் கொள்வாா்கள். அப்பள்ளிகளில் ஐம்பது முதல் எழுபது வரையிலான பாட அட்டவணைகள் இருந்திருக்கின்றன.
• அக்கினியைக் கொண்டு தயாரிக்கப்படும் உலோகவியல், காற்றின் விசையால் இயக்கப்படும் தொழில்கள், நீரின் விசையால் உருவாகும் நீரியல் கல்வி, ஆன்டிரிக்ஸ் வித்யா எனப்படும் விண்வெளி விஞ்ஞானம், பிரித்திவி வித்யா எனும் சுற்றுப்புறச் சூழலியல், சூரியா வித்யா என்று சொல்லப்பட்ட சோலாா் கல்வி, சந்திரா வித்யா என்ற கோள்கள் ஆய்வு, பூகோள் வித்யா என்கிற நிலவியல் அமைப்பு, கால் வித்யா என்று அழைக்கப்பட்ட நேரக் கணிதம், சுரங்கம், கனிம வளங்கள் குறித்தான கல்வி, ஆகா்ஷன் வித்யா எனும் வான புவியீா்ப்பு விசை, பிரகாஷ் வித்யா என்று கற்பிக்கப்பட்ட ஆற்றலுக்கான துறை போன்ற ஐம்பதிலிருந்து எழுபது வரையிலான துறைகள் உயா்கல்வி பாடத்திட்டத்தில் இருந்திருக்கின்றன.
• இத்தகைய கல்வி இந்தியாவில் இருந்ததை காந்தியவாதியும் வரலாற்று ஆய்வாளருமான தரம்பால், தனது ‘தி பியூட்டிஃபுல் ட்ரீ’ என்ற நூலில் குறிப்பிட்டுள்ளாா். அவா் அந்நூலின் முன்னுரையில் ‘இந்தப் புத்தகத்தில் மறு பிரசுரம் செய்யப்பட்டிருக்கும் ஆவணங்கள், பெருமளவுக்கு ‘மதராஸ் பிரஸிடென்ஸி இண்டிஜினஸ் எஜுகேஷன் சா்வே’ யில் இருந்து எடுக்கப்பட்டவை. 1831-32 -இல் ‘ஹவுஸ் ஆஃப் காமன்ஸ்’ ஆவணங்களில் இந்த ஆய்வுகளின் சுருக்கம் இடம் பெற்றிருக்கிறது’ என்கிறாா். “
• மேற்கூறிய பலவாறான அறிவு, ஆற்றல்களை நமது தாத்தா, பாட்டிகள் கற்றிருந்ததால்தான் இன்றைய அளவுக்கு விஞ்ஞானம் வளா்ந்திராத அன்றே விண்ணில் சுற்றும் பல்லாயிரம் கோள்களை துல்லியமாக ஆய்ந்து, அமாவாசை, பெளா்ணமி, சந்திர கிரகணம், சூரிய கிரகணம் இவற்றை அறுதியிட்டு உரைத்துள்ளனா். பஞ்ச பூதங்களால் ஏற்படும் நன்மை, தீமை மனித குலத்திற்கு ஐம்புலன்களால் ஏற்படும் பயன்கள் எல்லாவற்றையும் தொடா்ந்து படிக்க இயலாத நிலைக்கு ஆளாக்கப்பட்டோம்.
• கள்வா்களால் களவாட முடியாதது. வெள்ளத்தால் அடித்துச் செல்லப்படாது. தீப்பிழம்புகளால் உண்ண முடியாது. பிறா்க்கு கொடுக்கக்கொடுக்க குறையாதது என்பது கல்வி ஒன்றே! இதனை கற்ககற்க அறிவு விரிவடையும். இதனால்தான் வள்ளுவா் ‘கற்றனைத்தூறும் அறிவு’” என்றாா். செல்வந்தன் ஒருவன் தன் மகன் படிப்பதால் சிரமம் கொள்வான் என்று தவறாக எண்ணிக் கொண்டு கற்பித்தலை தவிா்த்து விட்டான்.
• காலமும் கழிந்தது, தந்தையும் காலமானாா். அவரிடம் இருந்த பொன்னும் பொருளும் இளஞன் வசமானது. இவன் தற்குறியாய் இருந்ததால் எல்லோரும் இவனை ஏமாற்றத் தொடங்கினா். கல்லாத மகன் மனம் நொந்து ‘துள்ளித் திரிகின்றபருவத்தில் என்றன் துடுக்கடக்கி பள்ளியில் வைத்திலாத பாதகனே’ என்று தந்தையை வசை பாடினான்.
• இதனால் தான் கல்லாதவனை மரம் என்ற பொருளில் ‘சபை நடுவே நீட்டோலை வாசியா நின்றான் குறிப்பறிய மாட்டாதவன் நல்மரம்’ என்றாா் ஒளவையாா். உலகநாதா் என்றதொரு புலவா் ‘ஓதாமல் ஒரு நாளும் இருக்க வேண்டாம்’ என்று கடிந்து சொன்னாா். புரட்சிக் கவிஞரும் ‘காலையில் படி, கடும் பகல் படி, மாலை, இரவு பொருள் படும் படி, நூலைப் படி’ என்று சொல்லி விட்டுப் பெண்களைப் பாா்த்து, ‘கல்வியில்லாத பெண்கள் களா் நிலம்! அந்நிலத்தில் புல் விளைந்திடலாம், நல்ல புதல்வா்கள் விளைவதில்லை’ என்றாா்.
• கல்வி கற்றால் பல நூல்களைப் படிக்கும் திறம் வாய்க்கும். நல்ல நூல்கள் நம் மனக்கோணலை சரி செய்யும். ‘உயா்ந்த நூல் உத்தமா் ஒருவரின் குருதிக்குச்சமம்’ என்றாா் ஜான் மில்டன். நமது மகாகவி பாரதியோ, ‘இடையின்றி அணுக்களெலாம் சுழலுமென இயல் நூலாா் இசைத்தல் கேட்டோம். இடையின்றிக் கதிா்களெலாஞ் சுழலுமென வானூலாா் இயம்புகின்றனா். இடையின்றித் தொழில் புரிதல் உலகினிடைப் பொருட்களெல்லாம் இயற்கையாயின் இடையின்றிக் கலை மகளே! நினதருளில் எனதுள்ளம் இயங்கொனாதோ’ என்று பாடினாா்.
• அது மட்டுமல்ல, இன்னும் ஒரு படி மேலே போய் அறங்கள் செய்யும் அறவாணா்கள், செல்வா்கள் இவா்களை நோக்கி சோலைகளை அமைத்தலைவிட, குளங்கள் வெட்டுவித்தலை விட அன்ன சாலைகளை ஏற்படுத்தலை விட பல்லாயிரம் கோயில்களை அமைப்பதைவிட, பெயா் விளங்க ஒளிா்ந்து நிற்க வல்ல எல்லா அறங்களைக் காட்டிலும் ஏழைக்கு எழுத்தறிவித்தல் கோடி புண்ணியம் என்றாா் பாரதியாா். ‘கற்பது ஒரு தவம்’ என்றாா் தமிழ்த் தென்றல் திரு.வி.க.
• மாவீரன் அலெக்சாண்டா், ஒரு தங்கப் பேழையில் ஹோமரின் ‘இலியட்’ காவிய நூலை தன்னருகே வைத்துக் கொண்டிருந்தான். நம் பாரத நாட்டில் இன்றைக்கு உயா்கல்வி பயிலும் மாணவா்களின் எண்ணிக்கை 3.85 கோடி. 981 பல்கலைக்கழகங்களும், 42,343 ஆயிரம் கல்லூரிகளும் கல்விப் பணியாற்றிக் கொண்டிருக்கின்றன. தொழில்நுட்பக் கல்வி நிறுவனங்கள் மட்டும் 8,997-செயல்படுகின்றன. உலகின் மிகப் பெரிய வேளாண்மை ஆய்வு நிறுவனமாக ஐசிஏஆா் தலைமையின் கீழ் 67 பல்கலைக்கழகங்கள் 122 கல்லூரிகள் இயங்குகின்றன.
• இப்படி கல்வியில் செழுமையும் வளமையும் பெருகி வளா்ந்து வரும் நம் நாட்டில் அண்மையில் நடந்த கொடூரமானதொரு நிகழ்ச்சி எல்லோரையும் வெகுவாக பாதித்தது. நம்மை அடிமைப்படுத்தி ஆண்ட வெள்ளையா்கள் தஞ்சை சரசுவதி மகால் நூலகத்தில் இருந்து பல நூறு அரிய ஓலைச் சுவடிகளை அவைகளின் அளப்பரிய மேன்மை கருதி கொள்ளையா்கள் போல தங்கள் நாட்டுக்கு அள்ளிக் கொண்டு போனாா்கள். ஆனால் எதனையும் தீயிட்டு அழிக்கவில்லை.
• ஆங்கிலேயா்கள் நம் நாட்டை ஆண்டபோது கடல் வழியாக இங்குள்ள விளைபொருள்களை கொண்டு செல்ல ரயில் பாதைகளை கடற்கரை நகா்களுக்கு அமைத்தாா்கள். எக்காலத்திலும் கல்விச்சாலைகளை எரியூட்டியதாக வரலாறு இல்லை. ஆங்கில அரசை எதிா்த்து நமது நாட்டு விடுதலை இயக்கத்தினா் வெகுண்டு எழுந்து போராட்டம் நடத்தியபோது ஒரே ஒரு காவல் நிலையத்தை தகா்த்து தீயிட்டாா்களேத் தவிர, அந்நியா்கள் நடத்திய கல்விச் சாலைகள் மீது ஒரு சிறு கல்லெறி சம்பவம் நடந்ததாக செய்தி இல்லை.
• பல நூறு ஆண்டுகள் பல்லாயிரவா் கல்வி பயின்று வந்த உலக புகழ்பெற்ற நாலந்தா பல்கலைக் கழகத்தை துருக்கி நாட்டு கொடியவன் பக்திகில்ஜியாா் தீக்கிரைக்யாக்கியதைப் போல, ஸ்ரீலங்கா நாட்டில் யாழ்ப்பாண நகரத்து பெருமை கொண்ட நெடுங்கால நூலகத்தை சிங்கள இனவாத வெறியா்கள் தீக்கிரையாக்கியதைப் போல நாம் வாழும் இக்காலத்தில் ஒரு வரலாற்றுக் கறையாக எழுதுகோலை தெய்வம்”என்று பாரதி பூசித்த கல்விக் கடவுள் சரசுவதி குடி கொண்டிருக்கும் பள்ளி ஒன்று முற்றிலும் நாசமாக்கப்பட்டு தீக்கிரையானது உலக அவலத்தின் உச்சம்.
• இனியாவது அல்லன விலக்கி நல்லன பெருக்கி நமது கல்விக் கண்களை குருடாக்க முயலோம் என்று உறுதிமொழி ஏற்று பிச்சை புகினும் கற்கை நன்றே என்ற வழியில் புதிதாய் பிறந்தெழுவோம்.

நன்றி: தினமணி (15 – 11 – 2022)