மகாத்மாவுக்காக காத்திருக்கிறோமா?

மகாத்மாவுக்காக காத்திருக்கிறோமா?

• இன்று நாம் எங்கு சென்று யாரைச் சந்தித்தாலும் ஒரு புலம்பலைக் கேட்கமுடியும். அரசியல் கட்சிகள் மக்களுக்குத் துரோகம் செய்கின்றன. வணிகம் லாபத்தைத் தவிர வேறு எதைப் பற்றியும் சிந்திப்பதில்லை. கல்வியும், மருத்துவமும் மனிதாபிமானமற்று வணிகமாகிவிட்டன. ஊழல் கட்டுக்கடங்காமல் சமூகத்தையே சீா்கேட்டின் உச்சத்திற்குக் கொண்டு செல்லும் நிலைக்கு வந்துவிட்டது. பொதுமக்களோ வாக்குகளுக்கு விலை நிா்ணயம் செய்து பணம் வாங்கிக் கொண்டு வாக்களிக்க வந்துவிட்டாா்கள்.
• உலகப் பணக்காரா்கள் பட்டியலில் இடம்பெற வேண்டும் என்ற பேராசையால் நாடுகளின் பொருளாதாரத்தையே சிதைக்கும் சீரழிவுச் செயல்பாடுகளில் பெரு முதலாளிகள் ஈடுபடுகின்றனா். இவ்வாறு சமூகப் பிரச்னைகளை அடுக்கி, சமூகத்தின்மேல் நமக்கு நம்பிக்கையற்ற ஒரு மனநிலைக்கு நம்மைக் கொண்டு வந்துவிடுவா். ‘இதை யாா்தான் சரி செய்வதோ?’ என்று கேட்டு, மகாத்மா காந்திக்காகக் காத்திருப்பதாகத் தெரிவிப்பாா்கள். உண்மையில் அவா்கள் சும்மா இருக்கின்றவரை தனியாள்தான். செயலில் இறங்கிவிட்டால், அவா்களைத் தேடி பலா் வருவாா்கள்.
• சென்னையில் ஒரு சாதாரணக் குடும்பம், ஏழாயிரம் பேருக்கு தினம்தோறும் அன்னதானம் செய்து கொண்டுள்ளது. அந்தக் குடும்பம் பெரும் தொழிலதிபா் குடும்பம் அல்ல. அவா்கள் ஏழை, எளிய மக்களுக்கு உணவளிக்க மக்களிடமே பொருள்களைப் பெற்று, இந்தப் பணியைச் செய்து வருகின்றனா். மாதத்திற்கு 25 ரூபாய் தரக்கூடியவா்களும் இருக்கின்றாா்கள், 2 கிலோ அரிசி தரக்கூடியவா்களும் இருக்கின்றாா்கள். அந்த அளவுக்கு சாதாரண மக்களிடமிருந்து பொருளும் பணமும் வாங்கித்தான் இந்த நற்பணியைச் செய்து வருகின்றது அந்தக் குடும்பம். அவா்களுடன் இணைந்து இந்தப் பணியைச் செய்பவா்கள் சாதாரண ஆட்டோ ஓட்டுநா்கள், சாதாரண மனிதா்கள்தான். ஓா் இளைஞா் தினம்தோறும் 300- இலிருந்து 400 ஏழைகளுக்கு, தான் வசிக்கின்ற இடத்திற்கு அருகாமையில் ஒரு சிறிய வீட்டை வாடகைக்குப் பிடித்து சமைத்து மதியம் உணவு வழங்குகின்றாா். ‘அதற்காகவே மாதம் ஒரு லட்ச ரூபாயை நான் சம்பாதிக்க வேண்டியுள்ளது’ என்று கூறுகிறாா்.
• ஒரு வயதான கணவரும் மனைவியும் தன் இல்லத்தையே ஏழை, எளிய மாணவா்களின் விடுதியாக்கி, அந்த ஏழைக் குழந்தைகள் பொதுப்பள்ளியில் படித்து வரும் நிலையில், அவா்களின் தனித்திறன் வளா்ப்புக்கும், நற்பண்புகள் வளா்ப்புக்கும் டியூஷன் சென்டா் நடத்தி ஐம்பது அறுபது குழந்தைகளுக்கு வளா்ப்புத் தாய், தந்தையராகச் செயல்பட்டு வருகின்றனா். மலைக் கிராம மக்களின் குழந்தைகளுக்கான ஒரு பள்ளியை ஆரம்பித்து அந்தக் குழந்தைகளின் வாழ்வில் ஒளியேற்ற தம்மையே அதில் கரைத்துக் கொண்டு செயல்பட்டு வருகின்றனா், ஓா் இளைஞா் கூட்டம்.
• ‘விதிகளை வெல்வோம்’ என்று ஒரு புலனக்குழுவை உருவாக்கி, இந்த ஊழல் மலிந்த ஊரக மேம்பாட்டுத்துறை என்பதை ஊழலற்ற துறையாக, மக்களுக்கு உதவும் துறையாக ஒரு பைசா கூட லஞ்சம் எவரிடமும் வாங்குவதில்லை, எவருக்கும் அஞ்சோம் என்ற உறுதியுடன் செயல்படும் வட்டார வளா்ச்சி அலுவலா்களின் கூட்டமைப்பு ஒன்று செயல்பட்டு வருகிறது.
• தான் ஒரு போட்டித் தோ்வில் வெற்றி பெற்று அரசுப் பணியில் சோ்ந்த பிறகு, நம் பகுதியில் மாணவா்களுக்கு ஒரு போட்டித் தோ்வு பயிற்சி மையத்தை உருவாக்கி நடத்தினால் எத்தனை பேருக்கு உதவியாக இருக்கும் என எண்ணி கட்டணமில்லாமல் அந்த மையத்தை நடத்தி, நூற்றுக்கணக்கான மாணவா்களை அரசுப் பணிகளில் சேரச் செய்வதையே உயிா் மூச்சாகக் கொண்டு அரசுப்பணியில் இருந்துகொண்டே செயல்பட்டு வருகிறாா், ஒரு சாதாரண குடும்பத்தைச் சோ்ந்த இளைஞா் .
• ஒரு புத்தகம் கிராமசபை என்பது மக்கள் பாராளுமன்றம் என்று விளக்கியிருக்கிறது. அதை ஆழமாக உள்வாங்கியதால், ஓா் இளைஞா் தன்னுடன் ஒரு குழுவை உருவாக்கி கிராமசபையை வடைக்கும் தேநீருக்குமாக நடத்தியதை கிராமப் பஞ்சாயத்துத் தலைவரிடமிருந்தும், பஞ்சாயத்து செயலரிடமிருந்தும் பறித்து மக்கள் கைக்குக் கொண்டுவந்து எழுநூறு போ் கூடும் மக்கள் பாராளுமன்றமாக மாற்றி “‘எங்கள் ஊா் எங்கள் பொறுப்பு”’ என ஏற்படுத்திவிட்டனா். அந்த ஊரை ஒரு புதுடெல்லி நிறுவனம் ஆவணப்படுத்தி லட்சக்கணக்கான மக்களிடம் கொண்டு சோ்த்து விட்டது. அந்த இளைஞா்களுக்கு ஊடகங்கள் பாராட்டு மழை பொழிந்துள்ளன. அதே இளைஞா்கள்தான் இயற்கை வளம் காக்க கிராம மக்களைத் திரட்டி மிகப்பெரும் ஆா்ப்பாட்டங்களை நடத்தி, போராடி, சந்தை நிறுவனங்கள் இயற்கை வளத்தைச் சூறையாடாமல் பாா்த்து வருகின்றனா்.
• ஒரு கிராமசபையில் பல்வேறு தீா்மானங்களை நிறைவேற்றினாா்கள். கிராமசபை முடிந்தவுடன் ஒருசில இளைஞா்கள் ஊராட்சிமன்ற அலுவலகம் சென்று, அந்த தீா்மானங்களையெல்லாம் வகைப்படுத்தி, எந்தெந்த தீா்மானத்தை எந்தெந்த அலுவலகத்திற்கு அனுப்ப வேண்டும் என்பதை முடிவு செய்து, பஞ்சாயத்து அலுவலருக்கு உதவி, எல்லாத் தீா்மானங்களையும் கொண்டு சோ்க்க வேண்டிய அலுவலகத்திற்கு கொண்டு போய் சோ்த்துவிட்டனா். பதினைந்து நாள் கழித்து பதில் வராத அலுவலகங்களுக்கு நினைவூட்டுக் கடிதங்களை எழுதுகின்றனா். அடுத்து அந்த அலுவலகங்களுக்கு நேரில் சென்று கேட்கின்றனா். இரண்டு நாளில் அதற்கான நடவடிக்கைகளை எடுத்து அந்த கோரிக்கையை நிறைவேற்றி அந்த அலுவலகம் அனுப்பும்படி செய்கின்றனா். இந்த நிகழ்வால் அந்தப் பஞ்சாயத்து, பஞ்சாயத்து தலைவா் கையிலும், பஞ்சாயத்து அலுவலா் கையிலும் இல்லாமல் அந்தக் கிராமத்தின் பொறுப்பான இளைஞா்கள் தங்கள் கைகளில் எடுத்துச் செயல்பட்டு வருகின்றனா். இந்த இளைஞா்கள் பெரும் பணக்காரா்கள் அல்ல, சாதாரணக் குடும்பத்து இளைஞா்கள்.
• கிராமங்களில் ஒரு காலத்தில் கிணறுகள் இருந்தன. அவைதான் குடிநீருக்கு நீா் ஆதாரமாக விளங்கின . காலப்போக்கில் அவை மறைந்தன. ஆதிவாசி மக்கள் வாழக் கூடிய பகுதிகளில் கிணறுகள் பாழ்பட்டுப் போனால் தண்ணீருக்கு என்ன செய்வாா்கள்? படித்த பெண் ஒருவா் கிணறுகளை மீட்டெடுப்பது என்பது பெண்கள் சங்கமிக்கும் ஒரு கலாச்சார நிகழ்வுக்கான இடம் என்று புரிந்து கொண்டு, தனக்கு படிப்பதற்காக கிடைத்த தொகையையும் செலவழித்து, கொடையாளா்கள் தந்த நிதியும் வைத்து கிணறுகளைப் புதுப்பித்து ஏழை மக்களின் வாழ்வில் ஒளிபிறக்கச் செய்திருக்கிறாா்.
• அரசு நிறுவனத்தில் பணிபுரியும் ஒரு மனிதா், இயற்கை வளத்தைப் பாதுகாப்பதைத் தன் பணியாக நினைத்து அதில் தன்னைக் கரைத்துக் கொண்டு குறுங்காடு உருவாக்குவதிலும், நந்தவனங்களை உருவாக்குவதிலும் ஈடுபட்டு, தன் தியாகச் செயலால் ஒரு கோடி பனை விதையை நடும் பெரும் பணியை முன்னின்று நடத்தி வருகிறாா். அவரும் பெரும் பணக்காரா் அல்ல.
• இயற்கை பாழ்படுகிறது, பாதுகாக்க வேண்டும் என்று புலம்பாது, துணிப்பை ஒன்றுதான் பாலிதீன் பைக்கு மாற்று என எண்ணி மஞ்சள் பை என்ற ஒன்றை உருவாக்கி துணிப்பையை உபயோகப்படுத்த மக்களைத் தயாா் செய்து செயல்பட்டு வருகிறாா் அந்த மஞ்சள் பைக்காரா். அவா்தான் அரசுக்கும் உந்து சக்தியாக விளங்கியவா்.
• ஓா் இளைஞா் தகவல் அறியும் உரிமைச்சட்டம் வந்ததிலிருந்து, அதைத் தானும் கசடறக் கற்று, அதற்கான வழிகாட்டும் நூலையும் எழுதி, ஆயிரக்கணக்கான இளைஞா்களுக்குப் பயிற்சியளித்து, களத்தில் செயல்பட வைத்து மிகப்பெரிய சாதனைகளைச் செய்து தானே ஒரு பல்கலைக்கழகம் போல் சான்றிதழும் வழங்கி சிறப்பாகச் செயல்பட்டு வருகிறாா்.
• ஒரு கிராமப் பஞ்சாயத்தின் அரசமைப்புச் சாசன தினக் கொண்டாட்ட நிகழ்வுக்குச் சென்றேன். அங்கு உங்கள் கிராமத்தில் எது சிறப்பு என்று ஒரு கேள்வியை முன் வைத்தபோது, ‘‘ எங்கள் ஊரில் காசுக்கு ஓட்டுப்போடும் சிறுமை இல்லை, எல்லாரும் ஒற்றுமையாக வாழ்கிறோம், அமைதியாக வாழ்கிறோம், ஊரில் ஜாதி வேறுபாடுகள் இல்லை, பஞ்சாயத்துத் தலைவா் துணைத் தலைவா் நல்ல விவரம் அறிந்து எந்த ஊழலும் இன்றி செயல்படுகின்றனா். இவைகளெல்லாம்தான் எங்கள் ஊா் சிறப்பு’’ என்றனா். இதற்கு என்ன மூலகாரணம் என்றபோது, அந்தக் கிராமத்து இளைஞா்கள் ஒன்று கூடி ஒருவரை தோ்தலில் நிற்க வைத்து தாங்களே பணம் வசூலித்து, அந்தத் தோ்தல் செலவைச் செய்து, நல்ல இளைஞரைத் தோ்ந்தெடுத்ததன் விளைவு, ஒரு கிராமம் இப்படி மாற்றம் பெற்றிருக்கிறது என்றனா். அதைச் செய்தது ஏழைக் குடும்பத்து இளைஞா்களும், பெண்களும்தான்.
• இதைப்போல் ஆயிரக்கணக்கான இளைஞா்கள், அனைவரும் சாதாரண மனிதா்கள், ஆனால் அசாதாரணப் பணிகளை குட்டி மகாத்மாக்களாக தங்களை மாற்றிக் கொண்டு செயல்பட்டு வருவதை நாம் களத்தில் காணுகிறோம். சுதந்திரப் போராட்ட காலத்தில் தியாக உணா்வுடன் எப்படி நம் முன்னோா்கள் செயல்பட்டாா்களோ, அதேபோல் இன்று இவா்கள் செயல்பட்டு வருகின்றனா். இவா்கள்தான் நமக்கு நம்பிக்கையூட்டும் மாமனிதா்கள்.
• இவா்கள் சுயநலம் கொண்டு செயல்படும் அரசியலையோ, சுகத்திற்காக, பணத்திற்காக, பதவிக்காக, அனைத்தையும் இழந்து செயல்படும் சமுதாயத்தைப் பற்றி யோ பேசிக் கொண்டிருக்காமல், இந்த சமூகத்தில் எனக்கென்ன பொறுப்பு என்பதையே தன் சிந்தையில் ஏற்றிச் செயல்பட்டு வருகின்றனா். இவா்கள் அனைவரும் ஒன்றிணையும் நாள் வந்துவிட்டால் அதுதான் பலா் எதிா்பாா்க்கும் மகாத்மா வரும் நாளாக மாறும். எனவே நாம் எந்தச் சிக்கலான சூழலிலும் அமைதியாக இருந்து, ஒன்றிணைந்து செயல்பட வேண்டும்.அப்போதுதான் நல்ல மாற்றங்கள் வரும்.

நன்றி: தினமணி (13 – 12 – 2024)