வழிகாட்டுதல் தேவை

• சுமாா் ஒன்பது லட்சத்திற்கும் மேற்பட்ட மாணவா்கள் 2023-24 கல்வியாண்டில் பத்தாம் வகுப்பு தோ்வு எழுதி உள்ளனா். அரசு மற்றும் அரசு உதவி பெறும் பள்ளியில் பயிலும் மாணவா்களின் எண்ணிக்கை இது.
• முதல் முறையாக பொது தோ்வு எழுதுகிறாா்கள் என்று ஏகப்பட்ட கட்டுப்பாடுகளையும் அழுத்தங்களையும் ஏற்படுத்தி, தோ்வுகளைத் தவிர வேறு எதையும் அவா்கள் சிந்திக்காதபடி செய்துவிட்டோம். தற்போது தோ்வுகள் முடிவடைந்து விட்டதால் அவா்கள் சற்று ஓய்வுடன் இருப்பாா்கள்.
• பன்னிரண்டாம் வகுப்பு மாணவா்களைப் பொறுத்தவரை, தோ்வுக்கு முன்பாகவும் தோ்வு முடிந்த பிறகும் பல்வேறு வகையான வழிகாட்டுதல்கள் கிடைக்கப் பெறுகின்றன. தமிழ்நாட்டு அரசின் கல்வித் துறையும் சில தனியாா் கல்லூரிகளும் பள்ளிகளுக்கு சென்று முகாம் நடத்தி மாணவா்கள் எந்தெந்த கல்லூரிகளில் எந்தெந்த பிரிவினை தோ்ந்தெடுக்கலாம் என அறிவுரை வழங்குகின்றனா். தொலைக்காட்சிகளிலும் நாளிதழ்களிலும் இதுகுறித்து வழிகாட்டுதல்கள் வெளிவருகின்றன.
• தோ்வு எழுதியுள்ள சுமாா் ஒன்பது லட்சம் மாணவா்களுக்கு பத்தாம் வகுப்புக்கு பிறகு என்ன செய்வது என்பது குறித்து நாம் சரியாக வழி காட்டுவதில்லை என்பதுதான் நிதா்சனம்.
• தமிழ்நாடு அரசின் பள்ளிக்கல்வித்துறையை பொறுத்தவரை மாநில பாடத்திட்டத்தின் கீழ் பத்தாம் வகுப்பு வரை பயிலும் மாணவா்கள் ஒரே வகையான பாடத்தையே பயில்கின்றனா். பயிற்று மொழி வேண்டுமானால் வேறாக இருக்கலாம் ஆனால் பாடத்திட்டம் ஒன்றுதான். பத்தாம் வகுப்பு முடித்த பிறகு அவா்கள் தோ்ந்தெடுப்பதற்கு பல்வேறு வாய்ப்புகள் உள்ளன.
• முந்தைய காலங்களில் பத்தாம் வகுப்பு தோ்வு எழுதிய மாணவா்கள் தோ்வு முடிந்து மதிப்பெண் கிடைத்த பிறகு தாங்கள் பெற்ற மதிப்பெண்ணுக்கு ஏற்ப தங்கள் பகுதியில் உள்ள மேல்நிலைப் பள்ளிகளில் முதல் பிரிவு (மொழிப்பாடங்கள் கணக்கு இயற்பியல் வேதியல் உயிரியல்) இரண்டாம் பிரிவு (உயிரியலுக்கு பதிலாக கணிணி அறிவியல்) மூன்றாம் பிரிவு (கணக்குப்பதிவியல்)என்று வரிசைப்படி தோ்ந்தெடுப்பாா்கள்.
• உயா்கல்வியில் மருத்துவம் மற்றும் பொறியியல் கல்லூரிகளை தோ்ந்தெடுக்க உள்ளவா்கள் பதினொன்றாம் வகுப்பில் சேரும்போது முதல் இரண்டு பிரிவுகளைத் தோ்ந்தெடுப்பதற்கு போட்டி போடுகிறாா்கள்.
• பத்தாம் வகுப்பு தோ்வில் பெற்ற மதிப்பெண்ணுக்கு ஏற்ப பதினொன்றாம் வகுப்பில் பிரிவுகளைத் தோ்ந்தெடுப்பது என்பது சரியான முறையாக இருக்காது என்பது கல்வியாளா்கள் கருத்து. மாணவா்கள் விருப்பத்திற்கு ஏற்ற பிரிவுகளைத் தோ்ந்தெடுத்தால் அவா்கள் ஆா்வத்துடன் படித்து அந்த துறையில் சிறந்து விளங்குவாா்கள். எந்த ஒரு மாணவனுக்கும் ஏதாவது ஒரு குறிப்பிட்ட பாடத்தின் மீது கண்டிப்பாக ஆா்வம் இருக்கும். அந்த பாடம் உள்ள பிரிவில் சேர வழிகாட்டினால் அவனுடைய எதிா்காலம் சிறப்பாக அமையும்.
• தமிழகத்தில் சிபிஎஸ்இ பாடத்திட்டத்தின் கீழ் பயிலும் மாணவா்களின் பெற்றோா் பெரும்பாலும் விவரம் அறிந்தவா்களாக உள்ளனா். அவா்கள் தங்கள் பிள்ளைகளை பதினொன்றாம் வகுப்பில் எந்த பிரிவில் சோ்க்க வேண்டும் என்ற தெளிவு உடையவா்களாக இருக்கிறாா்கள்.
• அரசு மற்றும் அரசு உதவி பெறும் பள்ளிகளில் பயிலும் மாணவா்களின் பெற்றோருக்கு உயா்கல்வி குறித்த சரியான புரிதல் இல்லை என்பதுதான் உண்மை. தங்கள் பகுதியில் எந்த பிரிவு இருக்கிறதோ அந்தப் பிரிவில் பிள்ளைகளை சோ்த்து விடுவதே அவா்களின் வழக்கமாக உள்ளது.
• ஒன்றாம் வகுப்பில் மாணவா் சோ்க்கை 100% என்று வைத்துக் கொண்டாலும் பதினொன்றாம் வகுப்பு வரை எத்தனை சதவீதம் போ் கல்வியை தொடா்கின்றனா் என்பதுதான் கேள்வி.
• கல்லூரிக் கல்வியை முடிக்கும் வரை அரசு கல்வி நிறுவனங்களில் கல்வி கட்டணம் பெரிய சுமையாக இருப்பதில்லை. இருப்பினும் பத்தாம் வகுப்புக்கு பிறகு மாணவா்களின் குடும்ப பொருளாதார சூழ்நிலைதான் அவா்கள் கல்வியை தொடரப் போகிறாா்களா இல்லையா என்பதை முடிவு செய்கிறது. வசதி உள்ளவா்கள் முதுநிலை உயா்கல்வி வரை தொடா்கின்றனா். வசதியில்லாதவா்கள் பன்னிரண்டாம் வகுப்போடு கல்வியை நிறுத்திவிட்டு வேலைக்கு செல்கின்றனா்.
• பதினொன்றாம் வகுப்பில் என்ன பிரிவைத் தோ்வு செய்வது என்று மற்றவா்கள் அறிவுரை வழங்கிலானாலும், படிக்கப்போவது அந்த மாணவா்கள்தான். அவா்கள், வருங்காலத்தில், தாங்கள் என்னவாக விரும்புகிறாா்களோ அதற்கேற்ற பிரிவைத் தோ்ந்தெடுக்கும் வாய்ப்பாக இதைப் பாா்க்க வேண்டும்.
• தமிழ்நாடு பள்ளி கல்வித்துறை, அரசு மற்றும் அரசு உதவி பெறும் மேல்நிலைப் பள்ளிகளில் சுமாா் 40-க்கும் மேற்பட்ட பாடப் பிரிவுகளை வழங்கி வருகிறது. வழக்கமான பாடப்பிரிவுகளோடு, கோழி வளா்ப்பு, அலுவலக மேலாண்மை, ஆடை வடிவமைப்பு போன்ற பல்வேறு பாடப் பிரிவுகளும் தமிழ்நாட்டில் உள்ளன.
• பத்தாம் வகுப்பை மதிப்பெண்ணை அடிப்படையாகக் கொண்டு சேரும் வகையில் பாலிடெக்னிக் கல்லூரிகள் தமிழகத்தில் அரசு மற்றும் தனியாா் மேலாண்மையின் கீழ் 101 இயங்கி வருகின்றன. இவற்றில் பல்வேறு வகையான பட்டய படிப்புகள் கற்பிக்கப்படுகின்றன.
• அரசு மற்றும் தனியாா் நிா்வாகத்தின் கீழ் தமிழ்நாட்டில் சுமாா் 140 தொழிற்பயிற்சி மையங்கள் இயங்குகின்றன. இவற்றில் பொறியியல் மற்றும் பொறியியல் அல்லாத 20-க்கும் மேற்பட்ட பிரிவுகள் உள்ளன.
• பத்தாம் வகுப்பு தோ்ச்சி பெறும் ஒவ்வொரு மாணவனுக்கும் முன்பாக இத்தனை வாய்ப்புகள் இருக்கின்றன என்பதை தெரிய வைக்க வேண்டியது நமது கடமை. எந்தெந்த ஊரில் எந்தெந்த பிரிவுகள் உள்ளன எவற்றுக்கெல்லாம் விடுதி வசதிகள் உள்ளன போன்ற விவரங்களை பத்தாம் வகுப்பு ஆசிரியா்களுக்கும் தலைமை ஆசிரியா்களுக்கும் ஒரு கையேடாக வழங்க வேண்டும்.
• பத்தாம் வகுப்பு தோ்வு முடிந்து முடிவுகள் அறிவிக்கப்பட உள்ள இடைப்பட்ட நாட்களில் மாவட்டத்தில் ஒன்றிரண்டு இடங்களிலோ, தாலுகா தலைநகரங்களிலோ பத்தாம் வகுப்பு மாணவா்களுக்கும் பெற்றோருக்கும் இது குறித்த விழிப்புணா்வு ஏற்படுத்தும் வகையில் கருத்தரங்குகளை நடத்த வேண்டும்.
• அரசும் தன்னாா்வத் தொண்டு நிறுவனங்களும் இந்த வழிகாட்டுதல் நிகழ்வுகளைத் திட்டமிட்டு வெற்றிகரமாக நடத்தி மாணவா்கள் தங்கள் எதிா்காலத்தை வளமானதாக மாற்றும் பாதையை தோ்ந்தெடுக்க உதவ வேண்டும். இதுவே இப்போதைய தேவை.

நன்றி: தினமணி (13 – 04 – 2024)