இனிப்புப் பொங்கலை பசுக்களுக்கு அதிகளவில் வழங்குவது நல்லதல்ல என்றும், அதனால் மிதத் தீவிரமான அசையூண் இரைப்பை அமிலத் தேக்க நோய் (Subacute Ruminal Acidosis) ஏற்படுவதாகவும் கால்நடை மருத்துவர்கள் கூறுகின்றனர்.
பசுவின் வயிற்றில் சேரும் அதிசர்க்கரை உணவுகள் அசாதாரணமான முறையில் நொதிக்கப்பட்டு, பசுக்கள் மற்றும் பிற விலங்குகளுக்கு தீவிர உடல்நலப் பிரச்சினையை ஏற்படுத்துகின்றன.
தீவிரமான பாதிப்பு ஏற்படுகையில் இது அசையூண் இரைப்பை அமிலத் தேக்க நோய் என்று அழைக்கப்படுகிறது.
இறைச்சிக்காக வளர்க்கப்படும் மாடுகள் மற்றும் கறவை மாடுகளைப் பாதிக்கின்ற இது கால்நடைகள் மீதான ஒரு வளர்சிதை மாற்ற நோயாகும்.
அமிலத் தேக்க நோயானது பொதுவாக அதிக அளவு நொதிக்கக் கூடிய, கார்போ ஹைட்ரேட் நிறைந்த தீவனங்களை உட்கொள்வதனால் ஏற்படுகிறது.