ஜம்மு காஷ்மீர் ஒன்றியப் பிரதேசமானது நாட்டில் மிக அதிகமான உள்நோயாளிகள் பிரிவு சிகிச்சையை (Inpatient Department - IPD) பதிவு செய்துள்ளது.
மாநில வாரியாக உள்ள இந்த அறிக்கையானது புது டெல்லியில் உள்ள தேசிய சுகாதார அமைப்புகள் வள மையத்தால் வெளியிடப்பட்டுள்ளது.
இந்த அறிக்கையின் படி, ஜம்மு காஷ்மீரில் உள்ள அனைத்துப் பெண்களும் பேறுகாலத்திற்கு முந்தைய(Antenatal Care - ANC) சிகிச்சைகளைப் பெறுகின்றனர்.
மேலும், ஜம்மு காஷ்மீரில் உள்ள கிராமப் புறங்களில் வழங்கப்படும் 96 சதவீத IPD சிகிச்சையானது பொதுச் சுகாதார நிலையங்களால் வழங்கப்படுகின்றது. இது நாட்டின் சராசரியான 85 சதவீதத்தை விட மிக அதிகமாக உள்ளது.
2016 ஆம் ஆண்டில், இந்தியாவில் ஜம்மு காஷ்மீர் ஒன்றியமானது பிறக்கும்போதே எதிர்பார்க்கப்படும் ஆயுட்காலம் தவிர்த்து, அனைத்து வயதினரிடையே அதிக ஆயுட்கால எதிர்பார்ப்பு கொண்டதாக கேரளாவை விஞ்சியுள்ளது.