ஆனந்தி பென் படேல் மத்தியப் பிரதேச மாநிலத்தின் ஆளுநராக நியமனம்
January 20 , 2018 2403 days 758 0
குஜராத் முன்னாள் முதலமைச்சர் ஆனந்திபென் படேலை மத்தியப் பிரதேச மாநிலத்தின் ஆளுநராக இந்திய ஜனாதிபதி நியமித்துள்ளார்.
தற்போது குஜராத் மாநில ஆளுநர் பதவியோடு மத்தியப் பிரதேச ஆளுநராகவும் கூடுதல் பொறுப்பு வகித்து வரும் ஓம் பிரகாஷ் கோலிக்கு பதிலாக ஆனந்திபென் படேலை மத்தியப் பிரதேச மாநிலத்தின் ஆளுநராக நியமிக்கப்பட்டுள்ளார்.
கர்நாடாகாவின் தற்போதைய ஆளுநராக இருக்கும் வஜூபாய் வாலாவை தொடர்ந்து குஜராத்திலிருந்து வரும் பாரதிய ஜனதா கட்சியினைச் சார்ந்த இரண்டாம் ஆளுநர் இவராவார்.
குஜராத்தின் முதல் பெண் முதலமைச்சரான படெல் அம்மாநிலத்தில் இருந்து வரும் முதல் பெண் ஆளுநராகவும் திகழ்கிறார்.
இவர் 1994ல் ராஜ்ய சபாவுக்கு தேர்வானார். 1998ல் குஜராத்தின் கல்வி அமைச்சரானார். 2002ல் பதான் தொகுதியில் மறுமுறை தேர்வு செய்யப்பட்ட பிறகு அதே துறையை கைப்பற்றினார். படெல் 2012ல் அகமதாபாத்தில் உள்ள கட்லோடியா தொகுதிக்கு மாறினார்.