ஆயுஷ்மான் பாரத் – பிரதான் மந்திரி ஜன் ஆரோக்கிய யோஜனா ஆரோக்யஸ்ரீ
May 26 , 2021 1188 days 591 0
ஆய்ஷ்மான் பாரத் – பிரதான் மந்திரி ஜன் ஆரோக்கிய யோஜனா திட்டத்தினை உடனடியாக அமல்படுத்த வேண்டி தேசிய சுகாதார வாரியமானது தெலுங்கானா அரசுடன் ஒரு புரிந்துணர்வு ஒப்பந்தத்தை மேற்கொண்டுள்ளது.
தெலுங்கானா அரசானது ஆயுஷ்மான் பாரத் திட்டத்தினை ‘ஆரோக்யஸ்ரீ’ எனும் தனது மாநிலத் திட்டத்துடன் இணைத்துக் கொண்டுள்ளது.
அந்த இணைக்கப்பட்ட திட்டத்தின் புதிய பெயர் ஆயுஷ்மான் பாரத் பிரதான் மந்திரி ஜன் ஆரோக்ய யோஜனா ஆரோக்யஸ்ரீ என்பதாகும்.
ஆயுஷ்மான் பாரத் திட்டத்தைத் தெலுங்கானா அரசு அமல்படுத்துவதோடுச் சேர்த்து தற்போது 33 மாநிலங்கள் மற்றும் ஒன்றியப் பிரதேசங்கள் இந்த திட்டத்தை அமல்படுத்துகின்றன.
இந்தத் திட்டத்தின் கீழ் தகுதியுள்ளப் பயனாளிகளுக்கு இரண்டாம் மற்றும் மூன்றாம் நிலை மருத்துவ வசதிகளைப் பெறுவதற்காக வேண்டி ஒரு குடும்பத்திற்கு ஆண்டு ஒன்றுக்கு 5 லட்சம் ரூபாய் வரை இலவச சுகாதார நல சேவை வழங்கப்படும்.
தனது பிரத்தியேக திட்டத்தைக் கொண்டிருக்கும் காரணத்தினால் மேற்கு வங்க மாநிலமானது இத்திட்டத்தை நிறைவேற்றுவதில்லை.