PREVIOUS
✖
இந்தியாவின் முதல் அலை ஆற்றலூட்டப்பட்ட வழிகாட்டு மிதவை
November 16 , 2017
2566 days
979
0
- சென்னையில் உள்ள தேசிய கடல்சார் தொழிற்நுட்ப நிறுவனத்தால் (National Institute of Ocean Technology-NIOT) இந்தியாவின் முதல் அலை ஆற்றலூட்டப்பட்ட வழிகாட்டு மிதவை (Wave - Powered Navigational buoy) கண்டுபிடிக்கப்பட்டுள்ளது.
- சர்வதேச ஆற்றல் நிறுவனம் (International Energy Agency) மற்றும் பெருங்கடல் ஆற்றல் திட்ட அமைப்பின் (Ocean Energy Systems) நிர்வாகிகள் குழு சந்திப்பின் போது இந்த மிதவை அறிமுகப்படுத்தப்பட்டு மத்திய புவி அறிவியல் அமைச்சகத்தால் சென்னையிலுள்ள எண்ணூர் காமராஜர் துறைமுகத்தில் பயன்படுத்தப்பட்டுள்ளது.
- இது கடல்வழி பயணங்களின் போது கப்பல்கள் நங்கூரமிட சாத்தியமான பகுதிகளை குறிப்பதற்கும், பவளங்கள் அல்லது பிற அபாயங்கள் உள்ள இடத்தை குறித்திடவும் பயன்படுத்தப்படும் ஓர் நங்கூரமிடப்பட்டு நிலை நிறுத்தப்பட்ட வழிகாட்டு மிதவையாகும்.
- பிற வழக்கமான மிதவைகள் சூரிய மின் ஆற்றலை தங்கள் செயல்பாட்டிற்காகப் பயன்படுத்தும். ஆனால் இம்மிதவைகள் அலைகளினால் உண்டாகும் ஆற்றலை தன் இயக்கத்திற்காக மின்கலன்களில் (Battery) சேகரித்து வைத்து பின் பயன்படுத்தும். இதன் மூலம் இவை கப்பல்களுக்கு வழிகாட்டும்.
- துறைமுகங்களுக்கு உள்ளேயும், வெளியேயும் வரையறுக்கப்பட்ட கடல்பாதை வழி கப்பல் செல்வதற்கு வழிகாட்டிட இம்மிதவைகள் உதவும்.
- மேலும் இம்மிதவைகளால் துறைமுக அதிகாரிகளுக்குத் தேவைப்படும் தகவல்களான கடல்பரப்பில் வீசும் காற்றின் வேகம், காற்றின் திசை மற்றும் பிற அம்சங்களையும் பதிவு செய்ய இயலும்.
IEA – OES Meeting
- சர்வதேச ஆற்றல் நிறுவனம் – பெருங்கடல் ஆற்றல் அமைப்பு.
- International Energy Agency – Ocean Energy System.
- சர்வதேச ஆற்றல் நிறுவனம் – பெருங்கடல் ஆற்றல் அமைப்பின் 33-வது நிர்வாகிகள் குழுவின் சந்திப்பு அண்மையில் நடைபெற்றது.
- பெருங்கடல் ஆற்றல் அமைப்புத் தொழிற்நுட்ப கூட்டுத் திட்டமானது (Ocean Energy Systems Technology Collaboration Programme) பல்வேறு நாடுகளுக்கிடையேயான ஓர் கூட்டிணைவாகும்.
- இத்திட்டமானது சர்வதேச ஆற்றல் நிறுவனத்தால் தோற்றுவிக்கப்பட்ட கட்டமைப்பின் கீழ் செயல்படுகின்றது.
- 2017, ஏப்ரலில் இந்தியா இந்த மன்றத்தில் உறுப்பினரானது.
- இதன் மூலம் உலகம் முழுவதும் உள்ள பெருங்கடல் ஆற்றல் சார்ந்த மேம்பட்ட ஆராய்ச்சிகள் மற்றும் மேம்பாட்டு குழுவையும் , தகவல்கள் மற்றும் தொழிற்நுட்பங்களையும் இந்தியாவால் அணுகிட இயலும்.
Leave a Reply
Your Comment is awaiting moderation.