PREVIOUS
✖
இரயில்வே துறையின் நிதிநிலை அறிக்கை 2025
February 4 , 2025
23 days
89
0
- 2025-26 ஆம் நிதியாண்டிற்கான இந்திய இரயில்வே துறையின் நிதிநிலை ஒதுக்கீடு கடந்த ஆண்டு ஒதுக்கீட்டைப் போலவே 2.65 லட்சம் கோடி ரூபாயாக உள்ளது.
- இதில் அரசு தனியார் கூட்டு முதலீடுகள் உட்பட மொத்தம் 2.65 லட்சம் கோடி ரூபாய் ஒதுக்கீட்டில் இரயில்வே மூலதனம் ஆனது 2.52 லட்சம் கோடி ரூபாயாக உள்ளது.
- இந்திய இரயில்வே நிர்வாகத்தில் வாடிக்கையாளர் வசதிகளை மேம்படுத்துவதற்கான ஒதுக்கீடு ஆனது 2025-26 ஆம் நிதியாண்டில் 12,118.39 கோடியாக தொடர்ந்து குறைந்து வருகிறது.
- மேலும், 2024-25 ஆம் நிதியாண்டில் திருத்தப்பட்ட மதிப்பீட்டில் சுமார் 27,570.77 கோடி ரூபாயாக இருந்த பொதுத்துறை அலகுகள் (PSU) மற்றும் கூட்டுத் துணிகர முதலீடுகள் (JV) ஆகியவற்றில் முதலீட்டிற்கான ஒதுக்கீடு ஆனது 2025-26 ஆம் நிதியாண்டில் 22,444.33 கோடி ரூபாயாகக் குறைந்துள்ளது.
- 2025 ஆம் ஆண்டு மார்ச் மாதத்திற்குள், இந்திய இரயில்வே நிர்வாகமானது சுமார் 1.6 பில்லியன் டன் சரக்கு இரயில் திறனை மேம்படுத்தும் ஒரு முக்கியமான மைல்கல்லை எட்டும்.
- இதன் மூலம், 3.7 பில்லியன் டன் கொள்ளளவு கொண்ட சீனாவிற்கு அடுத்தபடியாக, உலகிலேயே அதிகளவு சரக்கு இரயில் கொள்ளளவு திறனைக் கொண்ட இரண்டாவது இரயில்வே நிர்வாகமாக இது மாறும்.
- 2025-26 ஆம் நிதியாண்டிற்கான நிதிநிலை ஒதுக்கீட்டில் ‘ஒரு அதிவேக விரைவு’ இரயில் திட்டத்திற்கான ஒதுக்கீடு 19,000 கோடி ரூபாயாகக் குறைக்கப்பட்டுள்ளது.
- 2025-26 ஆம் நிதியாண்டில் இரயில்வே நிர்வாகமானது அதன் வலையமைப்பினை 100% மின்மயமாக்கும் இலக்கை அடைய உள்ளது.
- 2025-26 ஆம் நிதியாண்டில் இரயில்வே நிர்வாகமானது பயணிகள் வருவாயில் முதல் முறையாக 3 லட்சம் கோடி ரூபாயை எட்டும் என்று எதிர்பார்க்கப்படுகிறது.
- இரயில்வே நிதிநிலை அறிக்கையானது முதன்முதலில் 1924 ஆம் ஆண்டில் பொது நிதி நிலை அறிக்கையிலிருந்துப் பிரிக்கப்பட்டது.
- 92 ஆண்டுகளுக்குப் பிறகு, அப்போதைய நிதியமைச்சர் அருண் ஜெட்லி அவர்கள் 2017-18 ஆம் ஆண்டிற்கான ஒருங்கிணைந்த மத்திய நிதிநிலையைத் தாக்கல் செய்தபோது இந்த நடைமுறை முடிவுக்கு வந்தது.
- இந்த இரண்டு நிதிநிலை அறிக்கைகளையும் இணைக்கும் முடிவு விவேக் தேவ்ராய் தலைமையிலான குழுவின் பரிந்துரைகளின் அடிப்படையில் மேற்கொள்ளப்பட்டது.
Leave a Reply
Your Comment is awaiting moderation.