முக்கிய தினங்கள்

உணவு வீணடித்தல் மற்றும் கழிவுகள் பற்றிய சர்வதேச விழிப்புணர்வு தினம் - செப்டம்பர் 29

October 1 , 2022 694 days 242 0

இந்த தினம் அனுசரிக்கப்படுவதால் உணவு வீணடித்தல் மற்றும் உணவுக் கழிவுகளை குறைத்தல் பற்றிய விழிப்புணர்வை ஏற்படுத்துவதில் குறிப்பிடத்தக்கப் பங்களிப்பை அளிக்கும் என்று ஐக்கிய நாடுகள் பொதுச் சபை இந்தத் தினத்தினை அங்கீகரித்து உள்ளது.
ஐக்கிய நாடுகள் சபையின் உணவு மற்றும் ஊட்டச்சத்து அமைப்பு (FAO) மற்றும் ஐக்கிய நாடுகள் சுற்றுச்சூழல் திட்ட அமைப்பு (UNEP) ஆகியவை இந்தத் தினத்தை அனுசரிப்பதற்காக ஒன்றிணைந்துள்ளன.
இந்த ஆண்டிற்கான இந்தத் தினத்தின் கருத்துரு, 'மக்கள் மற்றும் கிரகத்திற்காக உணவுகளை வீணடித்தல் மற்றும் கழிவுகளை நிறுத்துங்கள்’ என்பதாகும்.
உலகின் 14 சதவீத உணவானது அறுவடைக்கும் சில்லறை விற்பனைக்கும் இடைப் பட்ட செயல்முறைகளில் இழக்கப் படுகிறது.
சில்லறை விற்பனையிலும் நுகர்வு அளவிலும் 17 சதவீத உணவு வீணடிக்கப்படுகிறது.
இந்த உணவு வீணடித்தல் மற்றும் கழிவுகள் ஆனது மொத்த உலகளாவியப் பசுமை இல்ல வாயு வெளியேற்றத்தில் 8-10 சதவீதப் பங்கினைக் கொண்டுள்ளது.