TNPSC Thervupettagam
✖
 
23, Apr 2025
TNPSC Group I Topper Corner
தமிழ் English
தேடல்
தேசியச் செய்திகள்

உருது மொழி தொடர்பான உச்ச நீதிமன்றத்தின் கருத்து

April 20 , 2025 3 days 40 0
  • இந்தியாவின் ஒருங்கிணைந்த கலாச்சாரப் பண்பாட்டின் மிகவும் சிறந்த உதாரணம் உருது மொழி என்று உச்ச நீதிமன்றம் கூறியுள்ளது.
  • இது மகாராஷ்டிராவின் அகோலா மாவட்டத்தில் உள்ள படூர் நகராட்சி மன்றத்தில் உள்ள புதியக் கட்டிடத்தின் குறியீட்டுப் பலகையில் உருது பயன்படுத்தப்பட்டதற்கு எதிராக தாக்கல் செய்யப்பட்ட மேல்முறையீட்டு வழக்கில் இந்தக் கருத்து தெரிவிக்கப் பட்டுள்ளது.
  • மராத்தி மொழியானது, மகாராஷ்டிரா மாநிலத்தின் ஒரு அதிகாரப்பூர்வ மொழி என்று மேல்முறையீட்டாளர் தரப்பு தெரிவித்தது.
  • அதற்குப் பதிலளித்த நீதிமன்றம், இந்தி மொழியை இந்துக்களின் மொழியாகவும், உருது மொழியை முஸ்லிம்களின் மொழியாகவும் கருதுவது "யதார்த்த நிலையில் இருந்து விலகுதல்" என்று நீதிமன்றம் கூறியது.
    • ஒரு மொழியானது தகவல் தொடர்பிற்கான ஒரு கருவி மட்டுமே அன்றி அது ஒரு மதத்தை பிரதிநிதித்துவப்படுத்துவதில்லை.
    • "மொழி என்பது மதம் அல்ல. மொழி என்பது எந்த மதத்தையும் பிரதிநிதித்துவப் படுத்தாது. மொழி என்பது ஒரு சமூகத்துக்கும், ஒரு பிராந்தியத்துக்கும், மற்றும் மக்களுக்கும் உரியது; ஒரு மதத்துக்குரியது அல்ல. மொழி என்பது கலாச்சாரம். மொழி என்பது ஒரு சமூகத்தின் மற்றும் அதன் மக்களின் நாகரீக வாழ்க்கையினை மதிப்பிடுவதற்கான அளவுருவாகும்".
  • உருது மொழி என்பது, வடக்கு மற்றும் மத்திய இந்தியப் பகுதியின் சமவெளிகளின் ஒரு ஒருங்கிணைந்தக் கலாச்சாரக் கூட்டிணைவான கங்கை-ஜமுனி தஹ்சீப் அல்லது இந்துஸ்தானி தஹ்சீப்பின் மிகச் சிறந்த மாதிரியாகும்.
  • உருது மொழியானது அந்நிய மொழி அல்ல என்றும் நீதிமன்றம் கூறியது.
  • இது இந்தியாவில் உருவாகி வளர்க்கப்பட்டு, மேம்படுத்தப்பட்டு, இந்தியாவில் உள்ள கவிஞர்களின் விருப்ப மொழியாக மாறியது.
  • மராத்தி மற்றும் இந்தி ஆகியவை போன்று உருது மொழியும், இந்திய-ஆரிய மொழி ஆகும்.
  • இந்தி மற்றும் உருது ஆகியவை அடிப்படையில் ஒரே மொழி என்றும் உச்ச நீதிமன்றம் கூறியுள்ளது.
  • உருது முதன்மையாக நாஸ்டாலிக் எழுத்து வடிவிலும், இந்தி மொழி தேவநாகரி எழுத்து வடிவிலும் எழுதப்பட்டுள்ளது; ஆனால் கையெழுத்து வடிவம் எந்த ஒரு மொழியையும் உருவாக்காது.
  • மொழிகளை வேறுபடுத்துவது அவற்றின் சொற்றொடர் அமைவு, இலக்கணம் மற்றும் ஒலிப்பு வடிவமாகும்.
  • இந்தி மற்றும் உருது ஆகிய இரு மொழிகளின் இணைவு, இரு மொழிகளிலும் உள்ள மொழி நெறியாளர்களால் ஒரு தடையைச் சந்தித்தது என்பதோடு இந்தி மொழியானது  சமஸ்கிருதமாகவும், உருது பாரசீகமாகவும் மாறியது.
  • சாமானியர்களின் அன்றாட இந்தி மொழிப் பயன்பாட்டில் உருது சொற்கள் நிரம்பின.
  • ‘இந்தி’ என்ற சொல் ‘ஹிந்தவி’ பாரசீகச் சொல்லிலிருந்து வந்தது.
  • அரசியலமைப்பின் 345வது சரத்து வழங்கிய அதிகாரங்களைப் பயன்படுத்தி, உருது மொழியானது பல மாநிலங்கள் மற்றும் ஒன்றிய ஆட்சிப் பிரதேசங்களால் அவற்றின் இரண்டாவது அதிகாரப்பூர்வ மொழியாக ஏற்றுக்கொள்ளப்பட்டது.
  • ஆந்திரப் பிரதேசம், பீகார், ஜார்க்கண்ட், தெலுங்கானா, உத்திரப் பிரதேசம் மற்றும் மேற்கு வங்காளம் ஆகிய மாநிலங்கள் உருதுவை அதிகாரப்பூர்வ மொழிகளில் ஒன்றாகக் கொண்ட மாநிலங்களாகும்.
  • ஒன்றிய ஆட்சிப் பிரதேசங்களான டெல்லி மற்றும் ஜம்மு காஷ்மீர் ஆகியவையும் இந்த நடைமுறையைப் பின்பற்றுகின்றன.
  • 2011 ஆம் ஆண்டு மக்கள் தொகைக் கணக்கெடுப்பில் தாய்மொழிகளின் ஒட்டு மொத்த எண்ணிக்கை 270 ஆக உயர்ந்துள்ளது.
  • இந்த எண்ணிக்கையானது 10,000க்கும் மேற்பட்ட மொழி பேசுபவர்களைக் கொண்ட தாய்மொழிகளை மட்டும் கருத்தில் கொண்டு கணக்கில் வரப்பட்டது.
  • இந்தியாவில் தாய்மொழிகளின் ஒரு உண்மையான எண்ணிக்கை ஆயிரக்கணக்கில் இருக்கும் என்று கூறுவது மிகையாகாது.


Post Views:
40

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்