உலகப் பொருளாதார மன்றமானது சமூக இயங்குதிறன் குறியீட்டை வெளியிட்டு உள்ளது.
இந்தக் குறியீடானது உலகெங்கிலும் உள்ள மக்களின் சமூக இயங்குதிறனை அளவிடுகின்றது.
சமூக இயங்குதிறன் என்பது ஒரு நபரின் தனிப்பட்டச் சூழ்நிலைகளில் அவரது பெற்றோர்களுடன் ஒப்பிடும் போது அவருக்கு ஏற்படும் ஏற்றம் அல்லது இறக்கம் போன்ற ஒரு சூழ்நிலையாகும்.
நாடுகளின் சமூக இயங்குதிறனானது பின்வரும் 5 முக்கியப் பரிமாணங்களின் அடிப்படையில் அளவிடப்பட்டுள்ளது. அவையாவன
சுகாதாரம்,
கல்வி - தரம், அணுகல் மற்றும் சமத்துவம்,
தொழில்நுட்பம்,
பணி - ஊதியங்கள், நிபந்தனைகள் மற்றும் வாய்ப்புகள்,
பாதுகாப்பு மற்றும் நிறுவனங்கள் - உள்ளடக்கிய நிறுவனங்கள் மற்றும் சமூகப் பாதுகாப்பு.
ஒப்பீட்டுச் சமூக இயக்கம் என்பது ஒரு நபரின் வாழ்க்கையில் உள்ள சமூக - பொருளாதார பின்னணியின் விளைவை மதிப்பிடுவதாகும்.
இந்த அறிக்கையின் படி, இந்தக் குறியீட்டில் டென்மார்க் முதலிடத்தில் உள்ளது. இதற்கு அடுத்து இந்தக் குறியீட்டில் பின்லாந்து, நார்வே, சுவீடன் மற்றும் ஐஸ்லாந்து ஆகிய நாடுகள் உள்ளன.
இந்த அறிக்கையில் மொத்தமுள்ள 82 நாடுகளில் இந்தியா 76வது இடத்தில் உள்ளது.