முக்கிய தினங்கள்

தேசியத் தொழில்நுட்ப தினம் – மே 11

May 13 , 2020 1599 days 506 0

ஒவ்வொரு ஆண்டும் இத்தினமானது இந்தியாவின் சிறந்த தொழில்நுட்ப முன்னேற்றங்களை நினைவு கூர்வதற்காக அனுசரிக்கப் படுகின்றது.
இந்த ஆண்டின் கருப்பொருள், “அறிவியல் மற்றும் தொழில்நுட்பத்தின் மூலம் பொருளாதாரத்தை மேம்படுத்துவதின் மீது கவனம் செலுத்துதல்” என்பதாகும்.
1998 ஆம் ஆண்டு மே 11 ஆம் தேதியன்று, இந்தியா தனது முதலாவது வெற்றிகரமான சக்தி – 1 என்ற அணு ஆயுத ஏவுகணையை சோதனை செய்தது.
இந்த ஏவுகணையானது இராஜஸ்தானில் உள்ள இந்திய ராணுவத்தின் பொக்ரான் சோதனைத் தளத்தில் சோதனை செய்து பார்க்கப்பட்டது.
இந்தச் சோதனையானது, “சக்தி நடவடிக்கை” (பொக்ரான் II) என்று அழைக்கப் படுகின்றது.
இந்த வெற்றிகர சோதனைக்குப் பின்பு, பிரதமர் வாஜ்பாய் இந்தியாவை அணு ஆயுத நாடாக அறிவித்தார்.
இது நமது நாட்டின் முன்னாள் குடியரசுத் தலைவரான டாக்டர் ஏ.பி.ஜே அப்துல்கலாம் தலைமையில் மேற்கொள்ளப்பட்டது.
இது P5 எனப்படும் ஐநா நிரந்தர உறுப்பு நாடுகளுக்குப் பிறகு அணு ஆயுத மன்றத்தில் இணையும் 6வது நாடாக இந்தியாவை மாற்றியுள்ளது.
மேலும் இது அணு ஆயுதப் பரவல் தடை ஒப்பந்தத்தில் (NPT - Non- Proliferation of Nuclear Weapons Treaty) இணையாத முதலாவது நாடாகவும் இந்தியாவை மாற்றி உள்ளது.
இதற்கு முன்பு இந்தியாவின் முதலாவது அணு ஆயுதச் சோதனை “சிரிக்கும் புத்தர்” (பொக்ரான் - 1) என்பதாகும்.
இது 1974 ஆம் ஆண்டு மே மாதத்தில் பொக்ரானில் மேற்கொள்ளப்பட்டது.
மே 11 ஆனது பாதுகாப்பு ஆராய்ச்சி மற்றும் வளர்ச்சி அமைப்பானது திரிசூல் ஏவுகணையைச் சோதனை செய்த நாளையும் குறிக்கின்றது.
மேலும் இது “ஹன்சா – 3” என்ற முதலாவது உள்நாட்டிலேயே தயாரிக்கப்பட்ட விமானத்தின் விமானப் பயணத்தையும் குறிக்கின்றது.