✖
உலக சிட்டுக்குருவி தினம் - மார்ச் 20
March 21 , 2018
2440 days
940
0
- நகர்ப்புற சுற்றுச்சூழலில் உள்ள வீட்டுக் குருவிகள் மற்றும் பிற பொதுவான பறவைகளினைப் பற்றியும், அவற்றிற்கு உள்ள அச்சுறுத்தல்களைப் பற்றியும் மக்களிடையே விழிப்புணர்வை ஏற்படுத்துவதற்காக ஆண்டுதோறும் மார்ச்-20 ஆம் தேதி உலக சிட்டுக்குருவி தினம் (World Sparrow Day - WSD) கொண்டாடப்படுகின்றது.
- பிரான்ஸ் நாட்டினுடைய Eco-Sys ஆக்சன் பவுண்டேஷன் மற்றும் உலகம் முழுவதும் உள்ள பிற தேசிய மற்றும் சர்வதேச அமைப்புகளுடனானக் கூட்டிணைவோடு நேச்சர் ஃபார் எவர் சொசைட்டி ஆஃப் இந்தியா அமைப்பால் (Nature Forever Society of India-NFSI) தொடங்கப்பட்ட ஓர் சர்வதேசத் தொடக்கமே உலக சிட்டுக்குருவி தினமாகும்.
- குருவிகள் மற்றும் நகர்ப்புறத்தினுடைய பல்வகைத் தன்மையை பாதுகாக்க வேண்டியத் தேவையை முக்கியத்துவம் கொடுத்து அடிக்கோடிட்டுக் காட்டுவதற்கு ஓர் சர்வதேச மேடையாக இத்தினத்தைப் பயன்படுத்துவதே, உலகச் சிட்டுக்குருவிகள் தினம் கொண்டாடப்படுவதின் நோக்கமாகும்.
- 2010-ஆம் ஆண்டு உலகின் பல்வேறு பகுதிகளில் முதல் உலக சிட்டுக்குருவி தினம் கொண்டாடப்பட்டது.
- பறவைகளில் முக்கியமாக வீட்டுக்குருவிகளை பாதுகாப்பதை நோக்கமாகக் கொண்டு 2012ஆம் ஆண்டு டெல்லி மாநில அரசானது “குருவிகளின் எழுச்சி” (Rise of Sparrows) எனும் பிரச்சாரத்தைத் தொடங்கியது.
- குருவிகளின் பாதுகாப்பிற்காக முந்தைய டெல்லி அரசானது குருவிகளை “மாநிலப் பறவையாக” அறிவித்தது குறிப்பிடத்தக்கது.
Leave a Reply
Your Comment is awaiting moderation.