முக்கிய தினங்கள்

உலக யுனானி தினம் - பிப்ரவரி 11

February 14 , 2020 1749 days 921 0

ஒவ்வொரு ஆண்டும், ஹக்கீம் அஜ்மல் கானின் பிறந்த நாளான பிப்ரவரி 11 அன்று, உலக யுனானி தினம் அனுசரிக்கப் படுகின்றது.
அவர் ஒரு இந்திய யுனானி மருத்துவர் மற்றும் சமூக சீர்திருத்தவாதி ஆவார்.
இந்த நாளின் முக்கிய நோக்கமானது யுனானி மருத்துவ முறை, அதன் நோய்த் தடுப்பு முறைகள் மற்றும் நோய் தீர்க்கும் தத்துவங்கள் குறித்த விழிப்புணர்வைப் பரப்புவதாகும்.
அந்த நாளை நினைவுகூரும் வகையில் மத்திய ஆயுஷ் அமைச்சகம் ஒரு விழாவை ஏற்பாடு செய்தது. அதில் மத்தியப் பாதுகாப்பு அமைச்சர் ராஜ்நாத் சிங் கலந்து கொண்டார்.
யுனானி மருத்துவ முறையானது கிரேக்கத்தில் தோன்றியது.
இது இந்தியாவில் ஏறக்குறைய பதினொன்றாம் நூற்றாண்டில் அரேபியர்கள் மற்றும் பாரசீகர்களால் அறிமுகப் படுத்தப்பட்டது.
ஹக்கீம் அஜ்மல் கானின் தாத்தா ஹக்கீம் ஷெரீப் கான் முகலாய பேரரசர் இரண்டாம் ஷா ஆலத்திற்கு மருத்துவராக இருந்தார்.