“லான்செட் சர்வதேச சுகாதாரம்” என்ற பத்திரிக்கையில் வெளியிடப்பட்ட ஒரு புதிய ஆராய்ச்சி ஆய்வின்படி, 20 மில்லியனுக்கும் அதிகமான குழந்தைகள் குறைந்த எடையுடன் (2500 கிராம் அல்லது 5.5 பவுண்டுகள்) பிறக்கின்றன.
உலகில் எடை குறைவாகப் பிறக்கும் குழந்தைகளில் பாதிக்கும் மேல் தெற்கு ஆசியாவில் பிறக்கின்றன. இங்கு 2015 ஆம் ஆண்டில் 9.8 மில்லியன் குழந்தைகள் குறைந்த எடையுடன் பிறந்துள்ளன.
உலகில் புதிதாகப் பிறக்கும் 2.5 மில்லியன் குழந்தைகளில் 80 சதவிகிதத்திற்கும் அதிகமான குழந்தைகள் குறைந்த எடையினால் ஒவ்வொரு ஆண்டும் இறக்கின்றன.
கடந்த 10 ஆண்டுகளில் இந்தியா 834 புதிதாகப் பிறக்கும் குழந்தைகள் நல மையங்களைக் கட்டமைத்ததன் மூலம் புதிதாகப் பிறக்கும் குழந்தைகளின் நலனை மேம்படுத்த சிறப்பாக செயலாற்றுகின்றது.
காரணமும் விளைவும்
குறிப்பிட்ட காலத்திற்கு முன்பே குழந்தை பிறப்பது (கர்ப்ப காலமான 37 வாரங்களுக்கு முன்பு) அல்லது மிகச் சிறியதாகப் பிறப்பது (கருப்பையிலேயே வளர்ச்சி கட்டுப்படுத்தப் படுகின்றது) அல்லது இவை இரண்டுடன் பிறப்பது ஆகியவை குழந்தைகளின் குறைவான எடைக்குக் காரணமாகும்.
குழந்தைகள் குறைவான எடையுடன் பிறப்பதற்கான காரணங்கள் பின்வருமாறு
தாய்மார்களின் வயது (பருவப் பெண்கள் மற்றும் வயதான பெண்கள்)
நோய்த் தொற்றுகள், உடற் பருமன் மற்றும் ஊட்டச்சத்துப் பற்றாக்குறை
புகைப்பிடித்தல் மற்றும் சுற்றுச்சூழல் பாதிப்புகளுக்கு உள்ளாகுதல்
பலமுறை கருத்தரித்தல் மற்றும் மருத்துவம் சாராத அறுவைச் சிகிச்சை முறை.
குறைந்த எடையுடன் பிறக்கும் குழந்தைகள் குறைந்த வளர்ச்சி மற்றும் மோசமான வளர்ச்சி பாதிப்புகளுக்கு அதிகம் உட்படுகின்றன.