PREVIOUS
✖
காமன்வெல்த் அரசுத் தலைவர்கள் சந்திப்பு
April 26 , 2018
2309 days
814
0
- இங்கிலாந்து தலைநகர் இலண்டனில் நடைபெற்ற காமன்வெல்த் நாடுகளினுடைய அரசுத் தலைவர்கள் சந்திப்பில் (Commonwealth Heads of Government Meeting- CHOGM) இந்தியப் பிரதமரும் மற்ற காமன்வெல்த் நாடுகளின் பிற 52 அரசுத் தலைவர்களும் பங்கேற்றுள்ளனர்.
- இரண்டு ஆண்டுகளுக்கு ஒரு முறை இச்சந்திப்பு நடத்தப்படுகின்றது.
- நடப்பு பத்தாண்டுகளில் முதல் முறையாக இந்தியப் பிரதமர் ஒருவர் இச்சந்திப்பில் பங்கேற்றுள்ளார்.
- இச்சந்திப்பின் கருப்பொருள் “பொதுவான எதிர் காலத்தை நோக்கி” (Towards a common future) என்பதாகும்.
- 4 முக்கிய விவகாரங்கள் மீது இச்சந்திப்பு நடத்தப்பட்டது. அவையாவன
- தலைவர்களின் அறிக்கை (leaders' statement).
- காமன்வெல்த் நீல சாசனம் (Commonwealth Blue Charter)
- வர்த்தகம் மற்றும் முதலீட்டிற்கான நிரல்கள் (Agenda for Trade and Investment)
- தேர்தல் கண்காணிப்பிற்கான திருத்தப்பட்ட வழிகாட்டுதல்கள் (Revised Guidelines for Election Observation).
காமன்வெல்த் அமைப்பு
- சம இறையாண்மையுடைய நாடுகள் (equal sovereign states) மற்றும் 53 சுதந்திர நாடுகளின் தன்னார்வ சங்கமே (voluntary association) காமன்வெல்த் அமைப்பாகும். இந்த அமைப்பில் வளர்ந்த பொருளாதாரமுடைய மற்றும் வளரும் நாடுகளும் உள்ளன.
- காமன்வெல்த் அமைப்பில் ஆப்ரிக்க கண்டத்தைச் சேர்ந்த 19 நாடுகளும், ஆசிய கண்டத்தைச் சேர்ந்த நாடுகளும், கரிபியன் மற்றும் அமெரிக்க கண்டத்தைச் சேர்ந்த 13 நாடுகளும், ஐரோப்பா கண்டத்தைச் சேர்ந்த 3 நாடுகளும், 11 பசுபிக் பெருங்கடல் நாடுகளும் உள்ளன.
- நவீன காமன்வெல்த் அமைப்பானது 1949 ஆம் ஆண்டு ஏப்ரல் 26 ஆம் தேதி அமைக்கப்பட்டது.
- காமன்வெல்த் அமைப்பில் உறுப்பு நாடுகளின் நாட்டின் அளவு மற்றும் பொருளாதார வலிமையின் பொருட்டல்லாது அனைத்து நாடுகளும் சம அளவிலான அதிகாரத்தைக் கொண்டுள்ளன.
- காமன்வெல்த் அமைப்பில் இணைந்த கடைசி நாடு ருவாண்டா ஆகும். இது 2009 ஆம் ஆண்டு காமன்வெல்த் அமைப்பில் இணைந்தது.
Leave a Reply
Your Comment is awaiting moderation.