ஸ்டாக்ஹோம் சர்வதேச அமைதி ஆராய்ச்சி நிறுவனத்தின் (Stockholm International Peace Research Institute - SIPRI) புதிய தரவுகளின் படி, அமெரிக்கா, ரஷ்யா, பிரான்ஸ், ஜெர்மனி மற்றும் சீனா ஆகிய நாடுகள் கடந்த ஐந்து ஆண்டுகளில் அதிக அளவில் ஆயுதங்களை ஏற்றுமதி செய்துள்ளன.
இந்த அறிக்கையின் படி, உலகின் இரண்டாவது மிகப்பெரிய ஆயுத இறக்குமதியாளர் நாடாக இந்தியா உள்ளது.
2015 - 19க்கு இடைப்பட்ட காலகட்டத்தில் இந்தியச் சந்தைக்கு அதிக அளவு ஆயுதங்களை வழங்கிய நாடு ரஷ்யா என்று இந்த அறிக்கை கூறுகின்றது.
இந்தப் புதிய தரவானது மத்திய கிழக்கு நாடுகளுக்கு ஆயுதங்களின் ஏற்றுமதியானது அதிகரித்துள்ளது என்பதைக் காட்டுகின்றது. சவூதி அரேபியா உலகின் மிகப்பெரிய ஆயுத இறக்குமதியாளர் நாடாக விளங்குகின்றது.
SIPRI என்பது மோதல்கள், ஆயுதங்கள், ஆயுதக் கட்டுப்பாடு மற்றும் ஆயுதக் குறைப்பு பற்றிய ஆராய்ச்சிக்கு அர்ப்பணிக்கப்பட்டுள்ள ஒரு சுயாதீன சர்வதேச நிறுவனமாகும்.
இது 1966 ஆம் ஆண்டில் ஸ்வீடனில் நிறுவப்பட்டது.
கொள்கை வகுப்பாளர்கள், ஆராய்ச்சியாளர்கள், ஊடகங்கள் மற்றும் ஆர்வமுள்ள பொது மக்களுக்கு அரசுத் தரவுகளின் அடிப்படையில் தரவு, பகுப்பாய்வு மற்றும் பரிந்துரைகளை SIPRI வழங்குகின்றது.