PREVIOUS
✖
சர்வதேச முக்கியத்துவம் வாய்ந்த சதுப்புநிலக் காடுகள்
March 13 , 2019
2086 days
696
0
- ராம்சார் சாசனத்தின் “சர்வதேச முக்கியத்துவம் வாய்ந்த சதுப்புநிலக் காடுகள்” என்ற தகுதியை இந்திய சுந்தரவனக் காடுகள் பெற்றுள்ளது.
- இந்த சுந்தரவனக் காடுகளானது இந்தியாவின் 27-வது ராம்சார் சாசன இடமாக உருவெடுத்துள்ளது.
- சுந்தரவனக் காடுகளானது இந்தியா மற்றும் வங்காள தேசத்தில் உள்ள வங்காள விரிகுடாவில் கலக்கும் கங்கை மற்றும் பிரம்மபுத்திரா கழிமுகத்தின் சிற்றோடைகள், நீரோடைகள், நதிகளின் அமைப்புகள் மற்றும் நூற்றுக்கும் மேற்பட்ட தீவுகளைக் கொண்டுள்ளது.
- இந்திய சுந்தரவனக் காடுகளானது ஏற்கெனவே யுனெஸ்கோவின் உலகப் பாரம்பரியத் தளங்கள் பட்டியலில் உள்ளது. மேலும் இது வங்காளப் புலிகளின் இருப்பிடமாகவும் திகழ்கிறது.
- சுந்தரவனக் காடுகளின் இடத்திற்குள் சுந்தரவன புலிகள் சரணாலயம் அமைந்துள்ளது. மேலும் தேசியச் சட்டத்தின் கீழ் இதன் ஒரு பகுதி “முக்கிய புலிகள் வாழிடமாக” அறிவிக்கப்பட்டுள்ளது.
- மேலும் இது சர்வதேச முக்கியத்துவம் வாய்ந்த “புலிகள் காப்பக நிலத்தோற்றமாக” கருதப்படுகிறது.
ராம்சார் சாசனம்
- ராம்சார் சாசனம் 1971 ஆம் ஆண்டு பிப்ரவரி 2ஆம் தேதி அன்று ஏற்றுக் கொள்ளப்பட்டது.
- இது சதுப்புநிலக் காடுகள், அதன் வளங்களின் பயன்பாடுகள் மற்றும் அதன் பாதுகாப்பிற்கான சர்வதேச ஒத்துழைப்புக்காக கட்டமைப்புகளை அளிக்கக் கூடிய அரசாங்கங்களுக்கிடையேயான ஒரு ஒப்பந்தமாகும்.
- இந்த சாசனமானது 1975 ஆம் ஆண்டில் நடைமுறைக்கு வந்தது.
Leave a Reply
Your Comment is awaiting moderation.