PREVIOUS
✖
சிறு விவசாயிகள் வேளாண்-வர்த்தக கூட்டமைப்பு
December 2 , 2017
2579 days
807
0
- சிறு விவசாயிகள் வேளாண்-வர்த்தக கூட்டமைப்பின் (SFAC - Small Farmers Agri-Business Consortium) நிர்வாகிகள் குழுவின் 22-வது சந்திப்பு புதுதில்லியில் நடைபெற்றது. மத்திய வேளாண் மற்றும் விவசாயிகள் நல்வாழ்வுத் துறை அமைச்சர் ஸ்ரீராதா மோகன் சிங் இதற்கு தலைமை தாங்கினார்.
- SFAC ஆனது மத்திய வேளாண் அமைச்சகத்தின் வேளாண்மை மற்றும் ஒத்துழைப்பு துறையின் கீழ் செயல்படும் தன்னாட்சியுடைய சங்கமாகும்.
- இது இந்திய சங்கங்கள் பதிவுச் சட்டம் 1860-ன் (Societies Registration Act - 1860) கீழ் பதிவு செய்யப்பட்டு உள்ளது.
- மேலும் இது இந்திய ரிசர்வ் வங்கியின் கீழ் வங்கியல்லாத நிதிநிறுவனமாக (NBFC - Non Banking Financial Constitute) பதிவு செய்யப்பட்டுள்ளது.
- இது e-NAM (elctronic - National Agricultural Market) எனும் தேசிய வேளாண்மையின் வர்த்தக சந்தை திட்டத்தை செயல்படுத்தும் அமைப்பாகும்.
- உழவர்களுக்கு அவர்களின் உற்பத்திப் பொருட்களின் அதிகபட்ச விலை நிலையை கண்டறிய உதவுவதோடு, வேளாண் பொருட்களுக்கு நாட்டிலுள்ள அனைத்து சந்தைகளையும் ஒருங்கிணைத்து ஒற்றை தேசிய சந்தையை ஏற்படுத்தி தருவதே இத்திட்டத்தின் நோக்கமாகும்.
- செயல் மூலதனங்களின் இருப்பையும், வர்த்தக செயல்பாடுகளையும் விவசாய வேளாண் உற்பத்தி நிறுவனங்கள் அதிகரிக்க உத்திரவாத கடன் திட்டத்தை (Credit Guarantee Fund Scheme) SFAC செயல்படுத்துகிறது.
- சந்தை இணைப்புகள் மற்றும் மதிப்பு கூட்டப்பட்ட பொருட்களின் தயாரிப்புகள் போன்றவற்றிற்கு நிறுவன மூலதன உதவி திட்டம் (Venture Capital Assistance Scheme) மூலம் சிறு வேளாண் வர்த்தக நிறுவனங்களின் வளர்ச்சியை இது ஊக்குவிக்கின்றது.
Leave a Reply
Your Comment is awaiting moderation.