ஜப்பான் விண்வெளி ஆய்வு நிறுவனமானது (JAXA) அமெரிக்கா மற்றும் சீனா ஆகியவற்றிற்கு முன்பாகவே செவ்வாய்க் கிரகத்தின் மண் மாதிரிகளைப் புவிக்குக் கொண்டு வர திட்டமிட்டுள்ளது.
JAXA நிறுவனமானது போபோஸ் என்ற துணைக் கோளின் மீது 2024 ஆம் ஆண்டில் ஓர் ஆய்வுக் கலத்தினைத் தரையிறக்கத் திட்டமிட்டுள்ளது.
10 கிராம் அளவிலான மண் மாதிரியைப் பெற்று அதனை 2029 ஆம் ஆண்டில் புவிக்குக் கொண்டு வருவதே இதன் பணியாகும்.
போபோஸ் என்பது செவ்வாய்க் கிரகத்தின் துணைக்கோள் ஆகும்.
செவ்வாய்க் கிரக பொருட்களோடுச் சேர்த்து போபோஸ் மண் மாதிரிகளையும் ஆய்வு செய்வதன் மூலம் செவ்வாய்க் கிரகத்தின் உயிர்க்கோள பரிணாமம் பற்றி அறிய முடியும் என அறிவியலாளர்கள் நம்பிக்கை கொண்டுள்ளனர்.